ຄວາໝາຍອັນຍິ່ງໃຫຍ່ການປະຕິຮູບຮອບດ້ານແບບຈີນ

 ແມ່ນເຄັດລັບອັນສຳຄັນຂອງພັກ ແລະ ປະຊາຊົນ ໃນການສ້າງພາລະກິດໃຫ້ທັນກັບຍຸກສະໄໝດ້ວຍບາດກ້າວໃຫຍ່.

ກອງປະຊຸມຄົບຄະນະ ຄັ້ງທີ 3 ຂອງຄະນະກຳມະການສູນກາງພັກ ສະໄໝທີ Ⅺ ຂອງຈີນ ມີລັກສະນະເປັນຂີດໝາຍຂອງຍຸກສະໄໝ ຊຶ່ງໄດ້ເລີ່ມຕົ້ນໄລຍະໃໝ່ແຫ່ງການປະຕິຮູບ ເປີດປະຕູສູ່ພາຍນອກ ແລະ ການສ້າງສັງຄົມນິຍົມທັນສະໄໝ. ກອງປະຊຸມຄົບຄະນະ ຄັ້ງທີ 3 ຂອງຄະນະກຳມະການສູນກາງພັກ ສະໄໝທີ XVIII ກໍມີລັກສະນະ ເປັນຂີດໝາຍຂອງຍຸກສະໄໝເຊັ່ນດຽວກັນ ຊຶ່ງໄດ້ເລີ່ມຕົ້ນຄັ້ງໃໝ່ ແຫ່ງການລົງເລິກການປະຕິຮູບຢ່າງຮອບດ້ານ, ການອອກແບບ ແລະ ຊຸກຍູ້ການປະຕິຮູບຢ່າງເປັນລະບົບ, ເປັນອັນດຽວກັນໃນຍຸກໃໝ່, ທັງໄດ້ເລີ່ມສ້າງສະພາບການໃໝ່ທັງໝົດແຫ່ງການປະຕິຮູບ ແລະ ເປີດປະຕູສູ່ພາຍນອກຂອງຈີນ.

ສູນກາງພັກທີ່ມີ ສະຫາຍ ສີຈິ້ນຜິງ ເປັນແກນກາງ ໄດ້ສາມັກຄີ ແລະ ນຳພາທົ່ວພັກ, ທົ່ວກອງທັບ ແລະ ທົ່ວປວງຊົນຈີນທັງຊາດ, ໄດ້ນຳໃຊ້ຄວາມເປັນເຈົ້າການຄັ້ງປະຫວັດສາດອັນຍິ່ງໃຫຍ່ ຄວາມກ້າຫານດ້ານການເມືອງທີ່ໃຫຍ່ຫຼວງ ແລະ ຄວາມຮັບຜິດຊອບທີ່ແຮງກ້າ ໂດຍໄດ້ບຸກທະລຸແກ້ໄຂດ້ານແນວຄິດ ແລະ ທັບມ້າງອຸປະສັກສິ່ງກີດຂວາງຕ່າງໆ, ໄດ້ກຳຈັດຂໍ້ບົກຜ່ອງໃນໂຄງປະກອບ ແລະ ກົນໄກດ້ານຕ່າງໆ ໂດຍໄດ້ບັນລຸການຫັນປ່ຽນດ້ານການປະຕິຮູບຈາກການທົດລອງຢູ່ບາງພາກສ່ວນ ແລະ ການບຸກຜ່າພູນ້ຳກ້ອນ ໄປສູ່ການໂຮມເຂົ້າເປັນລະບົບ ແລະ ລົງສູ່ລວງເລິກຢ່າງຮອບດ້ານ.

ໂຄງຮ່າງລະບຽບການຂັ້ນພື້ນຖານໃນຂົງເຂດຕ່າງໆໄດ້ສ້າງຂຶ້ນໂດຍພື້ນຖານ, ຫຼາຍຂົງເຂດໄດ້ບັນລຸການປ່ຽນແປງຄັ້ງປະຫວັດສາດ, ການສ້າງລະບົບຄືນໃໝ່ ແລະ ການສ້າງຄວາມເປັນອັນດຽວກັນຄືນໃໝ່ ໄດ້ສຳເລັດໜ້າທີ່ການປະຕິຮູບທີ່ກຳນົດໄວ້ ຢູ່ໃນກອງປະຊຸມຄົບຄະນະ ຄັ້ງທີ 3 ຂອງຄະນະກຳມະການສູນກາງພັກ ສະໄໝທີ XVIII ໂດຍລວມ, ໄດ້ບັນລຸເປົ້າໝາຍທີ່ລະບອບລະບຽບການດ້ານຕ່າງໆຍິ່ງສົມບູນ ຍິ່ງເປັນຮູບເປັນຮ່າງ ແລະ ໄດ້ຮັບປະສິດທິຜົນຢ່າງພົ້ນເດັ່ນ ເມື່ອຮອດໂອກາດການສ້າງຕັ້ງພັກຄົບຮອບ 100 ປີ, ໄດ້ສະໜອງການຮັບປະກັນດ້ານລະບອບລະບຽບການທີ່ແຂງແຮງ ໃຫ້ແກ່ການສ້າງສັງຄົມອີ່ມໜຳສຳລານ ໃຫ້ສຳເລັດຜົນ ຢ່າງຮອບດ້ານ ແລະ ບັນລຸເປົ້າໝາຍສູ້ຊົນຄົບຮອບ 100 ປີເຫດການທີ 1 ຂອງພັກ, ໄດ້ຊຸກຍູ້ໃຫ້ປະເທດຈີນ ກ້າວໄປສູ່ການອອກເດີນທາງຄັ້ງໃໝ່ ແຫ່ງການສ້າງສາປະເທດສັງຄົມນິຍົມທີ່ທັນສະໄໝ ຢ່າງຮອບດ້ານ.