ຍັງມີເນື້ອໃນຕິດພັນກັບວັນສໍາຄັນຂອງຊາດ ແລະ ຂອງພັກ ຊຶ່ງກົງກັບວັນສ້າງຕັ້ງໜັງສືພິມປະຊາຊົນ ແລະ ວັນສ້າງຕັ້ງອົງການແນວລາວສ້າງຊາດຄົບຮອບ 74 ປີ ອີກດ້ວຍ. ຊຶ່ງຕົນເອງ ໄດ້ຮັບການມອບໝາຍຈາກຂັ້ນເທິງ ເພື່ອປະຕິບັດໜ້າທີ່ກ່ຽວກັບວຽກງານຖະແຫຼງຂ່າວ-ສື່ມວນຊົນຢູ່ຂັ້ນເມືອງໄດ້ເອົາໃຈໃສ່ຄົ້ນຄວ້າແນວທາງນະໂຍບາຍຂອງພັກ-ລັດ ຕໍ່ວຽກງານຖະແຫຼງຂ່າວ-ສື່ມວນຊົນ ໃນແຕ່ລະໄລຍະ ເພື່ອໃຫ້ຮັບຮູ້, ກໍາໄດ້ມູນເຊື້ອອັນດີງາມຂອງນັກຂ່າວສື່ມວນຊົນຂອງພັກ; ໝູນໃຊ້ບົດຮຽນນັ້ນ ໃຫ້ເຂົ້າກັບສະພາບໃນປັດຈຸບັນ ຊຶ່ງແມ່ນໄລຍະແຫ່ງການປົກປັກຮັກສາ ແລະ ສ້າງສາພັດທະນາປະເທດຊາດ; ສູ້ຊົນນໍາພາອ້າຍນ້ອງພະນັກງານ ຈັດຕັ້ງ ແລະ ເຄື່ອນໄຫວປະຕິບັດວຽກງານ ຕາມພາລະບົດບາດ, ສິດ ແລະ ໜ້າທີ່ຂອງຕົນໃຫ້ຫຼ້ອນໜ້າທີ່, ຖືເອົາວຽກງານຖະແຫຼງຂ່າວ-ສື່ມວນຊົນ ເປັນວຽກສໍາຄັນຕົ້ນຕໍ, ກໍາແໜ້ນເນື້ອໃນສໍາຄັນຂອງກົດໝາຍວ່າດ້ວຍສື່ມວນຊົນ, ບົດແນະນໍາທີ່ກ່ຽວຂ້ອງສໍາລັບປັບປຸງພັດທະນາວຽກງານ; ຕິດຕາມການເຄື່ອນໄຫວຂອງຄະນະພັກ, ອົງການປົກຄອງເມືອງ, ການນໍາແຕ່ລະຂັ້ນ ທີ່ລົງມາເຄື່ອນໄຫວວຽກງານຢູ່ເມືອງທຸລະຄົມ ເພື່ອເກັບກໍາຂ່າວ, ຖ່າຍພາບ, ຖ່າຍທໍາ, ຂຽນຂ່າວ, ສົ່ງຂ່າວ ແລະ ອອກຂ່າວ ຢ່າງປົກກະຕິຕໍ່ເນື່ອງ; ມີສ່ວນຮ່ວມໂຄສະນາແນວທາງການເມືອງຂອງພັກ, ນະໂຍບາຍຂອງລັດ, ເປັນກະບອກສຽງນໍາສະ ເໜີຂ່າວເຮັດໃຫ້ສັງຄົມ, ປະຊາຊົນ ຮັບຮູ້ຂໍ້ມູນຂ່າວສານ, ສະພາບການສ້າງສາພັດທະນາບ້ານເມືອງ; ລາຍງານ ແລະ ຂໍທິດຊີ້ນໍາຈາກສາຍຕັ້ງ ແລະ ສາຍຂວາງຂັ້ນເທິງຖັດຕົນ, ພົວພັນປະສານງານຖອດຖອນບົດຮຽນຈາກນັກຂ່າວຂັ້ນສູນກາງ, ຂັ້ນແຂວງ, ກວດກາຮຽບຮຽງເນື້ອໃນຂ່າວ ຕາມຮູບແບບການຂຽນຂ່າວ ໃຫ້ມີເນື້ອໃນກະທັດຮັດ, ມີເນື້ອໃນ, ຄວາມໝາຍ, ມີປະໂຫຍດຕໍ່ຜູ້ຊົມໃຊ້ສື່ໂຄສະນາ, ຕ້ານແຫຼ່ງຂ່າວບໍ່ສ້າງສັນ, ແກ້ຂ່າວບິດເບືອນຄວາມຈິງ ບົນພື້ນຖານຈັນຍາບັນຂອງນັກຂ່າວໃນລະບອບປະຊາທິປະໄຕປະຊາຊົນ, ທັດສະນະຫຼັກໝັ້ນນັກຂ່າວໃນລະບອບສັງຄົມນິຍົມ ພາຍໃຕ້ການນໍາພາຂອງພັກ; ຊຸກຍູ້, ຕິດຕາມ, ອໍານວຍຄວາມສະດວກໃຫ້ນັກຂ່າວຂອງຂັ້ນສູນກາງ ເຊັ່ນ: ຄະນະນັກຂ່າວຂອງສໍານັກງານໃຫຍ່ໜັງສືພິມປະຊາຊົນສຽງຂອງສູນກາງພັກ; ສໍານັກຂ່າວສານປະເທດລາວ, ນັກຂ່າວວິທະຍຸກະຈາຍສຽງແຫ່ງຊາດ; ນັກຂ່າວແຂວງວຽງຈັນ ເຄື່ອນໄຫວເກັບກໍາຂ່າວ, ສໍາພາດການນໍາເມືອງ, ຫ້ອງການກ່ຽວຂ້ອງ, ລົງເກັບກໍາຂ່າວການຜະລິດຂົງເຂດກະສິກໍາ, ຫັດຖະກໍາ, ງານບຸນປະເພນີສໍາຄັນຢູ່ບັນດາບ້ານຂອງເມືອງ; ເຄື່ອນໄຫວເກັບກໍາຂ່າວໃນໂອກາດວັນສໍາຄັນຕ່າງໆຂອງຊາດ, ຂອງພັກ ແລະ ຂອງທ້ອງຖິ່ນ, ລວມທັງຂ່າວຂະບວນການຮອບດ້ານຢູ່ພາຍໃນເມືອງ ໃຫ້ຂ່າວມີເນື້ອໃນ, ສີສັນທີ່ຫຼາກຫຼາຍ ຄຽງຄູ່ກັບຂ່າວຂົງເຂດການເມືອງ, ປກສ-ປກຊ, ເສດຖະກິດ, ວັດທະນະທໍາ-ສັງຄົມ ແລະ ອື່ນໆ ທີ່ເປັນປະໂຫຍດ.
ໃນ 6 ເດືອນ ຕົ້ນປີ 2024 ຜ່ານມາ ສາມາດເກັບກໍາຂ່າວໄດ້ທັງໝົດ 84 ຂ່າວ, ໃນນັ້ນລາຍງານຂ່າວຂັ້ນສູນກາງໄດ້ ພາກສ່ວນລະ 48 ຂ່າວ, ຂ່າວທີ່ລາຍງານໃຫ້ພະແນກ ຖວທ ແຂວງວຽງຈັນ ກໍປະຕິບັດຕາມຂ່າວທີ່ລາຍງານຂັ້ນສູນກາງ, ຂ່າວທີ່ເອົາລົງໜ້າຂ່າວທາງເຜດເຟດສບຸກ ຂອງຂ່າວປະຈໍາວັນເມືອງທຸລະຄົມ ຍັງມີຂ່າວສັ້ນປະຈໍາວັນ, ຂ່າວແຈ້ງການ, ຂ່າວການປ້ອງກັນເວນຍາມບ້ານ, ຍາມສໍານັກງານຫ້ອງການໃນໂອກາດວັນສໍາຄັນຕ່າງໆ ແລະ ມີຂ່າວສັ້ນອື່ນໆ, ຊຶ່ງມີຜູ້ຕິດຕາມ 9000 ກວ່າຄົນ, ຜູ້ກົດຖືກໃຈ 6438 ຄົນ. ໃນທ້າຍປີ 2024 ນີ້ ເມືອງທຸລະຄົມ ສືບຕໍ່ໃນການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ VII ຂອງອົງຄະນະພັກເມືອງ, ແຜນພັດທະນາເສດຖະກິດ-ສັງຄົມ 5 ປີ ຂອງເມືອງຄັ້ງທີ III, ຫ້າງຫາກະກຽມສະຫຼຸບສັງລວມຜົນງານຮອບດ້ານ 5 ປີ 2020-2024, ກະກຽມຄວາມພ້ອມຫັນໜ້າເຂົ້າສູ່ກອງປະຊຸມໃຫຍ່ຜູ້ແທນອົງຄະນະພັກເມືອງຄັ້ງທີ VIII, ຊຶ່ງທາງຫ້ອງການພວກເຮົາ ຈະສືບຕໍ່ປະຕິບັດໜ້າທີ່ວຽກງານວິຊາສະເພາະ ແລະ ຄວາມຮັບຜິດຊອບທາງດ້ານການເມືອງຂອງຕົນຢ່າງແຂງແຮງ ເພື່ອເຮັດໃຫ້ແຜນການທີ່ວາງໄວ້ມີຜົນສໍາເລັດ. ຕັ້ງໜ້າເກັບກໍາຂ່າວ, ລາຍງານຂ່າວ, ສົ່ງຂ່າວໃຫ້ທັນເຫດການ, ຈັດລຽງລໍາດັບຂອງຂ່າວ, ປັບປຸງຈຸດຄົງຄ້າງ ເຮັດໃຫ້ຂ່າວອອກຕໍ່ເນື່ອງ ແລະ ຮັກສາມູນເຊື້ອນັກຂ່າວທີ່ດີ ທີ່ການນໍາພັກ-ລັດທຸກຂັ້ນເຄີຍຊີ້ນໍາ-ນໍາພາຜ່ານມາ.
ຄໍາເຫັນ