 |
ທ່ານ ບຸນຄົງ ຫຼ້າຈຽມພອນ ໄດ້ກ່າວວ່າ: ການກໍ່ສ້າງໂຮງຮຽນປະຖົມສົມບູນ ບ້ານນາໝໍ້ໃຕ້ ແມ່ນມີຄວາມໝາຍສໍາຄັນຕໍ່ການສ້າງພືຶ້ນຖານໂຄງລ່າງດ້ານການສຶກສາຢູ່ແຂວງອຸດົມໄຊ ແລະ ສະແດງເຖິງ ບໍລິສັດ EDL-T ໄດ້ມີຄວາມເອົາໃຈໃສ່ໃນການເບິ່ງແຍງຊີວິດການເປັນຢູ່ຂອງລູກຫຼານປະຊາຊົນແຂວງອຸດົມໄຊຢ່າງແທດເຖິງ. ພາຍຫຼັງກໍ່ສ້າງສຳເລັດ ຈະສ້າງສະພາບແວດລ້ອມແຫ່ງການຮຽນຮູ້ທີ່ສະດວກສະບາຍ ມີມາດຖານທີ່ດີ ໃຫ້ແກ່ນັກຮຽນຫຼາຍຮ້ອຍຄົນທີ່ຈະເຂົ້າຮໍ່າຮຽນໃນໂຮງຮຽນແຫ່ງນີ້.
ຕາມຂໍ້ມູນ ໂຄງການກໍ່ສ້າງໂຮງຮຽນປະຖົມສົມບູນບ້ານນາໝໍ້ໃຕ້ ເມືອງນາໝໍ້ ແຂວງອຸດົມໄຊ ແມ່ນໂຄງການຊ່ວຍເຫຼືອຂອງ ບໍລິສັດ EDL-T ຊຶ່ງມີມູນຄ່າການລົງທຶນເກືອບ 300,000 ໂດລາ, ຄາດວ່າຈະກໍ່ສ້າງສຳເລັດ ແລະ ສົ່ງມອບໃນເດືອນພະຈິກນີ້. ການກໍ່ສ້າງປະກອບມີ 6 ຫ້ອງຮຽນໃໝ່ ແລະ 1 ຫ້ອງການຄູ-ອາຈານ, ຍັງຈະມີອຸປະກອນກິລາ ແລະ ສິ່ງອຳນວຍຄວາມສະດວກໃນການດຳລົງຊີວິດປະຈໍາວັນ, ສຳລັບເດັກນ້ອຍລະດັບອະນຸບານ ແລະ ປະຖົມຈໍານວນຫຼາຍກວ່າ 100 ຄົນ. ໂຄງການດັ່ງກ່າວບໍ່ພຽງແຕ່ຈະປັບປຸງເງື່ອນໄຂການຮຽນໃຫ້ແກ່ເດັກນ້ອຍຢູ່ເຂດພູດອຍເທົ່ານັ້ນ, ຫາກຍັງນຳຄວາມຫວັງດ້ານການສຶກສາມາສູ່ຄອບຄົວອີກດ້ວຍ. ພາຍຫຼັງໂຄງການດັ່ງກ່າວສຳເລັດແລ້ວ, ບໍລິສັດ EDL-T ຍັງຈະສ້າງກົນໄກສະໜັບສະໜູນການຮຽນ-ການສອນເປັນປະຈໍາ ເພື່ອສົ່ງເສີມການແລກປ່ຽນວັດທະນະທຳລະຫວ່າງຈີນ-ລາວ.
ໂຄງການສາຍສົ່ງ 500 ກວ ລາວ-ຈີນ ເປັນໂຄງການໃຫຍ່ທີ່ຖືກລວມເຂົ້າໃນແຜນແມ່ບົດວ່າດ້ວຍການສ້າງຄູ່ຮ່ວມຊາຕາກຳ ລາວ-ຈີນ ໂຄງການດັ່ງກ່າວແບ່ງອອກເປັນ 2 ພາກສ່ວນຄືພາກສ່ວນລາວ ແລະ ພາກສ່ວນພາຍໃນປະເທດຈີນ ຊຶ່ງລົງທຶນ ແລະ ກໍ່ສ້າງໂດຍບໍລິສັດ EDL-T ແລະ ບໍລິສັດຕາຂ່າຍໄຟຟ້າພາກໃຕ້ຈີນ.
(ຂ່າວ: ຕະວິນຍານ)
ຄໍາເຫັນ