ຊຸດຝຶກອົບຮົມວຽກງານໂຄສະນາຜ່ານສື່ ແລະ ຜູ້ດຳເນີນລາຍການວິທະຍຸ - ໂທລະພາບ ໃຫ້ພະນັກງານຫຼັກແຫຼ່ງ ຄອສພ ພາຍຫຼັງທີ່ດຳເນີນມາເປັນເວລາ 4 ວັນ, ນັບແຕ່ວັນທີ 26 ກັນຍາ ເຖິງ ວັນທີ29 ກັນຍາ. ດັ່ງນັ້ນ, ໃນຕອນບ່າຍ ຂອງວັນທີ 29 ກັນຍາ ນີ້ ທີ່ຫ້ອງປະຊຸມໂຕະມົນຊັ້ນ 2 ຂອງຄະນະໂຄສະນາອົບຮົມສູນກາງພັກ (ຄອສພ) ຫຼັກ 6 ຊຸດຝຶກດັ່ງກ່າວກໍໄດ້ປິດລົງດ້ວຍຜົນສຳເລັດອັນຈົບງາມ, ໂດຍພາຍໃຕ້ການເປັນປະທານຂອງ ທ່ານ ນາງ ວິລະວອນ ພັນທະວົງ ກຳມະການປະຈຳພັກປະທານກວດກາພັກຮອງຫົວໜ້າ ຄອສພ, ມີ ທ່ານ ວັນໄຊ ຕະວິນຍານ ກຳມະການຄະນະພັກຮອງຫົວໜ້າ ຄອສພຫົວໜ້າ ບກ ໃຫຍ່ໜັງສືພິມປະຊາຊົນ, ທ່ານ ວັນຕຸລາ ຣັກນຸດ ຄະນະພັກ ຫົວໜ້າກົມຂໍ້ມູນຂ່າວສານ ແລະ ຝຶກອົບຮົມ, ທ່ານ ໂພເມກ ວິໄລສັກ ຫົວໜ້າກົມໂຄສະນາ, ມີຫົວໜ້າກົມ, ຮອງກົມ,ຫົວໜ້າພະແນກ,ຮອງຫົວໜ້າພະແນກ ພ້ອມດ້ວຍພະນັກງານໃນກົມໂຄສະນາ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ໃນພິທີ, ທ່ານ ໂພເມກ ວິໄລສັກ ໄດ້ຂຶ້ນຜ່ານບົດສະຫຼຸບຜົນການຝຶກອົບຮົມວຽກງານໂຄສະນາຜ່ານສື່ ແລະ ຜູ້ດຳເນີນລາຍການວິທະຍຸ-ໂທລະພາບ. ໂດຍທ່ານໄດ້ຍົກໃຫ້ເຫັນ ຜົນສຳເລັດໃນຊຸດຝຶກອົບຮົມໃນຄັ້ງ, ດ້ານດີ ກໍຄື ດ້ານອ່ອນ-ຂໍ້ຄົງຄ້າງ ແລະ ບົດຮຽນທີ່ສາມາດຖອດຖອນໄດ້, ຫຼັງຈາກນັ້ນ ທ່ານ ນາງ ວິລະວອນ ພັນທະວົງ ໃຫ້ກຽດໂອ້ລົມ ຕໍ່ກອງປະຊຸມ ທ່ານໄດ້ກ່າວຍ້ອງຍໍຊົມເຊີຍນັກຝຶກອົບຮົມ ທີ່ໄດ້ເຫັນຄວາມສຳຄັນ ທີ່ໄດ້ເອົາໃຈໃສ່ບຸກບືນສູ້ຊົນ ໃນການຝຶກອົບຮົມໃນຄັ້ງນີ້, ພ້ອມທັງເນັ້ນໃຫ້ນັກຝຶກອົບຮົມນຳເອົາຄວາມຮູ້ ແລະ ບົດຮຽນ ທັງ 7 ບົດທີ່ບັນດາຄູ-ອາຈານສົ່ງໃຫ້ໃນຄັ້ງນີ້ໄປໝູນໃຊ້ໃນວຽກງານຕົວຈິງ ຂອງຕົນເອງໃຫ້ເກີດຜົນປະໂຫຍດຫຼາຍທີ່ສຸດ.
(ຂ່າວ-ພາບ: ພັດ ລໍວັນໄຊ)
ບົດບາດວີດີໂອສັ້ນ ເປັນຂົວຕໍ່ທີ່ບໍ່ມີພົມແດນ
ໃນໂອກາດນຳພາຄະນະຜູ້ແທນ ສປປ ລາວ ເຂົ້າຮ່ວມພິທີມອບ-ຮັບລາງວັນການປະກວດວີດີໂອສັ້ນພາຍໃຕ້ຫົວຂໍ້: “ການຮ່ວມມືມິດຕະພາບຈີນ-ອາຊຽນ” ຄັ້ງທີ 5 ທີ່ນະຄອນໜານໜິງເຂດປົກຄອງຕົນເອງເຜົ່າຈ້ວງກວາງຊີ ສປ ຈີນ, ທ່ານ ວັນສີ ກົວມົວ ກຳມະການສູນກາງພັກ ຮອງຫົວໜ້າຄະນະໂຄສະນາອົບຮົມສູນກາງພັກໄດ້ໃຫ້ສຳພາດຕໍ່ສື່ມວນຊົນ ສປ ຈີນ ວ່າ: ບົດບາດຂອງວີດີໂອສັ້ນຕໍ່ການເຊື່ອມໂຍງປະຊາຊົນແມ່ນເປັນຂົວຕໍ່ທີ່ບໍ່ມີພົມແດນ.
ຄໍາເຫັນ