 |
ທີ່ໄດ້ເອົາໃຈໃສ່ລົງໃກ້ສິດຕິດແທດທ້ອງຖິ່ນ-ຮາກຖານ ຢູ່ແຂວງຫຼວງພະບາງ ພ້ອມທັງລາຍງານສະພາບການພັດທະນາເສດຖະກິດ-ສັງຄົມຂອງແຂວງໃຫ້ຮັບຮູ້ ໂດຍຫຍໍ້. ພາຍຫຼັງສຳເລັດການພົບປະການນຳແຂວງ ທ່ານ ລາວປາວຊົ່ງ ນະວົງໄຊ ໄດ້ສືບຕໍ່ພົບປະໂອ້ລົມຕໍ່ພະນັກງານແນວລາວສ້າງຊາດແຂວງ ຢູ່ຫ້ອງປະຊຸມແນວລາວສ້າງຊາດແຂວງ ໂດຍການຕ້ອນຮັບຂອງ ທ່ານ ສົມພອນ ສີອຸດົມພັນ ປະທານແນວລາວສ້າງຊາດແຂວງ, ພ້ອມຄະນະ, ໂອກາດນີ້ ປະທານແນວລາວສ້າງຊາດແຂວງ ໄດ້ລາຍງານສະພາບທີ່ພົ້ນເດັ່ນໃນການຈັດຕັ້ງປະຕິບັດວຽກງານແນວລາວສ້າງຊາດ ຢູ່ແຂວງຫຼວງພະບາງ ວ່າ: ໃນໄລຍະຜ່ານມາຄະນະກໍາມະການແນວລາວສ້າງຊາດແຂວງ ໄດ້ເອົາໃຈໃສ່ປະຕິບັດພາລະບົດບາດ-ໜ້າທີ່ ຂອງຕົນຢ່າງຕັ້ງໜ້າ ໂດຍສະເພາະແມ່ນການຫັນລົງຮາກຖານ ສຶກສາອົບຮົມເຕົ້າໂຮມຄວາມສາມັກຄີ ປະຊາຊົນບັນດາເຜົ່າ, ພາຍຫຼັງສໍາເລັດການດໍາເນີນກອງປະຊຸມໃຫຍ່ ຄັ້ງທີ VIII ຂອງແນວລາວສ້າງຊາດແຂວງ, ໄດ້ປັບປຸງກົງຈັກການຈັດຕັ້ງຊ່ວຍວຽກໃຫ້ມີຄວາມເຂັ້ມແຂງ, ຄົ້ນຄວ້າອອກມະຕິ ວ່າດ້ວຍການແບ່ງຄວາມຮັບຜິດຊອບໃຫ້ຄະນະກຳມະການແນວລາວສ້າງຊາດແຂວງຢ່າງຈະແຈ້ງ ແລະໄດ້ສຸມໃສ່ຫັນລົງຮາກຖານ ເຜີຍແຜ່ມະຕິກອງປະຊຸມໃຫຍ່ຄັ້ງທີ XII ຂອງສູນກາງແນວລາວສ້າງຊາດ ແລະມະຕິ VIII ຂອງແນວລາວສ້າງຊາດແຂວງ ຕິດພັນກັບການຕິດຕາມຊຸກຍູ້ຂະບວນການສ້າງຄອບຄົວ ແລະບ້ານສາມັກຄີປອງດອງ, ສາມາດປະກາດເມືອງປະຕິບັດຂະບວນການສ້າງຄອບຄົວ ແລະບ້ານມັກຄີປອງດອງ ໄດ້ 3 ເມືອງ; ພ້ອມນັ້ນ, ໄດ້ເອົາໃຈໃສ່ໃນການພັດທະນາ, ປັບປຸງພື້ນຖານໂຄງລ່າງສໍານັກງານຂອງແນວລາວສ້າງຊາດແຂວງໃຫ້ມີຄວາມສະດວກຂຶ້ນຕື່ມ. ຕອນທ້າຍ ຮອງປະປະທານສູນກາງແນວລາວສ້າງຊາດ ໄດ້ສະແດງຄວາມຊົມເຊີຍ ຕໍ່ທ່ານປະທານແນວລາວສ້າງຊາດແຂວງຫຼວງພະບາງ ພ້ອມດ້ວຍຄະນະ ທີ່ໄດ້ເອົາໃຈໃສ່ໃນການປະຕິບັດໜ້າທີ່ຂອງຕົນ ດ້ວຍຄວາມຫ້າວຫັນປະດິດສ້າງ ສາມາດຍາດໄດ້ຜົນງານຫຼາຍຢ່າງທີ່ພົ້ນເດັ່ນ; ພ້ອມທັງເນັ້ນໜັກໃຫ້ຄະນະນໍາແນວລາວສ້າງຊາດແຂວງ ຈົ່ງສືບຕໍ່ເພີ່ມທະວີຄວາມເປັນເຈົ້າການໃນການຜັນຂະຫຍາຍມະຕິກອງປະຊຸມໃຫຍ່ຄັ້ງທີ XII ຂອງສູນກາງແນວລາວສ້າງຊາດ ຕິດພັນກັບມະຕິກອງປະຊຸມຂອງທ້ອງຖິ່ນ ໃຫ້ໄດ້ຮັບການຈັດຕັ້ງປະຕິບັດຢ່າງເປັນຮູບປະທໍາຕົວຈິງ.ຂ່າວ-ພາບ: ສົມສັກ ຈອມແປງສຸກ
ຄໍາເຫັນ