ແຜນງົບປະມານແຫ່ງລັດ, ແຜນເງິນຕາ ປະຈໍາປີ 2024 ແລະ ແຜນການ ປະຈໍາປີ 2025 ຕິດພັນກັບວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ, ແຜນການລົງທຶນ ປະຈໍາປີ 2025, ແຜນງົບປະມານ ໃຫ້ກະຊວງ-ອົງການ ແລະ ທ້ອງຖິ່ນ ປະຈໍາປີ 2025; ການດັດແກ້ງົບປະມານແຫ່ງລັດ ຕໍ່ກອງປະຊຸມສະໄໝສາມັນ ເທື່ອທີ 8 ຂອງສະພາແຫ່ງຊາດ ຊຸດທີ IX ໃນວັນທີ 18 ຜ່ານມາ ພາຍໃຕ້ການເປັນປະທານຂອງ ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ ໂດຍໃນນີ້ໄດ້ລາຍງານກ່ຽວກັບຄວາມຄືບໜ້າຂອງການປະຕິຮູບລັດວິສາຫະກິດ.
ທ່ານນາຍົກລັດຖະມົນຕີ ໄດ້ກ່າວວ່າ: ການປະຕິຮູບລັດວິສາຫະກິດ ເປັນໜ້າທີ່ການເມືອງ ຕິດພັນກັບການຈັດຕັ້ງປະຕິບັດວາລະແຫ່ງຊາດວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ;ປັດຈຸບັນ, ມີວິສາຫະກິດລັດລົງທຶນ ໃນຂອບເຂດທົ່ວປະເທດທັງໝົດ 171 ຫົວໜ່ວຍ. ໃນນີ້ ຂັ້ນສູນກາງຄຸ້ມຄອງມີທັງໝົດ 93 ຫົວໜ່ວຍ ແລະ ຂັ້ນທ້ອງຖິ່ນຄຸ້ມຄອງມີທັງໝົດ 78 ຫົວໜ່ວຍ. ໄດ້ດໍາເນີນຂັ້ນຕອນການປະຕິຮູບ 32 ຫົວໜ່ວຍ. ໃນນັ້ນ, ສາມາດຈັດຕັ້ງປະຕິບັດສໍາເລັດແລ້ວ ຈໍານວນ 10 ຫົວໜ່ວຍ ຊຶ່ງໄດ້ຍຸບເລີກ ຈໍານວນ 2 ຫົວໜ່ວຍ ຄື: ລັດວິສາຫະກິດ ຂົນສົ່ງນໍ້າມັນເຊື້ອໄຟລາວ ແລະ ບໍລິສັດ ວິສາວະກໍາສ້ອມແປງ ເຮືອບິນ - LEACO.
ພ້ອມກັນນີ້, ກໍໄດ້ສໍາເລັດການກໍານົດແຜນປະຕິຮູບ ຈໍານວນ 3 ຫົວໜ່ວຍ ຄື: ລັດວິສາຫະກິດ ໄຟຟ້າລາວ, ລັດວິສາຫະກິດ ນ້ໍາມັນເຊື້ອໄຟລາວ ແລະ ລັດວິສາຫະກິດ ການບິນລາວຊຶ່ງປັດຈຸບັນ ພວມຂຸ້ນຂ້ຽວປະຕິບັດຕາມແຜນປະຕິຮູບດັ່ງກ່າວ. ນອກຈາກນັ້ນ, ຍັງໄດ້ສ້າງຕັ້ງວິສາຫະກິດລັດລົງທຶນ (ວິສາຫະກິດທີ່ລັດຖືຮຸ້ນ) ຂຶ້ນຕື່ມ ຈໍານວນ 11 ຫົວໜ່ວຍ.
(ຂ່າວ-ພາບ: ສຸກສະຫວັນ)
ຄໍາເຫັນ