ກອງປະຊຸມ ຄະນະຊີ້ນໍາໂຄງການຄັ້ງທີ 3 ໂຄງການຮ່ວມມືດ້ານສະຖິຕິ ລາວ-ລຸກຊໍາບວກ

ກອງປະຊຸມ ຄະນະຊີ້ນໍາໂຄງການຄັ້ງທີ 3 ໂຄງການຮ່ວມມືດ້ານສະຖິຕິ ລາວ-ລຸກຊໍາບວກ
ສູນສະຖິຕິແຫ່ງຊາດ ກະຊວງແຜນການ ແລະ ການລົງທຶນ ໄດ້ຈັດກອງປະຊຸມຄະນະຊີ້ນໍາໂຄງການຄັ້ງທີ 3, ໂຄງການຮ່ວມມືດ້ານສະຖິຕິ ລາວ-ລຸກຊໍາ ຂຶ້ນໃນວັນທິ 9 ກຸມພານີ້ ທີ່ ໂຮງແຮມຄຣາວພລາຊາ ນະຄອນຫຼວງວຽງຈັນ.
ເປັນກຽດໃນກອງປະຊຸມ ມີທ່ານ ນາງ ພອນສະຫຼີ ສຸກສະຫວັດ ຫົວໜ້າສູນສະຖິຕິແຫ່ງຊາດ ຫົວໜ້າຄະນະຊີ້ນໍາໂຄງການ, ທ່ານ ແຟຣັງ ໄພເຟຣີ ຜູ້ຮັບຜິດຊອບວຽກງານການຮ່ວມມືເພື່ອການພັດທະນາ, ຈາກສະຖານທູດປະເທດລຸກຊໍາບວກ ປະຈໍາ ສປປ ລາວ, ທ່ານ ໂອລີເວຍ ທູນູດ ຫົວໜ້າພະແນກ ຜູ້ຕາງໜ້າຈາກສະຖາບັນຄົ້ນຄວ້າເສດຖະກິດ ແລະ ສະຖິຕິ, ບັນດາຄະນະຊີ້ນໍາໂຄງການ, ທ່ານ ສະເຕຟານ ຄຣີດສເຈ ຫົວໜ້າ ຜູ້ນໍາພາຄະນະຊ່ຽວຊານ ຈັດຕັ້ງປະຕິບັດໂຄງການຂອງ ບໍລິສັດທີ່ປຶກສາ (GOPA), ບັນດາທ່ານ ຫົວໜ້າກົມ, ຮອງກົມ, ພ້ອມດ້ວຍແຂກຖືກເຊີນທີ່ກ່ຽວຂ້ອງເຂົ້າຮ່ວມ.
ທ່ານ ນາງ ພອນສະຫຼີ ສຸກສະຫວັດ ກ່າວວ່າ: ຂ້າພະເຈົ້າຮູ້ສຶກເປັນກຽດທີ່ໄດ້ເຂົ້າຮ່ວມເປັນປະທານຮ່ວມໃນກອງປະຊຸມທີ່ສຳຄັນ ຂອງຄະນະຊີ້ນໍາໂຄງການຮ່ວມມືດ້ານສະຖິຕິ ລາວ-ລຸກຊໍາບວກ ໄລຍະ II ໃນມື້ນີ້ ຊຶ່ງເປັນກອງປະຊຸມຄັ້ງທີ 3 ເພື່ອສະຫຼຸບຕີລາຄາຜົນຂອງການຈັດຕັ້ງປະຕິບັດໂຄງການປະຈຳປີ2023, ກາງສະໄໝ (2021-2023) ແລະ ຮັບຮອງແຜນປີ 2024.
ໃນຊຸມປີຜ່ານມາ ສູນສະຖິຕິແຫ່ງຊາດ ໄດ້ລິເລີ່ມຂະບວນການບຸກທະລຸຫັນປ່ຽນຢ່າງຮອບດ້ານ ເພື່ອກ້າວໄປສູ່ ການທັນສະໄໝ ໃນຂົງເຂດວຽກງານສະຖິຕິ ແລະ ໃຫ້ບັນລຸໃນການຈັດຕັ້ງປະຕິບັດ ພາລະບົດບາດ, ໜ້າທີ່ ໃນການຕອບສະໜອງຂໍ້ມູນສະຖິຕິທາງການ ໃຫ້ແກ່ການຕິດຕາມ ແລະ ປະເມີນຜົນຂອງການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມແຫ່ງຊາດ ທີ່ມີການເຊື່ອມສານບັນດາເປົ້າໝາຍການພັດທະນາແບບຍືນຍົງ (SDG), ການຫຼຸດພົ້ນຈາກສະຖານະພາບປະເທດດ້ອຍພັດທະນາ (LDC) ແລະ ຍຸດທະສາດການເຕີບໂຕສີຂຽວໃຫ້ໄດ້ດີຍິ່ງຂຶ້ນ ແລະ ທັງກຽມພ້ອມຮັບມືກັບການປ່ຽນແປງ ກໍຄືຄວາມຕ້ອງການໃໝ່ທາງດ້ານສະຖິຕິທີ່ວ່ອງໄວຂອງສັງຄົມໃນຍຸກສະໄໝການເຊື່ອມໂຍງ ແລະ ດີຈີຕອນ.
ອີງໃສ່ຄວາມຕ້ອງການ ໃນການນໍາໃຊ້ຂໍ້ມູນ, ສູນສະຖິຕິແຫ່ງຊາດໄດ້ ພະຍາຍາມສູງ ສືບຕໍ່ນຳພາຊີ້ນໍາຄຸ້ມຄອງວຽກງານສະຖິຕິໃນຂອບເຂດທົ່ວປະເທດຕາມແຜນທີ່ໄດ້ກຳນົດໄວ້ ແລະ ກໍາລັງສືບຕໍ່ກໍານົດ ແລະ ປັບປຸງຂະບວນການຜະລິດສະຖິຕິ ໂດຍການເພີ່ມການເຂົ້າເຖິງ ແລະ ນໍາໃຊ້ຂໍ້ມູນໃນລະດັບລວມ ແລະ ລະດັບຍ່ອຍ ລົງເລິກແຍກປະເພດ (Aggregated and Disaggregated data), ການສ້າງສະພາບແວດລ້ອມ ແລະ ອໍານວຍຄວາມສະດວກ ໃນການຫັນປ່ຽນ ເພື່ອເພີ່ມປະສິດທິພາບ ແລະ ປະສິດທິຜົນໃນການປະສານງານ ຂອງລະບົບສະຖິຕິແຫ່ງຊາດ.
ມາຮອດປັດຈຸບັນ, ສ້າງໄດ້ພື້ນຖານ ແລະ ຂະບວນການຜະລິດ ຕອບສະໜອງຄວາມຕ້ອງການທາງດ້ານຂໍ້ມູນຂ່າວສານໃນຍຸກໃໝ່ຈໍານວນໜຶ່ງ, ໄດ້ສືບຕໍ່ຍົກລະດັບການພັດທະນາລະບົບສະຖິຕິແຫ່ງຊາດທີ່ນຳໃຊ້ເຄື່ອງມື ICTເຂົ້າໃນລະບົບການເກັບກຳ, ການສຳຫຼວດ ແລະ ການຜະລິດຂໍ້ມູນສະຖິຕິທາງການທີ່ຮັບປະກັນມາດຕະຖານສາກົນ. ໄດ້ປັບປຸງລະບອບວິທີການການຄິດໄລ່ອັດຕາການເຕີບໂຕເສດຖະ ກິດ, ລວມຍອດຜະລິດຕະພັນພາຍໃນ, ດັດຊະນີລາຄາຜູ້ຊົມໃຊ້ຂອງ ສປປ ລາວ. ໄດ້ປະສານສົມທົບກັບບັນດາຂະແໜງການ ແລະ ທ້ອງຖິ່ນ ປັບປຸງລະບອບການລາຍງານສະຖິຕິເສດຖະກິດ, ສະຖິຕິສັງຄົມລວມທັງບົດບາດຍິງຊາຍ, ສະຖິຕິສິ່ງແວດລ້ອມ ແລະ ຄວາມໝັ້ນຄົງເພື່ອລາຍງານປະຈຳເດືອນ, ໄຕມາດ, ປະຈຳປີເປັນລະບົບ ແລະ ໄວຂຶ້ນ. ພວກເຮົາໄດ້ສໍາເລັດການສຳຫຼວດວິສາຫະກິດປະຈຳງວດປີ 2023 ທີ່ຈະເປັນພື້ນຖານ ໃນການສ້າງສະຖິຕິທະບຽນວິສາຫະກິດ (SBR), ສຳເລັດການສຳຫຼວດ ດັດຊະນີໝາຍສັງຄົມ (LSIS III), ການສຳຫຼວດໂພຊະນາການ ຊຶ່ງເປັນຖານຂໍ້ມູນທີ່ສຳຄັນໃຫ້ແກ່ລະບົບຂໍ້ມູນຂ່າວສານດ້ານໂພສະນາການ (NIPN) ແລະ ສຳເລັດການກະກຽມເອກະສານໂຄງການສຳຫຼວດພົນລະເມືອງ ແລະ ທີ່ຢູ່ອາໄສທົ່ວປະເທດ ຄັ້ງທີ V ໂດຍໄດ້ຈັດກອງປະຊຸມຄະນະຊີ້ນຳລະດັບຊາດຄັ້ງປະຖົມະລືກໃນເດືອນ ມິຖຸນາ 2023; ກອງປະຊຸມລະດົມການມີສ່ວນຮ່ວມ ແລະ ລະດົມທຶນ ໃນການຈັດຕັ້ງປະຕິບັດການສໍາຫຼວດ ກ່ອນກ້າວໄປສູ່ກອງປະຊຸມໂຕະມົນຫວ່າງມໍ່ໆມານີ້ ໃນ ວັນທີ 6 ກຸມພາ 2024. ພ້ອມນັ້ນ, ພວກເຮົາຍັງເປັນຈຸດປະສານງານ ແລະ ໃຈກາງ ໃນການຕອບສະໜອງຂໍ້ມູນເຂົ້າໃນບົດລາຍງານແຫ່ງຊາດແບບສະ ໝັກໃຈ ຂອງ ສປປ ລາວ ຊຶ່ງປັດຈຸບັນນີ້ ຂໍລາຍງານໃຫ້ບັນດາທ່ານຊາບວ່າ ພວກເຮົາກໍາລັງກະກຽມເຫຼັ້ມທີ 3 ຊຶ່ງຕາມແຜນ ແມ່ນໃຫ້ສໍາເລັດບົດລາຍງານທາງດ້ານສະຖິຕິ ໃນທ້າຍເດືອນ ກຸມພາ 2024 ແລະ ດໍາເນີນຕາມຂະບວນການສ້າງບົດລາຍງານສຸດທ້າຍ ໃຫ້ສໍາເລັດໃນເດືອນມິຖຸນາ ແລະ ນໍາສະເໜີ ທີ່ກອງປະຊຸມຂັ້ນສູງ (HLPF) ຢູ່ສະຫະປະຊາຊາດ ໃນເດືອນ ກໍລະກົດ 2024 ທີ່ຈະມາເຖິງນີ້.
ຄຽງຄູ່ກັບການປະຕິບັດໜ້າທີ່ການຜະລິດ ແລະ ເຜີຍແຜ່ ຍັງໄດ້ເພີ່ມທະວີວຽກງານການຮ່ວມມືໂດຍປະຕິບັດພັນທະ ແລະ ເຂົ້າຮ່ວມກອງປະຊຸມຕ່າງໆຂອງສາກົນ ໂດຍສະເພາະແມ່ນກອງປະຊຸມຄະນະກໍາມະການສະຖິຕິອາຊຽນຄັ້ງທີ 13, ກອງປະຊຸມປະຈໍາປີ ຄັ້ງທີ 54 ຂອງຄະນະກໍາມາທິການດ້ານສະຖິຕິຂອງສະຫະປະຊາຊາດ ແລະ ກອງປະຊຸມຄະນະກໍາມາທິການເສດຖະກິດ-ສັງຄົມ ສໍາລັບ ອາຊີ-ປາຊີຟິກ.
ສູນສະຖິຕິແຫ່ງຊາດ ກໍາລັງຢູ່ໃນໄລຍະຂຸ້ນຂ້ຽວຈັດຕັ້ງປະຕິບັດ 2 ປີ ສຸດທ້າຍ ຂອງແຜນຍຸດທະສາດ ພັດດທະນາລະບົບສະຖິຕິແຫ່ງຊາດ ເພື່ອໃຫ້ບັນລຸການຜະລິດ ແລະ ການເຜີຍແຜ່ ໃນເງື່ອນໄຂໃໝ່ ແນໃສ່ການຍົກສູງບົດບາດຂອງຕົນ ກໍຄືການສ້າງຄວາມເຊື່ອໝັ້ນໃຫ້ແກ່ສັງຄົມ ແລະ ຜູ້ນໍາໃຊ້ ຕໍ່ຄຸນນະພາບຂອງຂໍ້ມູນສະຖິຕິ ແລະ ການນໍາໃຊ້ຂໍ້ມູນດັ່ງກ່າວເຂົ້າໃນການວາງນະໂຍບາຍ, ການວາງແຜນ ແລະ ຕິດຕາມຜົນສໍາເລັດໃນການຈັດຕັ້ງປະຕິບັດ. ການປັບປຸງລະບົບສະຖິຕິແຫ່ງຊາດ ແມ່ນເນັ້ນໃສ່ ການສ້າງຄວາມເຂັ້ມແຂງ ໃຫ້ແກ່ການລາຍງານຂໍ້ມູນລະບົບບໍລິຫານຂອງບັນດາແຂວງ, ກະຊວງ,ຂະແໜງການ ແລະ ທ້ອງຖິ່ນຕາມກົດໝາຍວ່າດ້ວຍສະຖິຕິ, ຄໍາສັ່ງ ເລກທີ 19/ນຍ ແລະ ຂໍ້ຕົກລົງ 1544/ຜທ. ໂດຍການສົມທົບກັບທຸກພາກສ່ວນ ແລະ ຊັບພະຍາກອນ ທີ່ມີ ຈາກການສະໜັບສະໜູນ ຂອງລັດຖະບານ ແລະ ຄູ່ຮ່ວມພັດທະນາ ແລະ ຜູ້ໃຫ້ທຶນ, ສູນສະຖິຕິແຫ່ງຊາດ, ກະຊວງແຜນການ ແລະ ການລົງທຶນ, ໄດ້ສືບ​ຕໍ່​ນໍາພາຊີ້ນໍາໃນການຕິດຕາມ, ຊຸກຍູ້ ​ແລະ ​ຈັດຕັ້ງປະຕິບັດແຜນງານການຜະລິດຂໍ້ມູນຮັບໃຊ້ແຜນພັດທະນາເສດຖະກິດ-ສັງຄົມແຫ່ງຊາດເປັນຕົ້ນແມ່ນການເກັບ​ກຳ​ຂໍ້​ມູນ​ສະຖິຕິ​ປະຈຳ​ງວດ, ປະຈຳ​ປີ​ໃຫ້​ເປັນ​ປົກກະຕິ ​ໂດຍ​ມີ​ການ​ປະສານ​ສົມທົບ​ກັບ​ພາກສ່ວນ​ທີ່​ກ່ຽວຂ້ອງຂອງ​ຂະ​ແໜງ​ການ​ຕ່າງໆ​ທັງ​ສູນ​ກາງ ​ແລະ ທ້ອງ​ຖິ່ນ, ກໍ່ສ້າງ​ພັດທະນາ​ຊັບພະຍາກອນ​ມະນຸດ, ການສ້າງຖານຂໍ້ມູນ​ ແລະ ການ​ຄຸ້ມ​ຄອງບໍລິຫານ​ວຽກ​ງານ​ສະຖິຕິ; ຈັດ​ຕັ້ງປະຕິບັດວຽກງານການຜະລິດ ແລະ ​ເຜີຍ​ແຜ່​ວຽກ​ງານ​ສະຖິຕິ​ໃຫ້​ກວ້າງຂວາງ ​ເລິກ​ເຊິ່ງທັງພາຍໃນ ແລະ ຕ່າງປະເທດພ້ອມທັງປັບປຸງກົນໄກການເຂົ້າເຖິງ, ຊ່ອງທາງ, ຮູບການການເຜີຍແຜ່ໃຫ້ຫຼາຍຂຶ້ນ ແລະການເຊື່ອມຖານຂໍ້ມູນສະຖິຕິກັບຂະແຫນງການເພື່ອສ້າງເປັນຖານຂໍ້ມູນລວມສູນແຫ່ງຊາດທີ່ສາມາດຕອບສະໜອງຂໍ້ມູນທີ່ເປັນເອກະພາບຮັບໃຊ້ການປະເມີນທ້າຍສະໄໝຂອງແຜນພັດທະນາເສດຖະກິດ-ສັງຄົມຄັ້ງທີ IX ແລະ ກະກຽມແຜນການ 5 ປີ ຄັ້ງທີ X.
ພ້ອມ​ກັນ​ນັ້ນ, ​ກໍສືບ​ຕໍ່ດຳເນີນການເກັບກຳຂໍ້ມູນພາກສະໜາມຂອງການສໍາຫຼວດການຊົມໃຊ້ ແລະ ການໃຊ້ຈ່າຍຄົວເຮືອນ ຄັ້ງທີ VII ແຕ່ເດືອນ 1 ຫາເດືອນ 12 ປີ 2024, ກະກຽມການສໍາຫຼວດແຮງງານປະຈໍາປີ 2024, ການສໍາຫຼວດເສດຖະກິດ 2024, ການສໍາຫຼວດພົນລະເມືອງ ແລະ ທີ່ຢູ່ອາໄສທົ່ວປະເທດຄັ້ງທີ V ໃນປີ 2025 ໂດຍສະເພາະແມ່ນການກໍານົດ ເຂດສໍາຫຼວດ ແລະ ຂຶ້ນບັນຊີ ໂດຍນໍາໃຊ້ພາບຖ່າຍດາວທຽມ; ແລະ ສືບຕໍ່ຈັດຕັ້ງປະຕິບັດວຽກງານອື່ນໆ ທີ່ໄດ້ກໍານົດຢູ່ໃນແຜນຍຸດທະສາດພັດທະນາລະບົບສະຖິຕິແຕ່ນີ້ຮອດປີ 2025, ລວມທັງການກະກຽມເປັນເຈົ້າພາບກອງປະຊຸມປະຊາຄົມສະຖິຕິອາຊຽນ ປີ 2024 ແລະ ເຂົ້າຮ່ວມກອງປະຊຸມປະຈໍາປີ ຄັ້ງທີ 55 ຂອງຄະນະກໍາມາທິການດ້ານສະຖິຕິຂອງສະຫາປະຊາຊາດ. ພິເສດ, ແມ່ນຊຸກຍູ້ຕິດຕາມຮັບຮອງດໍາລັດວ່າດ້ວຍລະຫັດສາລະບານສະຖິຕິ ຊຶ່ງຈະເປັນບ່ອນອີງໃນການກ້າວໄປສູ່ຄວາມເອກະພາບ ແລະ ຄຸນນະພາບໃນການຜະລິດຂໍ້ມູນ. ສືບຕໍ່​ຈັດຕັ້ງປະຕິບັດ ແລະ ຂະຫຍາຍກອບທາງດ້ານວິຊາການ ແລະ ແລກປ່ຽນກັບອົງການສະຖິຕິ ຂອງບັນດາປະເທດອາຊຽນ ແລະ ປະເທດອື່ນໆໃນຂົົງເຂດ ແລະ ພາກພື້ນຕາມເງື່ຶນໄຂຄວາມເປັນຈິງ. ກະກຽມສ້າງແຜນຍຸດທະສາດພັດທະນາລະບົບສະຖິຕິແຫ່ງຊາດ ແລະ ຍືນຍົງ 10 ປີ ຄັ້ງທີ III, 2026-2035 ແລະ ວິໄສທັດຮອດ 2040 ເພື່ອສະເໜີອະນຸມັດຈາກລັດຖະບານ.
ປັດຈຸບັນ, ສູນສະຖິຕິແຫ່ງຊາດໄດ້ຮັບການສະໜັບສະໜູນໂຄງການສ້າງຄວາມເຂັ້ມແຂງໃນຂົງເຂດສະຖິຕິສິ່ງແວດລ້ອມ ຈາກລັດຖະບານລຸກຊຳບວກ (LLPS2 2021-2026), ໂຄງການສະຖິຕິບົດບາດຍິງຊາຍຈາກການຊ່ວຍເຫຼືອຂອງທະນາຄານພັດທະນາອາຊີ (ADB) ແລະ ໄດ້ເລີ່ມຈັດຕັ້ງປະຕິບັດໂຄງການສ້າງຄວາມເຂັ້ມແຂງລະບົບສະຖິຕິແຫ່ງຊາດໄລຍະ 2 (LAOSTATII) ປີ (2023-2028) ພາຍໃຕ້ເງິນກູ້ຈາກທະນາຄານໂລກ ເພື່ອຍົກລະດັບການພັດທະນາລະບົບສະຖິຕິແຫ່ງຊາດຂອງປະເທດລາວ. ການສະ ໜັບສະໜູນໂຄງການສ້າງຄວາມເຂັ້ມແຂງໃນຂົງເຂດສະຖິຕິສິ່ງແວດລ້ອມ ຈາກລັດຖະບານລຸກຊຳບວກ(LLPS2 2021-2026), ໄດ້ເປັນສ່ວນໜຶ່ງທີ່ສໍາຄັນ ເຮັດໃຫ້ສູນສະຖິຕິແຫ່ງຊາດ ຍົກສູງບົດບາດໃນການເປັນໃຈກາງຈັດຕັ້ງປະຕິບັດວຽກງານການຜະລິດຂໍ້ມູນສະຖິຕິ ເພື່ອຊຸກຍູ້ການຫັນປ່ຽນໃໝ່ໂດຍສະເພາະສະຖິຕິສິ່ງແວດລ້ອມ.
(ຂ່າວ-ພາບ: ແສງຈັນ)

ຄໍາເຫັນ

ຂ່າວການຮ່ວມມື

6 ເດືອນຕົ້ນປີ 2025 ທາງລົດໄຟລາວ-ຈີນ ບັນລຸການຂົນສົ່ງສິນຄ້າໄດ້ 3 ລ້ານໂຕນ

6 ເດືອນຕົ້ນປີ 2025 ທາງລົດໄຟລາວ-ຈີນ ບັນລຸການຂົນສົ່ງສິນຄ້າໄດ້ 3 ລ້ານໂຕນ

ນັບແຕ່ທາງລົດໄຟລາວ-ຈີນ ໄດ້ເປີດດຳເນີນງານເປັນຕົ້ນມາ, ການຂົນສົ່ງສິນຄ້າໄດ້ເຕີບໂຕຢ່າງແຂງແຮງ, ສະເພາະປີ 2025 ມາຮອດວັນທີ 28 ມິຖຸນາ ປະລິມານການຂົນສົ່ງສິນຄ້າຜ່ານທາງລົດໄຟລາວ-ຈີນ ບັນລຸເຖິງ 3,000,000 ໂຕນ, ເພີ່ມຂຶ້ນ 8.8% ເມື່ອທຽບໃສ່ໄລຍະດຽວກັນຂອງປີຜ່ານມາ, ກາຍເປັນຊ່ອງທາງຂົນສົ່ງຫຼັກທີ່ມີປະສິດທິພາບໃນການສົ່ງອອກສິນຄ້າຂອງລາວ ແລະ ປະເທດອ້ອມຂ້າງ.
老挝-柬埔寨边境输变电有限公司老挝班哈-班纳-阿速坡输变电项目运营期商业保险招标公告

老挝-柬埔寨边境输变电有限公司老挝班哈-班纳-阿速坡输变电项目运营期商业保险招标公告

招标编号:J53A00625001365 1.招标条件 “老挝-柬埔寨边境输变电有限公司老挝班哈-班纳-阿速坡输变电项目运营期商业保险”项目已经相关主管部门批准,资金来源自筹,已落实。《中华人民共和国招标投标法》和《中华人民共和国招标投标法实施条例》等有关法律法规的规定,云南招标股份有限公司受老挝-柬埔寨边境输变电有限公司的委托,就老挝-柬埔寨边境输变电有限公司老挝班哈-班纳-阿速坡输变电项目运营期商业保险进行国内公开招标,现欢迎符合本项目资格要求的潜在投标人参加投标。
ລມຕ ກະຊວງການຕ່າງປະເທດ ສຳເລັດການຢ້ຽມຢາມ ສະຫະພັນຣັດເຊຍ ຢ່າງເປັນທາງການ

ລມຕ ກະຊວງການຕ່າງປະເທດ ສຳເລັດການຢ້ຽມຢາມ ສະຫະພັນຣັດເຊຍ ຢ່າງເປັນທາງການ

ໂດຍຕອບສະໜອງຕາມການເຊື້ອເຊີນຂອງ ພະນະທ່ານ ເຊີຣເກ ລາວະຣົບລັດຖະມົນຕີກະຊວງການ ຕ່າງປະເທດ ແຫ່ງ ສ ຣັດເຊຍ, ພະນະທ່ານ ທອງສະຫວັນ ພົມວິຫານລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ໄດ້ເດີນທາງຢ້ຽມຢາມ ສ ຣັດເຊຍ ຢ່າງເປັນທາງການ ໃນລະຫວ່າງວັນທີ 24-27 ມິຖຸນາ 2025 ເພື່ອສືບຕໍ່ຮັດແໜ້ນສາຍພົວພັນມິດຕະພາບ ແລະ ການຮ່ວມມື ລະຫວ່າງ ສອງປະເທດ ໃຫ້ໄດ້ຮັບການພັດທະນາຍິ່ງໆຂຶ້ນ.
ທູດລາວປະຈໍາມຽນມາ ເຂົ້າພົບປະເຮັດວຽກກັບປະທານສະມາຄົມມິດຕະພາບ  ມຽນມາ-ລາວ ແລະ ລາວ-ມຽນມາ

ທູດລາວປະຈໍາມຽນມາ ເຂົ້າພົບປະເຮັດວຽກກັບປະທານສະມາຄົມມິດຕະພາບ ມຽນມາ-ລາວ ແລະ ລາວ-ມຽນມາ

ໃນວັນທີ 24 ມິຖຸນາຜ່ານມາທີ່ນະຄອນຫຼວງເນປີດໍ, ທ່ານ ບຸນພຽງ ຈັນທະວົງ ເອກອັກຄະລັດຖະທູດວິສາມັນຜູ້ມີອໍານາດເຕັມ ແຫ່ງ ສປປລາວ ປະຈໍາ ສາທາລະນະລັດ ສະຫະພາບມຽນມາ ໄດ້ເຂົ້າພົບປະ ແລະ ເຮັດວຽກກັບ ທ່ານ ວິນ ມ່ອງ ປະທານສະມາຄົມມິດຕະພາບ ມຽນມາ-ລາວ.ການພົບປະຄັ້ງນີ້, ສອງຝ່າຍໄດ້ຕີລາຄືນ ກ່ຽວກັບການພົວພັນຮ່ວມມື ລະຫວ່າງ ສະມາຄົມມິດຕະພາບ ລາວ-ມຽນມາ ແລະ ມຽນມາ-ລາວ
ກົນ​ໄກ​ການ​ຮ່ວມ​ມື​ປະ​ເທດສະ​ມາ​ຊິກ​ບ​ຣິກ​ສ​ສ້າງ​ພື້ນ​ທີ່​ການ​ຮ່ວມ​ມື​ທີ່ກວ້າງ​ຂວາງກວ່າ​ເກົ່າ​ໃຫ້​ແກ່​ປະ​ເທດ​ສະ​ມາ​ຊິກ​ອາ​ຊຽນ

ກົນ​ໄກ​ການ​ຮ່ວມ​ມື​ປະ​ເທດສະ​ມາ​ຊິກ​ບ​ຣິກ​ສ​ສ້າງ​ພື້ນ​ທີ່​ການ​ຮ່ວມ​ມື​ທີ່ກວ້າງ​ຂວາງກວ່າ​ເກົ່າ​ໃຫ້​ແກ່​ປະ​ເທດ​ສະ​ມາ​ຊິກ​ອາ​ຊຽນ

​ ເມື່ອ​ບໍ່​ດົນ​ມາ​ນີ້, ບ​​ຣາ​ຊິ​ນໃນ​ຖາ​ນະ​ເປັນ​ປະ​ເທ​ດ​ປະ​ທານ​ໝູນ​ວຽນ​ຂອງບ​ຣິກ​ສໄດ້​ປະ​ກາດ​ວ່າ: ຫວຽດ​ນາມໄດ້​ເຂົ້າ​ຮ່ວມ​ກົນ​ໄກ​ການ​ຮ່ວມ​ມື​ປະ​ເທດສະ​ມາ​ຊິກບ​ຣິກ​ສ​ດ້ວຍ​ການ​ເປັນ​ປະ​ເທ​ດ​ຄູ່​ຮ່ວມບ​ຣິກ​ສ. ໃນ​ຊຸມ​ປີ​ມໍ່ໆ​ມາ​ນີ້, ກາ​ນ​ຮ່ວມ​ມື​ລະ​ຫວ່າງ​ປະ​ເທດ​ສະ​ມາ​ຊິກ​ອາ​ຊ​ຽ​ນແລະປ​ະ​ເທດສະ​ມາ​ຊິກບ​ຣິກ​ສ​ນັບ​ມື້​ນັບ​ແໜ້ນ​ແຟ້ນກວ່າ​ເກົ່າ, ຈາກ​ອິນ​ໂດ​ເນ​ເຊຍ​ເຂົ້າ​ເປັນ​ປະ​ເທດ​ສະ​ມາ​ຊິກ​ບ​ຣິກ​ສ, ຮອດ​ມາ​ເລ​ເຊຍ, ໄທແລະຫວຽດ​ນາມ​ກາຍ​ເປັນ​ປະ​ເທດ​ຄູ່​ຮ່ວມບ​ຣິກ​ສກໍ​ຄືລາວ​​ທີ່ສະ​ແຫວງ​ຫາ​ການ​ຮ່ວມ​ມື​ກັບ​ບ​ຣິ​ກ​ສ​ຢ່າງ​ຕັ້ງ​ໜ້​າ.ທັງ​ໝົດ​ນີ້​ໄດ້​ສະ​ແດງ​ໃຫ້​ເຫັນ​ວ່າ: ກົນ​ໄກ​ການ​ຮ່ວມ​ມື​ປະ​ເທດສະ​ມາ​ຊິກບ​ຣິກ​ສ​ກຳ​ລັງ​ເປີດ​ປະ​ຕູ​ໃຫ້​ແກ່​ບັນ​ດາ​ປະ​ເທດ​ສະ​ມາ​ຊິກ​ອາ​ຊຽນເພື່ອ​ມຸ່ງ​ໜ້າ​ໄປ​ສູ່​ອະ​ນາ​ຄົດ​​ແຫ່ງການ​ພັດ​ທະ​ນາ​ທີ່ກວ້າງ​ຂວາງກວ່າ​ເກົ່າ.
ທູດລາວຍື່ນສານຕາຕັ້ງຕໍ່ເຈົ້າຈັກກະພັດ ແຫ່ງ ຍີ່ປຸ່ນ

ທູດລາວຍື່ນສານຕາຕັ້ງຕໍ່ເຈົ້າຈັກກະພັດ ແຫ່ງ ຍີ່ປຸ່ນ

ໃນຕອນເຊົ້າຂອງວັນທີ 26 ມິຖຸນາຜ່ານມານີ້, ທ່ານ ອໍາໄພ ກິນດາວົງ ໄດ້ຍື່ນສານຕາຕັ້ງຕໍ່ສົມເດັດ ນາຣູຮິໂຕະ(Naruhito)ເຈົ້າຈັກກະພັດແຫ່ງຍີ່ປຸ່ນ ທີ່ ສໍານັກພະຣາຊະວັງ ເພື່ອດໍາລົງຕໍາແໜ່ງເປັນເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈຳປະເທດຍີ່ປຸ່ນ, ໂດຍການເຂົ້າຮ່ວມຂອງຜູ້ຕາງໜ້າລັດຖະບານ, ກະຊວງການຕ່າງປະເທດ, ເຈົ້າໜ້າທີ່ຂອງສຳນັກພະຣາຊະວັງຂອງຍີ່ປຸ່ນ ແລະ ພະນັກງານການທູດ ຈາກສະຖານທູດ ແຫ່ງ ສປປ ລາວ ປະຈໍາຍີ່ປຸ່ນ ຈໍານວນໜຶ່ງຕິດຕາມເຂົ້າຮ່ວມ.
ບົດຕອບຄໍາຖາມສຳພາດ ຕໍ່ສຳນັກຂ່າວສານຫວຽດນາມ  ຂອງ ສະຫາຍ ຄໍາພັນ ເຜີຍຍະວົງ ຄະນະເລຂາທິການສູນກາງພັກ  ຫົວໜ້າຄະນະໂຄສະນາອົບຮົມສູນກາງພັກ ປະທານສະພາທິດສະດີສູນກາງພັກ

ບົດຕອບຄໍາຖາມສຳພາດ ຕໍ່ສຳນັກຂ່າວສານຫວຽດນາມ ຂອງ ສະຫາຍ ຄໍາພັນ ເຜີຍຍະວົງ ຄະນະເລຂາທິການສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ ປະທານສະພາທິດສະດີສູນກາງພັກ

ໃນໂອກາດ ວັນສື່ມວນຊົນປະຕິວັດຫວຽດນາມ ຄົບຮອບ 100 ປີ(21/6/1925-21/6/2025) ຕອບຄໍາຖາມທີ 1: ຕີລາຄາຕໍ່ບົດບາດຂອງສື່ມວນຊົນ ແລະ ນັກຂ່າວໃນຍຸກຂອງການປະຕິວັດ 4.0 ແລະ ເຕັກໂນໂລຊີ ປັນຍາປະດິດ (AI), ໂອກາດ ແລະ ສິ່ງທ້າທາຍ ສໍາລັບນັກຂ່າວໃນການເຄື່ອນໄຫວວຽກງານດ້ານການຂ່າວ: ກ່ອນອື່ນ, ຂ້າພະເຈົ້າຂໍສະແດງຄວາມຍິນດີ ແລະ ປິຕິຊົມເຊີນເປັນຢ່າງຍິ່ງ, ພ້ອມທັງຂໍສະແດງຄວາມດີໃຈ ທີ່ສຳນັກຂ່າວສານຫວຽກນາມ (VNA)ໄດ້ໃຫ້ຄວາມສຳຄັນຕໍ່ພັກ-ລັດຂອງ ສປປ ລາວ ໃນການສ້າງເງື່ອນໄຂໃຫ້ໄດ້ມີໂອກາດສະແດງຄວາມຄິດເຫັນຕໍ່ກັບວັນສຳຄັນຕ່າງໆຂອງພັກແລະຂອງຊາດ ຫວຽດນາມ; ການສຳພາດໃນມື້ນີ້, ກໍເປັນໜຶ່ງໃນການສ້າງເງື່ອນໄຂນັ້ນ.
ເຊັນເອັມໂອຢູ ການລົງທຶນພັດທະນາສູນຂໍ້ມູນແຫ່ງຊາດ ແລະ ລະບົບແລກປ່ຽນຂໍ້ມູນພາກລັດ

ເຊັນເອັມໂອຢູ ການລົງທຶນພັດທະນາສູນຂໍ້ມູນແຫ່ງຊາດ ແລະ ລະບົບແລກປ່ຽນຂໍ້ມູນພາກລັດ

ພິທີເຊັນບົດບັນທຶກຄວາມເຂົ້າໃຈວ່າດ້ວຍການສຶກສາຄວາມເປັນໄປໄດ້ໃນການລົງທຶນພັດທະນາ ສູນຂໍ້ມູນແຫ່ງຊາດ (National Data Center) ແລະ ລະບົບແລກປ່ຽນຂໍ້ມູນພາກລັດ (Government Data Exchange) ລະຫວ່າງ ກະຊວງເຕັກໂນໂລຊີ ແລະ ການສື່ສານ (ກຕສ) ແລະ ບໍລິສັດ ພູນຜົນນະຄອນ ຈຳກັດ ໄດ້ຈັດຂຶ້ນໃນວັນທີ 26 ມິຖຸນາ ນີ້ ທີ່ ໂຮງແຮມຮໍລິເດອິນ ນະຄອນຫຼວງວຽງຈັນ, ຮ່ວມລົງນາມຄັ້ງນີ້ຕາງໜ້າກະຊວງ ໂດຍແມ່ນ ທ່ານ ພວງປະເສີດ ແກ້ວສຸວັນ ຫົວໜ້າຫ້ອງການ ກະຊວງ ເຕັກໂນໂລຊີ-ການສື່ສານ ແລະ ຕາງໜ້າບໍລິສັດໂດຍແມ່ນ ທ່ານ ໄພບູນ ພົງສະຫວັນ ປະທານສະພາຂາຮຸ້ນ ກຸ່ມບໍລິສັດ ພົງສະຫວັນ ປະທານ ບໍລິສັດພູນຜົນນະຄອນ ຈຳກັດ, ໂດຍໃຫ້ກຽດເຂົ້າຮ່ວມຂອງ ທ່ານ ບໍ່ວຽງຄໍາ ວົງດາລາ ລັດຖະມົນຕີກະຊວງເຕັກໂນໂລຊີ ແລະ ການສື່ສານ ແລະ ພາກສ່ວນທີ່ກ່ຽວຂ້ອງທັງສອງຝ່າຍເຂົ້າຮ່ວມ.
3 ແຂວງພາກເໜືອ ສປປ ລາວ ແລະ 2 ແຂວງ ສສ ຫວຽດນາມແລກປ່ຽນບົດຮຽນ ວຽກງານການຕ່າງປະເທດ

3 ແຂວງພາກເໜືອ ສປປ ລາວ ແລະ 2 ແຂວງ ສສ ຫວຽດນາມແລກປ່ຽນບົດຮຽນ ວຽກງານການຕ່າງປະເທດ

ພິທີ ພົບປະ ແລະ ແລກປ່ຽນບົດຮຽນ ວຽກງານການຕ່າງປະເທດ 3 ແຂວງ ຂອງ ສປປ ລາວ ແລະ 2 ແຂວງ ຂອງ ສສ ຫວຽດນາມ ຮ່ວມກັບ ສະຖານກົງສູນໃຫຍ່ ສສ ຫວຽດນາມ ປະຈຳ ແຂວງຫຼວງພະບາງ ໄດ້ຈັດຂຶ້ນທີ່ແຂວງອຸດົມໄຊໃນວັນທີ 26 ມິຖຸນາຜ່ານມາ, ເປັນກຽດເຂົ້າຮ່ວມມີ ສະຫາຍ ຈໍາປາ ສີດາຄໍາ ຫົວໜ້າພະແນກການຕ່າງປະເທດ ແຂວງອຸດົມໄຊ, ສະຫາຍ ນາງ ກຽວ ທິ ຮັ້ງ ຟຸກ ກົງສູນໃຫຍ່ ສສ ຫວຽດນາມ ປະຈຳ ແຂວງຫຼວງພະບາງ, ມີຫົວໜ້າພະແນກການຕ່າງປະເທດ ແຂວງຜົ້ງສາລີ, ແຂວງຫຼວງພະບາງ ແຫ່ງ ສປປ ລາວ, ຫົວໜ້າພະແນກການຕ່າງປະເທດ ແຂວງດຽນບຽນ, ແຂວງລ່າຍເຈົ່າ ແຫ່ງ ສສ ຫວຽດນາມ ພ້ອມຄະນະ ເຂົ້າຮ່ວມ.
ບົດຕອບຄໍາຖາມສຳພາດ ຕໍ່ສຳນັກຂ່າວສານຫວຽດນາມ  ຂອງ ສະຫາຍ ຄໍາພັນ ເຜີຍຍະວົງ ຄະນະເລຂາທິການສູນກາງພັກ  ຫົວໜ້າຄະນະໂຄສະນາອົບຮົມສູນກາງພັກ ປະທານສະພາທິດສະດີສູນກາງພັກ

ບົດຕອບຄໍາຖາມສຳພາດ ຕໍ່ສຳນັກຂ່າວສານຫວຽດນາມ ຂອງ ສະຫາຍ ຄໍາພັນ ເຜີຍຍະວົງ ຄະນະເລຂາທິການສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ ປະທານສະພາທິດສະດີສູນກາງພັກ

ໃນໂອກາດ ວັນສື່ມວນຊົນປະຕິວັດຫວຽດນາມ ຄົບຮອບ 100 ປີ(21/6/1925-21/6/2025) ຕອບຄໍາຖາມທີ 1: ຕີລາຄາຕໍ່ບົດບາດຂອງສື່ມວນຊົນ ແລະ ນັກຂ່າວໃນຍຸກຂອງການປະຕິວັດ 4.0 ແລະ ເຕັກໂນໂລຊີ ປັນຍາປະດິດ (AI), ໂອກາດ ແລະ ສິ່ງທ້າທາຍ ສໍາລັບນັກຂ່າວໃນການເຄື່ອນໄຫວວຽກງານດ້ານການຂ່າວ:
ເພີ່ມເຕີມ