 |
ຊຶ່ງໄດ້ຮັບຟັງການລາຍງານຈາກຄະນະຮັບຜິດຊອບການເລືອກຕັ້ງຂັ້ນເມືອງ ໃນການກະກຽມໃຫ້ແກ່ການເລືອກຕັ້ງ ເປັນຕົ້ນ: ການຈັດຕັ້ງ ແລະ ການເຄື່ອນໄຫວ ຂອງຄະນະກຳມະການເລືອກຕັ້ງຂັ້ນເມືອງ, ການແບ່ງຄວາມຮັບຜິດຊອບໃນແຕ່ລະອະນຸກຳມະການຕ່າງໆ ລວມເຖິງແຜນການຈັດຕັ້ງປະຕິບັດ ແລະ ແຜນທາງດ້ານງົບປະມານ, ການເກັບກຳສະຖິຕິຜູ້ທີ່ມີສິດປ່ອນບັດເລືອກຕັ້ງ, ຊຶ່ງໃນທົ່ວເມືອງຄູນຄໍາ ປະກອບມີ 22 ບ້ານ, ຈາກການເກັບກຳພົນລະເມືອງໃນເບື້ອງຕົ້ນ ທົ່ວເມືອງມີພົນລະເມືອງທັງໝົດ 25,123 ຄົນ, ຜູ້ທີ່ມີສິດປ່ອນບັດເລືອກຕັ້ງມີ 17,735 ຄົນ ຍິງ 8,736 ຄົນ. ໃນນີ້, ຜູ້ທີ່ສາມາດປ່ອນບັດຢູ່ໃນບ້ານຂອງຕົນ 13,034 ຄົນ ຍິງ 6,610 ຄົນ, ຜູ້ມີສິດປ່ອນບັດເລືອກຕັ້ງຢູ່ທ້ອງຖິ່ນອື່ນ 1,264 ຄົນ ແລະ ຜູ້ທີ່ໄປເຮັດວຽກຢູ່ຕ່າງປະເທດ 1,112 ຄົນ, ໄດ້ກຳນົດໜ່ວຍປ່ອນບັດເລືອກຕັ້ງໃນທົ່ວເມືອງມີ 23 ໜ່ວຍ ແລະ ໜ່ວຍປ່ອນບັດເຄື່ອນທີ່ມີ 4 ໜ່ວຍ.
 |
ກອງປະຊຸມຄັ້ງນີ້, ບັນດາຜູ້ເຂົ້າຮ່ວມໄດ້ປະກອບຄໍາເຫັນ ເພື່ອປຶກສາຫາລືແລກປ່ຽນເຖິງບັນຫາຂໍ້ສະດວກ, ຂໍ້ຫຍຸ້ງຍາກ ແລະ ແຜນການທີ່ຈະສືບຕໍ່ຈັດຕັ້ງປະຕິບັດໃນຕໍ່ໜ້າ ເພື່ອກະກຽມຄວາມພ້ອມໃນດ້ານຕ່າງໆ ຮັບປະກັນເຮັດໃຫ້ບັ້ນເລືອກຕັ້ງ ສສຊ ຊຸດທີ X ແລະ ສສຂ ຊຸດທີ V ໄດ້ຮັບການຈັດຕັ້ງປະຕິບັດໃຫ້ບັນລຸຜົນສໍາເລັດ ພ້ອມທັງຮັບປະກັນ 4 ຄາດໝາຍໃຫຍ່ຄື: ຮັບປະກັນໃຫ້ຜູ້ມີສິດເລືອກຕັ້ງໄປໃຊ້ສິດຄົບຖ້ວນ 100%, ຮັບປະກັນການໃຊ້ສິດມີຄວາມຖືກຕ້ອງ 100%, ຮັບປະກັນຄວາມສະຫງົບ ຄວາມປອດໄພ 100% ແລະ ຮັບປະກັນຄວາມໂປ່ງໃສ 100%.
(ຂ່າວ-ພາບ: ກອງຄໍາ)
ຄໍາເຫັນ