ກອງບັນຊາການທະຫານເມືອງທຸລະຄົມ ປະກາດການຈັດຕັ້ງ

ກອງບັນຊາການທະຫານເມືອງທຸລະຄົມ ແຂວງວຽງຈັນ ໄດ້ຈັດພິທີປະກາດການຈັດຕັ້ງຂຶ້ນໃນວັນທີ 22 ຕຸລາຜ່ານມາ ທີ່ສະໂມສອນຫ້ອງວ່າການເມືອງ ໂດຍການເປັນປະທານຮ່ວມລະຫວ່າງ ສະຫາຍນາງ ວົງເດືອນ ວັດຕະໂສ ເຈົ້າເມືອງໆທຸລະຄົມ ແລະ ສະຫາຍ ພັອ ບຸນຜອງ ບຸດຕະວົງ ຫົວໜ້າການເມືອງ ກອງບັນຊາການທະຫານແຂວງ, ມີສະຫາຍ ພັທ ເກດສະໜາ ສຸລິຍະວົງ ຫົວໜ້າການເມືອງ ກອງບັນຊາການທະຫານເມືອງ ພ້ອມດ້ວຍແຂກຖືກເຊີນເຂົ້າຮ່ວມ.
    ສະຫາຍ ພັທ ສີວັນທອງ ວໍລະຈິດ ຫົວໜ້າພະແນກພະນັກງານ ກອງບັນຊາການທະຫານແຂວງ ໄດ້ຂຶ້ນຜ່ານຂໍ້ຕົກລົງຂອງລັດຖະມົນຕີກະຊວງປ້ອງກັນປະເທດ ສະບັບເລກທີ 4717/ກປທ, ລົງວັນທີ 13 ກັນຍາ 2023 ໂດຍແຕ່ງຕັ້ງສະຫາຍ ພັທ ຄໍາດີ ສີປະເສີດ ເປັນຫົວໜ້າການທະຫານ ກອງບັນຊາການທະຫານເມືອງທຸລະຄົມ ທັງ ເປັນຮອງເລຂາຄະນະພັກຮາກຖານ ກອງບັນຊາການທະຫານເມືອງທຸລະຄົມ.
    ໂອກາດນີ້, ຄະນະປະທານໄດ້ຜັດປ່ຽນກັນມີຄໍາເຫັນໂອ້ລົມວ່າ: ການປັບປຸງແຕ່ງຕັ້ງ, ຍົກຍ້າຍ ແລະ ສັບປ່ຽນໜ້າທີ່ ຖືເປັນວຽກປົກກະຕິໃນລະບອບການນໍາພາຂອງພັກ ເປົ້າໝາຍເຮັດໃຫ້ວຽກງານດໍາເນີນໄປຢ່າງຕໍ່ເນື່ອງມີຜົນສໍາເລັດ. ພ້ອມນີ້ຮຽກຮ້ອງໃຫ້ບັນດາສະຫາຍເອົາໃຈໃສ່ເພີ່ມທະວີວຽກງານປ້ອງກັນຊາດ-ປ້ອງກັນຄວາມສະຫງົບໃຫ້ໜັກ                  ແໜ້ນຂຶ້ນ, ເອົາໃຈໃສ່ແກ້ໄຂປະກົດການຫຍໍ້ທໍ້ໃນສັງຄົມໃຫ້ຫຼຸດໜ້ອຍຖອຍລົງ, ເຂັ້ມງວດຕໍ່ລະບຽບວິໄນ, ສ້າງຄວາມເຂັ້ມແຂງໃຫ້ກັບກົມກອງ, ລົງເລິກວຽກງານສຶກສາອົບຮົມການເມືອງແນວຄິດໃຫ້ຖັນແຖວພະນັກງານນັກຮົບ, ເອົາໃຈໃສ່ຈັດຕັ້ງປະຕິບັດວຽກງານວິຊາສະເພາະໃຫ້ສໍາເລັດເປັນຢ່າງດີ, ເອົາໃຈໃສ່ເຕົ້າໂຮມຄວາມສາມັກຄີ, ຄວາມເອກະພາບໃນພັກ, ແບ່ງວຽກ, ແບ່ງຄວາມຮັບຜິດຊອບໃຫ້ຖືກຕ້ອງສອດຄ່ອງ. 
ຂ່າວ-ພາບ: ເມືອງທຸລະຄົມ