ພິທີເຊັນສັນຍາຮັບເໝົາ ໂຄງການກໍ່ສ້າງທາງປູຢາງ 2 ຊັ້ນ ຢູ່ບ້ານເມືອງຫານເມືອງຫົງສາ ແຂວງໄຊຍະບູລີ ໄດ້ຈັດຂຶ້ນໃນວັນທີ 5 ມັງກອນ ຜ່ານມາ ທີ່ ເມືອງດັ່ງກ່າວ. ລະຫວ່າງ ຫ້ອງການໂຍທາທິການ ແລະ ຂົນສົ່ງເມືອງຫົງສາ (ເຈົ້າຂອງໂຄງການ) ກັບ ບໍລິິສັດ ວິໄລພອນ 1818 ກໍ່ສ້າງຄົບວົງຈອນ ຈຳກັດຜູ້ດຽວ (ຜູ້ຮັບເໝົາ), ໂດຍໃຫ້ກຽດເຂົ້າຮ່ວມເປັນປະທານຂອງທ່ານ ຈັນເພັງ ອູ່ທອງຄໍາ ຮອງເຈົ້າເມືອງຫົງສາ ປະທານຄະນະກຳມະການຄຸ້ມຄອງການກໍ່ສ້າງຂັ້ນເມືອງ, ມີບັນດາທ່ານຄະນະກຳມະການຄຸ້ມຄອງການກໍ່ສ້າງຂັ້ນເມືອງ, ເຈົ້າຂອງໂຄງການ ແລະ ບໍລິສັດຜູ້ຮັບເໝົາເຂົ້າຮ່ວມ.
ທ່ານ ໄຊຍະສິດ ພັນທະນະວົງ ຮອງຫົວໜ້າຫ້ອງການ ໂຍທາທິການ ແລະ ຂົນສົ່ງເມືອງ ໄດ້ຜ່ານຮ່າງສັນຍາຮັບເໝົາໂຄງການກໍ່ສ້າງທາງປູຢາງ 2 ຊັ້ນ ຢູ່ບ້ານເມືອງຫານຊຶ່ງໂຄງການນີ້, ຕັ້ງຢູ່ບ້ານ ເມືອງຫານ ເປັນໂຄງການ ກໍ່ສ້າງທາງປູຢາງ 2 ຊັ້ນ ແຕ່ 4 ແຍກຮ່ອມ 10 ໃນບ້ານເມືອງຫານ ຫາ 3 ແຍກທາງຫຼວງແຫ່ງຊາດ 4A
(ໜ້າໂຮງງານຫຍິບຊໍາ ) ແລະ 4 ແຍກໃນບ້ານ ຫາ ໂຮງຮຽນປະຖົມບ້ານເມືອງຫານ. ລວມຄວາມຍາວທັງໝົດ 1.200 ແມັດ ແລະ ລວງກວ້າງຂອງໜ້າທາງແມ່ນ 6 ແມັດ. ມີມູນຄ່າທັງໝົດ 2 ຕື້ 303 ລ້ານກວ່າກີບ. ໂດຍນໍາໃຊ້ແຫຼ່ງທຶນງົບປະມານຈາກກິດຈະການຂາຍສິ່ງເສດເຫຼືອຂອງໂຄງການໄຟຟ້າພະລັງງານຄວາມຮ້ອນຫົງສາ ຊຶ່ງກໍານົດໄລຍະດໍາເນີນການກໍ່ສ້າງແມ່ນ 6 ເດືອນ (ເລີ່ມແຕ່ວັນທີ 5 ມັງກອນ ຫາ ວັນທີ 5 ກໍລະກົດ 2024) ໃຫ້ສຳເລັດ 100%.
ຫຼັງຈາກນັ້ນ, ກໍໄດ້ຈັດພິທີເຊັນສັນຍາ ລະຫວ່າງ ທ່ານ ອ່ອນຈັນ ບຸນຍາວົງ ຫົວໜ້າຫ້ອງການ ໂຍທາທິການ ແລະ ຂົນສົ່ງເມືອງຫົງສາ ໃນນາມເຈົ້າຂອງໂຄງການ ແລະ ທ່ານ ບຸນລໍ່າ ສຸນາເຄນ ບໍລິິສັດ ວິໄລພອນ 1818 ກໍ່ສ້າງຄົບວົງຈອນ ຈຳກັດຜູ້ດຽວ ໃນນາມຜູ້ຮັບເໝົາ ໂດຍມີຄະນະກຳມະການຄຸ້ມຄອງການກໍ່ສ້າງຂັ້ນເມືອງ ເປັນສັກຂີພິຍານ.
ຂ່າວ-ພາບ: ກິດຕິສັກ ບົວໄລ
ທ່ານ ໄຊຍະສິດ ພັນທະນະວົງ ຮອງຫົວໜ້າຫ້ອງການ ໂຍທາທິການ ແລະ ຂົນສົ່ງເມືອງ ໄດ້ຜ່ານຮ່າງສັນຍາຮັບເໝົາໂຄງການກໍ່ສ້າງທາງປູຢາງ 2 ຊັ້ນ ຢູ່ບ້ານເມືອງຫານຊຶ່ງໂຄງການນີ້, ຕັ້ງຢູ່ບ້ານ ເມືອງຫານ ເປັນໂຄງການ ກໍ່ສ້າງທາງປູຢາງ 2 ຊັ້ນ ແຕ່ 4 ແຍກຮ່ອມ 10 ໃນບ້ານເມືອງຫານ ຫາ 3 ແຍກທາງຫຼວງແຫ່ງຊາດ 4A
(ໜ້າໂຮງງານຫຍິບຊໍາ ) ແລະ 4 ແຍກໃນບ້ານ ຫາ ໂຮງຮຽນປະຖົມບ້ານເມືອງຫານ. ລວມຄວາມຍາວທັງໝົດ 1.200 ແມັດ ແລະ ລວງກວ້າງຂອງໜ້າທາງແມ່ນ 6 ແມັດ. ມີມູນຄ່າທັງໝົດ 2 ຕື້ 303 ລ້ານກວ່າກີບ. ໂດຍນໍາໃຊ້ແຫຼ່ງທຶນງົບປະມານຈາກກິດຈະການຂາຍສິ່ງເສດເຫຼືອຂອງໂຄງການໄຟຟ້າພະລັງງານຄວາມຮ້ອນຫົງສາ ຊຶ່ງກໍານົດໄລຍະດໍາເນີນການກໍ່ສ້າງແມ່ນ 6 ເດືອນ (ເລີ່ມແຕ່ວັນທີ 5 ມັງກອນ ຫາ ວັນທີ 5 ກໍລະກົດ 2024) ໃຫ້ສຳເລັດ 100%.
ຫຼັງຈາກນັ້ນ, ກໍໄດ້ຈັດພິທີເຊັນສັນຍາ ລະຫວ່າງ ທ່ານ ອ່ອນຈັນ ບຸນຍາວົງ ຫົວໜ້າຫ້ອງການ ໂຍທາທິການ ແລະ ຂົນສົ່ງເມືອງຫົງສາ ໃນນາມເຈົ້າຂອງໂຄງການ ແລະ ທ່ານ ບຸນລໍ່າ ສຸນາເຄນ ບໍລິິສັດ ວິໄລພອນ 1818 ກໍ່ສ້າງຄົບວົງຈອນ ຈຳກັດຜູ້ດຽວ ໃນນາມຜູ້ຮັບເໝົາ ໂດຍມີຄະນະກຳມະການຄຸ້ມຄອງການກໍ່ສ້າງຂັ້ນເມືອງ ເປັນສັກຂີພິຍານ.
ຂ່າວ-ພາບ: ກິດຕິສັກ ບົວໄລ
ຄໍາເຫັນ