ຄຳສັ່ງຫ້າມເດັກນ້ອຍຫຼິ້ນສື່ສັງຄົມອອນລາຍ ເຮັດໃຫ້ມີການປິດບັນຊີ 4.7 ລ້ານບັນຊີ

ຄຳສັ່ງຫ້າມເດັກນ້ອຍຫຼິ້ນສື່ສັງຄົມອອນລາຍ ເຮັດໃຫ້ມີການປິດບັນຊີ 4.7 ລ້ານບັນຊີ

10:35 20/01/2026

ຂ່າວຕ່າງປະເທດລາຍງານ ໃນທ້າຍອາທິດຜ່ານມາວ່າ: ຄະນະກຳມະການຄວາມປອດໄພທາງເອເລັກໂຕຣນິກຂອງລັດຖະບານອົສຕຣາລີ ໄດ້ລາຍງານການປິດບັນຊີສື່ສັງຄົມອອນລາຍຂອງເດັກນ້ອຍອາຍຸຕໍ່າກວ່າ 16 ປີ ຈຳນວນປະມານ 4.7 ລ້ານບັນຊີ, ຫຼັງຈາກຄຳສັ່ງຫ້າມເດັກນ້ອຍຫຼິ້ນສື່ສັງຄົມອອນລາຍສະບັບທຳອິດຂອງໂລກມີຜົນບັງຄັບໃຊ້ໃນວັນທີ 10 ທັນວາ 2025.

ທ່ານ ແອນໂທນີ ແອນບານີສ ນາຍົກລັດຖະມົນຕີອົສຕຣາລີ ກ່າວວ່າ: ການທີ່ບັນດາບໍລິສັດສື່ສັງຄົມອອນລາຍມີຄວາມພະຍາຍາມປະຕິບັດຕາມຄຳສັ່ງຫ້າມດັ່ງກ່າວນັ້ນແມ່ນເປັນຂ່າວດີ, ເຖິງແມ່ນວ່າການປ່ຽນແປງຈະບໍ່ເກີດຂຶ້ນພາຍໃນຄືນດຽວ, ແຕ່ສັນຍານເບື້ອງຕົ້ນເຫຼົ່ານີ້ສະທ້ອນໃຫ້ເຫັນເຖິງຄວາມສຳຄັນຂອງການປ່ຽນແປງ.

ທ່ານ ຈູລີ ອິນແມນ ແກຣນ ຫົວໜ້າກຳມະການຄວາມປອດໄພທາງເອເລັກໂຕຣນິກຂອງອົສຕຣາລີ ກ່າວວ່າ: ຜົນໄດ້ຮັບໃນເບື້ອງຕົ້ນແມ່ນໜ້າຊື່ນຊົມຫຼາຍ, ແຕ່ຍອມຮັບວ່າບັນຊີຜູ້ໃຊ້ງານຂອງເດັກນ້ອຍທີ່ອາຍຸຕໍ່າກວ່າຂໍ້ກຳນົດບາງສ່ວນຍັງບໍ່ທັນຖືກປິດ, ຍ້ອນວ່າເດັກນ້ອຍອາດຊອກຫາວິທີເຂົ້າເຖິງສື່ສັງຄົມອອນລາຍ. ໂດຍຄວາມສຳເລັດຂອງກົດໝາຍຄວາມປອດໄພນີ້ແມ່ນຢູ່ທີ່ການຫຼຸດຜ່ອນອັນຕະລາຍ ແລະ ການສ້າງມາດຕະຖານທາງວັດທະນະທຳຂຶ້ນມາໃໝ່.

ທັງນີ້, ລັດຖະບານອົສຕຣາລີບໍ່ໄດ້ເປີດເຜີຍວ່າແຕ່ລະແພລັດຟອມສື່ສັງຄົມອອນລາຍທີ່ຢູ່ພາຍໃຕ້ຄຳສັ່ງຫ້າມເຊັ່ນ:TikTok, X ແລະ YouTube ໄດ້ປິດບັນຊີຜູ້ໃຊ້ຂອງເດັກນ້ອຍໄດ້ຈັກບັນຊີ. ສ່ວນ Meta ລາຍງານວ່າ: ມີການປິດບັນຊີຜູ້ໃຊ້ Facebook, Instagram ແລະ Threads ຫຼາຍກວ່າ 544,000 ບັນຊີ ໃນວັນທີ 11 ທັນວາ 2025.

ບໍລິສັດສື່ສັງຄົມອອນລາຍທີ່ບໍ່ສາມາດດຳເນີນການບັງຄັບໃຊ້ຄຳສັ່ງນີ້ໄດ້ຢ່າງເໝາະສົມ ຈະຕ້ອງຖືກປັບໃໝສູງເຖິງ 49.5 ລ້ານໂດລາອົສຕຣາລີ ພາຍໃຕ້ກົດໝາຍຫຼາຍສະບັບທີ່ໄດ້ຮັບການອະນຸມັດຈາກລັດຖະສະພາອົສຕຣາລີໃນປີ 2024.

ຄໍາເຫັນ

ຂ່າວຕ່າງປະເທດ

ອັງກໍວັດ ສະຖານທີ່ທ່ອງທ່ຽວທີ່ໜ້າສົນໃຈທີ່ສຸດ ອັນດັບ 2 ຂອງອາຊີ

07/05/2026 13:18

ຂ່າວຕ່າງປະເທດລາຍງານ ວ່າ: ທ່ານ ຮວດ ຮັກ ລັດຖະມົນຕີກະຊວງທ່ອງທ່ຽວກຳປູເຈຍ ໄດ້ເປີດເຜີຍຫວ່າງບໍ່ດົນມານີ້ວ່າ: ອັງກໍວັດ ຖືກຈັດອັນດັບໃຫ້ເປັນສະຖານທີ່ທ່ອງທ່ຽວທີ່ໜ້າສົນໃຈທີ່ສຸດ ອັນດັບ 2 ຂອງອາຊີ ປະຈຳປີ 2026 ໃນການຈັດອັນດັບຂອງ TripAdvisor. ການປະກາດດັ່ງກ່າວລວມມີລາຍຊື່ 25 ສະຖານທີ່ທ່ອງທ່ຽວອັນດັບຕົ້ນໆຂອງອາຊີຈາກ TripAdvisor, ໂດຍມີສວນ Gardens by the Bay ຂອງສິງກະໂປຢູ່ໃນອັນດັບ 1 ແລະ ທັດມາຮາລ ຂອງອິນເດຍຢູ່ໃນອັນດັບທີ 3.

GDP ຂອງຮົງກົງໃນໄຕມາດທຳອິດປີນີ້ເຕີບໂຕ 5.9%

07/05/2026 13:17

ຂ່າວສານຊີອາໄອລາຍງານ ໃນວັນທີ 6 ພຶດສະພາ ຜ່ານມາວ່າ: ອົງການສະຖິຕິຂອງອົງການປົກຄອງເຂດບໍລິຫານພິເສດຮົງກົງຂອງຈີນ ໄດ້ປະກາດໂຕເລກການປະເມີນລ່ວງໜ້າສະແດງໃຫ້ເຫັນວ່າ: ໃນໄຕມາດທຳອິດປີ 2026 ລວມຍອດຜະລິດຕະພັນພາຍໃນ ຫຼື GDP ຂອງເຂດຮົງກົງເຕີບໂຕ 5.9% ເມື່ອທຽບໃສ່ໄລຍະດຽວກັນຂອງປີກາຍນີ້ ຊຶ່ງເປັນຈັງຫວະການເຕີບໂຕໃນໄຕມາດທີ່ສ້າງສະຖິຕິສູງສຸດເທື່ອໃໝ່ໃນຮອບ 5 ປີຜ່ານມາ.

ປະຊາກອນເດັກນ້ອຍຂອງຍີ່ປຸ່ນຫຼຸດລົງຢ່າງຕໍ່ເນື່ອງເປັນເວລາ 45 ປີ

07/05/2026 13:11

ຂ່າວຕ່າງປະເທດລາຍງານ ໃນວັນທີ 5 ພຶດສະພາ ຜ່ານມາວ່າ: ລັດຖະບານຍີ່ປຸ່ນໄດ້ເປີດເຜີຍຈຳນວນປະຊາກອນເດັກນ້ອຍທີ່ມີອາຍຸຕ່ຳກວ່າ 15 ປີໃນປະເທດຍີ່ປຸ່ນໄດ້ຫຼຸດລົງສູ່ລະດັບຕໍ່າສຸດແບບບໍ່ເຄີຍມີມາກ່ອນ ທີ່ປະມານ 13.29 ລ້ານຄົນ ເມື່ອນັບມາຮອດວັນທີ 1 ເມສາ 2026 ຊຶ່ງຫຼຸດລົງ 350,000 ຄົນ ຈາກປີ 2025 ແລະ ຫຼຸດລົງຕິດຕໍ່ກັນເປັນປີທີ 45, ເຖິງວ່າລັດຖະບານຍີ່ປຸ່ນຈະພະຍາຍາມແກ້ໄຂບັນຫາອັດຕາການເກີດທີ່ຫຼຸດລົງກໍຕາມ.

ຫວຽດນາມ - ອິນເດຍ ຍົກລະດັບການພົວພັນຂຶ້ນເປັນຄູ່ຮ່ວມມືຍຸດທະສາດຮອບດ້ານແບບເພີ່ມທະວີ

07/05/2026 13:10

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 6 ພຶດສະພາ ຜ່ານມາ ຢູ່ນະຄອນຫຼວງນິວເດລີ ໄດ້ດຳເນີນພິທີຕ້ອນຮັບ ທ່ານ ໂຕເລິມ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ປະທານປະເທດ ຫວຽດນາມ ທີ່ຢ້ຽມຢາມທາງລັດຖະກິດຢູ່ອິນເດຍ ຕາມຄຳເຊື້ອເຊີນຂອງ ທ່ານ ນາເຣນດາ ໂມດີ ນາຍົກລັດຖະມົນຕີ ສ ອິນເດຍ. ທ່ານນາງ ດູປາດີ ມູມູ ປະທານາທິບໍດີອິນເດຍ ແລະ ທ່ານ ນາເຣນດາ ໂມດີ ນາຍົກລັດຖະມົນຕີຮ່ວມກັນເປັນປະທານພິທີຕ້ອນຮັບ.

ສິງກະໂປ ຮ່ວມມືກັບອຸດສາຫະກຳທະນາຄານ ນຳໃຊ້ AI ຕ້ານອາຊະຍາກຳດ້ານການເງິນ

06/05/2026 14:15

ຂ່າວຕ່າງປະເທດລາຍງານ ໃນວັນທີ 4 ພຶດສະພາ ຜ່ານມາວ່າ: ອົງການການເງິນສິງກະໂປ ຫຼື ທະນາຄານກາງຂອງສິງກະໂປ ໄດ້ລາຍງານກ່ຽວກັບການຮ່ວມມືກັບອຸດສາຫະກຳທະນາຄານ, ອົງການເຕັກໂນໂລຊີແຫ່ງລັດສິງກະໂປ ແລະ ກອງກຳລັງຕຳຫຼວດ ເພື່ອເສີມຂະຫຍາຍຄວາມສາມາດໃນການກວດຫາອາຊະຍາກຳທາງການເງິນໂດຍ ໃຊ້ປັນຍາປະດິດ ແລະ ການຮຽນຮູ້ຂອງເຄື່ອງຈັກ (AI/ML).

ທະນາຄານພັດທະນາແຫ່ງຊາດຈີນ ປ່ອຍເງິນກູ້ພິເສດ 28.54 ຕື້ຢວນ

06/05/2026 14:14

ຂ່າວສານຊີອາໄອລາຍງານ ໃນວັນທີ 5 ພຶດສະພາ ຜ່ານມາວ່າ: ແຫຼ່ງຂ່າວຈາກທະນາຄານພັດທະນາແຫ່ງຊາດຈີນ ໃຫ້ຮູ້ວ່າ, ໄຕມາດທຳອິດປີນີ້ ທະນາຄານພັດທະນາແຫ່ງຊາດຈີນໄດ້ປ່ອຍເງິນກູ້ພິເສດ ເພື່ອຮັບປະກັນຄວາມໝັ້ນຄົງດ້ານການຄ້າກັບຕ່າງປະເທດ 28.54 ຕື້ຢວນ ຊຶ່ງໄດ້ສະໜັບສະໜູນວິສາຫະກິດຂະໜາດນ້ອຍ ແລະ ຂະໜາດຍ່ອຍຫຼາຍກວ່າ 6,500 ແຫ່ງ, ອັດຕາດອກເບ້ຍສະເລ່ຍຖ່ວງນ້ຳໜັກແມ່ນຕ່ຳກວ່າອັດຕາດອກເບ້ຍສະເລ່ຍຖ່ວງນ້ຳໜັກສຳລັບວິສາຫະກິດຂະໜາດນ້ອຍ ແລະ ຂະໜາດຍ່ອຍໃນໄລຍະດຽວກັນໃນທົ່ວປະເທດຈີນ ເພື່ອຊ່ວຍວິສາຫະກິດທີ່ກ່ຽວຂ້ອງຫຼຸດຜ່ອນຄວາມກົດດັນດ້ານເງິນທຶນ.

ADB ຈະສະໜັບສະໜູນ 70 ຕື້ໂດລາ ແກ່ 2 ຂໍ້ລິເລີ່ມໃໝ່ຂອງອາຊີ - ປາຊີຟິກ

06/05/2026 11:03

ຂ່າວຊີອາໄອລາຍງານວ່າ: ຫວ່າງມໍ່ໆມານີ້, ທະນາຄານພັດທະນາອາຊີ ຫຼື ADB ເປີດເຜີຍວ່າ: ເມື່ອຮອດປີ 2035, ADB ຈະໃຫ້ການສະໜັບສະໜູນ 70 ຕື້ໂດລາ ແກ່ 2 ຂໍ້ລິເລີ່ມໃໝ່ ຄື: “ຂໍ້ລິເລີ່ມຕາຂ່າຍໄຟຟ້າທົ່ວອາຊີ” ແລະ “ທາງດ່ວນດີຈີຕອນພາກພື້ນອາຊີ-ປາຊີຟິກ”.

IMF ເຕືອນ ເສດຖະກິດໂລກຈະປະເຊີນກັບຜົນສະທ້ອນທີ່ຮ້າຍແຮງກວ່າເກົ່າ

06/05/2026 10:57

ຂ່າວຕ່າງປະເທດລາຍງານໃນວັນທີ 5 ພຶດສະພາ ຜ່ານມາວ່າ: ທ່ານນາງ ຄຣິສຕາລີນາ ຈໍເຈຍວາ ຜູ້ອຳນວຍການກອງທຶນການເງິນສາກົນ (IMF) ໄດ້ເຕືອນວ່າ, ເສດຖະກິດໂລກອາດຈະປະເຊີນກັບ “ຜົນສະທ້ອນທີ່ຮ້າຍແຮງກວ່າເກົ່າ” ຖ້າຫາກສົງຄາມໃນຕາເວັນອອກກາງຍັງສືບຕໍ່ຈົນຮອດປີ 2027, ໂດຍລາຄານ້ຳມັນຈະເພີ່ມຂຶ້ນປະມານ 125 ໂດລາຕໍ່ບາເຣວ ແລະ ອັດຕາເງິນເຟີ້ຈະເພີ່ມຂຶ້ນຈົນເກີນເປົ້າໝາຍຢ່າງຫຼີກລ່ຽງບໍ່ໄດ້.

Moody’s ຈັດອັນດັບຄວາມໄວ້ວາງໃຈແຫ່ງຊາດຂອງ ຫວຽດນາມ ຢູ່ລະດັບ “ຕັ້ງໜ້າ”

06/05/2026 10:56

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 4 ພຶດສະພາ ຜ່ານມາ, ອົງການຈັດອັນດັບຄວາມໄວ້ວາງໃຈສາກົນ (Moody’s), ໄດ້ຍົກລະດັບ ຫວຽດນາມ ຈາກລະດັບ “ປົກກະຕິ” ຂຶ້ນເປັນ “ຕັ້ງໜ້າ”, ຢັ້ງຢືນການຈັດອັນດັບຄວາມໄວ້ວາງໃຈແຫ່ງຊາດຂອງ ຫວຽດນາມ ຢູ່ລະດັບ Ba2. Moody’s ຕີລາຄາຄຸນນະພາບລະບອບລະບຽບການ ແລະ ການຄຸ້ມຄອງຂອງ ຫວຽດນາມ ພວມໄດ້ຮັບການປັບປຸງຢ່າງຈະແຈ້ງຜ່ານການປະຕິຮູບລະບຽບການບໍລິຫານ, ກົດໝາຍ ແລະ ພາກລັດ ທີ່ເລີ່ມປະຕິບັດແຕ່ທ້າຍປີ 2024.

OPEC+ ຈະເພີ່ມການຜະລິດນ້ຳມັນໃນເດືອນມິຖຸນາ

05/05/2026 14:22

ຂ່າວຕ່າງປະເທດລາຍງານ ໃນວັນທີ 4 ພຶດສະພາ ຜ່ານມາວ່າ: ອົງການບັນດາປະເທດຜູ້ສົ່ງອອກນ້ຳມັນ ແລະ ພັນທະມິດ ຫຼື OPEC+ ໄດ້ຕົກລົງກັນໃນວັນ 3 ພຶດສະພາ ຜ່ານມາ ເພື່ອເພີ່ມການຜະລິດນໍ້າມັນດິບຂຶ້ນ 188,000 ບາເຣວຕໍ່ມື້ໃນເດືອນມິຖຸນາ ຊຶ່ງເປັນເດືອນທີສາມຕິດຕໍ່ກັນຂອງການເພີ່ມຂຶ້ນ, ເຖິງແມ່ນວ່າການສົ່ງອອກນໍ້າມັນຕົວຈິງຍັງປະເຊີນກັບຂໍ້ຈຳກັດຈາກຄວາມສ່ຽງໃນເສັ້ນທາງຊ່ອງແຄບຮໍມຸສ.

ເພີ່ມເຕີມ