ຄວາມຮູ້ສຶກສ່ວນຕົວ ຂອງ ທ່ານດວງຕາ ໄຊວຸດ ຮອງເລຂາພັກແຂວງໄຊຍະບູລີ ໃນໂອກາດວັນຊາດ ທີ 2 ທັນວາ ຄົບຮອບ 48 ປີ (2/12/1975-2/12/ 2023) ວ່າ: ຂ້າພະເຈົ້າມີຄວາມປິຕິຊົມຊື່ນຢ່າງລົ້ນເຫຼືອຫາອັນປຽດບໍ່ໄດ້ ໃນໂອກາດວັນຊາດທີ 2 ທັນວາ ຄົບຮອບ 48 ປີຊຶ່ງແມ່ນວັນແຫ່ງໄຊຊະນະອັນຍິ່ງໃຫຍ່ແຫ່ງການຕໍ່ສູ້ກູ້ຊາດ ຂອງຊາດລາວເຮົາ, ແມ່ນວັນທີ່ປະຊາຊົນລາວບັນດາເຜົ່າ, ຊັ້ນຄົນຕ່າງໆ ໃນທົ່ວປະເທດ ມີອິດສະລະພາບ ແລະ ເປັນເຈົ້າຂອງປະເທດຊາດຢ່າງແທ້ຈິງ, ແມ່ນວັນທີ່ປະເທດຊາດຂອງພວກເຮົາໄດ້ຮັບເອກະລາດຢ່າງສົມບູນ, ມີອະທິປະໄຕຢ່າງຄົບຖ້ວນ, ມີທີ່ຕັ້ງ ແລະຖານະເທົ່າທຽມກັບປະເທດອື່ນໆໃນເວທີປະຊາຄົມໂລກ.ພາຍຫຼັງປະເທດຊາດໄດ້ຮັບການປົດປ່ອຍຢ່າງສົມບູນ ພັກປະຊາຊົນ ປະຕິວັດລາວ ໄດ້ນໍາພາປະຊາຊົນບັນດາເຜົ່າ ປະຕິບັດ 2 ໜ້າທີ່ຍຸດທະສາດ ແລະ ປະຕິບັດພາລະກິດປ່ຽນແປງໃໝ່ຢ່າງມີຫຼັກການ ເພື່ອປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນເປັນກ້າວໆ, ເອົາໃຈໃສ່ສ້າງບັນດາປະຖົມປັດໄຈ ເພື່ອນໍາພາປວງຊົນລາວທັງຊາດກ້າວຂຶ້ນຕາມຈຸດໝາຍສັງຄົມນິຍົມ.ມາຮອດປັດຈຸບັນ ເຮັດໃຫ້ປະເທດຊາດຂອງພວກເຮົາ ສືບຕໍ່ມີສະຖຽນລະພາບທາງດ້ານການເມືອງ ຢ່າງໜັກແໜ້ນ, ສັງຄົມມີຄວາມສະຫງົບ, ການພັດທະນາເສດຖະກິດ-ສັງຄົມ ໄດ້ສືບຕໍ່ຂະຫຍາຍຕົວຢ່າງຕໍ່ເນື່ອງ-ຖືກທິດ, ລະບົບການເມືອງປະຊາທິປະໄຕປະຊາຊົນ ໄດ້ຮັບການປັບປຸງໃຫ້ເຂັ້ມແຂງ ໜັກແໜ້ນ ຂຶ້ນເປັນກ້າວໆ.
ໃນໂອກາດທີ່ມີຄວາມໝາຍສໍາຄັນທາງປະຫວັດສາດ ດັ່ງກ່າວນີ້ ຂ້າພະເຈົ້າຂໍຈົດຈຳ, ຈາລຶກບຸນຄຸນການນໍາ, ພັກ-ລັດ ແລະ ຂໍອວຍພອນໄຊອັນປະເສີດໃຫ້ ທ່ານຜູ້ນຳພັກ-ລັດ ຈົ່ງມີສຸຂະພາບແຂງແຮງ, ມີຜົນສໍາເລັດໃນໜ້າທີ່ວຽກງານ ສືບຕໍ່ນໍາພາປະເທດຊາດຂອງພວກເຮົາ ກ້າວຂຶ້ນຕາມຈຸດໝາຍສັງຄົມນິຍົມ ຢ່າງມີໄຊ.ອວຍພອນໃຫ້ປະຊາຊົນລາວບັນດາເຜົ່າ ຈົ່ງມີຄວາມສຸກ ຄວາມຈະເລີນ ໃນການດໍາລົງຊີວິດຕະຫຼອດໄປ.
ຂໍຂອບໃຈ !
ໃນໂອກາດທີ່ມີຄວາມໝາຍສໍາຄັນທາງປະຫວັດສາດ ດັ່ງກ່າວນີ້ ຂ້າພະເຈົ້າຂໍຈົດຈຳ, ຈາລຶກບຸນຄຸນການນໍາ, ພັກ-ລັດ ແລະ ຂໍອວຍພອນໄຊອັນປະເສີດໃຫ້ ທ່ານຜູ້ນຳພັກ-ລັດ ຈົ່ງມີສຸຂະພາບແຂງແຮງ, ມີຜົນສໍາເລັດໃນໜ້າທີ່ວຽກງານ ສືບຕໍ່ນໍາພາປະເທດຊາດຂອງພວກເຮົາ ກ້າວຂຶ້ນຕາມຈຸດໝາຍສັງຄົມນິຍົມ ຢ່າງມີໄຊ.ອວຍພອນໃຫ້ປະຊາຊົນລາວບັນດາເຜົ່າ ຈົ່ງມີຄວາມສຸກ ຄວາມຈະເລີນ ໃນການດໍາລົງຊີວິດຕະຫຼອດໄປ.
ຂໍຂອບໃຈ !
ຄໍາເຫັນ