ໂດຍ: ວັນເພັງ
ເຂົ້າຫຼາມ-ປີ້ງໄກ່ ເປັນອາຫານສັນຍາລັກໜຶ່ງຂອງບຸນປະເພນີລາວ ກໍຄືງານບຸນອອກພັນສາປະວໍລະນາ ແລະ ບຸນຊ່ວງເຮືອທີ່ທ່າວັດຈັນ ເມືອງຈັນທະບູລີ ງານບຸນດັ່ງກ່າວເປັນໜຶ່ງປາງບຸນໃຫຍ່ຂອງຊາດ ທີ່ຈັດຂຶ້ນໃນທຸກໆປີ, ປີນີ້ແມ່ນຈັດຂຶ້ນໃນລະຫວ່າງວັນທີ 28-30 ຕຸລານີ້, ຊຶ່ງເປັນງານບຸນທີ່ນອນໃນຮີດ 12 ຄອງ 14 ປະເພນີລາວ, ທີ່ເຄີຍສືບທອດກັນມາຮອດປັດຈຸບັນ.
ການຈັດງານບຸນອອກພັນສາ ແລະ ບຸນຊ່ວງເຮືອ ໂດຍສະເພາະຢູ່ທ່າວັດຈັດ ແມ່ນໄດ້ປະຕິບັດຄືທຸກໆປີ ມີກິດຈະກຳທາງສາສະໜາ ຄື: ຕອນແລງຂອງມື້ຂຶ້ນ 15 ຄໍ່າເດືອນ 11 ພສ 2566 ຈະມີພິທີ ລອຍກະໂທງ, ປ່ອຍໂຄມໄຟ, ໄຫຼເຮືອໄຟ ແລະ ກິດຈະກຳອື່ນໆ. ໃນນັ້ນ, ມື້ສຸດທ້າຍຂອງງານບຸນ ຄືມື້ແຮມ 1 ຄໍ່າ ເດືອນ 11 ຈະມີພິທີແຂ່ງຂັນຊ່ວງເຮືອປະເພນີ, ມີການຄົບງັນຕະຫຼອດມື້ຖືວ່າເປັນອັນສິ້ນສຸດຂອງງານບຸນ. ໃນນັ້ນ, ຍັງມີປະຊາຊົນພໍ່ຄ້າຊາວຂາຍ, ຫ້າງຮ້ານ, ບໍລິສັດນຳເອົາສິນຄ້າຕ່າງໆຂອງຕົນມາວາງສະແດງ-ຈຳໜ່າຍຂາຍ ເປັນຈຳນວນຫຼາຍ ເພື່ອໃຫ້ຜູ້ມາທ່ຽວງານບຸນໄດ້ຈັບຈ່າຍຊື້ຕິດໄມ້ຕິດມືກັບບ້ານ ຊຶ່ງເຮັດໃຫ້ມີບັນຍາກາດຄວາມຄືກຄື້ນເປັນພິເສດ ໂດຍສະເພາະງານບຸນທີ່ຂາດບໍ່ໄດ້ ມັກຈະເຫັນປະຊາຊົນຊາວຄ້າຂາຍ ນຳເອົາເຂົ້າຫຼາມ, ປີ້ງໄກ່ມາວາງຈຳໜ່າຍໃນງານບຸນ ນັບວ່າການຂາຍສິນຄ້າປະເພດດັ່ງກ່າວ ເປັນໜຶ່ງສັນຍາລັກຂອງງານບຸນປະເພນີລາວກໍວ່າໄດ້, ມີງານບຸນຕ້ອງມີເຂົ້າຫຼາມ, ປີ້ງໄກ່.
ທ່ານ ນາງ ແລັດ ແສງທິລາດ ແມ່ຄ້າຂາຍເຂົ້າຫຼາມ, ປີ້ງໄກ່ ມາຈາກ ບ້ານໂນນສະຫວ່າງ ເມືອງໂພນໂຮງ ແຂວງວຽງຈັນ ໃຫ້ສຳພາດຕໍ່ນັກຂ່າວປະຊາຊົນວ່າ: ເມື່ອຮອດຍາມບຸນອອກພັນສາ ແລະ ບຸນຊ່ວງເຮືອທ່າວັດຈັນໃນທຸກໆປີ ຈະນຳເອົາປະເພດອາຫານ: ເຂົ້າຫຼາມ, ປີ້ງໄກ່ມາວາງຂາຍໃນທຸກໆປີ, ເພາະການຂາຍສິນຄ້າດັ່ງກ່າວເປັນໜຶ່ງສັນຍາລັກປະເພນີລາວ ທີ່ວາງຂາຍໃນງານບຸນ ແລະ ຂາດບໍ່ໄດ້ມີງານບຸນຕ້ອງມີເຂົ້າຫຼາມ-ປີ້ງໄກ່, ເຖິງແມ່ນວ່າປີນີ້ ການຊື້ວັດຖຸດິບຕ່າງໆທີ່ນຳມາປຸງແຕ່ງເປັນບັ້ງເຂົ້າຫຼາມເພື່ອໃຫ້ອອກມາມີລົດຊາດຊ້ອຍ, ຄ່າເຊົ່າສະຖານທີວາງຂາຍຂ້ອນຂ້າງແພງ ແຕ່ຕ້ອງຂາຍຕາມຄວາມເໝາະສົມ ເຫັນວ່າມວນຊົນສົນໃຈເຂົ້າມາລອງຊິມ, ຈັບຈ່າຍຊື້ຕິດໄມ້ຕິດມື້ກັບບ້ານ.
ທ່ານ ນາງ ນ້ອຍ ວົງພະຈັນ ແມ່ຄ້າຂາຍເຂົ້າຫຼາມ, ປີ້ງໄກ່ ກໍໄດ້ໃຫ້ຮູ້ວ່າ: ຕົນເອງກໍນຳເຂົ້າຫຼາມ, ປີ້ງໄກ່ມາວາງຂາຍຢູ່ງານບຸນແຫ່ງນີ້ ໃນທຸກໆປີ ໂດຍວາງຂາຍຢູ່ຈຸດ 4 ແຍກບ່ອນຝາກລົດໃຫຍ່ ກົງກັນຂ້າມກັບທະນາຄານການຄ້າຕ່າງປະເທດລາວ, ສ່ວນເຂົ້າຫຼາມທີ່ນຳມາຈໍາໜ່າຍແມ່ນຊື້ວັດຖຸດິບຕ່າງໆຈາກບ່ອນອື່ນແລ້ວນຳມາປຸງແຕ່ງເອງ, ໂດຍຈັດສັນເອົາບັງໄມ້ໄຜ່ເຈ້ຍ (ບັງເຂົ້າຫຼາມ), ມີເຂົ້າໜຽວອ່ອນນຸ້ມ, ຫອມ, ນໍ້າກະທິໝາກພ້າວ, ໝາກມັນ, ໝາກພ້າວແກ່, ນໍ້າຕານ ແລະ ອື່ນໆ. ຊຶ່ງເຂົ້າຫຼາມ-ປີ້ງໄກ່ເຮັດເອງໃໝ່ສົດທຸກມື້, ສ່ວນເຂົ້າຫຼາມຂາຍລາຄາເລີ່ມຕົ້ນ ບັ້ງລະ 15.000 ກີບ ຫາ 20.000 ກີບ ມື້ໜຶ່ງສາມາດຂາຍໄດ້ 100 ບັ້ງ/ມື້, ສ່ວນປີ້ງໄກ່ຂາຍໃນລາຄາເລີ່ມຕົ້ນ 30.000 ກີບ ຫາ 120.000 ກີບ.
ປັດຈຸບັນເຂົ້າຫຼາມ-ປີ້ງໄກ່ເປັນຖືວ່າເປັນອີກໜຶ່ງສັນຍາລັກມີຂາຍໃນງານບຸນປະເພນີລາວ. ສະນັ້ນທ່ານໃດທີ່ໄປທ່ຽວງານບຸນດັ່ງກ່າວກໍສາມາດໄປຊອກຊື້ຮັບປະທານ ແລະ ຈັບຈ່າຍຊື້ຕິດໄມ້ຕິດມື້ກັບບ້ານໄດ້.
ເຂົ້າຫຼາມ-ປີ້ງໄກ່ ເປັນອາຫານສັນຍາລັກໜຶ່ງຂອງບຸນປະເພນີລາວ ກໍຄືງານບຸນອອກພັນສາປະວໍລະນາ ແລະ ບຸນຊ່ວງເຮືອທີ່ທ່າວັດຈັນ ເມືອງຈັນທະບູລີ ງານບຸນດັ່ງກ່າວເປັນໜຶ່ງປາງບຸນໃຫຍ່ຂອງຊາດ ທີ່ຈັດຂຶ້ນໃນທຸກໆປີ, ປີນີ້ແມ່ນຈັດຂຶ້ນໃນລະຫວ່າງວັນທີ 28-30 ຕຸລານີ້, ຊຶ່ງເປັນງານບຸນທີ່ນອນໃນຮີດ 12 ຄອງ 14 ປະເພນີລາວ, ທີ່ເຄີຍສືບທອດກັນມາຮອດປັດຈຸບັນ.
ການຈັດງານບຸນອອກພັນສາ ແລະ ບຸນຊ່ວງເຮືອ ໂດຍສະເພາະຢູ່ທ່າວັດຈັດ ແມ່ນໄດ້ປະຕິບັດຄືທຸກໆປີ ມີກິດຈະກຳທາງສາສະໜາ ຄື: ຕອນແລງຂອງມື້ຂຶ້ນ 15 ຄໍ່າເດືອນ 11 ພສ 2566 ຈະມີພິທີ ລອຍກະໂທງ, ປ່ອຍໂຄມໄຟ, ໄຫຼເຮືອໄຟ ແລະ ກິດຈະກຳອື່ນໆ. ໃນນັ້ນ, ມື້ສຸດທ້າຍຂອງງານບຸນ ຄືມື້ແຮມ 1 ຄໍ່າ ເດືອນ 11 ຈະມີພິທີແຂ່ງຂັນຊ່ວງເຮືອປະເພນີ, ມີການຄົບງັນຕະຫຼອດມື້ຖືວ່າເປັນອັນສິ້ນສຸດຂອງງານບຸນ. ໃນນັ້ນ, ຍັງມີປະຊາຊົນພໍ່ຄ້າຊາວຂາຍ, ຫ້າງຮ້ານ, ບໍລິສັດນຳເອົາສິນຄ້າຕ່າງໆຂອງຕົນມາວາງສະແດງ-ຈຳໜ່າຍຂາຍ ເປັນຈຳນວນຫຼາຍ ເພື່ອໃຫ້ຜູ້ມາທ່ຽວງານບຸນໄດ້ຈັບຈ່າຍຊື້ຕິດໄມ້ຕິດມືກັບບ້ານ ຊຶ່ງເຮັດໃຫ້ມີບັນຍາກາດຄວາມຄືກຄື້ນເປັນພິເສດ ໂດຍສະເພາະງານບຸນທີ່ຂາດບໍ່ໄດ້ ມັກຈະເຫັນປະຊາຊົນຊາວຄ້າຂາຍ ນຳເອົາເຂົ້າຫຼາມ, ປີ້ງໄກ່ມາວາງຈຳໜ່າຍໃນງານບຸນ ນັບວ່າການຂາຍສິນຄ້າປະເພດດັ່ງກ່າວ ເປັນໜຶ່ງສັນຍາລັກຂອງງານບຸນປະເພນີລາວກໍວ່າໄດ້, ມີງານບຸນຕ້ອງມີເຂົ້າຫຼາມ, ປີ້ງໄກ່.
ທ່ານ ນາງ ແລັດ ແສງທິລາດ ແມ່ຄ້າຂາຍເຂົ້າຫຼາມ, ປີ້ງໄກ່ ມາຈາກ ບ້ານໂນນສະຫວ່າງ ເມືອງໂພນໂຮງ ແຂວງວຽງຈັນ ໃຫ້ສຳພາດຕໍ່ນັກຂ່າວປະຊາຊົນວ່າ: ເມື່ອຮອດຍາມບຸນອອກພັນສາ ແລະ ບຸນຊ່ວງເຮືອທ່າວັດຈັນໃນທຸກໆປີ ຈະນຳເອົາປະເພດອາຫານ: ເຂົ້າຫຼາມ, ປີ້ງໄກ່ມາວາງຂາຍໃນທຸກໆປີ, ເພາະການຂາຍສິນຄ້າດັ່ງກ່າວເປັນໜຶ່ງສັນຍາລັກປະເພນີລາວ ທີ່ວາງຂາຍໃນງານບຸນ ແລະ ຂາດບໍ່ໄດ້ມີງານບຸນຕ້ອງມີເຂົ້າຫຼາມ-ປີ້ງໄກ່, ເຖິງແມ່ນວ່າປີນີ້ ການຊື້ວັດຖຸດິບຕ່າງໆທີ່ນຳມາປຸງແຕ່ງເປັນບັ້ງເຂົ້າຫຼາມເພື່ອໃຫ້ອອກມາມີລົດຊາດຊ້ອຍ, ຄ່າເຊົ່າສະຖານທີວາງຂາຍຂ້ອນຂ້າງແພງ ແຕ່ຕ້ອງຂາຍຕາມຄວາມເໝາະສົມ ເຫັນວ່າມວນຊົນສົນໃຈເຂົ້າມາລອງຊິມ, ຈັບຈ່າຍຊື້ຕິດໄມ້ຕິດມື້ກັບບ້ານ.
ທ່ານ ນາງ ນ້ອຍ ວົງພະຈັນ ແມ່ຄ້າຂາຍເຂົ້າຫຼາມ, ປີ້ງໄກ່ ກໍໄດ້ໃຫ້ຮູ້ວ່າ: ຕົນເອງກໍນຳເຂົ້າຫຼາມ, ປີ້ງໄກ່ມາວາງຂາຍຢູ່ງານບຸນແຫ່ງນີ້ ໃນທຸກໆປີ ໂດຍວາງຂາຍຢູ່ຈຸດ 4 ແຍກບ່ອນຝາກລົດໃຫຍ່ ກົງກັນຂ້າມກັບທະນາຄານການຄ້າຕ່າງປະເທດລາວ, ສ່ວນເຂົ້າຫຼາມທີ່ນຳມາຈໍາໜ່າຍແມ່ນຊື້ວັດຖຸດິບຕ່າງໆຈາກບ່ອນອື່ນແລ້ວນຳມາປຸງແຕ່ງເອງ, ໂດຍຈັດສັນເອົາບັງໄມ້ໄຜ່ເຈ້ຍ (ບັງເຂົ້າຫຼາມ), ມີເຂົ້າໜຽວອ່ອນນຸ້ມ, ຫອມ, ນໍ້າກະທິໝາກພ້າວ, ໝາກມັນ, ໝາກພ້າວແກ່, ນໍ້າຕານ ແລະ ອື່ນໆ. ຊຶ່ງເຂົ້າຫຼາມ-ປີ້ງໄກ່ເຮັດເອງໃໝ່ສົດທຸກມື້, ສ່ວນເຂົ້າຫຼາມຂາຍລາຄາເລີ່ມຕົ້ນ ບັ້ງລະ 15.000 ກີບ ຫາ 20.000 ກີບ ມື້ໜຶ່ງສາມາດຂາຍໄດ້ 100 ບັ້ງ/ມື້, ສ່ວນປີ້ງໄກ່ຂາຍໃນລາຄາເລີ່ມຕົ້ນ 30.000 ກີບ ຫາ 120.000 ກີບ.
ປັດຈຸບັນເຂົ້າຫຼາມ-ປີ້ງໄກ່ເປັນຖືວ່າເປັນອີກໜຶ່ງສັນຍາລັກມີຂາຍໃນງານບຸນປະເພນີລາວ. ສະນັ້ນທ່ານໃດທີ່ໄປທ່ຽວງານບຸນດັ່ງກ່າວກໍສາມາດໄປຊອກຊື້ຮັບປະທານ ແລະ ຈັບຈ່າຍຊື້ຕິດໄມ້ຕິດມື້ກັບບ້ານໄດ້.
ຄໍາເຫັນ