ກອງປະຊຸມເຈົ້າໜ້າທີ່ອາວຸໂສປ້ອງກັນປະເທດອາຊຽນ

ຫົວໜ້າເຈົ້າໜ້າທີ່ອາວຸໂສ ປ້ອງກັນປະເທດອາຊຽນ ແຫ່ງສປປ ລາວ, ມີບັນດາຫົວໜ້າເຈົ້າໜ້າທີ່ອາວຸໂສ ປ້ອງກັນປະເທດອາຊຽນ, ຕີມໍແລັດສະເຕ ໃນນາມຜູ້ສັງເກດການ ແລະ ກອງເລຂາອາຊຽນ ເຂົ້າຮ່ວມ.
ທ່ານ ພົນຕີ ສົມພອນ ມິດຕະພອນ ໄດ້ກ່າວເປີດກອງປະຊຸມຢ່າງເປັນທາງການຊຶ່ງທ່ານໄດ້ກ່າວສະແດງຄວາມຂອບໃຈຢ່າງຈິງໃຈ ຕໍ່ຄະນະຜູ້ແທນບັນດາປະເທດສະມາຊິກອາຊຽນ ທີ່ເຂົ້າຮ່ວມກອງປະຊຸມຄັ້ງນີ້ ແລະ ສະແດງຄວາມຊົມເຊີຍມາຍັງປະເທດອິນໂດເນເຊຍ ທີ່ສໍາເລັດການເປັນປະທານກອງປະຊຸມລັດຖະມົນຕີປ້ອງກັນປະເທດ (ADMM) ແລະ ກອງປະຊຸມລັດຖະມົນຕີປ້ອງກັນປະເທດ ບວກ (ADMM-Plus) ໃນປີ 2023 ທີ່ຜ່ານມາ. ພ້ອມທັງສະແດງຄວາມເສຍໃຈ ແລະ ແບ່ງເບົາຄວາມທຸກໂສກ ໄປຍັງຄອບຄົວ ແລະ ຜູ້ໄດ້ຮັບຜົນກະທົບຈາກພາຍຸຢາກິ ໃນ ສສ ມຽນມາ, ຟີລິບປິນ, ໄທ, ຫວຽດນາມ ແລະ ປະເທດອື່ນໆ ໃນພາກພື້ນທີ່ປະສົບກັບໄພພິບັດດັ່ງກ່າວ ຊຶ່ງໄດ້ສ້າງຄວາມເສຍຫາຍຢ່າງໜັກໜ່ວງຕໍ່ຊີວິດ, ຊັບສິນ ແລະ ພື້ນຖານໂຄງລ່າງຕ່າງໆ.
ກອງປະຊຸມຄັ້ງນີ້, ເປັນການສືບຕໍ່ເພີ່ມທະວີການຮ່ວມມື ໃນການພັດທະນາຂີດຄວາມສາມາດ ຂອງອາຊຽນ ເພື່ອຮັບມືກັບບັນດາສິ່ງທ້າທາຍຕ່າງໆ ຕໍ່ຄວາມໝັ້ນຄົງ ແລະ ເປັນໂອກາດທີ່ສໍາຄັນ ສໍາລັບເຈົ້າໜ້າທີ່ອາວຸໂສປ້ອງກັນປະເທ ອາຊຽນ ເພື່ອປຶກສາຫາລືທິດທາງແຜນການວຽກງານໃນຕໍ່ໜ້າ ເພື່ອເສີມສ້າງການຮ່ວມມື, ຄວາມເຊື່ອໝັ້ນ ແລະ ຄວາມໄວ້ເນື້ອເຊື່ອໃຈຊຶ່ງກັນ ແລະ ກັນ. ໃນກອງປະຊຸມ ຈະໄດ້ແລກປ່ຽນຫຼາຍບັນຫາທີ່ສໍາຄັນ ໂດຍສະເພາະແມ່ນການກະກຽມທາງດ້ານເນື້ອໃນ ຂອງກອງປະຊຸມລັດຖະມົນຕີປ້ອງກັນປະເທດອາຊຽນ ຄັ້ງທີ 18 ແລະ ກອງປະຊຸມລັດຖະມົນຕີປ້ອງກັນປະເທດ ອາຊຽນ-ບວກ ຄັ້ງທີ 11 ພາຍໃຕ້ຄໍາຂັວນ: “ຮ່ວມມືກັນເພື່ອສັນຕິພາບ, ຄວາມໝັ້ນຄົງ ແລະ ຄວາມເຂັ້ມແຂງຂອງອາຊຽນ. ພ້ອມນີ້ ຄະນະຜູ້ແທນກອງປະຊຸມຍັງຈະໄດ້ປະກອບຄຳຄິດຄຳເຫັນຢ່າງຕັ້ງໜ້າ ແລະ ສ້າງສັນ ເພື່ອເຮັດໃຫ້ເນື້ອໃນຈິດໃຈຂອງກອງປະຊຸມຄັ້ງນີ້ ມີຜົນສໍາເລັດຕາມລະດັບຄາດໝາຍທີ່ວາງໄວ້.
ຂ່າວ: ຍຸພິນທອງ