ກອງປະຊຸມເຈົ້າໜ້າທີ່ອາວຸໂສອາຊຽນ+3ຄັ້ງທີ 1(1stASEAN+3 Task Force Meeting2024)ໄດ້ຈັດຂຶ້ນໃນລະຫວ່າງວັນທີ 25-26 ມັງກອນຜ່ານມາທີ່ໂຮງແຮມຫຼວງພະບາງວິວ ແຂວງຫຼວງພະບາງ ໂດຍການເປັນປະທານຮ່ວມຂອງ4 ພາກສ່ວນຄື:ທ່ານ ວົງຄໍາແຫງ ວົງທະຈັກ ຫົວໜ້າກົມການເງິນຕ່າງປະເທດ ກະຊວງການເງິນ ສປປ ລາວ ແລະ ທ່ານ ຈິນວອນ ບອມ ກະຊວງເສດຖະກິດ ແລະ ການເງິນສເກົາຫຼີ, ທ່ານນາງ ແພງສີ ແພງເມືອງ ຫົວໜ້າກົມຮ່ວມມືສາກົນ ທະນາຄານແຫ່ງ ສປປ ລາວ ແລະ ທ່ານ ຊູຮຸນ ຢຸນ ທະນາຄານແຫ່ງ ສເກົາຫຼີພ້ອມດ້ວຍບັນດາປະເທດສະມາຊິກອາຊຽນ+3, ກອງເລຂາອາຊຽນແລະ ອົງການຕິດຕາມເສດຖະກິດມະຫາພາກອາຊຽນ+3 (AMRO).
ທ່ານ ວົງຄຳແຫງ ວົງທະຈັກໄດ້ກ່າວຕ້ອນຮັບບັນດາຜູ້ຕາງໜ້າ ASEAN+3 ພ້ອມທັງຍ້ອງຍໍຊົມເຊີຍ ຜົນສໍາເລັດຂອງອິນໂດເນເຊຍ ແລະ ຍີ່ປຸ່ນໃນນາມເປັນເຈົ້າພາບ ແລະ ປະທານປີ 2023. ໃນປີ 2024 ນີ້ຈະໄດ້ສືບຕໍ່ປຶກສາຫາລືບັນດາຂໍ້ລິເລີ່ມໃໝ່ ແລະ ຮັບຟັງການລາຍງານຄວາມຄືບໜ້າຂອງການຮ່ວມມືການເງິນອາຊຽນ+3 ໃນໄລຍະຜ່ານມາ. ທ່ານຍັງໄດ້ຍົກໃຫ້ເຫັນເຖິງປະຫວັດມໍລະດົກໂລກຂອງນະຄອນ-ຫຼວງພະບາງ ແນະນຳກ່ຽວກັບປີທ່ອງທ່ຽວລາວ 2024.
ກອງປະຊຸມໃນມື້ທຳອິດ ໄດ້ປຶກສາຫາລືກ່ຽວກັບກົນໄກການຈັດສັນເງິນທຶນໃນລະດັບພາກພື້ນໂດຍສະເພາະການຫັນ Rapid Finance Facility (RFF) ໃຫ້ເປັນກົນໄກການສະໜອງທຶນຮີບດ່ວນ ເພື່ອແກ້ໄຂສະພາບຄ່ອງທາງດ້ານເສດຖະກິດ, ການເຊື່ອມຈອດໂຄງສ້າງການສະໜອງທຶນໃໝ່ ແລະ ການນຳໃຊ້ Freely Usable Currencies (FUCs). ພ້ອມນັ້ນ, ຍັງໄດ້ປຶກສາຫາລືກ່ຽວກັບການຈັດຕັ້ງປະຕິບັດ ແລະ ການປັບປຸງວຽກງານ CMIM ໂດຍສະເພາະການທົດລອງກູ້ຢືມໃນກອງທຶນ CMIM ຄັ້ງທີ 15; ຮັບຟັງການລາຍງານຄວາມຄືບໜ້າຂອງ (Asian Bond Market Initiative-ABMI) ຈາກທະນາຄານພັດທະນາອາຊີ (ADB);ລາຍງານກ່ຽວກັບວຽກງານທີ່ຕິດພັນກັບການສະໜອງທຶນເພື່ອຫຼຸດຜ່ອນຄວາມສ່ຽງຕໍ່ໄພພິບັດ (Disaster Risk Financing Initiative); ພ້ອມນັ້ນ, ທະນາຄານໂລກ (WB) ຍັງໄດ້ລາຍງານກ່ຽວກັບການສະໜອງທຶນສໍາລັບວຽກງານໄພພິບັດທາງທໍາມະຊາດໃນຂົງເຂດກະສິກໍາຊຶ່ງທະນາຄານໂລກມີແຜນຈັດກອງປະຊຸມສຳມະນາ 2 ຄັ້ງຄື: ໃນຮູບແບບທາງໄກ 1 ຄັ້ງແລະແບບເຊິ່ງໜ້າ 1 ຄັ້ງ.
ກອງປະຊຸມໃນມື້ທີສອງ ເປັນກອງປະຊຸມຄະນະກຳມະການເຮັດວຽກຂອງອົງການຕິດຕາມເສດຖະກິດມະຫາພາກອາຊຽນ+3(ASEAN+3 Macroeconomic Research Office-AMRO) ຊຶ່ງໄດ້ລາຍງານຜົນສຳເລັດຂອງAMRO ປີ 2023 ແລະ ປຶກສາຫາລືກ່ຽວກັບວຽກງານບໍລິຫານ, ແຜນງົບປະມານປະຈຳປີ 2024 ແລະ ການເພີ່ມບຸກຄະລາກອນໃນປີ 2025. ນອກຈາກນັ້ນ, ກອງປະຊຸມຍັງໄດ້ລົງເລິກກ່ຽວກັບວຽກງານຍຸດທະສາດ ແລະ ການຄຸ້ມຄອງ AMROຊຶ່ງໄດ້ທົບທວນຄືນຂອບການລາຍງານຜົນການປະເມີນການເຮັດວຽກຂອງ AMRO ພ້ອມທັງຮັບຟັງການລາຍງານການປະເມີນຜົນການຄັດເລືອກ DD3 ແລະ ຜົນການປະເມີນການເຮັດວຽກຂອງ DD3 ຂອງອົງການ AMRO.ນອກຈາກນັ້ນ, ຄະນະຜູ້ແທນກະຊວງການເງິນ ສປປ ລາວ ຍັງໄດ້ພົບປະເຮັດວຽກ 3 ຝ່າຍຮ່ວມກັບສເກົາຫຼີແລະອົງການAMRO, ພົບປະເຮັດວຽກກັບກອງເລາຂາອາຊຽນ, ພົບປະສອງຝ່າຍກັບກະຊວງການເງິນສິງກະໂປແລະອິນໂດເນເຊຍເພື່ອປຶກສາຫາລືວຽກງານການຮ່ວມມືໃນຂອບອາຊຽນ+3 ແລະແຜນການຮ່ວມມືສອງຝ່າຍໃນອະນາຄົດ.
ໃນເວທີກອງປະຊຸມບັນດາປະເທດສະມາຊິກອາຊຽນ+3 ເຫັນວ່າມີຜົນປະໂຫຍດໃຫ້ແກ່ບັນດາກະຊວງການເງິນ ແລະ ທະນາຄານກາງຊຶ່ງມີໂອກາດໄດ້ມາແລກປ່ຽນຄວາມຄິດເຫັນ ພ້ອມທັງຮ່ວມກັນສ້າງຍຸດທະສາດແຜນການຮ່ວມມືດ້ານການເງິນໃນແຕ່ລະໄລຍະ, ພາຍຫຼັງການລະບາດຂອງພະຍາດໂຄວິດ-19 ແລະ ການຜັນແປຂອງໂລກ ເຫັນໄດ້ເຖິງຄວາມສຳຄັນຂອງການເພີ່ມທະວີການເຊື່ອມໂຍງ ແລະ ການຮ່ວມມືດ້ານການເງິນ ໂດຍສະເພາະການຫັນເປັນດີຈີຕອນ, ການນຳໃຊ້ສະກຸນເງິນທ້ອງຖິ່ນໃນການຊໍາລະສະສາງ, ການສ້າງຄັງເພື່ອສະໜັບສະໜູນດ້ານທຶນຮອນແກ້ໄຂສະພາບຄ່ອງດ້ານການເງິນ ໃນກໍລະນີມີເຫດການສຸກເສີນ ແລະ ຂະຫຍາຍການຮ່ວມມືດ້ານການເງິນຄຸ້ມຄອງໄພພິບັດທີ່ອາດເກີດຂຶ້ນໃນອະນາຄົດພ້ອມທັງສືບຕໍ່ສ້າງຄວາມເຂັ້ມແຂງໃຫ້ແກ່ອົງການ AMRO ເປັນອົງການເຮັດວຽກຊ່ວຍປະເທດສະມາຊິກອາຊຽນ+3 ໃນການວິໄຈ ສັງລວມສະພາບເສດຖະກິດມະຫາພາກໃນແຕ່ລະປະເທດ ແລະ ທ່າອ່ຽງຂອງພາກພື້ນ ແລະ ສາກົນ ເພື່ອສະເໜີນະໂຍບາຍທີ່ເໝາະສົມໃຫ້ແກ່ບັນດາປະເທດສະມາຊິກ ໃນການສືບຕໍ່ຮັກສາສະຖຽນລະພາບທາງດ້ານເສດຖະກິດ-ການເງິນໃຫ້ມີການພັດທະນາຢ່າງມີຄວາມຍືນຍົງ.
ຂ່າວ-ພາບ: ກົມສື່ມວນຊົນ
ທ່ານ ວົງຄຳແຫງ ວົງທະຈັກໄດ້ກ່າວຕ້ອນຮັບບັນດາຜູ້ຕາງໜ້າ ASEAN+3 ພ້ອມທັງຍ້ອງຍໍຊົມເຊີຍ ຜົນສໍາເລັດຂອງອິນໂດເນເຊຍ ແລະ ຍີ່ປຸ່ນໃນນາມເປັນເຈົ້າພາບ ແລະ ປະທານປີ 2023. ໃນປີ 2024 ນີ້ຈະໄດ້ສືບຕໍ່ປຶກສາຫາລືບັນດາຂໍ້ລິເລີ່ມໃໝ່ ແລະ ຮັບຟັງການລາຍງານຄວາມຄືບໜ້າຂອງການຮ່ວມມືການເງິນອາຊຽນ+3 ໃນໄລຍະຜ່ານມາ. ທ່ານຍັງໄດ້ຍົກໃຫ້ເຫັນເຖິງປະຫວັດມໍລະດົກໂລກຂອງນະຄອນ-ຫຼວງພະບາງ ແນະນຳກ່ຽວກັບປີທ່ອງທ່ຽວລາວ 2024.
ກອງປະຊຸມໃນມື້ທຳອິດ ໄດ້ປຶກສາຫາລືກ່ຽວກັບກົນໄກການຈັດສັນເງິນທຶນໃນລະດັບພາກພື້ນໂດຍສະເພາະການຫັນ Rapid Finance Facility (RFF) ໃຫ້ເປັນກົນໄກການສະໜອງທຶນຮີບດ່ວນ ເພື່ອແກ້ໄຂສະພາບຄ່ອງທາງດ້ານເສດຖະກິດ, ການເຊື່ອມຈອດໂຄງສ້າງການສະໜອງທຶນໃໝ່ ແລະ ການນຳໃຊ້ Freely Usable Currencies (FUCs). ພ້ອມນັ້ນ, ຍັງໄດ້ປຶກສາຫາລືກ່ຽວກັບການຈັດຕັ້ງປະຕິບັດ ແລະ ການປັບປຸງວຽກງານ CMIM ໂດຍສະເພາະການທົດລອງກູ້ຢືມໃນກອງທຶນ CMIM ຄັ້ງທີ 15; ຮັບຟັງການລາຍງານຄວາມຄືບໜ້າຂອງ (Asian Bond Market Initiative-ABMI) ຈາກທະນາຄານພັດທະນາອາຊີ (ADB);ລາຍງານກ່ຽວກັບວຽກງານທີ່ຕິດພັນກັບການສະໜອງທຶນເພື່ອຫຼຸດຜ່ອນຄວາມສ່ຽງຕໍ່ໄພພິບັດ (Disaster Risk Financing Initiative); ພ້ອມນັ້ນ, ທະນາຄານໂລກ (WB) ຍັງໄດ້ລາຍງານກ່ຽວກັບການສະໜອງທຶນສໍາລັບວຽກງານໄພພິບັດທາງທໍາມະຊາດໃນຂົງເຂດກະສິກໍາຊຶ່ງທະນາຄານໂລກມີແຜນຈັດກອງປະຊຸມສຳມະນາ 2 ຄັ້ງຄື: ໃນຮູບແບບທາງໄກ 1 ຄັ້ງແລະແບບເຊິ່ງໜ້າ 1 ຄັ້ງ.
ກອງປະຊຸມໃນມື້ທີສອງ ເປັນກອງປະຊຸມຄະນະກຳມະການເຮັດວຽກຂອງອົງການຕິດຕາມເສດຖະກິດມະຫາພາກອາຊຽນ+3(ASEAN+3 Macroeconomic Research Office-AMRO) ຊຶ່ງໄດ້ລາຍງານຜົນສຳເລັດຂອງAMRO ປີ 2023 ແລະ ປຶກສາຫາລືກ່ຽວກັບວຽກງານບໍລິຫານ, ແຜນງົບປະມານປະຈຳປີ 2024 ແລະ ການເພີ່ມບຸກຄະລາກອນໃນປີ 2025. ນອກຈາກນັ້ນ, ກອງປະຊຸມຍັງໄດ້ລົງເລິກກ່ຽວກັບວຽກງານຍຸດທະສາດ ແລະ ການຄຸ້ມຄອງ AMROຊຶ່ງໄດ້ທົບທວນຄືນຂອບການລາຍງານຜົນການປະເມີນການເຮັດວຽກຂອງ AMRO ພ້ອມທັງຮັບຟັງການລາຍງານການປະເມີນຜົນການຄັດເລືອກ DD3 ແລະ ຜົນການປະເມີນການເຮັດວຽກຂອງ DD3 ຂອງອົງການ AMRO.ນອກຈາກນັ້ນ, ຄະນະຜູ້ແທນກະຊວງການເງິນ ສປປ ລາວ ຍັງໄດ້ພົບປະເຮັດວຽກ 3 ຝ່າຍຮ່ວມກັບສເກົາຫຼີແລະອົງການAMRO, ພົບປະເຮັດວຽກກັບກອງເລາຂາອາຊຽນ, ພົບປະສອງຝ່າຍກັບກະຊວງການເງິນສິງກະໂປແລະອິນໂດເນເຊຍເພື່ອປຶກສາຫາລືວຽກງານການຮ່ວມມືໃນຂອບອາຊຽນ+3 ແລະແຜນການຮ່ວມມືສອງຝ່າຍໃນອະນາຄົດ.
ໃນເວທີກອງປະຊຸມບັນດາປະເທດສະມາຊິກອາຊຽນ+3 ເຫັນວ່າມີຜົນປະໂຫຍດໃຫ້ແກ່ບັນດາກະຊວງການເງິນ ແລະ ທະນາຄານກາງຊຶ່ງມີໂອກາດໄດ້ມາແລກປ່ຽນຄວາມຄິດເຫັນ ພ້ອມທັງຮ່ວມກັນສ້າງຍຸດທະສາດແຜນການຮ່ວມມືດ້ານການເງິນໃນແຕ່ລະໄລຍະ, ພາຍຫຼັງການລະບາດຂອງພະຍາດໂຄວິດ-19 ແລະ ການຜັນແປຂອງໂລກ ເຫັນໄດ້ເຖິງຄວາມສຳຄັນຂອງການເພີ່ມທະວີການເຊື່ອມໂຍງ ແລະ ການຮ່ວມມືດ້ານການເງິນ ໂດຍສະເພາະການຫັນເປັນດີຈີຕອນ, ການນຳໃຊ້ສະກຸນເງິນທ້ອງຖິ່ນໃນການຊໍາລະສະສາງ, ການສ້າງຄັງເພື່ອສະໜັບສະໜູນດ້ານທຶນຮອນແກ້ໄຂສະພາບຄ່ອງດ້ານການເງິນ ໃນກໍລະນີມີເຫດການສຸກເສີນ ແລະ ຂະຫຍາຍການຮ່ວມມືດ້ານການເງິນຄຸ້ມຄອງໄພພິບັດທີ່ອາດເກີດຂຶ້ນໃນອະນາຄົດພ້ອມທັງສືບຕໍ່ສ້າງຄວາມເຂັ້ມແຂງໃຫ້ແກ່ອົງການ AMRO ເປັນອົງການເຮັດວຽກຊ່ວຍປະເທດສະມາຊິກອາຊຽນ+3 ໃນການວິໄຈ ສັງລວມສະພາບເສດຖະກິດມະຫາພາກໃນແຕ່ລະປະເທດ ແລະ ທ່າອ່ຽງຂອງພາກພື້ນ ແລະ ສາກົນ ເພື່ອສະເໜີນະໂຍບາຍທີ່ເໝາະສົມໃຫ້ແກ່ບັນດາປະເທດສະມາຊິກ ໃນການສືບຕໍ່ຮັກສາສະຖຽນລະພາບທາງດ້ານເສດຖະກິດ-ການເງິນໃຫ້ມີການພັດທະນາຢ່າງມີຄວາມຍືນຍົງ.
ຂ່າວ-ພາບ: ກົມສື່ມວນຊົນ
ຄໍາເຫັນ