ຄະນະພົວພັນຕ່າງປະເທດສູນກາງພັກ (ຄຕພ) ໄດ້ຈັດກອງປະຊຸມເຜີຍແຜ່ເອກະສານ ວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ (20/1/1949-20/1/2024) ແລະ ວັນເກີດປະທານ ຄຳໄຕ ສີພັນດອນ ຄົບຮອບ 100 ປີ (8/2/1924-8/2/2024) ມີບັນດາຄະນະພັກ, ຄະນະກົມ, ພະແນກ ແລະ ພະນັກງານທົ່ວ ຄຕພ ເຂົ້າຮ່ວມຢ່າງພ້ອມພຽງ.
ການປາຖະກະຖາຄັ້ງນີ້ ສະຫາຍ ພົ.ວ ຜາລົມ ລິນທອງອະດີດກຳມະການຄະນະປະຈຳພັກກະຊວງປ້ອງກັນປະເທດອະດີດຮອງຫົວໜ້າກົມໃຫຍ່ການເມືອງກອງທັບປະທານສະຫະພັນນັກຮົບເກົ່ານະຄອນຫຼວງວຽງຈັນ ໄດ້ໃຫ້ກຽດມາເຜີຍແຜ່ ຊຶ່ງສະຫາຍໄດ້ຍົກເຫັນເຖິງ ສະພາບແວດລ້ອມກ່ອນການສ້າງຕັ້ງກອງທັບ, ການກຳເນີດ, ຄວາມຈຳເປັນພາວະວິໄສແລະ ຄວາມສຳຄັນຂອງການສ້າງຕັ້ງກອງທັບປະຊາຊົນລາວຊຶ່ງການສ້າງຕັ້ງກອງທັບປະຊາຊົນລາວ ເປັນເຫດການປະຫວັດສາດໜຶ່ງທີ່ສຳຄັນ, ເປັນບາດກ້າວແຫ່ງການຂະຫຍາຍຕົວຂອງການປະຕິວັດ,ແມ່ນບາດກ້າວເຕີບໃຫຍ່ເຂັ້ມແຂງຂອງກຳລັງປະກອບອາວຸດປະຕິວັດ ແລະ ເປັນກຳລັງຫຼັກແຫຼ່ງໃຫ້ຂະບວນການຕໍ່ສູ້ຂອງປະຊາຊົນລາວເພື່ອຄວາມເປັນເອກະລາດແຫ່ງຊາດ. ຕະຫຼອດໄລຍະ 75 ປີ ກອງທັບໄດ້ຕັ້ງໜ້າປຸກລະດົມທົ່ວປວງຊົນເຂົ້າຮ່ວມວຽກງານ ປ້ອງກັນຊາດ-ປ້ອງກັນຄວາມສະຫງົບ ເຮັດໃຫ້ທົ່ວປະເທດ ມີຄວາມສະຫງົບຢ່າງໜັກແໜ້ນ ດ້ວຍຍຸດທະສາດ ຫັນລົງກໍ່ສ້າງຮາກຖານການເມືອງ ສ້າງທ່າສະໜາມປ້ອງກັນຊາດ-ປ້ອງກັນຄວາມສະຫງົບ 3 ຂັ້ນທົ່ວປວງຊົນຮອບດ້ານ ຕິດພັນກັບວຽກງານ 3 ສ້າງ ແລະ ແກ້ໄຂໜໍ່ແໜງ ຄວາມບໍ່ສະຫງົບໃຫ້ເດັດຂາດແລະ ທັນກັບຄວາມຮຽກຮ້ອງຕ້ອງການ ຂອງສະພາບການໃໝ່.ກອງທັບປະຊາຊົນລາວ ໄດ້ເປັນກຳລັງຫຼັກແຫຼ່ງໃນການປະຕິບັດແນວທາງປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານ ເຮັດໃຫ້ປະເທດຊາດ ໄດ້ຮັບການປົດປ່ອຍ, ມີເອກະລາດ,ອຳນາດອະທິປະໄຕ ແລະ ຜືນແຜ່ນດິນອັນຄົບຖ້ວນ. ຍ້ອນຜົນງານ ແລະ ການເສຍສະຫຼະເລືອດເນື້ອອັນຍິ່ງໃຫຍ່ຂອງກອງທັບທີ່ຍາດມາໄດ້ນັ້ນ ພັກ-ລັດຖະບານ ຈຶ່ງໄດ້ຕົກລົງມອບຫຼຽນຄຳແຫ່ງຊາດ ຊຶ່ງເປັນຫຼຽນສູງສຸດຂອງຊາດລາວ ໃຫ້ແກ່ກອງທັບປະຊາຊົນລາວ ຈຳນວນ 5 ໜ່ວຍ, ມອບນາມມະຍົດໃຫ້ແກ່ກອງພັນວິລະຊົນ 7 ກອງພັນ, ກອງຮ້ອຍວິລະຊົນ 37 ກອງຮ້ອຍ,ວິລະຊົນແຫ່ງຊາດ 68 ສະຫາຍ ແລະ ນັກຮົບແຂ່ງຂັນ 415 ສະຫາຍ.
ຫຼັງຈາກນັ້ນ, ສະຫາຍ ສະຫາຍ ພົ.ວ ຜາລົມ ລິນທອງ ກໍໄດ້ຍົກໃຫ້ເຫັນເຖິງຊີວິດການກຳເນີດ ແລະ ການເຕີບໃຫຍ່ໃນແປວໄຟແຫ່ງການປະຕິວັດ ຂອງ ປະທານ ຄຳໄຕ ສີພັນດອນ, ແບບແຜນຊີ້ນຳ-ນຳພາ, ການອຸທິດຕົນຢ່າງສຸດກົກສຸດປາຍ ເພື່ອປະເທດຊາດ, ເພື່ອປະຊາຊົນ, ເພື່ອຄວາມມັ່ງຄັ່ງເຂັ້ມແຂງ ແລະ ຄວາມຈະເລີນວັດທະນາຂອງປະເທດຊາດ, ເພື່ອຄວາມຢູ່ດີກິນດີແລະ ຄວາມຮັ່ງມີຜາສຸກຂອງປະຊາຊົນລາວບັນດາເຜົ່າ. ເພິ່ນເປັນໜຶ່ງໃນຜູ້ນຳຮຸ່ນກໍ່ຕັ້ງຂະບວນການ ແລະ ບຸກເບີກເສັ້ນທາງການປະຕິວັດ ຢູ່ປະເທດເຮົາ ຊຶ່ງຍາມໃດເພິ່ນກໍມີຄວາມໜັກແໜ້ນທາງດ້ານການເມືອງ, ມີສະຕິຕໍ່ການຈັດຕັ້ງ, ມີຄວາມຮັບຜິດຊອບສູງຕໍ່ໜ້າທີ່ມອບໝາຍ, ເລີ່ມຈາກພະນັກງານທຳມະດາກາຍເປັນຜູ້ຊີ້ນຳ-ບັນຊາ ແລະ ນຳພາຂະບວນການຕໍ່ສູ້ປົດປ່ອຍຊາດ ຮ່ວມກັບປະທານ ໄກສອນ ພົມວິຫານ, ປະທານ ສຸພານຸວົງ ແລະ ທ່ານອື່ນໆ ຂອງແນວລາວສ້າງຊາດໄດ້ຮັບໄຊຊະນະ, ສະຖາປະນາ ສປປລາວ ຂຶ້ນຢ່າງສະຫງ່າຜ່າເຜີຍ ໃນວັນທີ 2 ທັນວາ ປີ 1975. ຫຼັງຈາກນັ້ນ ເພິ່ນກໍໄດ້ສືບຕໍ່ປະກອບສ່ວນຄົ້ນຄວ້າ ແລະ ກຳນົດທິດທາງໜ້າທີ່ຍຸດທະສາດ ໃນການປົກປັກຮັກສາ ແລະ ສ້າງສາພັດທະນາປະເທດຊາດ ລວມທັງແນວທາງປ່ຽນແປງໃໝ່ອອກຢ່າງຖືກຕ້ອງ, ສອດຄ່ອງ ທັງສືບຕໍ່ນຳພາ-ຊີ້ນຳການຈັດຕັ້ງປະຕິບັດ ໃຫ້ໄດ້ຮັບຜົນສຳເລັດອັນສຳຄັນຫຼາຍດ້ານ.
ສະນັ້ນ, ພະນັກງານ-ສະມາຊິກພັກ ຈະຕ້ອງກຳແໜ້ນ ແລະ ຮັບຮູ້ຄວາມພິລະອາດຫານ ແລະ ຜົນງານອັນຍິ່ງໃຫຍ່ຂອງກອງທັບປະຊາຊົນລາວ ໃນພາລະກິດ ປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານ ພ້ອມທັງຮ່ຳຮຽນເອົາແບບຢ່າງອັນລໍ້າເລີດຂອງປະທານ ຄຳໄຕ ສີພັນດອນ ເພື່ອນຳໄປພັດທະນາຕົນເອງ ກໍຄືການໝູນໃຊ້ເຂົ້າໃນແບບແຜນການດຳລົງຊີວິດ ແລະການປະຕິບັດໜ້າທີ່ວຽກງານຕົວຈິງໃຫ້ມີປະສິດທິຜົນດີຂຶ້ນໄປເລື້ອຍໆ.
(ຂ່າວ: ຄຕພ; ພາບ: ພັດ ລໍວັນໄຊ)
ການປາຖະກະຖາຄັ້ງນີ້ ສະຫາຍ ພົ.ວ ຜາລົມ ລິນທອງອະດີດກຳມະການຄະນະປະຈຳພັກກະຊວງປ້ອງກັນປະເທດອະດີດຮອງຫົວໜ້າກົມໃຫຍ່ການເມືອງກອງທັບປະທານສະຫະພັນນັກຮົບເກົ່ານະຄອນຫຼວງວຽງຈັນ ໄດ້ໃຫ້ກຽດມາເຜີຍແຜ່ ຊຶ່ງສະຫາຍໄດ້ຍົກເຫັນເຖິງ ສະພາບແວດລ້ອມກ່ອນການສ້າງຕັ້ງກອງທັບ, ການກຳເນີດ, ຄວາມຈຳເປັນພາວະວິໄສແລະ ຄວາມສຳຄັນຂອງການສ້າງຕັ້ງກອງທັບປະຊາຊົນລາວຊຶ່ງການສ້າງຕັ້ງກອງທັບປະຊາຊົນລາວ ເປັນເຫດການປະຫວັດສາດໜຶ່ງທີ່ສຳຄັນ, ເປັນບາດກ້າວແຫ່ງການຂະຫຍາຍຕົວຂອງການປະຕິວັດ,ແມ່ນບາດກ້າວເຕີບໃຫຍ່ເຂັ້ມແຂງຂອງກຳລັງປະກອບອາວຸດປະຕິວັດ ແລະ ເປັນກຳລັງຫຼັກແຫຼ່ງໃຫ້ຂະບວນການຕໍ່ສູ້ຂອງປະຊາຊົນລາວເພື່ອຄວາມເປັນເອກະລາດແຫ່ງຊາດ. ຕະຫຼອດໄລຍະ 75 ປີ ກອງທັບໄດ້ຕັ້ງໜ້າປຸກລະດົມທົ່ວປວງຊົນເຂົ້າຮ່ວມວຽກງານ ປ້ອງກັນຊາດ-ປ້ອງກັນຄວາມສະຫງົບ ເຮັດໃຫ້ທົ່ວປະເທດ ມີຄວາມສະຫງົບຢ່າງໜັກແໜ້ນ ດ້ວຍຍຸດທະສາດ ຫັນລົງກໍ່ສ້າງຮາກຖານການເມືອງ ສ້າງທ່າສະໜາມປ້ອງກັນຊາດ-ປ້ອງກັນຄວາມສະຫງົບ 3 ຂັ້ນທົ່ວປວງຊົນຮອບດ້ານ ຕິດພັນກັບວຽກງານ 3 ສ້າງ ແລະ ແກ້ໄຂໜໍ່ແໜງ ຄວາມບໍ່ສະຫງົບໃຫ້ເດັດຂາດແລະ ທັນກັບຄວາມຮຽກຮ້ອງຕ້ອງການ ຂອງສະພາບການໃໝ່.ກອງທັບປະຊາຊົນລາວ ໄດ້ເປັນກຳລັງຫຼັກແຫຼ່ງໃນການປະຕິບັດແນວທາງປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານ ເຮັດໃຫ້ປະເທດຊາດ ໄດ້ຮັບການປົດປ່ອຍ, ມີເອກະລາດ,ອຳນາດອະທິປະໄຕ ແລະ ຜືນແຜ່ນດິນອັນຄົບຖ້ວນ. ຍ້ອນຜົນງານ ແລະ ການເສຍສະຫຼະເລືອດເນື້ອອັນຍິ່ງໃຫຍ່ຂອງກອງທັບທີ່ຍາດມາໄດ້ນັ້ນ ພັກ-ລັດຖະບານ ຈຶ່ງໄດ້ຕົກລົງມອບຫຼຽນຄຳແຫ່ງຊາດ ຊຶ່ງເປັນຫຼຽນສູງສຸດຂອງຊາດລາວ ໃຫ້ແກ່ກອງທັບປະຊາຊົນລາວ ຈຳນວນ 5 ໜ່ວຍ, ມອບນາມມະຍົດໃຫ້ແກ່ກອງພັນວິລະຊົນ 7 ກອງພັນ, ກອງຮ້ອຍວິລະຊົນ 37 ກອງຮ້ອຍ,ວິລະຊົນແຫ່ງຊາດ 68 ສະຫາຍ ແລະ ນັກຮົບແຂ່ງຂັນ 415 ສະຫາຍ.
ຫຼັງຈາກນັ້ນ, ສະຫາຍ ສະຫາຍ ພົ.ວ ຜາລົມ ລິນທອງ ກໍໄດ້ຍົກໃຫ້ເຫັນເຖິງຊີວິດການກຳເນີດ ແລະ ການເຕີບໃຫຍ່ໃນແປວໄຟແຫ່ງການປະຕິວັດ ຂອງ ປະທານ ຄຳໄຕ ສີພັນດອນ, ແບບແຜນຊີ້ນຳ-ນຳພາ, ການອຸທິດຕົນຢ່າງສຸດກົກສຸດປາຍ ເພື່ອປະເທດຊາດ, ເພື່ອປະຊາຊົນ, ເພື່ອຄວາມມັ່ງຄັ່ງເຂັ້ມແຂງ ແລະ ຄວາມຈະເລີນວັດທະນາຂອງປະເທດຊາດ, ເພື່ອຄວາມຢູ່ດີກິນດີແລະ ຄວາມຮັ່ງມີຜາສຸກຂອງປະຊາຊົນລາວບັນດາເຜົ່າ. ເພິ່ນເປັນໜຶ່ງໃນຜູ້ນຳຮຸ່ນກໍ່ຕັ້ງຂະບວນການ ແລະ ບຸກເບີກເສັ້ນທາງການປະຕິວັດ ຢູ່ປະເທດເຮົາ ຊຶ່ງຍາມໃດເພິ່ນກໍມີຄວາມໜັກແໜ້ນທາງດ້ານການເມືອງ, ມີສະຕິຕໍ່ການຈັດຕັ້ງ, ມີຄວາມຮັບຜິດຊອບສູງຕໍ່ໜ້າທີ່ມອບໝາຍ, ເລີ່ມຈາກພະນັກງານທຳມະດາກາຍເປັນຜູ້ຊີ້ນຳ-ບັນຊາ ແລະ ນຳພາຂະບວນການຕໍ່ສູ້ປົດປ່ອຍຊາດ ຮ່ວມກັບປະທານ ໄກສອນ ພົມວິຫານ, ປະທານ ສຸພານຸວົງ ແລະ ທ່ານອື່ນໆ ຂອງແນວລາວສ້າງຊາດໄດ້ຮັບໄຊຊະນະ, ສະຖາປະນາ ສປປລາວ ຂຶ້ນຢ່າງສະຫງ່າຜ່າເຜີຍ ໃນວັນທີ 2 ທັນວາ ປີ 1975. ຫຼັງຈາກນັ້ນ ເພິ່ນກໍໄດ້ສືບຕໍ່ປະກອບສ່ວນຄົ້ນຄວ້າ ແລະ ກຳນົດທິດທາງໜ້າທີ່ຍຸດທະສາດ ໃນການປົກປັກຮັກສາ ແລະ ສ້າງສາພັດທະນາປະເທດຊາດ ລວມທັງແນວທາງປ່ຽນແປງໃໝ່ອອກຢ່າງຖືກຕ້ອງ, ສອດຄ່ອງ ທັງສືບຕໍ່ນຳພາ-ຊີ້ນຳການຈັດຕັ້ງປະຕິບັດ ໃຫ້ໄດ້ຮັບຜົນສຳເລັດອັນສຳຄັນຫຼາຍດ້ານ.
ສະນັ້ນ, ພະນັກງານ-ສະມາຊິກພັກ ຈະຕ້ອງກຳແໜ້ນ ແລະ ຮັບຮູ້ຄວາມພິລະອາດຫານ ແລະ ຜົນງານອັນຍິ່ງໃຫຍ່ຂອງກອງທັບປະຊາຊົນລາວ ໃນພາລະກິດ ປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານ ພ້ອມທັງຮ່ຳຮຽນເອົາແບບຢ່າງອັນລໍ້າເລີດຂອງປະທານ ຄຳໄຕ ສີພັນດອນ ເພື່ອນຳໄປພັດທະນາຕົນເອງ ກໍຄືການໝູນໃຊ້ເຂົ້າໃນແບບແຜນການດຳລົງຊີວິດ ແລະການປະຕິບັດໜ້າທີ່ວຽກງານຕົວຈິງໃຫ້ມີປະສິດທິຜົນດີຂຶ້ນໄປເລື້ອຍໆ.
(ຂ່າວ: ຄຕພ; ພາບ: ພັດ ລໍວັນໄຊ)
ຄໍາເຫັນ