 |
ການຈັດງານໃນຄັ້ງນີ້, ເພື່ອສະເຫຼີມສະຫຼອງສາມວັນປະຫວັດສາດປີ 2025 ຄື: ວັນສ້າງຕັ້ງພັກ ປປ ລາວ ຄົບຮອບ 70 ປີ; ວັນສະຖາປະນາ ສປປ ລາວ ຄົບຮອບ 50 ປີ ແລະ ວັນເກີດປະທານ ໄກສອນ ພົມວິຫານ ຄົບຮອບ 105 ປີ ແລະ ຊົມເຊີມຜົນສໍາເລັດກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກ ແລະ ກອງປະຊຸມໃຫຍ່ ຄັ້ງທີ X ຂອງອົງຄະນະພັກກະຊວງ ສສກ.
 |
ການແຂ່ງຂັນຄັ້ງນີ້, ມີ 8 ທີມເຂົ້າຮ່ວມ (ທີມ A - ທີມ H) ດຳເນີນໄປດ້ວຍບັນຍາກາດຟົດຟື້ນ ແລະ ມ່ວນຊື່ນ. ຜ່ານການແຂ່ງຂັນທີ 1 ທີມ C ມີທ້າວ ແຈັກກີ ເພຍໄຊ, ນາງ ລັດທິດາ ສຸກຈັນທະລາວົງ ແລະ ນາງ ສິນພາວັນ ອິນທະວົງ ໄດ້ຮັບຫຼຽນລາງວັນ, ທຶນການສຶກສາ 1 ລ້ານກີບ ແລະ ໃບຍ້ອງຍໍ; ທີ 2 ທີມ A ມີ ນາງ ພັດສະລິນ ສີພົມມະຈັນ, ທ້າວ ທະວີຊັບ ມະນີວົງ ແລະ ທ້າວ ໄຊຍະເດດ ອຸ່ນນິຍົມ ໄດ້ຮັບຫຼຽນລາງວັນ, ທຶນການສຶກສາ 7 ແສນກີບ ແລະ ໃບຍ້ອງຍໍ ແລະ ທີ 3 ທີມ E ມີ ນາງ ໃຈ ວັນບຸນເຮືອງ, ນາງ ສອນທິລາວັນ ໝໍ່ຄໍາ ແລະ ນາງ ຈິຣາພາ ຈຸນລະມະນີ. ສ່ວນອີກ 5 ທີມ (ທີມ B, ທີມ D, ທີມ F, ທີມ G ແລະ ທີມ H) ໄດ້ຮັບລາງວັນຊົມເຊີຍ. ນອກຈາກນີ້, ຍັງມີການມອບລາງວັນກອງເຊຍດີເດັ່ນອີກດ້ວຍ.
ຂ່າວ-ພາບ: ບຸນທະວີ ນະວົງສາ
ຄໍາເຫັນ