ອາເມຣິກາ ອາດສູງກວ່າ30 ຕື້ໂດລາແລະອົງການຂອງລັດຖະບານທີ່ມີລາຍຮັບຈາກພາສີຕ່າງໆ ອາດສູນເສຍລາຍຮັບ61 ລ້ານໂດລາຫຼືຫຼາຍກວ່າຕໍ່ປີລະຫວ່າງທີ່ມີການປຸກສ້າງເຮືອນໃໝ່.
ການວິເຄາະນີ້ສົມທຽບການປະເມີນສິ່ງປຸກສ້າງທີ່ຖືກທຳລາຍ ແລະ ເສຍຫາຍ ຂອງພະແນກປ່າໄມ້ ແລະ ການປ້ອງກັນອັກຄີໄພ ຂອງລັດຄາລິຟໍເນຍ ກັບບັນທຶກທີ່ດິນຂອງຜູ້ປະເມີນລາຄາໃນເຂດ Los Angeles. ໂດຍໄຟໄໝ້ປ່າໄດ້ທໍາລາຍໂຄງສ້າງ ປະມານ 56% ຂອງອະສັງຫາລິມະຊັບທັງໝົດໃນ Pacific Palisades ແລະເກືອບເຄິ່ງໜຶ່ງຂອງອະສັງຫາລິມະຊັບທັງໝົດໃນ Altedena ຊຶ່ງເຮືອນໄດ້ຮັບຜົນກະທົບໜັກທີ່ສຸດ ລວມເຖິງໂບດ, ໂຮງຮຽນ ແລະໂຮງໝໍ, ໂດຍອະສັງຫາລິມະຊັບທີ່ຖືກທຳລາຍ 300 ກວ່າແຫ່ງ ເປັນຕຶກອາຄານການຄ້າ.
ກົມປ່າໄມ້ ແລະ ປ້ອງກັນອັກຄີໄພ ລັດຄາລິຟໍເນຍ ຄາດຄະເນວ່າ: ໄຟໄໝ້ປ່າ Palisades ແລະ ໄຟປ່າ Eaton ໄດ້ສົ່ງຜົນໃຫ້ປະຊາຊົນຕ້ອງຍົກຍ້າຍຖິ່ນຖານ ເນື່ອງຈາກສິ່ງປຸກສ້າງຖືກທຳລາຍ ຫຼື ໜັກໜ່ວງເກືອບ 13,000 ຫຼັງຄາເຮືອນ, ລວມທັງເຮືອນ ແລະ ຄອນໂດມີນຽມເກືອບ 9,700 ຫຼັງ, ອາພາດເມັນເກືອບ 700 ຫຼັງ, ເຮືອນພັກ ແລະ ບັງກາໂລ 2,000 ກວ່າຫຼັງແລະເຮືອນເຄື່ອນທີ່ 373 ຫຼັງ.
ບົດລາຍງານກ່າວຕື່ມວ່າ: ປະມານເຄິ່ງໜຶ່ງຂອງເຮືອນທີ່ຖືກທໍາລາຍໂດຍໄຟໄໝ້ປ່າບໍ່ໄດ້ຮັບການຍົກເວັ້ນພາສີ ຊຶ່ງຊີ້ໃຫ້ເຫັນວ່າ: ເຮືອນເຫຼົ່ານີ້ອາດຈະຖືກເຊົ່າແລະການສູນເສຍເຫຼົ່ານີ້ສາມາດເຮັດໃຫ້ເກີດຄໍາຖາມກ່ຽວກັບຄວາມຍືນຍົງຂອງທີ່ຢູ່ອາໄສລາຄາບໍ່ແພງໃນທັງສອງຊຸມຊົນ.
ຄໍາເຫັນ