ເມື່ອຫວນຄືນປະສົບການຮຽນຕໍ່ຢູ່ຈີນ, ທ້າວ ຫິວຢ້າວເວີນ ນັກສຶກສາລາວ ເວົ້າວ່າ: ການດຳລົງຊີວິດຢູ່ຈີນ ສະດວກສະບາຍທີ່ສຸດ ແລະ ຍັງມີແຫຼ່ງທ່ອງທ່ຽວຫຼາຍບ່ອນເປັນຕາໄປທ່ຽວຫຼາຍ. ຂ້ອຍໄດ້ຊົມວິວທະເລຢູ່ນະຄອນຣື້ຈ້າວ (Rizhao) ແຂວງຊານຕົງ (Shandong) ທີ່ບໍ່ເຄີຍເຫັນຢູ່ລາວ. ຕໍ່ໄປພາຍໜ້າ, ຂ້ອຍຈະພະຍາຍາມຂໍທຶນການສຶກສາໄປຮຽນປະລິນຍາໂທ ຢູ່ຈີນອີກ.
ປີ 2018, ທ້າວ ຫິວຢ້າວເວີນ ໄດ້ໄປຮຽນຂະແໜງວິຊາການບໍລິການ ແລະ ການຄຸ້ມຄອງການຈໍລະຈອນສິນຄ້າ ຢູ່ວິທະຍາໄລເຕັກນິກວິຊາຊີບ ວິສະວະກຳຈ່ຽງຊູ (Jiangsu) ຈີນ ດ້ວຍທຶນການສຶກສາ. ປີ 2021, ລາວ ໄດ້ເປີດບໍລິສັດຈົງທົງຂົນສົ່ງດ່ວນ ຫຼື ZTO EXPRESS ສາຂານະຄອນຫຼວງວຽງຈັນ ພາຍຫຼັງຮຽນຈົບຈາກຈີນ.
ທ້າວ ຫິວຢ້າວເວີນ ກ່າວວ່າ: “ຕອນຫາກໍ່ກັບມາຈາກປະເທດຈີນ, ຂ້ອຍບໍ່ມີທຶນ, ເລີຍເຮັດທຸລະກິດຊື້ເພື່ອລູກຄ້າກ່ອນ. ຕອນຊື້ ຫຼື ສົ່ງສິນຄ້າ, ຈະຕິດຕໍ່ພົວພັນກັບບໍລິສັດສົ່ງເມດ່ວນຕ່າງໆເລື້ອຍໆ, ຂ້ອຍໄດ້ລົງເລິກຄົ້ນຄວ້າເວລາ, ລາຄາ ແລະ ການບໍລິການສົ່ງສິນຄ້າຂອງບໍລິສັດແຫ່ງຕ່າງໆຢ່າງເລິກເຊິ່ງແລ້ວ, ຂ້ອຍຕັດສິນໃຈເຂົ້າຮ່ວມບໍລິສັດຈົງທົງ. ລາວ ກ່າວຕື່ມອີກວ່າ, ຂ້ອຍໄດ້ຈ້າງພະນັກງານສອງຄົນ, ນອກຈາກຄ່າເຊົ່າເຮືອນ ແລະ ເງິນເດືອນພະນັກງານ, ບວກກັບການເຮັດທຸລະກິດຊື້ເພື່ອລູກຄ້າ, ຜົນກຳໄລສຸດທິຕໍ່ເດືອນມີເຖິງຫຼາຍພັນຢວນ.
ປັດຈຸບັນ, ຈຳນວນທຸລະກິດຂອງບໍລິສັດ ທ້າວ ຫິວຢ້າວເວີນ ໃນເດືອນໜຶ່ງ ມີປະມານ 3.000 ກວ່າລາຍການ ແລະ ຖືການສົ່ງສິນຄ້າເປັນຕົ້ນຕໍ. ເພື່ອເພີ່ມຈຳນວນທຸລະກິດໃຫ້ສູງຂຶ້ນ, ລາວ ໄດ້ໄປຢ້ຽມຢາມໂຮງແຮມ, ຮ້ານຄ້າ ແລະ ບາເຫຼົ້າ ຢູ່ບໍລິເວນໃກ້ຄຽງ ເພື່ອຕັ້ງ
ໜ້າບຸກເບີກຊັບພະຍາກອນລູກຄ້າ. ລາວກ່າວວ່າ: “ການສົ່ງເມດ່ວນຢູ່ລາວຕົ້ນຕໍ ແມ່ນການຂົນສົ່ງສິນຄ້າທົ່ວໄປຂ້າມຊາດ, ການສົ່ງສິນຄ້າຫຼາຍກວ່າ, ແຕ່ການສົ່ງເມດ່ວນພາຍໃນປະເທດອ່າວໜ້ອຍ. ກະເປົາທີ່ຈີນ ສົ່ງໄປລາວ ສ່ວນຫຼາຍຕ້ອງການສົ່ງໄປເຖິງສາງຈີນ ທີ່ໃກ້ກັບປະເທດລາວ ແລ້ວສົ່ງຕໍ່ໄປປະເທດລາວ. ຂ້ອຍຈະບອກລູກຄ້າວ່າ, ໃນເວລາສັ່ງຊື້ສິນຄ້າ ຕາມອິນເຕີເນັດ, ຈະໝາຍໄວ້ວ່າ, ສົ່ງໄປເຖິງສາງຄຸນໝິງ, ສາງກວາງໂຈ່ວ, ສາງຢີ້ອູ ຫຼື ສ້າງຮວຍຮວ້າຂອງບໍລິສັດຈົງທົງ. ຖ້າລູກຄ້າໃຊ້ຈົງທົງແລ້ວ, ຕາມທຳມະດາ, ເຂົາເຈົ້າຈະໃຊ້ຕໍ່ໄປ ແລະ ສະເໜີໃຫ້ລູກຄ້າຄົນອື່ນໃຊ້ຄືກັນ.”
ທ້າວ ຫິວຢ້າວເວີນ ກ່າວວ່າ: “ໃນຊຸມປີຜ່ານມາ, ເສດຖະກິດ ທຸລະກິດເອເລັກໂຕຣນິກ ຂອງປະເທດລາວ ໄດ້ພັດທະນາຢ່າງວ່ອງໄວ, ຂ້ອຍມີຄວາມໝັ້ນໃຈເຕັມປ່ຽມຕໍ່ອະນາຄົດ.” ລາວ ເຫັນວ່າ, ຄຽງຄູ່ກັບລາວ ແລະ ຈີນ ເລັ່ງຊຸກຍູ້ການຮ່ວມກັນສ້າງ “ໜຶ່ງແລວ ໜຶ່ງເສັ້ນທາງ”, ວຽກງານຈໍລະຈອນສິນຄ້າຂອງຕົນ ກໍຈະໄດ້ຮັບ ໂອກາດພັດທະນາທີ່ດີກວ່າເກົ່າ ຢ່າງແນ່ນອນ.
ແຫຼ່ງຂ່າວ：ຂ່າວສານ ຢຸນນານ-ຈີນ
ຄໍາເຫັນ