ໂຄງການຊົນລະກະເສດ ແລະ ການຜະລິດເປັນສິນຄ້າຂະໜາດນ້ອຍສະຫຼຸບ 3 ເດືອນຕົ້ນປີ

10:15 26/04/2024

ກອງປະຊຸມປະຈຳໄຕມາດ1ປີ ແລະວາງແຜນໄຕມາດ 2 ປີ2024ຂອງໂຄງການພັດທະນາພື້ນຖານໂຄ່ງລ່າງຊົນນະບົດ ແລະຄຸ້ມຄອງອ່າງໂຕ່ງແບບຢືນຍົງ(ພຊຄ)ແລະໂຄງການຊົນລະກະເສດ ແລະ ການຜະລິດເປັນສິນຄ້າຂະໜາດນ້ອຍ(ຊກຂ)ໄດ້ຈັດຂຶ້ນໃນວັນທີ 25 ເມສານີ້ ທີ່ ເມືອງປາກລາຍແຂວງໄຊຍະບູລີໂດຍມີທ່ານ ຄຳຝັ້ນ ວົງສະຫັວນ ຮອງເຈົ້າເມືອງປາກລາຍ,ຜູ້ຊີ້ນຳຂົງເຂດເສດຖະກິດ,ມີບັນຜູ້ຕາງໜ້າໂຄງການ,ພະນັກງານປະຕິບັດກິດຈະກຳຂອງໂຄງການຂັ້ນເມືອງເຂົ້າຮ່ວມ.

ທ່ານ ສຸລິຈັນ ສິລະປະມວນຫົວໜ້າຫ້ອງການກະສິກຳ ແລະ ປ່າໄມ້ເມືອງປາກລາຍໄດ້ກ່າວວ່າ:ຄວາມຄືບໜ້າໂຄງການ ພຊຄໄດ້ສຳເລັດການລົງເກັບກໍາຂໍ້ມູນ ແລະ ສົ່ງເສີມການຜະລິດ(ປູກພືດມູນຄ່າສູງ)ຮ່ວມກັບຊ່ຽວຊານທຸລະກິດກະສິກໍາໂຄງການກໍ່ສ້າງສ້ອມແປງຊົນລະປະທານນໍ້າຍາງ 3 ບ້ານ ປ່າໄລ່ ເຊັ່ນ: ບ້ານ ປ່າໄລ່ປູກຫມາກຖົ່ວເຫຼືອງຝັກສົດ, ສາລີຫວານ,ຜັກບົ່ວ, ຜັກທຽມ, ຫມາກແຕງຄ້າງ, ກະລໍ່າປີ, ຖົ່ວຝັກຍາວ ແລະ ເຂົ້ານາແຊງ; ບ້ານ ລາດສະຫວ່າງປູກສາລີຫວານ, ຜັກບົ່ວ, ຜັກທຽມ, ຫມາກແຕງຄ້າງ, ກະລໍ່າປີ, ຫມາກໂມ ແລະ ເຂົ້ານາແຊງ; ບ້ານ ປົ່ງຫວານປູກສາລີຫວານ, ຜັກບົ່ວ, ຜັກທຽມ, ຫມາກແຕງຄ້າງ, ກະລໍ່າປີ, ຖົ່ວຝັກຍາວ ແລະ ເຂົ້ານາແຊງ,ນັບແຕ່ເດືອນ ມັງກອນ ຫາ ເດືອນ ມີນາ ປີ 2024 ການຈັດຕັ້ງປະຕິບັດວຽກໂຄງການທຽບໃສ່ແຜນປະຈຳໄຕມາດປະຕິບັດໄດ້28% ຂອງແຜນການ, ແຜນປີປະຕິບັດໄດ້ 6,97%.

ການສົ່ງເສີມການຜະລິດເປັນສິນຄ້າຂະໜາດນ້ອຍ:ໄດ້ສໍາເລັດການສ້າງຕັ້ງກຸ່ມຜະລິດປີ 2023 ຝຶກອົບຮົມພາລະບົດບາດ - ໜ້າທີ່ ແລະ ນໍາພາກຸ່ມຜະລິດ ຂຽນແຜນຂໍທຶນສົມທົບດ້ານປັດໃຈການຜະລິດ, ຈໍານວນ 5 ກຸ່ມ ເທົ່າກັບ 100% ຂອງແຜນການ (ແຜນການ 5 ກຸ່ມ) ມີມູນຄ່າລວມທັງໝົດ 678.133.000 ກີບ ແລະ ໄດ້ນຳພາກຸ່ມຜະລິດເປີດບັນຊີຂອງກຸ່ມ.

ສຳລັບການກໍ່ສ້າງລະບົບພື້ນຖານໂຄງລ່າງ:ໄດ້ສໍາເລັດການລົງສໍາຫຼວດເກັບກຳຂໍ້ມູນພາກສະໜາມ, ອອກແບບຄິດໄລ່, ພ້ອມທັງຂຽນບົດສະເໜີຂໍທຶນສົົມທົບເພື່ອປັບປຸງກໍ່ສ້າງຊົນລະປະທານຂະໜາດນ້ອຍໃນບ້ານເປົ້າໝາຍປີ 2023 ຈໍານວນ 5 ແຫ່ງ ເທົ່າກັບ 100% ຂອງແຜນການ, ມີມູນຄ່າລວມທັງໝົດ 964.923.000 ກີບ; ການລົງທຶນດ້ານທຸລະກິດກະສິກໍາ: ສຳເລັດການອອກແຈ້ງການຮັບສະໝັກບັນດາຜູ້ປະກອບການດ້ານທຸລະກິດກະສິກຳເຊັ່ນ: ຮ້ານຊື້-ຂາຍປັດໃຈການຜະລິດ, ຮ້ານເກັບຊື້ຜົນຜະລິດ ແລະ ຮ້ານສ້ອມແປງກົນຈັກກະສິກຳ, ເພື່ອເຂົ້າຮ່ວມກິດຈະກຳອົງປະກອບ 2 ກ່ຽວກັບການພັດທະນາຕ່ອງໂສ້ມູນຄ່າ ລະຫວ່າງກຸ່ມຜະລິດ ແລະ ຜູ້ປະກອບການຕ່າງໆທົ່ວເມືອງປາກລາຍ.

ລົງຊຸກຍູ້ຕິດຕາມກຸ່ມຜະລິດໃນປີ 2021 ໄດ້ 3 ກຸ່ມ ພ້ອມທັງປະເມີນການຈັດຕັ້ງປະຕິບັດກິດຈະກຳຂອງກຸ່ມເຊັ່ນ: ບ້ານ ວັງຍາວ: ມີສະມາຊິກກຸ່ມທັງໝົດ 20 ຄອບຄົວ, ມີເນື້ອທີ່ປູກຫຍ້າທັງໝົດຕາມແຜນ 37,72 ຮຕ, ປັດຈຸບັນມີເນື້ອທີ່ຕົວຈິງ 41,96 ຮຕ, ເພີມຂຶ້ນ4,24 ຮຕ, ມີສັດລ້ຽງທັງໝົດ 188 ໂຕ, ມີຄວາຍ 46 ໂຕ, ມີງົວ 142 ໂຕ, ໄດ້ຈໍາໜ່າຍອອກ 20 ໂຕ, ຄວາຍ 13 ໂຕ, ງົວ 7 ໂຕ ເປັນເງິນທັງໝົດ 172.625.000 ກີບ, ປັດຈຸບັນຍັງເຫຼືອຕົວຈິງ 168 ໂຕ, ຄວາຍ 33 ໂຕ, ງົວ 135 ໂຕ, ທຽບໃສ່ປີຜ່ານມາຫຼຸດລົງ 11 ໂຕ; ບ້ານ ບົວບານ: ມີສະມາຊິກກຸ່ມທັງໝົດ 20 ຄອບຄົວ, ມີເນື້ອທີ່ປູກຫຍ້າທັງໝົດຕາມແຜນ 36,68 ຮຕ, ປັດຈຸບັນມີເນື້ອທີ່ຕົວຈິງ 40,58 ຮຕ, ເພີມຂຶ້ນ 3,9 ຮຕ, ມີສັດລ້ຽງທັງໝົດ 195 ໂຕ, ມີຄວາຍ 96 ໂຕ, ມີງົວ 99 ໂຕ, ໄດ້ຈຳໜ່າຍອອກ 30 ໂຕ, ຄວາຍ 8 ໂຕ, ງົວ 22 ໂຕ ເປັນເງິນທັງໝົດ 220.250.000 ກີບ, ປັດຈຸບັນຍັງເຫຼືອຕົວຈິງ 168 ໂຕ, ທຽບໃສ່ໂຕເລກປີຜ່ານມາເພີ່ມຂຶ້ນ 10 ໂຕ; ບ້ານ ປ່າໄລ່: ມີສະມາຊິກກຸ່ມທັງໝົດ 20 ຄອບຄົວ, ມີເນື້ອທີ່ປູກຫຍ້າທັງໝົດຕາມແຜນ 36,73 ຮຕ, ປັດຈຸບັນມີເນື້ອທີ່ຕົວຈິງ 21,49 ຮຕ, ຫຼຸດລົງ 15,24 ຮຕ, ມີສັດລ້ຽງທັງໝົດ 294 ໂຕ, ມີຄວາຍ 54 ໂຕ, ມີງົວ 240 ໂຕ, ໄດ້ຈໍາໜ່າຍອອກ 148 ໂຕ, ຄວາຍ 10 ໂຕ, ງົວ 138 ໂຕ ເປັນເງິນທັງໝົດ 1.157.150.000 ກີບ, ປັດຈຸບັນຍັງເຫຼືອຕົວຈິງ 146 ໂຕ, ມີຄວາຍ 44 ໂຕ, ມີງົວ 102 ໂຕ, ທຽບໃສ່ໂຕເລກປີຜ່ານມາ ຫຼຸດລົງ 23 ໂຕ, ມີ 5 ຄ/ຄ ໄດ້ຂາຍສັດຍົກຝຸງ.

ຈາກນັ້ນ,ຜູ້ເຂົ້າຮ່ວມໄດ້ພ້ອມກັນປະກອບຄຳຄິດຄຳເຫັນດ້ານອ່ອນຂໍ້າຄົງຄ້າງຂອງການຈັດຕັ້ງປະຕິບັດໂຄງການ,ພ້ອມທັງຮັບຟັງການໂອ້ລົມຊີ້ນຳຈາກທ່ານປະທານກອງປະຊຸມຕື່ມອີກ.

ຂ່າວ-ພາບ:ດາວປະດິດ ເສດຖາລາດ

ຄໍາເຫັນ

ຂ່າວວັດທະນະທຳ-ສັງຄົມ

ຄວາມຮູ້ສຶກຂອງ ທ່ານ ສຸວັນນີໄຊຊະນະໂອກາດສະຫຼອງວັນຊາດຄົບຮອບ 50 ປີ

02/12/2025 13:42

ເນື່ອງໃນໂອກາດສະເຫຼີມສະຫຼອງວັນຊາດທີ 2 ທັນວາຄົບຮອບ 50 ປີ(2 ທັນວາ 1975-2 ທັນວາ 2025), ທ່ານ ສຸວັນນີ ໄຊຊະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 11, ປະທານສະພາປະຊາຊົນແຂວງບໍລິຄໍາໄຊໄດ້ສະແດງທັດສະນະວ່າ: ສາທາລະນະລັດ ປະຊາທິປະໄຕ ປະຊາຊົນລາວ, ໄດ້ຮັບການສະຖາປານາ ມາຮອດມື້ນີ້ກໍຄົບຮອບ 50 ປີ ພໍດີ, ເມື່ອຫວນຄືນເບິ່ງແລ້ວຄືວ່າ ບໍ່ດົນນານພໍປານໃດ, ຄິດເຫັນພາບເຫດການສໍາຄັນປະຫວັດສາດ ທີ່ເຄີຍໄດ້ປະກອບສ່ວນ ໃນຂະບວນການລຸກຂຶ້ນຢຶດອໍານາດຂອງມວນຊົນ, ຂະບວນການຊາວໜຸ່ມຕະລຸມບອນ ຢູ່ຕາແສງໜອງບອນ ເມືອງໄຊເສດຖາ ນະຄອນຫຼວງວຽຈັນ ທີ່ເປັນຖິ່ນກໍາເນີດຂອງຕົນ ຈາກມື້ນັ້ນມາຮອດມື້ນີ້ ພໍດີກຽມພັກບໍານານ ສໍາເລັດໜ້າທີ່ທີ່ພັກ, ລັດ ມອບໝາຍໃຫ້, ມັນຊ່າງເປັນເສັ້ນທາງ ທີ່ເຕັມໄປດ້ວຍຄວາມສະລັບສັບຊ້ອນ, ລະອິດລະອ້ຽວຫາກຍ້ອນມີພັກນໍາພາ ປະເທດຊາດແສນຮັກຂອງພວກເຮົາ ຈຶ່ງມີການພັດທະນາ ແລະ ດໍາລົງຄົງຢູ່ຢ່າງສະຫງ່າຜ່າເຜີຍຄືແນວນີ້.

ເຈົ້າແຂວງສະຫວັນນະເຂດ ອວຍພອນ ແລະ ມອບເຄື່ອງໃຫ້ກອງຮ້ອຍສູນເສຍອົງຄະ-ນັກຮົບແຂ່ງຂັນ ໃນໂອກາດວັນສະຖາປານາ ສປປ ລາວ ຄົບຮອບ 50 ປີ

02/12/2025 13:17

ໂອກາດວັນສະຖາປະນາ ສປປ ລາວ ຄົບຮອບ 50 ປີ (ວັນທີ 2 ທັນວາ 1975 ຫາ ວັນທີ 2 ທັນວາ 2025), ທ່ານ ບຸນໂຈມ ອຸບົນປະເສີດ ກຳມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງສະຫວັນນະເຂດ, ພ້ອມດ້ວຍຮອງປະທານຄະນະກໍາມະການປົກຄອງແຂວງ, ຫົວໜ້າກອງບັນຊາການ ປກສ-ປກຊແຂວງ, ພະແນກການເງິນ, ພະແນກແຮງງານ ແລະ ສະຫວັດດີການສັງຄົມ, ຫົວໜ້າຫ້ອງວ່າການແຂວງ, ພະແນກສຶກສາທິການ ແລະ ກິລາ, ພະແນກໂຍທາທິການ ແລະ ຂົນສົ່ງ, ພະແນກກະສິກຳ ແລະ ສິ່ງແວດລ້ອມແຂວງ, ພ້ອມຄະນະໄດ້ໄປຢ້ຽມຢາມ ແລະ ມອບເຄື່ອງອຸປະໂພກ-ບໍລິໂພກໃຫ້ຄອບຄົວຜູ້ເສຍອົງຄະ ແລະ ຜູ້ທີ່ມີຄຸນງາມຄວາມດີຢູ່ທີ່ກອງຮ້ອຍສູນເສຍອົງຄະເຊ 17 ເມືອງພີນ ແຂວງສະຫວັນນະເຂດ.

50 ປີ ແນວລາວສ້າງຊາດເສີມຂະຫຍາຍມູນເຊື້ອການເຕົ້າໂຮມຄວາມສາມັກປະຊາຊົນລາວບັນດາເຜົ່າ

02/12/2025 13:07

ເນື່ອງໃນໂອກາດວັນສະຖາປະນາ ສປປ ລາວ ຄົບຮອບ 50 ປີ (2 ທັນວາ 1975-2 ທັນວາ 2025) ແລະ ວັນເກີດປະທານ ໄກສອນ ພົມວິຫານ ຄົບຮອບ 105 ປີ. ທ່ານ ນາງ ອິນລາວັນ ແກ້ວບຸນພັນ ຮອງປະທານສູນກາງແນວລາວສ້າງຊາດ (ສນຊ) ໄດ້ໃຫ້ສໍາພາດຕໍ່ນັກຂ່າວໜັງສືພິມປະຊາຊົນເມື່ອບໍ່ດົນມານີ້ວ່າ: ພາຍຫຼັງກອງປະຊຸມຄັ້ງທີ I ຂອງ ສນຊ ໃນວັນທີ 13 ສິງຫາ 1950 ໄດ້ກຳນົດໂຄງການ ການ ເມືອງ 12 ຂໍ້ ໃນນັ້ນໄດ້ຮັບຮອງເອົາທຸງວົງເດືອນເປັນທຸງຊາດ ແລະ ເພງຊາດ ພ້ອມທັງຮັບຮອງເອົາຫຼາຍບັນຫາທີ່ສຳຄັນຂອງຊາດ ລວມທັງຊື່ປະເທດລາວ.

ວັນຊາດ ທີ 2ທັນວາ ແມ່ນວັນສະຫຼອງໄຊຊະນະອັນຍິ່ງໃຫຍ່ ຂອງປວງຊົນລາວທັງຊາດ

02/12/2025 13:02

ເນື່ອງໃນໂອກາດ ວັນຊາດທີ 02 ທັນວາ ຄົບຮອບ 50 ປີ (02/12/1975 - 02/12/2025), ທ່ານ ກອງແກ້ວ ໄຊສົງຄາມ ກໍາມະການສູນກາງພັກ ຫົວໜ້າສະຖາບັນ ວິທະຍາສາດເສດຖະກິດ ແລະ ສັງຄົມແຫ່ງຊາດ ໄດ້ສະແດງຄວາມຮູ້ສຶກວ່າ: ໃນນາມເປັນຄົນລາວຜູ້ໜຶ່ງຮູ້ສຶກເປັນກຽດ ແລະ ພາກພູມໃຈເປັນຢ່າງຍິ່ງ ນັບແຕ່ປະເທດຊາດໄດ້ຮັບການປົດປ່ອຍ ຈົນມາເຖິງປັດຈຸບັນ ແມ່ນມີການພັດທະນາຂຶ້ນຢ່າງບໍ່ຢຸດຢັ້ງ.

2 ທັນວາ ເປັນວັນແຫ່ງໄຊຊະນະອັນຍິ່ງໃຫຍ່ໃນປະຫວັດສາດຂອງຊາດລາວ

02/12/2025 12:47

ຄືດັ່ງທີ່ຮູ້ນຳກັນແລ້ວວ່າ ວັນຊາດທີ 2 ທັນວາ ແມ່ນວັນທີ່ມີຄວາມໝາຍສໍາຄັນສໍາລັບທົ່ວພັກ, ທົ່ວລັດ ແລະ ທົ່ວປວງຊົນລາວທັງຊາດ, ເປັນວັນແຫ່ງໄຊຊະນະອັນຍິ່ງໃຫຍ່ໃນປະຫວັດສາດແຫ່ງການຕໍ່ສູ້ຂອງຊາດລາວເຮົາ, ວັນທີ່ປະຊາຊົນລາວບັນດາເຜົ່າໄດ້ມີອິດສະຫຼະພາບ, ເປັນເຈົ້າຂອງປະເທດຊາດຢ່າງແທ້ຈິງ, ເປັນວັນທີ່ປະເທດລາວໄດ້ມີເອກະລາດຢ່າງສົມບູນ ແລະ ມີອະທິປະໄຕຢ່າງຄົບຖ້ວນ, ມີທີ່ຕັ້ງອັນສົມກຽດ ແລະ ມີຖານະເທົ່າທຽມກັບປະເທດອື່ນໆໃນເວທີປະຊາຄົມໂລກ ທັງແມ່ນວັນແຫ່ງສັນຕິພາບ, ວັນແຫ່ງການກ້າວສູ່ຍຸກສະໄໝໃໝ່ແຫ່ງການສ້າງປະເທດລາວສັນຕິພາບ, ເອກະລາດ, ປະຊາທິປະໄຕ, ເອກະພາບ, ວັດທະນະຖາວອນ.

ອັດຕະປື ປາຖະກະຖາ ວັນຊາດທີ2ທັນວາແລະ ວັນເກີດປະທານ ໄກສອນພົມວິຫານ

02/12/2025 12:43

ໃນວັນທີ 1 ທັນວາ 2025 ທີ່ຫໍປະຊຸມໃຫຍ່ແຂວງອັດຕະປື ໄດ້ຈັດພິທີປາຖະກະຖາວັນສະຖາປະນາສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 50 ປີ ແລະວັນເກີດປະທານ ໄກສອນ ພົມວິຫານ ຄົບຮອບ 105 ປີ, ໂດຍໃຫ້ກຽດປາຖະກະຖາຂອງສະຫາຍ ພົນໂທ ວັນທອງ ກອງມະນີ ກໍາມະການສູນກາງພັກ ເລຂາພັກແຂວງ, ມີບັນດາສະຫາຍການນໍາ-ພັກ-ລັດ ແຂວງ, ເມືອງ, ພະນັກງານປະຕິວັດອາວຸໂສ-ບໍານານ, ພ້ອມດ້ວຍພະນັກງານຫຼັກແຫຼ່ງຂອງແຂວງເຂົ້າຮ່ວມ.

ຊຽງຂວາງປະດັບລຽນກາລະນຶກ 50 ປີວັນສະຖາປະນາ ສປປ ລາວ

02/12/2025 09:17

ໃນວັນທີ 1 ທັນວາ 2025ນີ້, ຢູ່ທີ່ຫ້ອງວ່າການແຂວງຊຽງຂວາງໄດ້ມີພິທີປະດັບຫຼຽນກາ ລະນຶກ 50 ປີ ວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ໂດຍການເຂົ້າຮ່ວມຂອງທ່ານ ບຸນຈັນ ສີວົງພັນ ກຳມະການສູນກາງພພັກ ເລຂາພັກແຂວງ, ມີຄະນະປະຈຳພັກແຂວງກຳມະການພັກແຂວງ, ອາດີດການນຳແຂວງ, ຫົວໜ້າ, ຮອງຫົວໜ້າພະແນກການ, ກຳລັງປະກອບອາວຸດ ແລະ ອົງການຈັດຕັ້ງເຂົ້າຮ່ວມ.

ການນຳ ພັກ-ລັດ ແຂວງອຸດົມໄຊ ຮ່ວມຊົມການຖ່າຍທອດສົດສະຫຼອງວັນຊາດ ຄົບຮອບ 50 ປີ

02/12/2025 09:13

ໃນຕອນເຊົ້າວັນທີ 2 ທັນວາ 2025, ທີ່ສະໂມສອນແຂວງອຸດົມໄຊ, ໄດ້ມີການຈັດພິທີເຕົ້າໂຮມຊຸມນຸມ ເພື່ອຮັບຊົມການຖ່າຍທອດສົດ ພິທີສະຫຼອງວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 50 ປີ (2 ທັນວາ 1975 - 2 ທັນວາ 2025) ຈາກນະຄອນຫຼວງວຽງຈັນ. ໃຫ້ກຽດເຂົ້າຮ່ວມໃນພິທີຄັ້ງນີ້ ໂດຍ ສະຫາຍ ຄຳດີ ວົງລ້ອມ ຮອງເລຂາພັກແຂວງ, ພ້ອມດ້ວຍບັນດາສະຫາຍໃນຄະນະປະຈຳພັກແຂວງ, ກຳມະການພັກແຂວງ. ມີບັນດາອະດີດການນຳພັກ-ລັດ ຂອງແຂວງ ຜູ້ທີ່ມີຜົນງານ ແລະ ຄຸນງາມຄວາມດີໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ເຂົ້າຮ່ວມຢ່າງພ້ອມພຽງ.

ຈຳປາສັກ ວາງພວງມາລາ ແລະ ກະຕ່າດອກໄມ້ ເນື່ອງໃນໂອກາດວັນຊາດ 2 ທັນວາ ແລະ ວັນເກີດປະທານ ໄກສອນ ພົມວິຫານ

02/12/2025 09:04

ຕອນເຊົ້າວັນທີ 2 ທັນວາ 2025ນີ້, ເນື່ອງໃນໂອກາດ ວັນສະຖາປະນາ ສປປ ລາວ ຄົບຮອບ 50 ປີ (2/12/1975 – 2/12/2025) ແລະ ວັນຄ້າຍວັນເກີດ ປະທານ ໄກສອນ ພົມວິຫານ ຜູ້ນໍາທີ່ແສນເຄົາລົບຮັກ ຄົບຮອບ 105 ປີ (13/12/1920 – 13/12/2025), ຄະນະບໍລິຫານງານພັກແຂວງຈຳປາສັກ ນຳພາໂດຍ ສະຫາຍ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະພັກແຂວງຈຳປາສັກ ໄດ້ເຂົ້າຮ່ວມວາງພວງມາລາ ຢູ່ອານຸສາວະລີນັກຮົບນິລະນາມ ແລະ ກະຕ່າດອກໄມ້ ຢູ່ອະນຸສອນສະຖານປະທານ ໄກສອນ ພົມວິຫານ ສະໜາມແດງ ນະຄອນປາກເຊ.

ຄໍາມ່ວນ ປະດັບຫຼຽນກາລະນຶກ 50 ປີ ວັນສະຖາປະນາ ສປປ ລາວ

02/12/2025 08:58

ແຂວງຄໍາມ່ວນ ໄດ້ຈັດພິທີມອບຫຼຽນກາລະນຶກ 50 ປີ ວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ (ສປປ ລາວ) ໃຫ້ພະນັກງານປະຈຳການ, ພະນັກງານ ອາວຸໂສບໍານານ ແລະ ຜູ້ປະກອບການທຸລະກິດ ຂຶ້ນໃນວັນທີ 1 ທັນວາ 2025ນີ້, ໃຫ້ກຽດປະດັບຫຼຽນໂດຍສະຫາຍ ວັນໄຊ ພອງສະຫວັນ ກຳມະການສູນກາງພັກເລຂາພັກແຂວງ ເຈົ້າແຂວງຄໍາມ່ວນ, ມີຄະນະປະຈຳ, ກຳມະການພັກແຂວງ, ອະດີດການນໍາແຂວງ, ເມືອງ, ບັນດາສະມາຊິກພັກ-ພະນັກງານຫຼັກແຫຼ່ງ ແລະ ຜູ້ປະກອບການທຸລະກິດພາຍໃນແຂວງເຂົ້າຮ່ວມ.

ເພີ່ມເຕີມ