ກອງບັນຊາການ ປກສ ແຂວງເຊກອງ ປະກາດການຈັດຕັ້ງ

ກອງບັນຊາການປ້ອງກັນຄວາມສະຫງົບ (ປກສ) ແຂວງເຊກອງ ໄດ້ຈັດພິທີປະກາດໂຄງຮ່າງການຈັດຕັ້ງ ເມື່ອບໍ່ດົນມານີ້ທີ່ສະໂມສອນຂອງຕົນ ພາຍໃຕ້ການເປັນປະທານຂອງສະຫາຍ ພັ.ອ ຄຳບານ ພົມມະນີວົງ ກຳມະການພັກແຂວງ ເລຂາພັກ ຫົວໜ້າກອງບັນຊາການ ປກສ ແຂວງ, ມີຄະນະພັກ-ຄະນະບັນຊາ, ກອງບັນຊາການ ປກສ ເມືອງເຂົ້າຮ່ວມ.
ສະຫາຍ ພັທ ສັນມະລາ ຂຸນພິຊິດ ປະທານກວດການພັກ ຮອງຫົວໜ້າກອງບັນຊາການ ປກສ ແຂວງຫົວໜ້າຫ້ອງການເມືອງ ໄດ້ຂຶ້ນຜ່ານຂໍ້ຕົກລົງ ຂອງລັດຖະມົນຕີກະຊວງປ້ອງກັນສະຫງົບ ວ່າດ້ວຍການຍົກຍ້າຍ ແລະ ແຕ່ງຕັ້ງ ນາຍຕຳຫຼວດ ທີ່ຂຶ້ນກັບກອງບັນຊາການ ປກສ ແຂວງເຊກອງ ໂດຍຕົກລົງຍົກຍ້າຍ ສະຫາຍ ພັ.ທ ສົມຫວັງ ກວດແກ້ວມະນີວົງ ຫົວໜ້າຄ້າຍຄຸມຂັງ-ດັດສ້າງ ໄປຮັບໜ້າທີ່ໃໝ່ຢູ່ກອງບັນຊາການ ປກສ ເມືອງກະລຶມ ແລະ ແຕ່ງຕັ້ງສະຫາຍ ພັ.ທ ແພງຮັກ ຮຸນປະຢັດ ເປັນຫົວໜ້າກອງບັນຊາການ ປກສ ເມືອງລະມາມ; ສະຫາຍ ພັ.ທ ກິແກ້ວ ດວງມະລາ ເປັນຫົວໜ້າກອງພັນປ້ອງກັນເຄື່ອນທີ່; ສະຫາຍ ພັ.ທ ອາພັບ ຖີ່ນອົງແກ້ວ ເປັນຫົວໜ້າຫ້ອງການກອງບັນຊາການ; ສະຫາຍ ພັ.ທ ສົມບູນ ສຸກສະຫວັດ ເປັນຫົວໜ້າຄ້າຍຄຸມຂັງ-ດັດສ້າງ; ທ່ານ ພັ.ທ  ຄຳສະໄຫວ ບຸດດາຜົນ ເປັນຫົວໜ້າຫ້ອງ 504; ສະຫາຍ ພັ.ຕ ສຸລິເຍດ ຂິນທະວົງ ເປັນຮອງຫົວໜ້າກອງພັນປ້ອງກັນເຄື່ອນທີ່; ສະຫາຍ ພັ.ຕ ທອງຢາ ບຸດດາສັກ ເປັນຮອງຫົວໜ້າຄ້າຍຄຸມຂັງ-ດັດສ້າງ; ທ່ານ ພັ.ທ ບຸນເກີດ ສິດທີໄຊ  ເປັນຮອງຫົວໜ້າຫ້ອງຕຳຫຼວດ; ສະຫາຍ ພັ.ຕ  ນ້ອຍ ເຍົາອົງແກ້ວ ເປັນຮອງກອງບັນຊານການ ປກສ ເມືອງລະມາມ; ສະຫາຍ ພັ.ຕ ສົມແພງ ສີໂພ ເປັນຮອງກອງບັນຊາການ ປກສ ເມືອງດາກຈຶງ; ສະຫາຍ ພັທ ຄຳແບງ ຈັນທະວົງ ເປັນຮອງກອງບັນຊາການ ປກສ ເມືອງທ່າແຕງ ແລະ ສະຫາຍ ພັ.ທ ສົມຫວັງ ກວດແກ້ວມະນີວົງ ເປັນຮອງກອງບັນຊາການ ປກສ ເມືອງກະລືມ. ສ່ວນຫົວໜ້າ ແລະ ຮອງທີ່ມີຢູ່ແລ້ວແມ່ນຮັກສາໄວ້ຄືເກົ່າ.
ໃນໂອກາດນີ້, ສະຫາຍ ພັ.ອ ຄຳບານ ພົມມະນີວົງ ມີຄໍາເຫັນໂອ້ລົມ ໂດຍໄດ້ເນັ້ນໜັກໃຫ້ສືບຕໍ່ສຸມໃສ່ປັບປຸງກໍາລັງປ້ອງກັນຄວາມສະຫງົບແຂວງ, ກຳລັງ ປກສ ບ້ານ-ກຸ່ມບ້ານໃຫ້ມີຄຸນນະພາບ ແລະ ມີການປ່ຽນແປງຢ່າງຕັ້ງໜ້າ ໂດຍສະເພາະແມ່ນ 3 ທາດແທ້ 7 ມູນເຊື້ອຂອງກໍາລັງປ້ອງກັນຄວາມສະຫງົບປະຊາຊົນ; ເອົາໃຈໃສ່ກໍ່ສ້າງພະນັກງານ-ນັກຮົບໃຫ້ມີແນວຄິດການເມືອງໜັກແໜ້ນ, ບໍລິສຸດສັດຊື່ຕໍ່ພັກ, ຕໍ່ລັດ ແລະ ປະຊາຊົນ; ສຸມໃສ່ສຶກສາອົບຮົມການເມືອງ-ແນວຄິດຕົວຈິງໃຫ້ຫຼາຍຂຶ້ນກວ່າເກົ່າ, ຫຼຸດຜ່ອນວິທີການເຮັດວຽກແບບສົມມຸດຖານ ເພື່ອສ້າງຄວາມສຳນິຊໍານານດ້ານວິຊາສະເພາະ ແລະ ຍົກສູງຄວາມຮູ້ຄວາມສາມາດ ນຳພາ-ບັນຊາ ແລະ ກຽມພ້ອມຊີຣົບ. ພ້ອມນີ້, ກໍຕ້ອງເອົາໃຈໃສ່ກໍ່ສ້າງກົມກອງເຂັ້ມແຂງປອດຢາເສບຕິດ, ເພີ່ມທະວີສະຕິລະວັງຕົວໃຫ້ສູງ, ຕ້ານ ແລະ ສະກັດກັ້ນທຸກກົນອຸບາຍຫັນປ່ຽນຂອງສັດຕູ ແລະ ກຸ່ມຄົນບໍຫວັງດີ.
ຂ່າວ-ພາບ: ປກສ ແຂວງເຊກອງ