ປີ 2004-2008 ເປັນຮອງປະທານສະຫະພັນແມ່ຍິງເມືອງສີສັດຕະນາກ, 2009-2016 ເປັນປະທານສະຫະພັນແມ່ຍິງເມືອງສີສັດຕະນາກ ສອງສະໄໝ, ທັງເປັນຄະນະພັກເມືອງສີສັດຕະນາກ, 2016-2025 ຖືກເລືອກຕັ້ງໃຫ້ເປັນສະມາຊິກສະພາປະຊາຊົນ ເຂດ 1 ນະຄອນຫຼວງວຽງຈັນ (ສສ ນວ) ຊຸດທີ III ແລະ ຊຸດທີ IV, ແຮງບັນດານໃຈ ລົງສະໝັກເປັນ ສສຊ ຊຸດທີ X, ສສນວ ຊຸດທີ V ຍ້ອນຖິ່ນກໍາເນີດມາຈາກຄອບຄົວທຸກຍາກ ເຂດຫ່າງໄກສອກຫຼີກ ເຫັນໄດ້ການດໍາລົງຊີວິດທີ່ລໍາບາກຄືດັ່ງທີ່ຜ່ານມາ ຈຶ່ງມີຄວາມບຸກບືນຮໍ່າຮຽນເພື່ອໃຫ້ການຈັດຕັ້ງເຫັນຄວາມສໍາຄັນ ແລະ ຄວາມເຊື່ອໝັ້ນ ແລະ ດ້ວຍຄວາມຮູ້, ບົດຮຽນ ແລະ ປະສົບການຕົວຈິງ ໃນການເຮັດວຽກມາຫຼາຍປີ ທັງເຮັດວຽກກ່ຽວກັບການປົກປ້ອງສິດ-ຜົນປະໂຫຍດ ຂອງເອື້ອຍນ້ອງແມ່ຍິງ ກໍຄື ເດັກນ້ອຍ ແລະ ຄຽງຄູ່ກັບ ວຽກງານທີ່ພັກລັດມອບໝາຍໃຫ້ ໃນແຕ່ລະໄລຍະ. ດັ່ງນັ້ນ ການນໍາຂອງສະພາ ນວ ຈຶ່ງໄວ້ວາງໃຈ ໃຫ້ຂ້າພະເຈົ້າລົງຮັບສະໝັກເລືອກຕັ້ງອີກຕື່ມ.
ຂ້າພະເຈົ້ເຊື່ອວ່າ ດ້ວຍບົດຮຽນ, ປະສົບການທີ່ມີ ຈຶ່ງຂໍເປັນຕົວແທນ ໃຫ້ກັບພໍ່ແມ່ປະຊາຊົນ ເພື່ອນໍາເອົາບັນຫາຕ່າງໆທີ່ເຂົາເຈົ້າໄດ້ສະເໜີມານັ້ນນໍາໄປແກ້ໄຂໃນສະພາ ກໍຄືພາກສ່ວນທີ່ກ່ຽວຂ້ອງ ແລະ ຢາກເພີ່ມທະວີຄູນ ຄວາມໃກ້ຊິດກັບປະຊາຊົນ ກໍຄືເປັນຕົວແທນແຫ່ງສິດ ແລະ ຜົນປະໂຫຍດອັນເປັນທໍາໃຫ້ກັບປະຊາຊົນຕິດແທດກັບປະຊາຊົນໃຫ້ຫຼາຍຂຶ້ນ, ຂ້າພະເຈົ້າມີຄວາມພ້ອມ ທີ່ຈະເຮັດໜ້າທີ່ເປັນຂົວຕໍ່ລະຫວ່າງຂັ້ນລຸ່ມກັບຂັ້ນເທິງ ຂໍຝາກເບີ 19 ນໍາຜູ້ມີສິດປ່ອນບັດເລືອກຕັ້ງໃນຄັ້ງນີ້ດ້ວຍ.
ຄໍາເຫັນ