 |
ສໍາລັບຄະນະທີ 2 ນໍາພາໂດຍທ່ານ ໄຊຊະນະ ໂຄດພູທອນ ເລຂາຄະນະບໍລິຫານງານພັກແຂວງຄໍາມ່ວນ, ຜູ້ສະໝັກນໍ້າເບີ 2 ພ້ອມດ້ວຍບັນດາທ່ານຜູ້ສະໜັກນໍ້າເບີ 5; ເບີ 8; ເບີ 9; ເບີ 11; ເບີ 12 ແລະ ນໍ້າເບີ 13 ໂດຍມີຕາງໜ້າຄະນະກຳມະການເລືອກຕັ້ງຂັ້ນແຂວງ ແລະ ເມືອງຮ່ວມຕິດຕາມ. ໃນໂອກາດລົງເຄື່ອນໄຫວຂອງຄະນະແມ່ນໄດ້ຮັບການຕ້ອນຮັບຢ່າງອົບອຸ່ນ ຈາກບັນດາຕາງໜ້າການຈັດຕັ້ງບ້ານຈໍານວນ 11 ບ້ານຂອງເຂດດັ່ງກ່າວ ແລະ ພໍ່ແມ່ປະຊາຊົນຜູ້ມີສິດເລືອກຕັ້ງ ເຂົ້າຮ່ວມຕ້ອນຮັບຢ່າງຫຼວງຫຼາຍ.
 |
ໃນການພົບປະບັນດາຜູ້ຮັບສະໝັກເລືອກຕັ້ງແຕ່ລະທ່ານກໍໄດ້ຜັດປ່ຽນກັນແນະນໍາຕົວ ກ່ຽວກັບປະຫວັດຄວາມເປັນມາຂອງຕົນ, ພ້ອມທັງຜົນງານການເຄື່ອນໄຫວທີ່ຜ່ານມາ. ທັງໄດ້ເຊີນຊວນໃຫ້ ປະຊາຊົນລາວບັນດາເຜົ່າຜູ້ມີສິດເລືອກຕັ້ງ ພ້ອມພາກັນອອກໄປໃຊ້ສິດປ່ອນບັດເລືອກຕັ້ງເອົາສະມາຊິກສະພາແຫ່ງຊາດ ແລະ ສະພາປະຊາຊົນແຂວງ ໃນວັນທີ 22 ກຸມພາ 2026 ໃຫ້ເປັນຂະບວນຟົດຟື້ນ, ຖືການເລືອກຕັ້ງເປັນຄືກັບປາງບຸນໃຫຍ່ຂອງຊາດ ດໍາເນີນໄປດ້ວຍບັນຍາກາດເບີກບານມ່ວນຊື່ນ, ມີປະຊາທິປະໄຕ, ຖືກຕ້ອງຕາມກົດໝາຍ ເພື່ອຮັບປະກັນໃຫ້ການເລືອກຕັ້ງ ສສຊ ຊຸດທີ X ບັນລຸຜົນສໍາເລັດຕາມລະດັບຄາດໝາຍທີ່ວາງໄວ້ ອົງຄະນະພັກທຸກຂັ້ນ ກໍຄື ພາກສ່ວນຮັບຜິດຊອບ ຕ້ອງນໍາພາ ຜູ້ມີສິດເລືອກຕັ້ງໄປປ່ອນບັດເລືອກຕັ້ງໃຫ້ຄົບຖ້ວນ 100%,ນໍາພາຜູ້ມີສິດເລືອກຕັ້ງ ໃຫ້ຮູ້ໃຊ້ສິດໃນການປ່ອນບັດເລືອກຕັ້ງ ຖືກຕ້ອງຕາມລະບຽບການເລືອກຕັ້ງ 100%,ນໍາພາວຽກງານປ້ອງກັນຊາດ-ປ້ອງກັນຄວາມສະຫງົບ ໃຫ້ມີຄວາມສະຫງົບ ແລະ ມີຄວາມປອດໄພ 100% ແລະ ນໍາພາວຽກງານປ່ອນບັດເລືອກຕັ້ງໃຫ້ຮັບປະກັນຄວາມໂປ່ງໃສ ແລະ ສຳເລັດທັນຕາມກຳນົດເວລາ 100%. ບັນຫາສໍາຄັນແມ່ນເພື່ອຢາກໃຫ້ປະຊາຊົນເລືອກເອົາຜູ້ທີ່ມີຄວາມຮູ້, ຄວາມສາມາດເຂົ້າໄປເປັນຕົວແທນຂອງຕົນໃນສະພາ.
(ຂ່າວ-ພາບ: ແດງສະຫວັດ ແສນພານິດ)
ຄໍາເຫັນ