ຂົວມິດຕະພາບລາວ-ໄທແຫ່ງທີ1 ນໍາເອົາຜົນປະໂຫຍດສູງມາສູ່ປະຊາຊົນລາວ

ຂົວມິດຕະພາບລາວ-ໄທແຫ່ງທີ1 ນໍາເອົາຜົນປະໂຫຍດສູງມາສູ່ປະຊາຊົນລາວ
ໂດຍ: ແສງຈັນ
    ຂົວມິດຕະພາບ ລາວ-ໄທ ແຫ່ງທີ1 ໄດ້ນໍາເອົາຜົນປະໂຫຍດສູງມາສູ່ປະຊາຊົນລາວຢ່າງເປັນຮູບປະທໍາ ເວົ້າລວມ, ເວົ້າສະເພາະ ປະຊາຊົນຊາວນະຄອນຫຼວງວຽງຈັນ ອັນໄດ້ເຮັດໃຫ້ຊີວິດການເປັນຢູ່ຂອງປະຊາຊົນນັບມື້ດີຂຶ້ນເປັນກ້າວໆ.
ໃນໂອກາດເຂົ້າຮ່ວມພິທີສະເຫຼີມສະຫຼອງການເປີດນໍາໃຊ້ຂົວມິດຕະພາບ ລາວ-ໄທ ແຫ່ງທີ 1 ຄົບຮອບ 30ປີ  ທີ່ຂົວມິດຕະພາບ ແຫ່ງທີ1, ທ່ານ ອາດສະພັງທອງ ສີພັນດອນ ເຈົ້າຄອງນະຄອນຫຼວງວຽງຈັນ ໃຫ້ສໍາພາດຕໍ່ນັກຂ່າວ ຊຶ່ງໄດ້ກ່າວວ່າ: ຕະຫຼອດໄລຍະ 30ປີ ພາຍໃຕ້ການສະໜັບສະໜູນງົບປະມານ ຈາກລັດຖະບານອົສຕຣາລີ ການກໍ່ສ້າງຂົວແຫ່ງນີ້ ຊຶ່ງເປັນຂອງຂວັນມອບໃຫ້ປະຊາຊົນ 2ຊາດ ລາວ-ໄທ.  ສປປ ລາວ ບໍ່ມີຊາຍແດນຕິດກັບທະເລ, ເພື່ອເປັນການເຊື່ອມໂຍງ-ເຊື່ອມຈອດ ໃນປີ1994ເປັນຈຸດເລີ່ມຕົ້ນໃນການຈັດຕັ້ງຜັນຂະຫຍາຍແນວທາງຂອງພັກ-ລັດຖະບານທາງດ້ານທາງຜ່ານ ຈາກແລ່ນລ໋ອກ ເປັນແລ່ນລິ້ງ ນັ້ນຖືວ່າ ເປັນທາງຜ່ານໃນອະນຸພາກພື້ນ.
ໄລຍະ 30ປີຜ່ານມາ ສປປ ລາວ ແມ່ນໄດ້ຮັບຜົນປະໂຫຍດສູງ ແລະ ເປັນຮູບປະທໍາ ໃນການຊົມໃຊ້ຂົວເປັນທາງຜ່ານ, ປັດຈຸບັນພາຫະນະເຂົ້າ-ອອກໃນແຕ່ລະວັນ 7-8ພັນຄັນ, ຈໍານວນຜູ້ໂດຍສານແຕ່ລະວັນ ເກືອບໝື່ນກວ່າຄົນ, ຊີວິດການເປັນຢູ່ຂອງປະຊາຊົນມີຄວາມສະດວກ-ສະບາຍ, ການຄ້າ-ຂາຍ ນັບມື້ສູງຂຶ້ນ ໂດຍສະເພາະການປະຕິບັດແຜນພັດທະນາຂອງລັດ ແຕ່ລະປີລາຍຮັບຢູ່ຂົວກວມເກືອບ 50% ຂອງລາຍຮັບແຫ່ງຊາດ ໃນຂອບເຂດທົ່ວປະເທດ ຊຶ່ງເປັນການປະກອບສ່ວນເຂົ້າໃນການສ້າງສາພັດທະນາປະເທດຊາດ.  ຈໍານວນນັກທ່ອງທ່ຽວນັບມື້ເພີ່ມຂຶ້ນ, ນະຄອນຫຼວງວຽງຈັນ (ນວ) ວາງແຜນຄາດຄະເນວ່າປີນີ້ຈະມີບັນດານັກທ່ອງທ່ຽວເຂົ້າມາທ່ຽວລາວ 5 ລ້ານກວ່າຄົນຂຶ້ນໄປ, ບັນດານັກທ່ອງທ່ຽວຈໍານວນໜຶ່ງອາດຈະໄດ້ຜ່ານຊ່ອງທາງຂົວ ແຫ່ງທີ1 ເຖິງ 60-70%  ເຫັນໄດ້ວ່າຈໍານວນຄົນໃຊ້ຂົວເປັນທາງຜ່ານຢ່າງເປັນຮູບປະທໍາ,  ນອກຈາກຂົວແຫ່ງທີ 1 ແລ້ວ ຍັງຈະມີຂົວແຫ່ງທີ 5 ທີ່ກໍາລັງຈະກໍ່ສ້າງສໍາເລັດ ຄາດຄະເນວ່າ ຈະນໍາໃຊ້ໃນປີ 2024; ພາຍຫຼັງ ສປປ ລາວ ປະຕິບັດນະໂຍບາຍການປ່ຽນແປງໃໝ່ ຂອງພັກທີ່ມີຫຼັກການໃນຊຸມປີ 80, ຕົ້ນຊຸມປີ90 ສາມາດສູ້ຊົນ ໂດຍການຮ່ວມມື ລະຫວ່າງ ລັດຖະບານລາວ-ລັດຖະບານອົສຕາລີ ແລະ ລັດຖະບານແຫ່ງຣາຊະອານາຈັກໄທ ຈຶ່ງສາມາດເຮັດໃຫ້ການສ້າງຂົວແຫ່ງທີ 1 ສໍາເລັດ ຊຶ່ງເປັນຈຸດເລີ່ມຕົ້ນໃນການເປີດປະຕູສູ່ພາຍນອກ.  ສໍາລັບແຜນພັດທະນາເສດຖະກິດ-ສັງຄົມ ຂອງນວ ກໍຄື ແຜນພັດທະນາເສດຖະກິດ-ສັງຄົມແຫ່ງຊາດ  ໄດ້ກໍານົດວ່າ: ທ່າແຮງທີ່ບົ່ມຊ້ອນ ຂອງນວ ແມ່ນນໍາໃຊ້ 3 ທ່າແຮງ ຄື: ທ່າແຮງທາງລົດໄຟ-ທາງດ່ວນ, ນວ ສົ່ງເສີມໃຫ້ເຂດທີ່ມີເນື້ອທີ່ໜ້ອຍເຮັດກະສິກໍາສະອາດ-ກະສິກໍາຕົວເມືອງ, ບັນດາເຂດເສດຖະກິດພິເສດ-ສະເພາະ, ພາຍໃນ ນວ ມີເຂດເສດຖະກິດພິເສດ 6 ເຂດເສດຖະກິດ ຊຶ່ງເຂດເສດຖະກິດດັ່ງກ່າວ ຈະສ້າງມູນຄ່າເພີ່ມ, ສ້າງໃຫ້ເປັນແຮງງານທີ່ມີວຽກເຮັດງານທໍາ, ການຜະລິດໃນເຂດເສດຖະກິດສ່ວນຫຼາຍຜະລິດເພື່ອສົ່ງອອກ ນີ້ຖືວ່າເປັນທ່າແຮງໃນການຂະຫຍາຍຕົວ.  
    ສິ່ງທີ່ ນວ ຄວນເອົາໃຈໃສ່ໃນຕໍ່ໜ້າແມ່ນບັນຫາພື້ນຖານໂຄງລ່າງ, ກົນໄກດ້ານລະບຽບ, ຫຼັກການ, ນິຕິກໍາ ເພື່ອອໍານວຍຄວາມສະດວກ ໃຫ້ດ່ານຊາຍແດນເຂົ້າ-ອອກມີຄວາມສະດວກກວ່າເກົ່າ, ປັດຈຸບັນ, ລັດຖະບານໄດ້ມີແຈ້ງການຫາບັນດາຂະແໜງການທີ່ກ່ຽວຂ້ອງຕ່າງໆ ລວມທັງ ນວ ໃນການປັບປຸງຂອດ, ຂັ້ນຕອນຕ່າງໆໃຫ້ມັນກະທັດຮັດ, ສະດວກ ແລະ ຫັນເປັນທັນສະໄໝ.  ໃນໂອກາດດັ່ງກ່າວ, ທ່ານ ອາດສະພັງທອງ ສີພັນດອນ ຮຽກຮ້ອງມາຍັງ ພໍ່, ແມ່, ປະຊາຊົນ ເວົ້າລວມ, ເວົ້າສະເພາະ ປວງຊົນ ນວ ຈົ່ງຮ່ວມແຮງ-ຮ່ວມໃຈກັນ ຊົມໃຊ້ຂົວໃຫ້ເກີດປະໂຫຍດສູງສຸດໃນດ້ານການບໍລິການ ແລະ ເພີ່ມຂີດຄວາມສາມາດເພື່ອໃຫ້ ການໄປ-ມາຫາສູ່ກັນ ນັບມື້ສະດວກ, ສະບາຍຂຶ້ນຕື່ມ ແລະ ຊົມໃຊ້ຢ່າງກວ້າງຂວາງ.

ຄໍາເຫັນ

ຂ່າວການຮ່ວມມື

ຄະນະຜູ້ແທນກົງສູນໃຫຍ່ ສສ ຫວຽດນາມ ປະຈໍາພາກໃຕ້ລາວ ວາງພວງມາລາ ຢູ່ອະນຸສາວະລີ ຮ່ວມສໍາພັນສູ້ຮົບ ລາວ-ຫວຽດນາມ

ຄະນະຜູ້ແທນກົງສູນໃຫຍ່ ສສ ຫວຽດນາມ ປະຈໍາພາກໃຕ້ລາວ ວາງພວງມາລາ ຢູ່ອະນຸສາວະລີ ຮ່ວມສໍາພັນສູ້ຮົບ ລາວ-ຫວຽດນາມ

ເນື່ອງໃນໂອກາດສະເຫຼີມສະຫຼອງວັນນັກຮົບເສຍສະຫຼະຊີວິດເພື່ອຊາດ ຄົບຮອບ 78 ປີ (27/71947-27/7/2025), ໃນວັນທີ 27 ກໍລະກົດນີ້, ຄະນະຜູ້ແທນກົງສູນໃຫຍ່ ສສ ຫວຽດນາມ ປະຈໍາພາກໃຕ້ລາວ ນໍາໂດຍທ່ານ ນາງ ຕ້າເຟືອງຢຸງ ກົງສູນໃຫຍ່ ສສ ຫວຽດນາມ ປະຈໍາພາກໃຕ້ລາວ, ພ້ອມຄະນະ ໄດ້ເຂົ້າວາງພວງມາລາ, ທູບ-ທຽນ ທີ່ອະນຸສາວະລີ ຮ່ວມສໍາພັນສູ້ຮົບ ລາວ-ຫວຽດນາມ ຢູ່ເມືອງປາກຊ່ອງ ແຂວງຈໍາປາສັກ ທັງນີ້ກໍເພື່ອລະນຶກວັນນັກຮົບເສຍສະຫຼະຊີວິດເພື່ອຊາດ.
ກອງປະຊຸມຄັ້ງທີ 8 ຂອງຄະນະກຳມະການຊາຍແດນຮ່ວມ ລາວ - ກໍາປູເຈຍ (JBC)

ກອງປະຊຸມຄັ້ງທີ 8 ຂອງຄະນະກຳມະການຊາຍແດນຮ່ວມ ລາວ - ກໍາປູເຈຍ (JBC)

ກອງປະຊຸມຄະນະກຳມະການຊາຍແດນຮ່ວມລາວ-ກຳປູເຈຍ ແລະ ກຳປູເຈຍ-ລາວ ຄັ້ງທີ 8 ໄດ້ຈັດຂຶ້ນໃນວັນທີ26 ກໍລະກົດ ຜ່ານມາ ທີ່ນະຄອນຫຼວງພະນົມເປັນ ຣາຊະອານາຈັກກໍາປູເຈຍ. ຄະນະຜູ້ແທນຝ່າຍລາວນຳໂດຍ ທ່ານ ທອງສະຫວັນ ພົມວິຫານ ລັດຖະມົນຕີກະຊວງການຕ່າງປະເທດ ປະທານຄະນະກໍາມະການຊາຍແດນຮ່ວມລາວ-ກໍາປູເຈຍ ແລະ ຄະນະຜູ້ແທນຝ່າຍກໍາປູເຈຍນໍາໂດຍ ທ່ານ ລາມເຈຍ ລັດຖະມົນຕີປະຈໍາເລຂາທິການກ່ຽວກັບຊາຍແດນ ປະທານຄະນະກໍາມະການຊາຍແດນຮ່ວມກໍາປູເຈຍ-ລາວ, ໂດຍມີຜູ້ຕາງໜ້າຈາກຂະແໜງການຂອງສູນກາງ ແລະ ທ້ອງຖິ່ນທີ່ກ່ຽວຂ້ອງຂອງທັງສອງຝ່າຍເຂົ້າຮ່ວມ.
ລມຕ ກະຊວງການຕ່າງປະເທດ ພ້ອມຄະນະເດີນທາງຢ້ຽມຢາມຣາຊະອານາຈັກ ກຳປູເຈຍ

ລມຕ ກະຊວງການຕ່າງປະເທດ ພ້ອມຄະນະເດີນທາງຢ້ຽມຢາມຣາຊະອານາຈັກ ກຳປູເຈຍ

ໂດຍຕອບສະໜອງຕາມຄຳເຊີນຂອງ ທ່ານ ປຣາກ ໂຊຄົນ ຮອງນາຍົກລັດຖະມົນຕີ ລັດຖະມົນຕີກະຊວງການຕ່າງປະເທດ ແລະ ຮ່ວມມືສາກົນແຫ່ງ ຣາຊະອານາຈັກ ກຳປູເຈຍ, ທ່ານ ທອງສະຫວັນ ພົມວິຫານ ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ໄດ້​ເດີນທາງຢ້ຽມຢາມ ຣາຊະອານາຈັກ ກຳປູເຈຍ ຢ່າງເປັນທາງການ ແລະ ເຂົ້າຮ່ວມກອງປະຊຸມຄະນະກໍາມະການຊາຍແດນຮ່ວມລາວ-ກໍາປູເຈຍ, ກໍາປູເຈຍ-ລາວ ຄັ້ງທີ 8ໃນລະຫວ່າງວັນທີ 24-26 ກໍລະກົດ 2025 ຕາມແຜນການທີ່ໄດ້ກະກຽມໄວ້, ເພື່ອຮັດແໜ້ນສາຍພົວພັນມິດຕະພາບ ອັນເປັນມູນເຊື້ອ ຖານບ້ານໃກ້ເຮືອນຄຽງທີ່ດີ ທີ່ມີມາແຕ່ດົນນານ ແລະ ເພີ່ມທະວີການຮ່ວມມືຍຸດທະສາດຮອບດ້ານ ແລະ ໝັ້ນຄົງຍາວນານລະຫວ່າງສອງປະເທດ ລາວ ແລະ ກຳປູເຈຍ.
ກອງປະຊຸມເວທີປຶກສາຫາລືການເມືອງລະດັບສູງ ວ່າດ້ວຍ ການພັດທະນາແບບຍືນຍົງ

ກອງປະຊຸມເວທີປຶກສາຫາລືການເມືອງລະດັບສູງ ວ່າດ້ວຍ ການພັດທະນາແບບຍືນຍົງ

ໃນລະຫວ່າງວັນທີ 14 - 23 ກໍລະກົດ ຜ່ານມາ ທີ່ສໍານັກງານໃຫຍ່ ອົງການສະຫະປະຊາຊາດ (ສປຊ) ທີ່ນິວຢອກ ສ ອາເມລິກາ, ຄະນະຜູ້ແທນ ສປປ ລາວ ຈາກ ກະຊວງການຕ່າງປະເທດ ແລະ ຈາກ ສໍານັກງານຜູ້ຕາງໜ້າຖາວອນ ແຫ່ງ ສປປ ລາວ ປະຈຳ ອົງການ ສປຊ ໄດ້ເຂົ້າຮ່ວມກອງປະຊຸມເວທີປຶກສາຫາລືການເມືອງລະດັບສູງ ວ່າດ້ວຍ ການພັດທະນາແບບຍືນຍົງ ປະຈໍາປີ 2025
ການເຄື່ອນໄຫວຄົ້ນຄວ້າ​ຮ່ຳຮຽນການປະຕິວັດສີແດງ

ການເຄື່ອນໄຫວຄົ້ນຄວ້າ​ຮ່ຳຮຽນການປະຕິວັດສີແດງ

ໂລກໃນທຸກມື້ນີ້, ມີການຜັນແປຢ່າງໄວວາທີ່ສຸດ ທີ່ບໍ່ເຄີຍເຫັນໃນຮອບໜຶ່ງສະຕະ​ວັດທີ່ຜ່ານມາ, ແຕ່ແນວໃດກໍຕາມ, ສັນຕິພາບ ​ແລະ​ ການພັດທະນາ ຍັງເປັນກະແສຫຼັກຂອງຍຸກສະໄໝ ປັດຈຸບັນ. ​ທ່າອ່ຽງຈຸດໝາຍປາຍທາງຮ່ວມຂອງບັນດາປະເທດໃນພາກພື້ນ ນັບມື້ພົ້ນເດັ່ນຂຶ້ນ. ສະນັ້ນ, ຕ້ອງຮ່ວມກັນສ້າງປະຊາຄົມຊາຕາກຳ. ປະເທດຈີນ, ຫວຽດນາມ ແລະ ລາວ ລ້ວນແຕ່ແມ່ນປະເທດສັງຄົມນິຍົມ ທີ່ມີອຸດົມການ,​ ໜ້າທີ່ປະຫວັດສາດ ແລະ ເປົ້າໝາຍການພັດທະນາທີ່ຄ້າຍຄືກັນ. ສະນັ້ນ, ການພົບປະ​ແລກປ່ຽນວັດທະນະທຳດ້ານການປະຕິວັດ ກໍເລີ່ມກາຍເປັນກິດຈະກຳອັນສຳຄັນ ສຳລັບທັງ 3 ປະເທດ.
ປາກກະດິງ-ບຶງໂຂງຫຼົງ ປຶກສາຫາລືຄວາມຮ່ວມມືວຽກງານຊາຍແດນ

ປາກກະດິງ-ບຶງໂຂງຫຼົງ ປຶກສາຫາລືຄວາມຮ່ວມມືວຽກງານຊາຍແດນ

ໃນຕອນເຊົ້າວັນທີ 23 ກໍລະກົດນີ້ ຢູ່ທີ່ຫ້ອງວ່າການປົກຄອງເມືອງປາກກະດິງ ໄດ້ຕ້ອນຮັບ ການມາຢ້ຽມຢາມຂອງຄະນະຜູ້ແທນ ອຳເພີບຶງໂຂງຫຼົງ ຈັງຫວັດບຶງການ ຣາຊະອານາຈັກໄທ ທີ່ໄດ້ເດີນທາງມາຢ້ຽມຢາມເມືອງປາກກະດິງ ແຂວງບໍລິຄຳໄຊ ສປປລາວ.
ວາລະສານອາລຸນໃໝ່ ໄປຢ້ຽມຢາມ ແລະ ເຮັດວຽກກັບວາລະສານຊິວສື

ວາລະສານອາລຸນໃໝ່ ໄປຢ້ຽມຢາມ ແລະ ເຮັດວຽກກັບວາລະສານຊິວສື

ເມື່ອຕົ້ນເດືອນກໍລະກົດນີ້, ຄະນະຜູ້ແທນວາລະສານອະລຸນໃໝ່ ຊຶ່ງແມ່ນວາລະສານທິດສະດີ ແລະ ພຶດຕິກຳຂອງພັກປະຊາຊົນ ປະຕິວັດລາວ ນໍາໂດຍສະຫາຍ ວັນລາຕີ ຄໍາວານວົງສາ ກຳມະການຄະນະພັກຄະນະໂຄສະນາອົບຮົມສູນກາງພັກ ຫົວໜ້າບັນນາທິການວາລະສານອະລຸນໃໝ່ ໄດ້ເດີນທາງໄປຢ້ຽມຢາມ ແລະ ແລກປ່ຽນບົດຮຽນກັບວາລະສານຊິວສື ຂອງສູນກາງພັກກອມມູນິດຈີນ ທີ່ນະຄອນຫຼວງປັກກິ່ງ ສປ ຈີນ; ໃຫ້ກຽດຕ້ອນຮັບໂດຍສະຫາຍ ເຊີນຢາງຢົງ ຜູ້ອຳນວຍການວາລະສານຊິວສື ທັງເປັນຫົວໜ້າບັນນາທິການວາລະສານຊິວສື ພ້ອມດ້ວຍຄະນະ.
ຮ່ວມກັນສ້າງຄູ່ຮ່ວມຊາຕາກຳ ລາວ-ຈີນ, ຈີນ-ລາວ

ຮ່ວມກັນສ້າງຄູ່ຮ່ວມຊາຕາກຳ ລາວ-ຈີນ, ຈີນ-ລາວ

ສຸພາສິດຈີນ ໄດ້ກ່າວວ່າ: “ພີ່ນ້ອງທີ່ຢູ່ຫ່າງໄກກັນ ບໍ່ດີເທົ່າກັບເພື່ອນບ້ານທີ່ຢູ່ໃກ້ຄຽງກັນ”. ທ່ານ ສີຈີ້ຜິງ ເລຂາທິການໃຫຍ່ ໄດ້ກ່າວເນັ້ນວ່າ: “ປະເທດອ້ອມຂ້າງເປັນບ່ອນເພິ່ງພາອາໄສຂອງຈີນ ແລະ ເປັນພື້ນຖານອັນໜັກແໜ້ນ ໃນການພັດທະນາ”. ນັບແຕ່ກອງປະຊຸມໃຫຍ່ ຄັ້ງທີ XVIII ຂອງພັກກອມມູນິດເປັນຕົ້ນມາ, ຝ່າຍຈີນ ໄດ້ສະເໜີວິໄສທັດ ວຽກງານການຕ່າງປະເທດຂອງຕົນ ຕໍ່ກັບບັນດາປະເທດໃກ້ຄຽງ ຄື: “ສະໜິດສະໜົມ, ຈິງອົກຈິງໃຈ, ໃຫ້ຜົນປະໂຫຍດ, ເອື້ອອາລີ” ແລະ ໄດ້ສະເໜີຂໍ້ລິເລີ່ມ ໃນການສົ່ງເສີມກໍ່ສ້າງປະຊາຄົມຮ່ວມຊາຕາກຳປະເທດອ້ອມຂ້າງ. ຝ່າຍຈີນ ໄດ້ລົງເລິກສ້າງການຮ່ວມມືຢ່າງຮອບດ້ານກັບບັນດາປະເທດອ້ອມຂ້າງ, ເພີ່ມທະວີການແລກປ່ຽນໃນທຸກຂົງເຂດ ໂດຍຖືເອົາການຊີ້ນຳ-ນຳພາຂອງການນຳສູງສຸດຂອງປະເທດ ເພື່ອປົກປ້ອງສັນຕິພາບ, ສະຖຽນລະພາບຂອງພາກພື້ນ ແລະ ສາກົນ.
ຄະນະຜູ້ແທນ ອກສລ ເຂົ້າຢ້ຽມຂໍ່ານັບປະທານສະພາແຫ່ງຊາດຫວຽດນາມ

ຄະນະຜູ້ແທນ ອກສລ ເຂົ້າຢ້ຽມຂໍ່ານັບປະທານສະພາແຫ່ງຊາດຫວຽດນາມ

ສະຫາຍ ວຽງທະວີສອນ ເທບພະຈັນ ກໍາມະການສໍາຮອງສູນກາງພັກ ປະທານອົງການກວດສອບແຫ່ງລັດ(ອກສລ) ພ້ອມດ້ວຍຄະນະ ໄດ້ເຂົ້າຢ້ຽມຂໍ່ານັບ ສະຫາຍ ເຈິນ ແທັງ ເໝີນ ກໍາມະການກົມການເມືອງສູນກາງພັກກອມມູນິດຫວຽດນາມ ປະທານສະພາແຫ່ງຊາດ ສສ ຫວຽດນາມ ໃນໂອກາດເດີນທາງຢ້ຽມຢາມ ແລະ ເຮັດວຽກກັບອົງການກວດສອບແຫ່ງລັດ ສສ ຫວຽດນາມ ໃນລະຫວ່າງທີ 16-20 ກໍລະກົດ ຜ່ານມາ.
ສປສສ ຫວນຄືນມູນເຊື້ອວັນສ້າງຕັ້ງແນວລາວສ້າງຊາດ

ສປສສ ຫວນຄືນມູນເຊື້ອວັນສ້າງຕັ້ງແນວລາວສ້າງຊາດ

ສານປະຊາຊົນສູງສຸດ (ສປສສ) ໄດ້ຈັດກອງປະຊຸມປາຖະກະຖາຫວນຄືນມູນເຊື້ອວັນສ້າງຕັ້ງແນວລາວສ້າງຊາດ ຄົບຮອບ 75 ປີ (13 ສິງຫາ 1950 - 13 ສິງຫາ 2025) ຂຶ້ນໃນວັນທີ 22 ກໍລະກົດ ນີ້ ທີ່ ສປສສ, ໃຫ້ກຽດປາຖະກະຖາ ໂດຍທ່ານ ນາງ ອິນລາວັນ ແກ້ວບຸນພັນ ກຳມະການສູນກາງພັກ ຮອງປະທານສູນກາງແນວລາວສ້າງຊາດ (ສນຊ) ຊຶ່ງມີຮອງປະທານ ສປສສ ພ້ອມດ້ວຍ ພະນັກງານຫຼັກແຫຼ່ງຂອງສານເຂົ້າຮ່ວມ.
ເພີ່ມເຕີມ