, ລວມມີມູນຄ່າການກໍ່ສ້າງທັງໝົດ 1,1 ຕື້ຢວນ(ສະກຸນເງິນຈີນ),ໂດຍແມ່ນ ກຸ່ມບໍລິສັດ ວິສະວະກຳກໍ່ສ້າງ ຈີນ ເລກ 3 ຈຳກັດ ເປັນຜູ້ດຳເນີນການກໍ່ສ້າງ; ທ່ານ ຖຽນເຈິງຊິງ ນັກວິສະວະກຳໂຄງການກໍ່ສ້າງຫໍການສະແດງສັງລວມ ແລະ ສູນວັດທະນະທຳຈິງຊາງໃຫ້ຮູ້ວ່າ:ໂຄງການດັ່ງກ່າວເປັນໂຄງສ້າງທີ່ເຮັດດ້ວຍເຫຼັກ,ອອກແບບດ້ວຍເຕັກໂນໂລຊີທີ່ທັນສະໄໝ,ມີເນື້ອທີ່ທັງໝົດ 67.000 ຕາແມັດ, ສຳລັບໂຄງການກໍ່ສ້າງຫໍການສະແດງສັງລວມເປັນອາຄານ 2 ຊັ້ນ,ຫໍການສະແດງໄດ້ອອກແບບທີ່ສະແດງເຖິງຄວາມຜາສຸກ ແລະ ຈິນຕະນາການດ້ວຍຄວາມມີສະເໜ່ ຄ້າຍຄືກັບມີກ້ອນເມກ,ພູຜາທີ່ເຂົ້າຮ່ວມຕົວຢູ່ນຳກັນ,ການກໍ່ສ້າງແມ່ນໄດ້ນຳໃຊ້ເຕັກໂນໂລຊີທີ່ທັນສະໄໝ,ໃນນັ້ນການອອກແບບດ້ວຍວິທີການໃນການສ້າງເງື່ອນໄຂອຳນວຍຄວາມສະດວກສະບາຍໃຫ້ແກ່ກັບນັກສະແດງ ແລະ ຜູ້ມານັ່ງຊົມການສະແດງໄດ້ເປັນຢ່າງດີ, ສິ່ງສຳຄັນການອອກແບບຂອງໂຄງການແມ່ນໄດ້ຖືເອົາວັດທະນະທຳ ຈິງຊາງ ແລະ ວັດທະນະທຳຊາງຊິງເປັນຫຼັກ ທີ່ມີປະຫວັດສາດ 3.000 ປີຜ່ານມາ,ຫໍການສະແດງລະຄອນສາມາດບັນຈຸຜູ້ຊົມໄດ້ 1.300 ຄົນ.ເວທີການສະແດງແມ່ນມີເນື້ອທີ່ 600 ຕາແມັດ ເປັນເວທີທີ່ທັນສະໄໝໂດຍເວທີສາມາດໝູນປັບປ່ຽນໄດ້ດ້ວຍລະບົບອັດຕະໂນມັດໃນການໃຊ້ງານ,ໂຄງການດັ່ງກ່າວແມ່ນເປັນຂອງລັດຊຶ່ງໄວ້ທຳການສະແດງຮັບໃຊ້ທົ່ວໄປ ຂອງນະຄອນເສິນຕູ່ແຂວງເສສວນ; ສຳລັບ ສູນກາງວັດທະນະທຳ ແມ່ນ ເປັນອາຄານ 5 ຊັ້ນ ໃນນັ້ນພາຍໃນສູນດັ່ງກ່າວແມ່ນປະກອບມີຫ້ອງຝຶກແອບການສະແດງບັນຈຸຄົນໄດ້ 100 ກວ່າຄົນ,ເປັນຫ້ອງທີ່ອອກແບບສາມາດເກັບສຽງດັງອອກໄປທາງນອກໄດ້ເປັນຢ່າງດີ,ນອກຈາກນັ້ນ ຍັງມີຫ້ອງສະໝຸດ,ຫ້ອງສາຍຮູບເງົາ ແລະ ອື່ນໆ.
(ຂ່າວ-ພາບ:ສຳນານ)
ຄໍາເຫັນ