 |
ທ່ານ ກອງຄໍາ ໜໍ່ປະເສີດ ຫົວໜ້າຄະນະກວດ ສອບວຽກງານສ່ວຍສາອາກອນ ປະຈຳແຂວງຜົ້ງສາລີ ໄດ້ຜ່ານບົດບັນທຶກຜົນການກວດສອບ ສ່ວຍສາອາກອນປະຈໍາແຂວງ ຊຶ່ງເປັນຂະແໜງການໜຶ່ງທີ່ເຄື່ອນໄຫວລວມສູນຕາມສາຍຕັ້ງ, ມີພາລະບົດບາດ ເປັນເສນາທິການໃຫ້ກົມສ່ວຍສາອາກອນ ແລະ ອົງການປົກຄອງທ້ອງຖິ່ນ, ມີໜ້າທີປະສານສົມທົບກັບອົງການຈັດຕັ້ງຂັ້ນຕ່າງໆ ຂອງແຂວງ ແລະ ເມືອງ ໃນການເຄື່ອນໄຫວຂຸດຄົ້ນລາຍຮັບເຂົ້າງົບປະມານແຫ່ງລັດ ພ້ອມທັງຄຸ້ມຄອງບັນດາ ຫົວໜ່ວຍທຸລະກິດ ແລະ ຫົວໜ່ວຍລາຍຮັບງົບປະມານພາຍໃນແຂວງ ໃຫ້ເຄື່ອນໄຫວຖືກຕ້ອງຕາມກົດໝາຍ ແລະ ລະບຽບການຕ່າງໆ ທີ່ກ່ຽວຂ້ອງ; ຜ່ານການຈັດຕັ້ງຜັນຂະຫຍາຍຄໍາແນະນໍາ ຂອງລັດຖະມົນຕີກະຊວງການເງິນ ກ່ຽວກັບການຈັດຕັ້ງປະຕິບັດແຜນງົບປະມານແຫ່ງລັດ ປະຈຳປີ 2024. ສ່ວຍສາອາກອນປະຈໍາແຂວງ ມີແຜນການຈັດເກັບລາຍຮັບສ່ວຍສາອາກອນ ແລະ ຂະແໜງຄຸ້ມຄອງຊັບສິນແຫ່ງລັດ ທັງໝົດ 93,406 ຕື້ກີບ, ສາມາດຈັດຕັ້ງປະຕິບັດເກັບລາຍຮັບໄດ້ທັງໝົດ 169.72 ຕື້ກີບ, ທຽບໃສ່ແຜນການປີປະຕິບັດໄດ້ 182%. ໃນນີ້, ລາຍຮັບອາກອນ ຈໍານວນ 131.41 ຕື້ກີບ ເທົ່າກັບ 149% ແລະ ລາຍຮັບຊັບສິນແຫ່ງລັດ 38.31 ຕື້ກີບ ເທົ່າກັບ 703%. ຜົນການກວດສອບຄືນ ສ່ວຍສາອາກອນປະຈໍາແຂວງ ສາມາດດໍາເນີນການເກັບລາຍຮັບຈາກໜີ້ຄ້າງມອບເຂົ້າງົບປະມານໄດ້ທັງໝົດ 201,987,000 ກີບ. ຍອດເຫຼືອໜີ້ຕ້ອງຮັບທັງໝົດ 2,811,442,458 ກີບ.
 |
ທ່ານ ພຸດມັງກອນ ສໍສະຫວັນ ຫົວໜ້າຄະນະກວດສອບຊັບສີນແຫ່ງລັດ ປະຈຳ ແຂວງຜົ້ງສາລີ, ຜ່ານບົດບັນທືກຜົນການກວດສອບ, ຂະແໜງຄຸ້ມຄອງຊັບສິນແຫ່ງລັດ ໄດ້ສະໜອງຂໍ້ມູນ ແລະ ເອກະສານຕາມການສະເໜີ ຂອງຄະນະກວດສອບ ຕໍ່ກັບການລົງເຄື່ອນໄຫວເຮັດວຽກຂອງຄະນະກວດສອບ, ຂະແໜງຄຸ້ມຄອງຊັບສິນແຫ່ງລັດ ພະແນກການເງິນ, ມີແຜນຈັດເກັບລາຍຮັບ ປະຈໍາປີ 2024 ຈໍານວນ 5,450,000,000 ກີບ, ປະຕິບັດເກັບລາຍຮັບໄດ້ທັງໝົດ 38,313,591,165 ກີບ ທຽບໃສ່ແຜນການປີ ປະຕິບັດ 703%. ຂະແໜງຄຸ້ມຄອງຊັບສິນແຫ່ງລັດ ພະແນກການເງິນ ປະຕິບັດລາຍຮັບຄ່າບໍລິການ ວິຊາການ ທັງໝົດ 84,912,000 ກີບ. ຜົນການກວດສອບຄືນ ຂະແໜງຄຸ້ມຄອງຊັບສິນແຫ່ງລັດ ສາມາດດໍາເນີນການແກ້ໄຂໜີ້ຕ້ອງຮັບເຂົ້າງົບປະມານ ໄດ້ທັງໝົດ 20,000,000 ກີບ, ເງິນໂດລາ 3,949 ໂດລາສະຫະລັດ, ຍັງຄ້າງທັງໝົດ ຈໍານວນ 1,004,308,000 ກີບ ແລະ 2,268 ໂດລາສະຫະລັດ ແລະ ໜີ້ຕ້ອງຮັບຄ່າເຊົ່າ-ສຳປະທານ, ຄ່າຊັບພະຍາກອນທຳມະຊາດ ໃນປີ 2024 ຈໍານວນ 2,379 ໂດລາສະຫະລັດ, ລວມທັງໝົດ ຈໍານວນ 1,024,308,000 ກີບ ແລະ 8,596 ໂດລາ ສະຫະລັດ, ຊຳລະໃນປີ 2024 ຈໍານວນ 20,000,000 ກີບ ແລະ 3,949 ໂດລາສະຫະລັດ ແລະ ຍັງຄ້າງ 1,004,308,000 ກີບ, ເງິນໂດລາ 4,647 ໂດລາສະຫະລັດ ເພື່ອມອບເຂົ້າງົບປະມານໃຫ້ຄົບຖ້ວນ.
(ພາບຂ່າວ, ແກ້ວາະຫວ່າງໄຊຍະເງີນ)
ຄໍາເຫັນ