 |
ການຈັດງານວາງສະເເດງການທ່ອງທ່ຽວສາກົນ ITE ໃນຄັ້ງນີ້ ເພື່ອເປັນການໂຄສະນາ, ສົ່ງເສີມການຕະຫຼາດທ່ອງທ່ຽວ ຢູ່ພາກພື້ນ ເເລະ ສາກົນ ເຊິ່ງຈັດໃນຮູບເເບບຈັບຄູ່ທຸລະກິດການ ທ່ອງທ່ຽວດ້ວຍກັນ(B2B), ນໍາສະເໜີຜະລິດຕະພັນການບໍລິການອຸດສາຫະກໍາການທ່ອງທ່ຽວ, ການພົບປະລະຫວ່າງ ຜູ້ ຊື້-ຜູ້ຂາຍ ມີຜູ້ເຂົ້າຮ່ວມຈາກຕ່າງປະເທດປະມານ 600 ຄົນ, ມີຜູ້ແທນລະດັບສູງຈາກພາກລັດ 50 ທ່ານ, ຜູ້ຊື້ຈາກຕ່າງປະເທດ 280 ຄົນ, ບັນດາບໍລິສັດທ່ອງທ່ຽວຫລາຍກວ່າ 500 ພາກສ່ວນ ແລະ ຜູ້ມາທ່ຽວຊົມງານວາງສະແດງການທ່ອງ ທ່ຽວສາກົນ (ITE) ຫລາຍກວ່າ 1,000 ຄົນ.
 |
ພ້ອມນີ້, ບັນດາຜູ້ປະກອບການ ບໍລິສັດທ່ອງທ່ຽວຂອງລາວ ໄດ້ຍາດໂອກາດ ເພື່ອດໍາເນີນການພົບປະໄດ້ຫຼາຍກວ່າ 300 ເທື່ອຄົນກັບຄູ່ຮ່ວມທຸລະກິດທ່ອງທ່ຽວ ເພື່ອແລກປ່ຽນຂໍ້ມູນຂ່າວສານການທ່ອງທ່ຽວ ແລະ ການຊື້-ຂາຍລາຍການທ່ອງທ່ຽວຮ່ວມກັນ ຂອງຄູ່ຮ່ວມເຈລະຈາລະຫວ່າງຜູ້ເກົ່າ ແລະ ຜູ້ໃໝ່, ເພື່ອຊຸກຍູ້ ແລະ ສົມທົບກັບຜູ້ປະກອບການທຸລະກິດການທ່ອງ ທ່ຽວລາວ ເຂົ້າຮ່ວມງານວາງສະແດງທ່ອງທ່ຽວສາກົນ ເພື່ອຂະຫຍາຍຕະຫລາດທ່ອງທ່ຽວໃໝ່; ເພື່ອສົ່ງເສີມໂຄສະນາການທ່ອງທ່ຽວລາວ ແລະ ເພີ່ມທະວີການຮ່ວມມືທາງດ້ານການທ່ອງທ່ຽວກັບບັນດາປະເທດ ລຸ່ມແມ່ນໍ້າຂອງ; ເພື່ອໂຄສະນາເຜີຍແຜ່ບັນດາທ່າແຮງ ແລະ ສິ່ງດຶງດູດນັກທ່ອງທ່ຽວທີ່ໂດດເດັ່ນຂອງ ສປປ ລາວກໍ່ຄືບັນດາແຫຼ່ງ ທ່ອງທ່ຽວທຳມະຊາດ, ປະຫວັດສາດ, ວັດທະນະທໍາ ແລະ ການທ່ອງທ່ຽວກະສິກຳຢູ່ເວທີສາກົນໃຫ້ກວ້າງຂວາງ ກວ່າເກົ່າ.
 |
ຂ່າວ-ພາບ: ກົມສົ່ງເສີມຕະຫຼາດການທ່ອງທ່ຽວ ກະຊວງ ວທ.
ຄໍາເຫັນ