ຄະນະພັກຮາກຖານຫ້ອງການການເງິນເມືອງປາກຊອ່ງສໍາເລັດກອງປະຊຸມໃຫຍ່ຄັ້ງທີII.

ເມື່ອບໍ່ດົນຜ່ານມາ,ຄະນະພັກຮາກຖານຫ້ອງການການເງິນເມືອງປາກຊ່ອງ ແຂວງຈໍາປາສັກ ໄດ້ສໍາເລັດກອງປະຊຸມໃຫຍ່ຄັ້ງທີ IIຂອງຕົນ,  ຢູ່ທີສະໂມສອນຂອງ ເມືອງ, ໂດຍມີ ສະຫາຍ ຊັບພະທີບ ໄຊຍະວົງ ຮອງເລຂາພັກເມືອງ, ມີສະຫາຍ ຄໍາຂອດ ໝື່ນຫຼວງ ກໍາມະການພັກເມືອງ  ຮອງເຈົ້າເມືອງໆປາກຊ່ອງ, ສະຫາຍບຸນກອງ ແກ້ວສີດາເພັງ ຄະນະປະຈໍາພັກເມືອງ ຫົວໜ້າຄະນະຈັດຕັ້ງເມືອງ, ສະຫາຍ ບຸນໂຮມ ແກ້ວວິໄລສັກ ຄະນະພັກພະແນກການເງິນແຂວງ ຈໍາປາສັກ, ສະຫາຍ ສີເມກ ສົມພອນນືກ ກໍາມະການພັກເມືອງ ເລຂາຄະນະພັກຮາກຖານຫ້ອງການການເງິນເມືອງແລະ ສະມາຊິກພັກສົມບູນເຂົ້າຮ່ວມ.     
ກອງປະຊຸມຄະນະພັກຮາກຖານຫ້ອງການການເງິນເມືອງປາກຊ່ອງ ຄັ້ັ້ງທີ II,ໄດ້ປະຊາມະຕິເປັນເອກະສັນຮັບຮອງເອົາບັນດາເນີື້ອໃນ ແລະ ຄາດໝາຍສຳຄັນ, ມີການຄົ້ນຄວ້າປະກອບຄຳຄິດເຫັນໃສ່ຮ່າງບົດລາຍການເມືອງ, ແຜນພັດທະນາເສດຖະກິດ-ສັງຄົມ ແລະ ບົດສຳຫຼວດການນຳພາລວມຂອງຄະນະພັກຊຸດເກົ່າ ເພື່ອສະຫຼຸບຕີລາຄາຄືນບັນດາຜົນງານ, ດ້ານດີ, ດ້ານອ່ອນ, ຂໍ້ຄົງຄ້າງ,ບົດຮຽນທີ່ຖອດຖອນໄດ້ໃນການຊີ້ນຳນຳພາ ກໍ່ຄືການປະຕິບັດມະຕິກອງປະຊຸມພັກໃນໄລຍະ 5 ປີ ທີ່ຜ່ານມາ ພ້ອມນີ້ກອງປະຊຸມຍັງໄດ້ເປັນເອກະສັນກັນຮັບຮອງເອົາທິດທາງແຜນການ 5 ປີ ນັບແຕ່ປີ 2023 ຮອດປີ 2028 ໂດຍສະເພາະທິດທາງລວມ, ຄາດໝາຍສູ້ຊົນ ແລະ ບັນດາວຽກງານຈຸດສຸມໃນແຕ່ລະດ້ານ. ຄະນະພັກຮາກຖານຫ້ອງການ ການເງິນປະກອບມີຄະນະພັກຮາກຖານ 5 ສະຫາຍຍິງ 1 ສະຫາຍ,ມີສະມາຊິກທັງໝົດ 28 ສະຫາຍ ຍິງ 11 ສະຫາຍ,ມີ 3 ໜວ່ຍພັກຂຶ້ນກັບ, ມີພະນັກງານລັດຖະກອນທັງໝົດ 28 ທ່ານຍິງ 11 ທ່ານ. ໃນໄລຍະ 5 ປີ ທີຜ່ານມາຄະນະພັກຮາກຖານ ຫ້ອງການ ການເງິນ ເມືອງຍັງໄດ້ເອົາໃຈໃສ່ ຊຸກຍູ້ສົ່ງເສີມວຽກງານວິຊາສະເພາະເປັນຢ່າງດີ ໂດຍຖືເອົາກົດໝາຍ ແລະ ນິຕິກໍາອື່ນໆທີ່ພົວພັນເຖິງການຈັດເກັບລາຍຮັບເຂົ້າງົບປະມານໃນແຕ່ລະປີທີ່ຂັ້ນເທິງກໍ່ຄືສະພາແຂວງ ພະແນກການເງິນແຂວງ ໄດ້ມອບໝາຍໃຫ້ ຊຶ່ງສາມາດປະຕິບັດໄດ້ໃນ5 ປີໄດ້ແມ່ນ 62.263.421.000 ກີບ.
ສະຫາຍ ບຸນກອງ ແກ້ວສີດາເພັງ ກໍ່ໄດ້ຜ່ານມະຕິຕົກລົງ ວ່າດ້ວຍການຍຸບການຈັດຕັ້ງຄະນະພັກຮາກຖານຫ້ອງການການເງິນເມືອງ ແລະ 3 ໜວ່ຍພັກທີ່ຂຶ້ນກັບ ສະບັບເລກທີ 357/ຄຈພມ.ປຊ ລົງວັນທີ 14 ພະຈິກ 2023 ເປັນໜວ່ຍພັກຮາກຖານຫ້ອງການ ການເງິນ ເມືອງປາກຊ່ອງເປັນໜວ່ຍພັກເອກະລາດ , ຜ່ານມະຕິຕົກລົງສ້າງຕັ້ງໜວ່ຍພັກຂຶ້ນໃໝ່ ສະບັບເລກທີ 358/ຄຈພມ.ປຊ ລົງວັນທີ 14 ພະຈິກ 2023 ແລະ ຂໍ້ຕົກລົງຍົກຍ້າຍ-ແຕ່ງຕັ້ງຫົວໜ້າຫ້ອງການ ການເງິນເມືອງ, ຫົວໜ້າຫ້ອງວ່າການເມືອງປາກຊອ່ງ ສະບັບເລກທີ່ 984, 985 ແລະ 986/ຈມປຊ.ລົງວັນທີ28 ທັນວາ 2023. ເຈົ້າເມືອງໆປາກຊ່ອງ ຕົກລົງຍົກຍ້າຍ- ແຕ່ງຕັ້ງ ທ່ານ ສີເມກ ສົມພອນນືກ ກໍາມະການພັກເມືອງ ຫົວໜ້າຫ້ອງການການເງິນເມືອງ ໄປປະຈໍາການຢູ່ຫ້ອງວ່າການເມືອງປາກຊ່ອງ,ຕົກລົງແຕ່ງຕັ້ງ ທ່ານ ສີໄສ ທອງປັດສາ ກໍາມະການພັກເມືອງ ເປັນຫົວໜ້າຫ້ອງການການເງິນເມືອງປາກຊ່ອງ ປຽ່ນແທນ ທ່ານ ສີເມກ ສົມພອນນືກ ຜູ້ເກົ່າ, ຜ່ານມະຕິຕົກລົງ ສະບັບເລກທີ 461/ຄຈພມ.ປຊ ລົງວັນທີ 27 ທັນວາ 2023. ວ່າດ້ວຍການບົ່ງຕົວແຕ່ງຕັ້ງຄະນະໜວ່ຍພັກຮາກຖານ ຫ້ອງການການເງິນເມືອງ ຄະນະປະຈໍາພັກເມືອງຕົກລົງ ບົ່ງຕົວແຕ່ງຕັ້ງ ຄະນະໜວ່ຍພັກຮາກຖານຫ້ອງການ ການເງິນເມືອງ ຕົກລົງແຕ່ງຕັ້ງ ສະຫາຍ ສີໄສ ທອງປັດສາເປັນເລຂາໜວ່ຍພັກຮາກຖານຫ້ອງການ ການເງິນ ຊຸດໃໝ່, ແຕ່ງຕັ້ງ ສະຫາຍ  ໃໝຄໍາ ບຸນທະສີນ ເປັນຮອງເລຂາ ແລະ ແຕ່ງຕັ້ງ ສະຫາຍ ຄໍາພັນ ອະນຸສິດ ເປັນກໍາມະການກວດກາໜວ່ຍພັກ. 
ປະທານກອງປະຊຸມ ກໍ່ໄດ້ເນັ້ນໜັກ ໃຫ້ຄະນະພັກຊຸດໃໝ່ ຈົ່ງໄດ້ພ້ອມກັນສືບຕໍ່ເຮັດສໍາເລັດໜ້າທີ່ການຈັດຕັ້ງພັກ-ລັດມອບໝາຍໃຫ້ເພື່ອພັດທະນາຫ້ອງການ ການເງິນ ກໍ່ຄືໜວ່ຍພັກຂອງຕົນໃຫ້ມີຄວາມໜັກແໜ້ນເຂັ້ມແຂງຕື່ມອີກ.ຂ່າວ: ຈອມເພັດ ດິດຝືກຝົນ(92248918).