ແລະ ຕີມໍແລັດເຕແລະພາກສ່ວນກ່ຽວຂ້ອງເຂົ້າຮ່ວມ.
ຜ່ານການໃຫ້ຄໍາເຫັນຊີ້ນໍາຂອງບັນດາທ່ານທີ່ເຂົ້າຮ່ວມ ໄດ້ເຕັມໄປດ້ວຍຄວາມໝາຍສຳຄັນຍິ່ງ ໃນການກຳນົດທິດທາງ ແລະ ຍຸດທະສາດດ້ານພະລັງງານ ເພືື່ອໃຫ້ສອດຄ່ອງກັບວິໄສທັດອາຊຽນ ຊຶ່ງສັງລວມໄດ້ 3 ປະເດັນສຳຄັນຄື:
1). ການຮັບປະກັນ ການສະໜອງພະລັງງານໃຫ້ໝັ້ນຄົງ ທີ່ພວກເຮົາຕ້ອງຮັບຮູ້ເຖິງຄວາມຈໍາເປັນໃນການສ້າງຄວາມສົມດຸນ ລະຫວ່າງຄວາມໝັ້ນຄົງ ແລະ ການພັດທະນາທີ່ຍືນຍົງ, ການນໍາໃຊ້ຊັບພະຍາກອນ ແລະ ທ່າແຮງພະລັງງານອາຊຽນ ຢ່າງມີປະສິດຕິຜົນ ໃຫ້ເກີດຜົນປະໂຫຍດສູງສຸດແກ່ທຸກພາກສ່ວນ.
2). ສ້າງເງື່ອນໄຂສະດວກ ເພື່ອເຊື່ອມໂຍງຕະຫຼາດພະລັງງານລະຫວ່າງກັນ ເຊັ່ນ: ຊຸກຍູ້ການເຊື່ອມໂຍງຕາຂ່າຍໄຟຟ້າ (APG) ແລະ ການເຊື່ອມໂຍງທໍ່ສົ່ງອາຍແກັສອາຊຽນ ຊຶ່ງມີຄວາມສໍາຄັນຕໍ່ການສ້າງຕະຫຼາດພະລັງງານທີ່ມີຄວາມເຂັ້ມແຂງ ແລະ ເຊື່ອມໂຍງກັນຫຼາຍຂຶ້ນ ສາມາດຕອບສະໜອງຄວາມຕ້ອງການທັງໃນປັດຈຸບັນ ແລະ ອະນາຄົດ.
3). ເສີມຂະຫຍາຍການຮ່ວມມືກັບບັນດາຄູ່ຮ່ວມພັດທະນາ ແລະ ອົງການຈັດຕັ້ງສາກົນ ເພື່ອແບ່ງປັນຂໍ້ມູນ, ສ້າງອົງຄວາມຮູ້ວິຊາການດ້ານພະລັງງານ ລວມທັງການເປີດຮັບນະວັດຕະກໍາເຕັກໂນໂລຊີໃໝ່ໆ ເພື່ອໃຊ້ໃນການຜະລິດ ແລະ ຄຸ້ມຄອງພະລັງງານ ເພື່ອເພີ່ມປະສິດຕິພາບ ແລະ ຫຼຸດຄ່າໃຊ້ຈ່າຍ.
ກອງປະຊຸມດັ່ງກ່າວ ໄດ້ສຳເລັດລົງ ແລະ ໄດ້ຮັບໝາກຜົນຕາມຄາດໝາຍທີ່ກຳນົດໄວ້ ຊຶ່ງຈະເປັນບ່ອນອີງສຳຄັນສຳລັບການສືບຕໍ່ປຶກສາຫາລື ເຮັດວຽກຮ່ວມກັນໃນຕໍ່ໄປ.
(ຂ່າວ: ສຸກສະຫວັນ, ພາບ: ບຸນອູ້ມ)
ຄໍາເຫັນ