ຄະນະນໍາ-ພະນັກ ງານ ຟຟລ ບໍລິຈາກເລືອດ

ລັດວິສາຫະກິດໄຟຟ້າລາວ (ຟຟລ)ໄດ້ຈັດກິດຈະກໍາ ບໍລິຈາກເລືອດ ເນື່ອງໃນໂອກາດວັນສ້າງຕັ້ງລັດວິສາຫະກິດໄຟຟ້າລາວ ຄົບຮອບ 62 ປີ (18/12/1961-18/12/2023) ກໍຄື ບໍລິ ຈາກເລືອດ ທີ່ບໍລິສຸດ ດ້ວຍຄວາມສະໝັກໃຈ ເພື່ອປະກອບສ່ວນຊ່ວຍເຫຼືອພີ່ນ້ອງຮ່ວມຊາດ ທີ່ບາດເຈັບ ຫຼື ເຈັບປ່ວຍ ທີ່ພວມປິ່ນປົວ ຢູ່ໂຮງໝໍຕ່າງໆ ໃນນະຄອນ ຫຼວງວຽງຈັນ ແລະທົ່ວປະເທດ.
ໃນຕອນເຊົ້າວັນທີ 18 ທັນວາ 2023 ທີ່ຫ້ອງ ປະຊຸມສໍານັກງານໃຫຍ່ ລັດວິສາຫະກິດໄຟຟ້າລາວ, ນະຄອນຫຼວງວຽງຈັນ ໄດ້ມີກິດຈະກໍາບໍລິຈາກເລືອດ ໂດຍການນໍາໜ້າພາທາງ ແລະໃຫ້ບໍລິຈາກຂອງທ່ານ ຈັນທະບູນ ສຸກອາລຸນ ຜູ້ອໍານວຍການໃຫຍ່ ລັດວິສາຫະ ກິດໄຟຟ້າລາວ ພ້ອມດ້ວຍພະນັກງານຂັ້ນນໍາ - ຂັ້ນວິຊາການ ເຂົ້າຮ່ວມບໍລິຈາກເລືອດທັງໝົດ 170 ຄົນ, ແຕ່ຜົນການກວດຕົວຈິງ ສາມາດໄດ້ຮັບເລືອດ 162 ຖົງ.
ການບໍລິຈາກເລືອດ ເພື່ອວັນມູນເຊື້ອ ຟຟລ 62 ປີຄັ້ງນີ້ ເປັນກິດຈະກໍາທີ 2 ທີ່ຖັດຈາກການຍ່າງ ເພື່ອສຸຂະພາບ ແລະ ເປີດນໍາໃຊ້ລົດໄຟຟ້າເຂົ້າໃນວຽກສ້ອມແປງໄຟ ທີ່ຈັດຂຶ້ນຢ່າງເປັນທາງການໃນວັນທີ 16 ທັນວາ 2023 ທີ່ບຶງທາດຫຼວງ.