ແຂວງເຊກອງມີ4ຂະແໜງຕົ້ນຕໍທີ່ເຮັດໃຫ້ (GDP) ຂະຫຍາຍຕົວ

ແຂວງເຊກອງມີ4ຂະແໜງຕົ້ນຕໍທີ່ເຮັດໃຫ້ (GDP) ຂະຫຍາຍຕົວ
ທ່ານສາກົນພອນປເສີດຫົວໜ້າພະແນກແຜນການແລະການລົງທຶນແຂວງເຊກອງລາຍງານໃນກອງປະຊຸມສະຫຼຸບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ9ເດືອນຕົ້ນປີໃນທ້າຍອາທິດຜ່ານມາໃຫ້ຮູ້ວ່າ: ຂະແໜງການຕົ້ນຕໍທີ່ເຮັດໃຫ້ລວມຍອດຜະລິດຕະພັນພາຍໃນຫຼືGDP ຂອງແຂວງເຊກອງຂະຫຍາຍຕົວໃນລະດັບ5%, ມີມູນຄ່າລວມຍອດຜະລິດຕະພັນພາຍໃນບັນລຸໄດ້2.657ຕື້ກີບແລະມູນຄ່າສະເລ່ຍໃສ່ຫົວຄົນປະມານ19,43ລ້ານກີບຕໍ່ຄົນຕໍ່ປີຫຼືເທົ່າກັບ1.143ໂດລາມີ4ຂະແໜງການຄື: ຂະແໜງກະສິກຳແລະປ່າໄມ້, ຂະແໜງອຸດສາຫະກຳ, ຂະແໜງພະລັງງານ-ບໍ່ແຮ່ແລະຂະແໜງບໍລິການຊຶ່ງຂະແໜງກະສິກໍາແລະປ່າໄມ້ຄາດວ່າຈະຂະຫຍາຍຕົວໄດ້5,42%ກວມເອົາ67,87%ຂອງGDP, ໃນນີ້: ການຜະລິດເຂົ້າປະຕິບັດໄດ້43.222ໂຕນ, ເທົ່າກັບ90,23%, ການຜະລິດພືດສະບຽງອາຫານຕ່າງໆສາມາດປະຕິບັດໄດ້38.538ໂຕນ, ເທົ່າກັບ114,66%ຂອງແຜນການ, ການຜະລິດພືດເປັນສິນຄ້າປະຕິບັດໄດ້396,489ໂຕນ, ເທົ່າກັບ168,65%, ການລ້ຽງສັດມີການຂະຫຍາຍຕົວໃນລະດັບ2-3%, ໄດ້ຊຸກຍູ້ແລະສົ່ງເສີມທາງດ້ານການລ້ຽງສັດແບບເປັນຟາມຈໍານວນ27ຟາມ; ລະດູແລ້ງສະໜອງນໍ້າໄດ້ທັງໝົດ1.335ເຮັກຕາ, ເທົ່າກັບ78,52%.
ຂະແໜງອຸດສາຫະກຳຄາດວ່າຈະຂະຫຍາຍຕົວໄດ້3,96%ກວມເອົາ16,71%ຂອງGDP, ໃນນີ້: ມີໂຮງງານອຸດສາຫະກຳປຸງແຕ່ງແລະຫັດຖະກຳທັງໝົດ303ຫົວໜ່ວຍ, ມີມູນຄ່າການລົງທຶນ220,38ຕື້ກີບ, ປະຕິບັດໄດ້: 97,14%ແລະສົມທຽບໄລຍະດຽວກັນຂອງປີຜ່ານມາເທົ່າ88,96%;  ຂະແໜງພະລັງງານ-ບໍ່ແຮ່ປັດຈຸບັນທົ່ວແຂວງມີຄວາມຍາວຂອງຕາຂ່າຍໄຟຟ້າ22ກິໂລໂວນທັງໝົດ996,1ກິໂລແມັດ/ວົງຈອນ, ເພີ່ມຂຶ້ນ53,58ກິໂລແມັດ; ຕາຂ່າຍໄຟຟ້າ22,7ກິໂລໂວນມີຄວາມຍາວທັງໝົດ29,89ກິໂລແມັດ/ວົງຈອນ; ຕາຂ່າຍໄຟຟ້າ0,4ກິໂລໂວນມີຄວາມຍາວທັງໝົດ431,55ກິໂລແມັດ/ວົງຈອນ, ເພີ່ມຂຶ້ນ8,28ກິໂລແມັດແລະຕາຂ່າຍໄຟຟ້າ0,23ກິໂລໂວນມີຄວາມຍາວທັງໝົດ1,65ກິໂລແມັດ/ວົງຈອນ; ມີໝໍ້ແປງທັງໝົດ628ໜ່ວຍ, ເພີ່ມຂຶ້ນ28ໜ່ວຍ, ມີກຳລັງຕິດຕັ້ງ91.547 KVA, ເພີ່ມຂຶ້ນ8.775 KVA. 
ຂະແໜງບໍລິການຄາດວ່າຈະຂະຫຍາຍຕົວໄດ້5,24%ກວມເອົາ15,42%ຂອງGDP, ໃນນີ້: ການຈາລະຈອນສິນຄ້າຂາຍຍົກ-ຂາຍຍ່ອຍປະຕິບັດໄດ້177,93ຕື້ກີບ, ເທົ່າກັບ70,68%ຂອງແຜນການປີ, ໃນນັ້ນ: ການຈໍລະຈອນສິນຄ້າປະເພດກະສິກຳແລະສິນຄ້າທົ່ວໄປ70,08ຕື້ກີບແລະການຄ້າຂາຍຍົກ-ຂາຍຍ່ອຍແລະບໍລິການສ້ອມແປງ107,85ຕື້ກີບ, ທົ່ວແຂວງມີໂຮງແຮມແລະເຮືອນພັກທັງໝົດ34ແຫ່ງ, ໃນນີ້ໂຮງແຮມມີ9ແຫ່ງ, ຮ້ານອາຫານແລະບັນເທີງ47ແຫ່ງ, ຣີສອດແລະສວນອາຫານ9ແຫ່ງເພື່ອຮອງຮັບນັກທ່ອງທ່ຽວພາຍໃນແລະຕ່າງປະເທດ, ເຮັດໃຫ້ປັດຈຸບັນມີນັກທ່ອງທ່ຽວເຂົ້າມາທ່ຽວແຂວງເຊກອງບັນລຸ22,765ເທື່ອຄົນ, ສາມາດສ້າງລາຍຮັບໄດ້2.04ລ້ານໂດລາ.
 (ຂ່າວ: ພຸດທະສອນ)

ຄໍາເຫັນ

ຂ່າວເສດຖະກິດ

ການຖະແຫຼງຂ່າວຂອງກຸ່ມບໍລິສັດເຄມີແຫ່ງຊາດ ຫວຽດນາມ

ການຖະແຫຼງຂ່າວຂອງກຸ່ມບໍລິສັດເຄມີແຫ່ງຊາດ ຫວຽດນາມ

ລິເລີ່ມໂຄງການຂຸດຄົ້ນ ແລະ ປຸງແຕ່ງເກືອແຮ່ ຢູ່ ລາວ ຄືນໃໝ່ ດ້ວຍມູນຄ່າ 492 ລ້ານໂດລາ. ໃນຕອນເຊົ້າຂອງວັນທີ 12 ຕຸລາຜ່ານມາ, ທີ່ເມືອງໜອງບົກ ແຂວງຄຳມ່ວນ, ກຸ່ມບໍລິສັດເຄມີແຫ່ງຊາດຫວຽດນາມ (Vinachem) ໂດຍຮ່ວມມືກັບ ບໍລິສັດຮຸ້ນສ່ວນລົງທຶນດ້ານພະລັງງານ ແລະ ບໍ່ແຮ່ຫວຽດນາມ, ໄດ້ຈັດພິທີລິເລີ່ມໂຄງການຂຸດຄົ້ນ ແລະ ປຸງແຕ່ງເກືອແຮ່ຄືນໃໝ່. ໂຄງການດັ່ງກ່າວ ມີເປົ້າໝາຍຈະນຳໂຮງງານ ຊຶ່ງຖືກອອກແບບໃຫ້ມີກຳລັງການຜະລິດ ໂປຕາສຊຽມ ຄລໍໄຣດ໌ (potassium chloride) 500,000 ໂຕນຕໍ່ປີ ເຂົ້າສູ່ຂະບວນການຜະລິດພາຍໃນ ປີ 2028.
ເສດຖະກິດເມືອງທ່າແຕງ ສືບຕໍ່ຂະຫຍາຍຕໍ່​ເນື່ອງ

ເສດຖະກິດເມືອງທ່າແຕງ ສືບຕໍ່ຂະຫຍາຍຕໍ່​ເນື່ອງ

ການຈັດຕັ້ງປະຕິບັດ ມະຕິກອງປະຊຸມໃຫຍ່ອົງຄະນະພັກເມືອງທ່າແຕງ ແຂວງ​ເຊກອງກໍຄືການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີ (2025-2029) ເຫັນວ່າ ເສດຖະກິດເມືອງທ່າແຕງ ຍັງສືບຕໍ່ຂະຫຍາຍຕົວເພີ່ມຂຶ້ນ ສະເລ່ຍ 5.7%.
6​ ເດືອນຕົ້ນປີນີ້ ເສດຖະກິດແຂວງ​ອັດ​ຕະ​ປືຂະຫຍາຍຕົວ 4.​3%

6​ ເດືອນຕົ້ນປີນີ້ ເສດຖະກິດແຂວງ​ອັດ​ຕະ​ປືຂະຫຍາຍຕົວ 4.​3%

ໃນ 6 ເດືອນ​ຕົ້ນ​ປີ 2026 ເສດ​ຖະ​ກິດ​ແຂວງ​ອັດ​ຕະ​ປື​ຂະ​ຫຍາຍ​ຕົວ 4.3%, ໃນ​ນັ້ນຂະ​ແໜງ​ກະ​ສິ​ກຳຂະ​ຫຍາຍ​ຕົວ 4.9% ກວມ 51% ຂອງ GDP, ຂະແໜງອຸດສາຫະກຳ ຂະຫຍາຍຕົວ 4.2% ກວມ 29%,ຂະແໜງບໍລິການ ຂະຫຍາຍຕົວ 3.7% ກວມ 17% ແລະ ຂະແໜງພາສີ-ອາກອນ ຂະຫຍາຍຕົວ 5.8%.
ກາເຟປ່າວຊ່ານ ລົດຊາດລະດັບໂລກ ເປັນພະລັງຂັບເຄື່ອນຊຸມຊົນ

ກາເຟປ່າວຊ່ານ ລົດຊາດລະດັບໂລກ ເປັນພະລັງຂັບເຄື່ອນຊຸມຊົນ

ດ້ວຍສັກກະຍະພາບດ້ານຊັບພະຍາກອນທາງທຳມະຊາດ ພູມສາດ ແລະ ສະພາບອາກາດທີ່ເອື້ອອຳນວຍ ເມືອງປ່າວຊານ ໄດ້ພັດທະນາອຸດສາຫະກຳກາເຟອາຣາບີກາໃຫ້ເຕີບໂຕຢ່າງຕໍ່ເນື່ອງ ແລະ ສ້າງມູນຄ່າເພີ່ມຕາມຫ່ວງໂຊ່ການຜະລິດ. “ກາເຟອາຣາບີກາປ່າວຊານ” ໄດ້ກາຍເປັນສິນຄ້າກະສິກຳຫຼັກຂອງພື້ນທີ່ ດ້ວຍຄຸນນະພາບມາດຕະຖານສູງ ແລະ ອັດຕະລັກດ້ານລົດຊາດທີ່ໂດດເດັ່ນ ໂດຍມີຈຸດເດັ່ນຄື “ບໍ່ສົ້ມ, ບໍ່ຮຶນ,ເຂັ້ມແຕ່ບໍ່ຂົມຫຼາຍ, ຫອມແບບທຳມະຊາດກິ່ນດອກໄມ້ອ່ອນໆ” ສະທ້ອນໃຫ້ເຫັນສັກກະຍະພາບການຜະລິດແລະ ການຄວບຄຸມຄຸນນະພາບຢ່າງເປັນລະບົບ.
ເມືອງໄຊເສດຖາ ມີມູນຄ່າການຈໍລະຈອນສິນຄ້າ 169 ຕື້ກີບ.

ເມືອງໄຊເສດຖາ ມີມູນຄ່າການຈໍລະຈອນສິນຄ້າ 169 ຕື້ກີບ.

ໃນໄລຍະ 6 ເດືອນຕົ້ນປີ 2026 ນີ້ເມືອງໄຊເສດຖາ, ແຂວງອັດຕະປື ມີມູນຄ່າການຈໍລະຈອນສິນຄ້າ 169 ຕື້ກີບ, ບັນລຸໄດ້ເກືອບ 100% ຂອງແຜນການປີ, ເຊິ່ງ ປັດຈຸບັນທົ່ວເມືອງ ມີຫົວໜ່ວຍທຸລະກິດທັງໝົດ 596 ຫົວໜ່ວຍ, ໃນນີ້ 6 ເດືອນຜ່ານມາ, ສາມາດຊຸກຍູ້ທຸລະກິດໃໝ່ເຂົ້າຈົດທະບຽນໄດ້ຕື່ມອີກ 22 ຫົວໜ່ວຍ ແລະ ຍັງມີຫົວໜ່ວຍທຸລະກິດນອກລະບົບ ບໍ່ມີທະບຽນວິສາຫະກິດ ເຖິງ 391 ຫົວໜ່ວຍ, ທີ່ຈະຕ້ອງໄດ້ເລັ່ງໃຫ້ໄດ້ຂຶ້ນທະບຽນຖືກຕ້ອງຕາມກົດໝາຍ.
6 ເດືອນຕົ້ນປີ ເສດຖະກິດແຂວງອັດຕະປື ຂະຫຍາຍຕົວຢູ່ໃນລະດັບ 3,8%

6 ເດືອນຕົ້ນປີ ເສດຖະກິດແຂວງອັດຕະປື ຂະຫຍາຍຕົວຢູ່ໃນລະດັບ 3,8%

ໃນໄລຍະ 6 ເດືອນຕົ້ນປີ 2026 ແຂວງອັດຕະປື ມີອັດຕາການຂະຫຍາຍຕົວຂອງເສດຖະກິດ ຢູ່ໃນລະດັບ 3.8% (ມະຕິສະພາ 5.4%), ຄິດເປັນມູນຄ່າຕາມລາຄາໃນປີ 1,231 ຕື້ກີບ ເທົ່າກັບ 15.6% ຂອງແຜນການ (ມະຕິສະພາ 7,850 ຕື້ກີບ), ລວມຍອດຜະລິດຕະພັນພາຍໃນສະເລ່ຍຕໍ່ຫົວຄົນບັນລຸໄດ້ 21.9 ລ້ານກີບ (ມະຕິສະພາ 42 ລ້ານກີບ).
ລັດຖະມົນຕີກະຊວງ ອຄ ເນັ້ນໃຫ້ສາລະວັນເອົາໃຈໃສ່ກວດກາລາຄາ ແລະ ຄຸນນະພາບສິນຄ້າ

ລັດຖະມົນຕີກະຊວງ ອຄ ເນັ້ນໃຫ້ສາລະວັນເອົາໃຈໃສ່ກວດກາລາຄາ ແລະ ຄຸນນະພາບສິນຄ້າ

ທ້າຍອາທິດຜ່ານມານີ້, ທ່ານ ມະໄລທອງ ກົມມະສິດ ລັດຖະມົນຕີກະຊວງອຸດສາຫະກຳ ແລະ ການຄ້າ (ອຄ) ພ້ອມຄະນະ ເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງສາລະວັນ, ໂດຍໃຫ້ກຽດຕ້ອນຮັບຂອງ ທ່ານ ໂພທິຍາ ວົງຈອມສີ ຫົວໜ້າພະແນກອຸດສາຫະກຳ ແລະ ການຄ້າແຂວງສາລະວັນ ພ້ອມຄະນະ ໃຫ້ກຽດຕ້ອນຮັບຢ່າງ ອົບອຸ່ນຢູ່ທີ່ຫ້ອງປະຊຸມຂອງຕົນ.
ຄວາມໝາຍ ແລະ ຄວາມສໍາຄັນຂອງເສດຖະກິດມໍຣະດົກ

ຄວາມໝາຍ ແລະ ຄວາມສໍາຄັນຂອງເສດຖະກິດມໍຣະດົກ

ເສດຖະກິດມໍຣະດົກມີຄວາມໝາຍ ແລະ ນິຍາມກວ້າງຂວາງ. ກ່ອນອື່ນຕ້ອງເຂົ້າໃຈຄວາມໝາຍຂອງ “ມໍຣະດົກ” ໝາຍເຖິງທຸກສິ່ງທຸກຢ່າງທີ່ເປັນວັດຖຸ ນິວັດຖຸທີ່ມີຄຸນຄ່າ ທີ່ພວກເຮົາໄດ້ຮັບການສືບທອດມາຈາກບັນພະບູລຸດ. ມໍຣະດົກບໍ່ພຽງແຕ່ເປັນເອກະລັກຂອງຊາດເທົ່ານັ້ນ, ແຕ່ຍັງເປັນຊັບສິນ ຫຼື ສົມບັດທີ່ມີຄຸນຄ່າທີ່ສາມາດນໍາໃຊ້ເປັນທ່າແຮງໃນການພັດທະນາເສດຖະກິດ-ສັງຄົມຂອງປະເທດ.
ປີນີ້, ຄາດວ່າ GDPຈະຂະຫຍາຍຕົວຢູ່ລະດັບ 5.1%

ປີນີ້, ຄາດວ່າ GDPຈະຂະຫຍາຍຕົວຢູ່ລະດັບ 5.1%

ໃນຫວ່າງບໍ່ດົນມານີ້,ສູນສະຖິຕິແຫ່ງຊາດ ກະຊວງການເງີນ ໄດ້ສະຫຼຸບຕົວເລກຂາດຕົວລວມຍອດຜະລິດຕະພັນພາຍໃນ (GDP)ປີ 2025 ແລະ ທ່າອ່ຽງ ປີ 2026 ຂະນະທີ່ລາວ ຍັງພົບຄວາມຫຍຸ້ງຍາກທາງດ້ານເສດຖະກິດເປັນຕົ້ນ ສະຖຽນລະພາບທາງດ້ານການເງິນ ແລະ ເງິນຕາ, ບັນຫາການເພີ່ມຂຶ້ນຂອງລາຄາ, ອັດຕາເງິນເຟີ້ທີ່ຍັງສືບຕໍ່ເພີ່ມຂຶ້ນ ແລະ ບັນຫາໜີ້ສິນຕ່າງປະເທດ.
ເພີ່ມເຕີມ