ເມື່ອບໍ່ດົນມານີ້, ຫ້ອງການກອງບັນຊາການທະຫານແຂວງບໍ່ແກ້ວ ໄດ້ຈັດກອງປະຊຸມສະຫຼຸບວຽກງານນຳພາຮອບດ້ານປະຈຳໄຕມາດ III ແລະ ທິດທາງແຜນການປະຈຳໄຕມາດ IV ປີ 2023 ໂດຍການເຂົ້າຮ່ວມເປັນປະທານຂອງ ສະຫາຍ ພັນເອກ ທອງໄຂ ສີຍາລາດ ຮອງເລຂາຄະນະພັກ ຫົວໜ້າການທະຫານ ກອງບັນຊາການທະຫານແຂວງບໍ່ແກ້ວ, ມີສະຫາຍ ພັນໂທ ບຸນຄ້ຳ ຄຳພັນ ຮອງຫົວໜ້າຫ້ອງການກອງບັນຊາການທະຫານແຂວງບໍ່ແກ້ວ, ມີຄະນະພັກ-ຄະນະບັນຊາ, ພະແນກການກ່ຽວຂ້ອງເຂົ້າຮ່ວມ.
ສະຫາຍ ພັນຕີ ເພັດຈຳພອນ ຄຳປະດິດ ຫົວໜ້າພະແນກບໍລິຫານຫ້ອງການກອງບັນຊາການທະ ຫານແຂວງບໍ່ແກ້ວ ໄດ້ຜ່ານບົດສະຫຼຸບວຽກງານຮອບດ້ານປະຈຳໄຕມາດ III ແລະ ທິດທາງແຜນການປະຈຳໄຕມາດ IV ປີ 2023. ເຫັນວ່າມີຫຼາຍດ້ານທີ່ພົ້ນເດັ່ນ ໂດຍສະເພາະໄດ້ສຸມໃສ່ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ XI ຂອງສູນກາງພັກ, ມະຕິກອງປະຊຸມໃຫຍ່ຄັ້ງທີ V ຂອງອົງຄະນະພັກກະຊວງປ້ອງກັນປະເທດໂດຍປິ່ນອ້ອມ 4 ໜ້າທີ່ໃຫຍ່ 26 ແຜນງານຂອງຄະນະພັກກະຊວງປ້ອງກັນປະເທດວາງອອກ ເພື່ອຮັບປະກັນເຮັດໃຫ້ສະພາບມີຄວາມສະຫງົບ, ວຽກງານກໍ່ສ້າງຮາກຖານການເມືອງໄດ້ເອົາໃຈໃສ່ປະສານສົມທົບກັບອຳນາດການປົກຄອງທ້ອງຖິ່ນ, ຕໍ່ກັບວຽກງານກຽມພ້ອມສູ້ຮົບຈັດຕັ້ງລະບົບປະຈຳການ 3 ຂັ້ນ, ຕິດຕາມ ເກັບກຳສະພາບການຕ່າງໆ ສ່ອງແສງລາຍງານໃຫ້ຂັ້ນເທິງຢ່າງເປັນປົກກະຕິ, ວຽກງານສຶກສາອົບຮົມການ ເມືອງ-ນຳພາແນວຄິດ ຄະນະພັກ-ຄະນະບັນຊາແຕ່ລະຂັ້ນ ໄດ້ເອົາໃຈໃສ່ປະຕິບັດຢ່າງເປັນປົກກະຕິ ເພື່ອເຮັດໃຫ້ສະພາບແນວຄິດຂອງພະນັກງານສະມາຊິກພັກ, ພະນັກງານ-ນັກຮົບ ມີຄວາມເຊື່ອໝັ້ນ, ຈົງຮັກພັກດີຕໍ່ພັກ-ລັດ, ມີຄວາມສາມັກຄີ ພ້ອມກັນເຮັດສໍາເລັດໜ້າທີ່ໆການຈັດຕັ້ງຂັ້ນເທິງມອບໝາຍໃຫ້. ໃນໄລຍະຜ່ານມາໄດ້ຈັດຕັ້ງພິທີປາຖະກະຖາວັນປະຫວັດສາດສໍາຄັນຕ່າງໆຂອງພັກ-ຂອງຊາດ, ຂອງກອງທັບ, ເຊື່ອມຊຶມມະຕິ, ຄໍາສັ່ງ, ຂໍ້ກຳນົດກົດລະບຽບ ແລະ ວຽກງານຂະບວນການຕ່າງໆ. ຢຶດໝັ້ນກໍ່ສ້າງພັກຕາມ 5 ຫຼັກການ 3 ທິດນຳຢ່າງເຂັ້ມງວດ ແນໃສ່ເຮັດໃຫ້ພັກມີຄວາມໜັກແໜ້ນ ເຂັ້ມແຂງຮອບດ້ານ. ຈາກນັ້ນບັນດາຜູ້ແທນກອງປະຊຸມໄດ້ປະກອບຄວາມຄິດ ຄວາມເຫັນຢ່າງກົງໄປກົງມາ ເຮັດໃຫ້ກອງປະຊຸມດັ່ງກ່າວມີເນື້ອໃນຄົບຖ້ວນສົມບູນ.
ໂອກາດນີ້, ສະຫາຍ ພັນເອກ ທອງໄຂ ສີຍາລາດ ໄດ້ຮຽກຮ້ອງໃຫ້ພະນັກງານ-ນັກຮົບ ສືບຕໍ່ສຶກສາອົບຮົມການເມືອງ-ນໍາພາແນວຄິດເປັນບັນຫາສຳຄັນ, ຕັ້ງໜ້າເຮັດໜ້າທີ່ວຽກງານວິຊາສະເພາະໃຫ້ດີ, ປະຕິ ບັດຂໍ້ກຳນົດ-ກົດລະບຽບຕ່າງໆໃຫ້ເຂັ້ມງວດ, ເອົາໃຈໃສ່ຮັດແໜ້ນຄວາມສາມັກຄີພາຍໃນ ແລະ ຕ່າງປະເທດຢ່າງເປັນປົກກະຕິ, ເອົາໃຈໃສ່ແກ້ໄຂຊີວິດການເປັນຢູ່ຕາມທິດ 4 ປູກ 4 ລ້ຽງ, ປະຕິບັດຄຳຂວັນເພິ່ງຕົນເອງ ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ສ້າງໃຫ້ກົມກອງມີໃບໜ້າໃໝ່. ເຮັດໃຫ້ກົມກອງມີຂະບວນການຟົດຟື້ນເບີກມ່ວນຊື່ນ ເພື່ອຂໍ່ານັບຮັບຕ້ອນວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ທີ່ຈະມາເຖິງນີ້.
ຂ່າວ-ພາບ: ວໍລະສິດ ພິດສະຫາຍ
ສະຫາຍ ພັນຕີ ເພັດຈຳພອນ ຄຳປະດິດ ຫົວໜ້າພະແນກບໍລິຫານຫ້ອງການກອງບັນຊາການທະ ຫານແຂວງບໍ່ແກ້ວ ໄດ້ຜ່ານບົດສະຫຼຸບວຽກງານຮອບດ້ານປະຈຳໄຕມາດ III ແລະ ທິດທາງແຜນການປະຈຳໄຕມາດ IV ປີ 2023. ເຫັນວ່າມີຫຼາຍດ້ານທີ່ພົ້ນເດັ່ນ ໂດຍສະເພາະໄດ້ສຸມໃສ່ຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ XI ຂອງສູນກາງພັກ, ມະຕິກອງປະຊຸມໃຫຍ່ຄັ້ງທີ V ຂອງອົງຄະນະພັກກະຊວງປ້ອງກັນປະເທດໂດຍປິ່ນອ້ອມ 4 ໜ້າທີ່ໃຫຍ່ 26 ແຜນງານຂອງຄະນະພັກກະຊວງປ້ອງກັນປະເທດວາງອອກ ເພື່ອຮັບປະກັນເຮັດໃຫ້ສະພາບມີຄວາມສະຫງົບ, ວຽກງານກໍ່ສ້າງຮາກຖານການເມືອງໄດ້ເອົາໃຈໃສ່ປະສານສົມທົບກັບອຳນາດການປົກຄອງທ້ອງຖິ່ນ, ຕໍ່ກັບວຽກງານກຽມພ້ອມສູ້ຮົບຈັດຕັ້ງລະບົບປະຈຳການ 3 ຂັ້ນ, ຕິດຕາມ ເກັບກຳສະພາບການຕ່າງໆ ສ່ອງແສງລາຍງານໃຫ້ຂັ້ນເທິງຢ່າງເປັນປົກກະຕິ, ວຽກງານສຶກສາອົບຮົມການ ເມືອງ-ນຳພາແນວຄິດ ຄະນະພັກ-ຄະນະບັນຊາແຕ່ລະຂັ້ນ ໄດ້ເອົາໃຈໃສ່ປະຕິບັດຢ່າງເປັນປົກກະຕິ ເພື່ອເຮັດໃຫ້ສະພາບແນວຄິດຂອງພະນັກງານສະມາຊິກພັກ, ພະນັກງານ-ນັກຮົບ ມີຄວາມເຊື່ອໝັ້ນ, ຈົງຮັກພັກດີຕໍ່ພັກ-ລັດ, ມີຄວາມສາມັກຄີ ພ້ອມກັນເຮັດສໍາເລັດໜ້າທີ່ໆການຈັດຕັ້ງຂັ້ນເທິງມອບໝາຍໃຫ້. ໃນໄລຍະຜ່ານມາໄດ້ຈັດຕັ້ງພິທີປາຖະກະຖາວັນປະຫວັດສາດສໍາຄັນຕ່າງໆຂອງພັກ-ຂອງຊາດ, ຂອງກອງທັບ, ເຊື່ອມຊຶມມະຕິ, ຄໍາສັ່ງ, ຂໍ້ກຳນົດກົດລະບຽບ ແລະ ວຽກງານຂະບວນການຕ່າງໆ. ຢຶດໝັ້ນກໍ່ສ້າງພັກຕາມ 5 ຫຼັກການ 3 ທິດນຳຢ່າງເຂັ້ມງວດ ແນໃສ່ເຮັດໃຫ້ພັກມີຄວາມໜັກແໜ້ນ ເຂັ້ມແຂງຮອບດ້ານ. ຈາກນັ້ນບັນດາຜູ້ແທນກອງປະຊຸມໄດ້ປະກອບຄວາມຄິດ ຄວາມເຫັນຢ່າງກົງໄປກົງມາ ເຮັດໃຫ້ກອງປະຊຸມດັ່ງກ່າວມີເນື້ອໃນຄົບຖ້ວນສົມບູນ.
ໂອກາດນີ້, ສະຫາຍ ພັນເອກ ທອງໄຂ ສີຍາລາດ ໄດ້ຮຽກຮ້ອງໃຫ້ພະນັກງານ-ນັກຮົບ ສືບຕໍ່ສຶກສາອົບຮົມການເມືອງ-ນໍາພາແນວຄິດເປັນບັນຫາສຳຄັນ, ຕັ້ງໜ້າເຮັດໜ້າທີ່ວຽກງານວິຊາສະເພາະໃຫ້ດີ, ປະຕິ ບັດຂໍ້ກຳນົດ-ກົດລະບຽບຕ່າງໆໃຫ້ເຂັ້ມງວດ, ເອົາໃຈໃສ່ຮັດແໜ້ນຄວາມສາມັກຄີພາຍໃນ ແລະ ຕ່າງປະເທດຢ່າງເປັນປົກກະຕິ, ເອົາໃຈໃສ່ແກ້ໄຂຊີວິດການເປັນຢູ່ຕາມທິດ 4 ປູກ 4 ລ້ຽງ, ປະຕິບັດຄຳຂວັນເພິ່ງຕົນເອງ ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ສ້າງໃຫ້ກົມກອງມີໃບໜ້າໃໝ່. ເຮັດໃຫ້ກົມກອງມີຂະບວນການຟົດຟື້ນເບີກມ່ວນຊື່ນ ເພື່ອຂໍ່ານັບຮັບຕ້ອນວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ທີ່ຈະມາເຖິງນີ້.
ຂ່າວ-ພາບ: ວໍລະສິດ ພິດສະຫາຍ
ຄໍາເຫັນ