ພາຍໃຕ້ໂຄງການພັດທະນາພື້ນຖານໂຄງລ່າງຊົນນະບົດ ແລະ ການຄຸ້ມຄອງ ອ່າງໂຕ່ງແບບຢືນຍົງ, ໃນມູນຄ່າ 2,202,223 ກວ່າໂດລາສະຫະລັດ, ຮັບເໝົາການກໍ່ສ້າງໂດຍບໍລິສັດ ວີເອັສພີ ກໍ່ສ້າງ ຈໍາກັດ ຜູ້ດຽວ, ໜ້າວຽກປະກອບມີ: ສ້ອມແປງເບຕົງເສີມເຫຼັກທ້າຍຝາຍ, ເຈາະສັນຝາຍ ແລະ ຕິດຕັ້ງປະຕູລະບາຍຊາຍ ພ້ອມທັງຂົວເຫຼັກເຂົ້າຫາປະຕູລະບາຍຊາຍຄົບຊຸດ, ສ້ອມແປງທາງຈາກຫົວງານຝາຍນໍາແສງ ຫາ ຫົວງານຝາຍຫ້ວຍຫຼາ, ຄວາມຍາວຫຼາຍກວ່າ 12,354 ແມັດ, ກໍ່ສ້າງກັນເຈື່ອນກວຍຫີນຂ້າງທາງ ລວມ 14 ຈຸດ, ສ້ອມແປງບ່ອນລະບາຍນໍ້າເຂົ້າ-ອອກ 2 ຈຸດ, ຕິດຕັ້ງທໍ່ລອດທາງ 2 ຈຸດ, ກໍ່ສ້າງ-ສ້ອມແປງຄອງເໝືອງ 5 ຈຸດ, ຄວາມຍາວລວມ 242 ແມັດ ແລະ 4,321 ແມັດ, ອະນາໄມລວງຄອງເໝືອງ 6 ເສັ້ນ, ລວມຄວາມຍາວຫຼາຍກວ່າ 20,939 ແມັດ, ສ້ອມແປງອາຄານລະບາຍນໍ້າປ່າ ແລະ ທໍ່ລອດຄອງເໝືອງ ລວມ 12 ຈຸດ ຂອງຄອງເໝືອງ, ກໍ່ສ້າງອາຄານຕາມຄອງເໝືອງ 11 ປະເພດ, ຈຳນວນ 36 ຈຸດ, ຄອງເໝືອງຂັ້ນສາມ ກໍ່ສ້າງຄອງເໝືອງກໍ່ດ້ວຍດິນຈີ່ໂບກສອງໜ້າ 6 ເສັ້ນ ມີລວງຍາວທັງໝົດ 5,225 ແມັດ, ກໍ່ສ້າງອາຄານຕາມຄອງເໝືອງ 7 ປະເພດ, ລວມ 59 ຈຸດ, ສາມາດສະໜອງນ້ຳຊົມໃຊ້ຈໍານວນ 14 ບ້ານ ພາຍໃນເມືອງນານ,
ຜ່ານການກວດກາຕົວຈິງຂອງເຈົ້າຂອງໂຄງການເຫັນວ່າ ການກໍ່ສ້າງຊົນລະປະທານຄອງເໝືອງຕົວແບບນໍ້າແສງ ໄດ້ດຳເນີນການກໍ່ສ້າງຖືກຕ້ອງຕາມມາດຖານເຕັກນິກອອກແບບທີ່ລະບຸໄວ້ໃນສັນຍາ. ຈິ່ງໄດ້ຈັດພິທີມອບ-ຮັບຜົນສໍາເລັດຂອງໂຄງການຂຶ້ນໃນວັນທີ 25 ທັນວາຜ່ານມາ, ທີ່ເດີ່ນລະບົບຊົນລະປະທານ ຄອງເໝືອງຕົວແບບນໍ້າແສງ ເມືອງນານ, ຮ່ວມເຊັນບົດບັນທຶກ, ຝ່າຍເຈົ້າຂອງໂຄງການ ແມ່ນ ທ່ານ ສັນຍາ ຊຸມພົນພັກດີ ຮອງຫົວໜ້າພະແນກກະສິກຳ ແລະ ປ່າໄມ້, ທ່ານ ວົນວິໄລ ໄຊຍະພອນ ປະທານ ບໍລິສັດ ວີເອັສພີ ກໍ່ສ້າງ ຈໍາກັດຜູ້ດ່ຽວ, ມີທ່ານ ນາງ ສີລິພອນ ສຸພັນທອງ ຮອງເຈົ້າແຂວງຫຼວງພະບາງ, ທ່ານ ນາງ ບຸນທຽນ ວົງໄກສອນ ຮອງຫົວໜ້າ ກົມຊົນລະປະທານ ກະຊວງ ກະສິກໍາ ແລະປ່າໄມ້, ທ່ານ ຄໍາເກັ່ງ ຈັນທະວີສຸກ ເຈົ້າເມືອງນານ, ພ້ອມດ້ວຍຄະນະຮັບຜິດຊອບໂຄງການເຂົ້າຮ່ວມເປັນສັກຂີພິຍານ.
(ຂ່າວ-ພາບ: ທະນູນສີນ)
ຄໍາເຫັນ