ຄຕ-ຄອຂ ແຂວງເຊກອງ ສະຫຼຸບວຽກງານ ປະຈໍາປີ 2025

11:06 14/01/2026

ຄະນະກໍາມະການຫັນເປັນດີຈີຕ໋ອນ ແລະ ຄຸ້ມຄອງອິນເຕີເນັດຂັ້ນແຂວງເຊກອງ (ຄຕ-ຄອຂ) ຈັດກອງປະຊຸມສະຫຼຸບວຽກງານ ປະຈໍາປີ 2025 ແລະ ວາງທິດທາງແຜນການ ປີ 2026 ຂຶ້ນໃນວັນທີ 13 ມັງກອນ 2026 ໂດຍການເປັນປະທານ ຂອງທ່ານ ສຸກດາວັນ ເລຫວຽດມ່ວງ ຫົວໜ້າພະແນກເຕັກໂນໂລຊີ ແລະ ການສື່ສານແຂວງ ຮອງປະທານ ຜູ້ປະຈໍາການ ຄຕ-ຄອຂ.

ຄຕ-ຄອຂ ແຂວງເຊກອງ ສະຫບວຽກງານ ປະຈາປ 2025 - image 1

ທ່ານ ສຸກດາວັນ ເລຫວຽດມ່ວງ ໄດ້ກ່າວເປີດກອງປະຊຸມ ແລະ ຜ່ານບົດສະຫຼຸບ ປະຈໍາປີ 2025 ຊຶ່ງໄດ້ຍົກໃຫ້ເຫັນການເຄື່ອນໄຫວຊຸກຍູ້ບັນດາບໍລິສັດໂທລະຄົມມະນາຄົມສາຂາແຂວງ, ຂະຫຍາຍພື້ນຖານໂຄງລ່າງໂທລະຄົມ ເຂົ້າຫາເຂດຈຸດສຸມຂອງແຂວງ-ເມືອງ ແລະ ບ້ານທີ່ເປັນບູລິມະສິດ, ເປັນເຂດຫຼໍ່ແຫຼມ ຕິດພັນກັບວຽກງານ ປກຊ-ປກສ ເພື່ອອໍານວຍຄວາມສະດວກໃນການຕິດຕໍ່ສື່ສານວຽກງານຕ່າງໆ; ທົ່ວແຂວງມີສາຍໄຍແກ້ວ (Fiber optic) ລວມທັງໝົດ 1,838 ກິໂລແມັດ, ມີເສົາສະຖານີຮັບ-ສົ່ງສັນຍານໂທລະສັບ 177 ຕົ້ນ; ມີສະຖານີຮັບ-ສົ່ງສັນຍານໂທລະສັບມືຖື 476 ສະຖານີ ແລະ ມີຜູ້ນໍາໃຊ້ເລກໝາຍໂທລະສັບ (ມືຖື, ຕັ້ງໂຕະມີສາຍ ແລະ ບໍ່ມີສາຍ) ທັງໝົດ 109,539 ເລກໝາຍ, ມີເຄືອຂ່າຍສັນຍານໂທລະສັບມືຖື ແລະ ອິນເຕີເນັດກວມເອົາ 94% ຂອງບ້ານທັງໝົດທົ່ວແຂວງ. ໃນນີ້, 2G ກວມເອົາ 94%, 3G ກວມເອົາ 67%, 4G ກວມເອົາ 67% ແລະ 5G ກວມເອົາ 3%. ພ້ອມນີ້, ຍັງໄດ້ເອົາໃຈໃສ່ຕິດຕາມກວດກາການນໍາໃຊ້ສັນຍານອິນເຕີເນັດຂ້າມແດນ, ຂຶ້ນທະບຽນເລກໝາຍໂທລະສັບ, ໂຄສະນາເຜີຍແຜ່ກົດໝາຍ-ນິຕິກໍາໃຕ້ກົດໝາຍ ກ່ຽວກັບການນໍາໃຊ້ສື່ສັງຄົມອອນລາຍ, ຊຸກຍູ້ສົ່ງເສີມ ແລະ ຝຶກອົບຮົມວຽກງານຫັນເປັນທັນສະໄໝ ແລະ ຫັນເປັນດີຈີຕ໋ອນ ໂດຍສະເພາະການນໍາໃຊ້ລະບົບການບໍລິຫານລັດດີຈີຕ໋ອນ ໃຫ້ບັນດາພະແນກການ, ຫ້ອງການ, ອົງການທຽບເທົ່າອ້ອມຂ້າງແຂວງ ແລະ 4 ເມືອງ, ຕິດຕາມ, ກວດກາ, ຕອບໂຕ້ ແລະ ແກ້ບັນຫາການຕົວະຍົວະຫຼອກລວງ, ການໂຄສະນາໃສ່ຮ້າຍປ້າຍສີຕໍ່ແນວທາງນະໂຍບາຍ ຂອງພັກ-ລັດ ແລະອື່ນໆ ຜ່ານສື່ສັງຄົມອອນລາຍ.

ໃນປີ 2025 ຜ່ານມາ, ໄດ້ຮັບແຈ້ງຄວາມຈາກການກະທໍາຜິດທາງອອນລາຍ 17 ເລື່ອງ, ຜົນເສຍຫາຍເປັນເງິນ 890 ລ້ານກວ່າກີບ, ສາມາດເກັບກູ້ຄືນໄດ້ 158 ລ້ານກວ່າກີບ ແລະ ໄດ້ສະເໜີກົມຄວາມປອດໄພໄຊເບີ ກະຊວງເຕັກໂນໂລຊີ ແລະ ການສື່ສານ ເພື່ອຊ່ວຍປິດເຟສບຸກປອມ 1 ບັນຊີ.

ທ່ານ ສຸກດາວັນ ເລຫວຽດມ່ວງ ໃຫ້ຮູ້ຕື່ມວ່າ: ໃນປີ 2026 ຄຕ-ຄອຂ ຈະສືບຕໍ່ເຄື່ອນໄຫວໂຄສະນາເຜີຍແຜ່ກົດໝາຍ ແລະ ນິຕິກໍາຕ່າງໆ ກ່ຽວກັບວຽກງານຫັນເປັນດີຈີຕ໋ອນ ແລະ ຄຸ້ມຄອງອິນເຕີເນັດ ກໍຄື ການນໍາໃຊ້ສື່ສັງຄົມອອນລາຍໃຫ້ມີຄວາມຖືກຕ້ອງ ແລະ ປອດໄພ, ຊຸກຍູ້ບັນດາພະແນກການ ແລະ ບັນດາເມືອງ ນໍາໃຊ້ລະບົບຄຸ້ມຄອງເອກະສານ ແລະ ບໍລິຫານຫ້ອງການເອເລັກໂຕນິກ (E-office) ໃຫ້ຫຼາຍຂຶ້ນ, ເພີ່ມທະວີຕິດຕາມ, ກວດກາ, ເຝົ້າລະວັງ ແລະ ຕອບໂຕ້ຫາງສຽງບໍ່ດີ, ຂໍ້ມູນຂ່າວສານບໍ່ຖືກຕ້ອງ (ຂ່າວປອມ), ການຈົວະຍົວະຫຼອກລວງ ແລະ ອື່ນໆ ທາງສື່ສັງຄົມອອນລາຍ ໃຫ້ວ່ອງໄວ ແລະ ທັນກໍານົດເວລາ, ເອົາໃຈໃສ່ຄຸ້ມຄອງການສ້າງຕັ້ງໜ້າຂ່າວອອນລາຍໃຫ້ເຂົ້າສູ່ລະບຽບກົດໝາຍ, ສືບຕໍ່ຂຶ້ນທະບຽນເລກໝາຍໂທລະສັບ, ຕິດຕາມກວດກາ, ເຝົ້າລະວັງ ແລະ ແກ້ໄຂບັນຫາໄພຄຸກຄາມທາງໄຊເບີ ເພື່ອປ້ອງກັນການໂຈມຕີ ຫຼື ໂຈລະກໍາທາງໄຊເບີ.

(ພາບ-ຂ່າວ: ສັນຍາ)

ຄໍາເຫັນ

ຂ່າວວັດທະນະທຳ-ສັງຄົມ

ໄຟຟ້າຫົງສາ ສະໜັບສະໜູນ 70 ລ້ານ ງານມະຫະກໍາບຸນຊ້າງ ປີ 2026

17/02/2026 12:39

ທ່າມກາງບັນຍາກາດ ຂອງ ງານມະຫະກໍາບຸນຊ້າງ ແຂວງໄຊຍະບູລີ ຄັ້ງທີ 19 ເຊິ່ງຈັດຂຶ້ນໃນລະຫວ່າງ ວັນທີ 9-16 ກຸມພາ ຜ່ານມາ ທີ່ສະໜາມຫຼວງ ແຂວງໄຊຍະບູລີ ແລະ ໄດ້ມີພິທີເປີດງານຢ່າງເປັນທາງການ ໃນວັນທີ 14 ກຸມພາ 2026 ບໍລິສັດ ໄຟຟ້າ ຫົງສາ ຈໍາກັດ ນໍາໂດຍ ທ່ານ ຄະທາຍຸດ ຊູພູນ ຜູ້ອໍານວຍການໃຫຍ່ບໍລິສັດ ພ້ອມດ້ວຍຄະນະຜູ້ບໍລິຫານ ແລະ ພະນັກງານບໍລິສັດ ໄດ້ເຂົ້າຮ່ວມພິທີເປີດງານ ແລະ ມອບເງິນການສະໜັບສະໜູນງານມະຫະກຳບຸນຊ້າງ ຈຳນວນ 70 ລ້ານກີບ ໂດຍແມ່ນ ທ່ານບຸດສະກອນ ອິນທະລັງສີ ຄະນະປະຈຳພັກແຂວງໄຊຍະບູລີ,ຮອງປະທານຄະນະກຳມະການປົກຄອງແຂວງ ທັງເປັນຜູ້ຊີ້ນຳວຽກງານເສດຖະກິດ ເປັນຜູ້ກ່າວຮັບ ໂດຍຊ້ອງໜ້າສອງຝ່າຍເຂົ້າຮ່ວມ

ຜູ້ສະໝັກ ‎ສສຊ ເຂດ 16 ແຂວງເຊກອງ ລົງໂຄສະນາຫາສຽງຢູ່ເມືອງລະມາມ

17/02/2026 12:22

ໃນວັນທີ 17 ກຸມພານີ້, ‎ຜູ້ສະໝັກຮັບເລືອກຕັ້ງ ສະມາຊິກສະພາແຫ່ງຊາດ (ສສຊ) ຊຸດທີ X ປະຈໍາເຂດເລືອກຕັ້ງທີ 16 ແຂວງເຊກອງ ຈໍານວນ 10 ທ່ານ ຍິງ 2 ທ່ານ ໄດ້ລົງເຄື່ອນໄຫວໂຄສະນາຫາສຽງ ຢູ່ເມືອງລະມາມ ໂດຍມີທ່ານ ດາວວີ ສວຍທະລັງສີ ເລຂາຄະນະບໍລິຫານງານພັກເມືອງລະມາມ ພ້ອມດ້ວຍພະນັກງານນໍາພາຫຼັກແຫຼ່ງ, ສະມາຊິກພັກ, ພະນັກງານ-ລັດຖະກອນຜູ້ມີສິດປ່ອນບັດເລືອກຕັ້ງ ຈາກບັນດາພະແນກການ, ຫ້ອງການ, ອົງການທຽບເທົ່າ, ບໍລິ ສັດ-ລັດວິສາຫະກິດຂັ້ນແຂວງ ແລະ ອ້ອມຂ້າງເມືອງລະມາມ ເຂົ້າຮ່ວມຮັບຟັງ.

ຢາກສົ່ງເສີມໃຫ້ລູກຫຼານໄດ້ຮຽນໜັງສືທີ່ດີ ເພື່ອພັດທະນາຊີວິດການເປັນຢູ່ທີ່ດີ

17/02/2026 10:31

ທ່ານ ໄພທູນ ທ່ຽງລະໄມ ເກີດທີ່ບ້ານປາກຊັນ ເມືອງປາກຊັນ ແຂວງບໍລິຄໍາໄຊ, ຜູ້ສະໝັກຮັບເລືອກຕັ້ງເປັນສະມາຊິກສະພາແຫ່ງຊາດ (ສສຊ) ຊຸດທີ X ເບີ 16 ເຂດ 1 ນະຄອນຫຼວງວຽງຈັນ (ນວ) ກໍາມະການພັກກະຊວງ ຫົວໜ້າຄຸ້ມຄອງວິສາຫະກິດການເງິນກະຊວງການເງິນ ຊຶ່ງເປັນຜູ້ໜຶ່ງທີ່ສະແຫວງຫາການຮຽນໃນຫຼາຍສາຂາ ຄື: ຈົບຊັ້ນສູງການເງິນ-ການບັນຊີ, ຈົບປະລິນຍາຕີກົດໝາຍສາກົນ, ຈົບປະລິນຍາເອກ ສາຂາຍຸດທະສາດການພັດທະນາ ທີ່ປະເທດໄທ, ປັດຈຸບັນ ພວມຮຽນກົດໝາຍເສດຖະກິດ ສາຂາກົດໝາຍທຸລະກິດ ສສ ຫວຽດນາມ, ຕະຫຼອດການເປັນພະນັກງານສັງກັດລັດ ປະຈໍາຢູ່ແຂວງບໍລິຄໍາໄຊ 10 ປີ, ປັດຈຸບັນເຮັດວຽກກ່ຽວກັບສົນທິສັນຍາ ຫຼີກເວັ້ນການເກັບອາກອນຊໍ້າຊ້ອນ ລະຫວ່າງປະເທດ, ການໄລ່ລຽງບັນຊີລາຍໃຫຍ່ຈໍານວນໜຶ່ງ, ຢູ່ກົມຄຸ້ມຄອງວິສາຫະກິດການເງິນການເຮັດວຽກກ່ຽວກັບວິສາຫະກິດລັດລົງທຶນ, ເລື່ອງປະກັນໄພ, ຄາຊີໂນ ແລະ ຫວຍ ຊຶ່ງເປັນວຽກທີ່ສໍາຄັນ.

TESS ສະຫຼຸບຜົນສຳເລັດ ແລະ ສ້າງໄວໜຸ່ມຝຶກວິຊາຊີບ ສ້າງວຽກເຮັດງານທຳສູ່ອະນາຄົດໃນຕໍ່ໜ້າ

17/02/2026 09:56

ໃນວັນທີ 13 ກຸມພາຜ່ານມາ ຢູ່ທີ່ພັດຕະຄານສິນສະໄໝ, ໂຄງການຝຶກອົບຮົມວິຊາຊີບ ແລະ ສະໜັບສະໜູນການມີວຽກເຮັດງານທຳ (VTESS) ໄດ້ສະຫຼຸບການຈັດຕັ້ງປະຕິບັດວຽກງານ ແລະ ມອບໃບຢັ້ງຢຶນ ໃຫ້ຜູ້ເຂົ້າຮ່ວມວົງຈອນການໃຫ້ຄໍາປຶກສາ ແລະ ສະໜັບສະໜູນການມີວຽກເຮັດງານທຳ ຊຸດທີ 4, ໂດຍການເປັນປະທານຂອງ ທ່ານ ນາງ ພູວຽງ ອິນທະສອນ ຮອງຫົວໜ້າພະແນກສຶກທິການ ແລະ ກິລາແຂວງ, ທ່ານ ນາງ ສົມຄິດ ແທ່ງສົມບັດ ຮອງຫົວໜ້າພະແນກແຮງງານ ແລະ ສະຫວັດດີການສັງຄົມແຂວງ, ທ່ານ ນາງ ແສງມະນີ ສີສຸດທິຈັກ ຜູ້ປະສານງານໂຄງການ Vtess ປະຈຳແຂວງ, ມີແຂກຖືກເຊີນຈາກບັນດາຂະແໜງການທີ່ກ່ຽວຂ້ອງ, ຜູ້ໃຫ້ຄຳປຶກສາ, ນັກສຳມະນາກອນ ເຂົ້າຮ່ວມທັງໝົດ 78 ທ່ານ.

ພາກພູມໃຈທີ່ຈະໄດ້ຮັບໃຊ້ປະຊາຊົນ

17/02/2026 09:54

ທ່ານ ບຸນທ່ຽງ ລັດຕະນະວົງ ຜູ້ສະໝັກເລືອກຕັ້ງສະມາຊິກສະພາແຫ່ງຊາດ ເຂດ 1 ນະຄອນຫຼວງວຽງຈັນ ຜູ້ສະໝັກເລກ 25 ໄດ້ໃຫ້ສຳພາດຕໍ່ສື່ມວນຊົນວ່າ: ຮູ້ສຶກດີໃຈທີ່ໄດ້ມີສ່ວນຮ່ວມເປັນຜູ້ສະໝັກສະມາຊິກສະພາແຫ່ງຊາດ (ສສຊ) ຊຶ່ງເປັນໜ້າທີ່ການເມືອງທີ່ສຳຄັນ ແລະ ເຮັດວຽກດ້ານທຸລະກິດການກະສິກຳຈຶ່ງຮູ້ບັນຫາເລື່ອງໃນການສະໜອງວັດຖຸດິບເຊັ່ນ: ເຄື່ອງອຸປະໂພກບໍລິໂພກ ແລະ ອື່ນໆ.

ບັນດາຜູ້ສະໝັກຮັບເລືອກຕັ້ງ 5 ທ່ານ ສຶບຕໍ່ ໂຄສະນາຫາສຽງ ຢູ່ເມືອງທ່າໂທມ

17/02/2026 09:52

ຜູ້ສະໝັກຮັບເລືອກຕັ້ງ ສະມາຊິກສະພາແຫ່ງຊາດ (ສສຊ) ຊຸດທີ X ປະຈຳເຂດເລືອກຕັ້ງທີ 18 ແຂວງໄຊສົມບູນ ໄດ້ລົງເຄື່ອນໄຫວໂຄສະນາຫາສຽງ ຢູ່ຕາແສງ ແກ້ວມີໄຊ ໃນວັນທີ 17 ກຸມພາຜ່ານມາ ຢູ່ໂຮງຮຽນມັດທະຍົມສຶກສາສົມບູນຕາດຍອງ ຊຶ່ງຄະນະທີ 1 ມີຈຳນວນ 5 ທ່ານ ຍິງ 1 ທ່ານ, ມີປະທານຄະນະກຳມະການປົກຄອງເມືອງ ພ້ອມດ້ວຍປະທານຕາແສງ, ພະນັກງານຄູ-ອາຈານ ຕະຫຼອດຮອດ ອຳນາດການປົກຄອງ ແລະ ປະຊາຊົນພາຍໃນບ້ານ ເຂົ້າຮ່ວມດ້ວຍບັນຍາກາດຟົດຟື້ນ.

ຜູ້ມີສິດປ່ອນບັດເລືອກຕັ້ງເມືອງໄຊຈຳພອນ ຮັບຟັງການລົງໂຄສະນາຫາສຽງ ຂອງຜູ້ຮັບສະໝັກຮັບເລືອກຕັ້ງເປັນ ສສຊ

17/02/2026 09:49

ໃນລະຫວ່າງວັນທີ 15-16 ກູມພານີ້, ຜູ້ມີສິດລົງເລືອກຕັ້ງເປັນສະມາຊິກສະພາແຫ່ງຊາດ (ສສຊ) ຊຸດທີ X ປະຈຳເຂດ 11 ແຂວງ ບໍລິຄຳໄຊ ຈຳນວນ 10 ທ່ານ ຍິງ 2 ທ່ານ ໄດ້ເຄື່ອນໄຫວພົບປະໂຄສະນາຫາສຽງຕໍ່ຜູ້ມີສິດປ່ອນບັດເລືອກຕັ້ງ ຢູ່ບ້ານ ນໍ້າອ້ອນ, ວັງບານ, ໂພນຄຳ, ບ້ານສົບເຕີ່ງ ແລະ ສະໂມສອນໃຫຍ່ຂອງເມືອງ, ເພື່ອພົບປະຜູ້ມີສິດປ່ອນບັດເລືອກຕັ້ງເມືອງ ໄຊຈຳພອນ ຊຶ່ງນຳໂດຍ ທ່ານ ກອງແກ້ວ ໄຊສົງຄາມ ກຳມະການສູນກາງພັກ ປະທານສະຖາບັນວິທະຍາສາດເສດຖະກິດ ແລະ ສັງຄົມແຫ່ງຊາດຜູ້ລົງສະໝັກນໍ້າເບີ 1, ທ່ານ ສອນທະນູ ທຳມະວົງ ກຳມະການສູນກາງພັກ ເລຂາພັກແຂວງ ບໍລິຄຳໄຊ ຜູ້ສະໝັກເບີ 2 ມີພໍ່ແມ່ປະຊາຊົນຜູ້ມີສິດປ່ອນບັດເລືອກຕັ້ງ ສສຊ, ສສຂ ເຂົ້າຮ່ວມຮັບຟັງເປັນຈຳນວນຫຼວງຫຼາຍ.

ຜູ້ສະໝັກເລືອກຕັ້ງ ສສຊ ເຂດເລືອຕັ້ງທີ 10 ແລະ ສສຂ ລົງພົບປະຜູ້ມີສິດເລືອກຕັ້ງຢູ່ ບ້ານແຈ້ງ ເມືອງທຸລະຄົມ

16/02/2026 13:43

ວັນທີ 16 ກຸມພານີ້, ຜູ້ຮັບສະໝັກເລືອກຕັ້ງເປັນສະມາຊິກສະພາແຫ່ງຊາດ (ສສຊ) ປະຈຳເຂດເລືອກຕັ້ງທີ 10 ແຂວງວຽງຈັນ ຊຸດທີ X ຈໍານວນ 5 ທ່ານ ຍິງ 2 ທ່ານ (ຈາກຈຳນວນຜູ້ສະໝັກທັງໝົດ 14 ທ່ານ) ແລະ ສະມາຊິກສະພາປະຊາຊົນແຂວງ (ສສຂ)ຊຸດທີ V ປະຈຳເຂດເລືອກຕັ້ງເມືອງທຸລະຄົມ ຈໍານວນ 7 ທ່ານ ຍິງ 1 ທ່ານ ໄດ້ລົງໂຄສະນາຫາສຽງ ແລະ ສະເໜີຕົວຕໍ່ຜູ້ມີສິດເລືອກຕັ້ງຢູ່ ບ້ານແຈ້ງ ເມືອງທຸລະຄົມ ໂດຍການນໍາພາຂອງທ່ານ ບຸນສອນ ເພັດລາວັນ ປະທານສະພາປະຊາຊົນແຂວງວຽງຈັນ, ພ້ອມດ້ວຍຄະນະຂັ້ນແຂວງ, ເມືອງ, ອຳນາດການປົກຄອງບ້ານ ແລະ ພໍ່ແມ່ປະຊາຊົນເຂົ້າຮ່ວມຮັບຟັງ.

ຜູ້ສະໝັກຮັບເລືອກຕັ້ງ ສສຊ ປະຈຳເຂດເລືອກຕັ້ງທີ 9 ສືບຕໍ່ໂຄສະນາຫາສຽງ

16/02/2026 13:41

ເພື່ອເຊີດຊູລະດັບຄວາມຕື່ນຕົວທາງດ້ານການເມືອງຂອງປະຊາຊົນບັນດາເຜົ່າ ແລະ ຮັບປະກັນການປະຕິບັດສິດເປັນເຈົ້າຂອງປະເທດຊາດຂອງພົນລະເມືອງ ໃນການໄປໃຊ້ສິດປ່ອນບັດເລືອກຕັ້ງເອົາສະມາຊິກສະພາແຫ່ງຊາດ (ສສຊ) ຢ່າງຄົບຖ້ວນຖືກຕ້ອງຕາມລະບຽບຫຼັກການ ທັງເຮັດໃຫ້ຜູ້ມີສິດເລືອກຕັ້ງ ໄດ້ຮູ້ໄດ້ເຫັນຜູ້ສະໝັກຮັບເລືອກຕັ້ງ ແລະ ກຳໄດ້ຊີວະປະຫວັດ, ຄຸນສົມບັດ, ຄວາມຮູ້ຄວາມສາມາດ, ທັດສະນະ ແລະ ການເຄື່ອນໄຫວວຽກງານຂອງຜູ້ສະໝັກຮັບເລືອກຕັ້ງ ແລ້ວໃຊ້ສິດພື້ນຖານຂອງຕົນເພື່ອເລືອກເອົາບຸກຄົນທີ່ມີມາດຕະຖານເງື່ອນໄຂຖືກຕ້ອງ ແລະ ຄົບຖ້ວນ ເຂົ້າເປັນຕົວແທນແຫ່ງສິດອຳນາດຂອງປະຊາຊົນຢ່າງແທ້ຈິງ ແລະ ເພື່ອໃຫ້ຜູ້ສະໝັກຮັບເລືອກຕັ້ງ ໄດ້ຮັບຮູ້ກ່ຽວກັບຄວາມມຸ່ງມາດປາຖະໜາ ແລະ ສະພາບການດຳລົງຊີວິດຂອງປະຊາຊົນບັນດາເຜົ່າໃນເຂດເລືອກຕັ້ງຂອງຕົນ ທັງໄດ້ພົວພັນສະໜິດແໜ້ນກັບປະຊາຊົນຢູ່ໃນທ້ອງຖິ່ນທີ່ຕົນລົງສະໝັກຮັບເລືອກຕັ້ງ; ວັນທີ 11-14 ກຸມພານີ້, ທ່ານ ບຸນໂຮມ ເທດທານີ ປະທານສະພາປະຊາຊົນແຂວງ ຮອງປະທານຄະນະກຳມະການເລືອກຕັ້ງແຂວງຊຽງຂວາງ ໄດ້ນຳພາຜູ້ສະໝັກຮັບເລືອກຕັ້ງເປັນສະມາຊິກສະພາແຫ່ງຊາດປະຈຳເຂດເລືອກຕັ້ງທີ 9 ແຂວງຊຽງຂວາງ ຊຸດທີ X ລົງໂຄສະນາຫາສຽງ ແລະ ສະເໜີຕົວຕໍ່ຜູ້ມີສິດເລືອກຕັ້ງຢູ່ກຸ່ມບ້ານຄັງພະນຽນ ເທດສະບານເມືອງໜອງແຮດ; ບ້ານນາຍອງ, ບ້ານນາທອງໄຄ້ວຽງ ແລະ ເທດສະບານເມືອງຄຳ; ກຸ່ມຍອດງື່ມ ເມືອງແປກ; ໂຮງຮຽນເຫຼົ່າຮົບບ້ານແປນ ແລະ ເທດສະບານເມືອງພູກູດ ໂດຍການຕ້ອນຮັບຈາກບັນດາເລຂາຄະນະບໍລິຫານພັກກຸ່ມບ້ານ ແລະ ບ້ານ ຊຶ່ງມີຄະນະກຳມະການພັກເມືອງ, ຄະນະພັກ-ຄະນະບັນຊາ, ນາຍ ແລະ ພົນທະຫານ-ຕຳຫຼວດ ແລະ ຫ້ອງການອ້ອມຂ້າງ, ຄະນະພັກບ້ານ, ຄູ-ອາຈານ ຕະຫຼອດຮອດພໍ່ແມ່ປະຊາຊົນ ເຂົ້າຮ່ວມຮັບຟັງຢ່າງພ້ອມພຽງ.

ຂ້າພະເຈົ້າ ຫວັງວ່າຈະໄດ້ເປັນຕົວແທນແຫ່ງສິດຜົນປະໂຫຍດຂອງພວກທ່ານ

16/02/2026 13:37

ທ່ານ ໄຊນະຄອນ ອິນທະວົງ ຜູ້ສະໝັກຮັບເລືອກຕັ້ງເປັນສະມາຊິກສະພາແຫ່ງຊາດ ຊຸດທີ X ປະຈໍາເຂດເລືອກຕັ້ງທີ 1 ນະຄອນຫຼວງວຽງຈັນ (ນວ) ໄດ້ໃຫ້ສໍາພາດຕໍ່ນັກຂ່າວ ທີ່ນະຄອນຫຼວງວຽງຈັນ ວ່າ: ຂ້າພະເຈົ້າເກີດທີ່ເມືອງຄໍາ ແຂວງຊຽງຂວາງ, ພໍອາຍຸ 6 ປີ ໄດ້ຍ້າຍມາຢູ່ ນວ ກັບຄອບຄົວ ພໍ່ແມ່, ປີ 1993 ສັງກັດຢູ່ ກະຊວງປ້ອງກັນຄວາມສະຫງົບ ທີ່ສະໜາມບິນວັດໄຕ, ຂົວມິດຕະພາບ ກວດຄົນ ເຂົ້າ-ອອກເມືອງ, ປີ 2000 ໄປຍົກລະດັບປະລິນຍາຕີ ດ້ານວິທະຍາສາດຄອມພິວເຕີ ຢູ່ປະເທດອົສຕຣາລີ, ປະລິນຍາໂທບໍລິຫານທຸລະກິດສາກົນ ຮຽນຢູ່ລາວ ແລະ ປະເທດຝຣັ່ງ ຄວບຄູ່ກັນ, ປີ 2010-2015 ຄົ້ນຄວ້າປະລິຍາເອກກ່ຽວກັບ ວິທະຍາສາດການຄຸ້ມຄອງບໍລິຫານຈັດການ ເປັນການຮ່ວມມື ລະຫວ່າງ ມະຫາວິທະຍາໄລແຫ່ງຊາດລາວ ຮ່ວມກັບ ວິທະຍາໄລເຕັກໂນໂລຊີຄຸນໝິງ, ປີ 2021 ຖືກຍົກຍ້າຍມາປະຕິບັດໜ້າທີ່ຢູ່ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ, 2018 ຮັບການແຕ່ງຕັ້ງ ເປັນຮອງລັດຖະມົນຕີກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ, ປີ 2024 ຮັບການແຕ່ງຕັ້ງໄປປະຈໍາການຢູ່ແຂວງຜົ້ງສາລີ ເປັນຮອງເລຂາຄະນະພັກ-ຮອງເຈົ້າແຂວງ (ປະຕິບັດໜ້າທີ່ປະມານ 6 ເດືອນກວ່າ) ກໍໄດ້ຮັບການແຕ່ງຕັ້ງຮັບໜ້າທີ່ໃໝ່, ປັດຈຸບັນ ເປັນຮອງເລຂາຄະນະພັກ ຮອງລັດຖະມົນຕີກະຊວງກະສິກໍາ ແລະ ສິ່ງແວດລ້ອມ.

ເພີ່ມເຕີມ