ຮອງຫົວໜ້າກົມແຜນການ ແລະ ການຮ່ວມມືສາກົນກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວຫົວໜ້າເຈົ້າໜ້າທີ່ອາວຸໂສວັດທະນະທຳ-ສັງຄົມອາຊຽນ ຂອງ ສປປ ລາວ,ມີບັນດາເຈົ້າໜ້າທີ່ອາວຸໂສເສົາຄໍ້າວັດທະນະທໍາ-ສັງຄົມອາຊຽນ, ປະເທດຕີມໍແລັດສະເຕ, ມີຮອງເລຂາທິການໃຫຍ່ອາຊຽນ, ພ້ອມດ້ວຍຄະນະຜູ້ແທນຈາກປະເທດສະມາຊິກອາຊຽນເຂົ້າຮ່ວມ.
ທ່ານ ຄຳພູ ເພັຍສັກຂາ ກ່າວວ່າ: ຈຸດປະສົງກອງປະຊຸມໃນຄັ້ງນີ້, ເພື່ອຮັບຟັງການລາຍງານຜົນຂອງບັນດາກອງປະຊຸມທີ່ກ່ຽວຂ້ອງຈໍານວນໜຶ່ງທີ່ຈັດຂຶ້ນໃນກ່ອນໜ້ານີ້ ເປັນຕົ້ນກອງປະຊຸມໜ່ວຍງານພັດທະນາແຜນຍຸດທະສາດວຽກງານວັດທະນະທໍາ-ສັງຄົມອາຊຽນ ຫຼັງ 2025 ຊຶ່ງລວມທັງຜົນລາຍງານຄວາມຄືບໜ້າການສະຫຼຸບທ້າຍສະໄໝການຈັດຕັ້ງປະຕິບັດແຜນຍຸດທະສາດຂອງເສົາຄ້ຳວັດທະນະທໍາ-ສັງຄົມອາຊຽນ ປີ2025 ແລະ ພ້ອມກັນປຶກສາຫາລືກ່ຽວກັບທິດທາງແຜນການຕໍ່ໜ້າແລະ ກອງປະຊຸມໜ່ວຍງານວ່າດ້ວຍຖະແຫຼງການກ່ຽວກັບວັດທະນະທໍາການປ້ອງກັນເຫດຄັ້ງທີ 7 ເພື່ອທົບທວນຄືນບັນດາແຜນວຽກທີ່ໄດ້ພ້ອມກັນຈັດຕັ້ງປະຕິບັດໃນໄລຍະຜ່ານມາ ລວມທັງການຄົ້ນຄວ້າປຶກຫາລືແຜນວຽກຈໍານວນໜຶ່ງ ແນໃສ່ຊຸກຍູ້ສົ່ງເສີມການຈັດຕັ້ງຜັນຂະຫຍາຍຖະແຫຼງການດັ່ງກ່າວໃຫ້ມີປະສິດທິຜົນຍິ່ງຂຶ້ນ. ພ້ອມດຽວກັນນີ້, ກອງປະຊຸມໃນຄັ້ງນີ້, ຍັງໄດ້ພ້ອມກັນປຶກຫາສາລື ແລະ ທົບທວນຄືນຢ່າງລະອຽດຖີ່ຖ້ວນ ບັນດາເອກະສານສໍາຄັນຈໍານວນໜຶ່ງ ລວມທັງບັນຫາອື່ນໆທີ່ກ່ຽວຂ້ອງພາຍໃຕ້ເສົາຄ້ຳວັດທະນະທໍາ-ສັງຄົມອາຊຽນ ເພື່ອກຽມຄວາມພ້ອມດ້ານເນື້ອໃນໃຫ້ແກ່ກອງປະຊຸມສະພາປະຊາຄົມລັດຖະມົນຕີວັດທະນະທໍາ-ສັງຄົມອາຊຽນ ຄັ້ງທີ 32 ທີ່ຈະຈັດຂຶ້ນໃນວັນທີ 26 ກັນຍາ ນີ້ເພື່ອພິຈາລະນາຄົ້ນຄວ້າກ່ອນທີ່ຈະສືບຕໍ່ນໍາສະເໜີຕໍ່ຜູ້ນໍາອາຊຽນ ຮັບຮອງໃນກອງປະຊຸມສຸດຍອດຄັ້ງທີ 44 ແລະ 45 ທີ່ຈະຈັດຂຶ້ນໃນອີກບໍ່ເທົ່າໃດວັນຕໍ່ໜ້ານີ້.
(ຂ່າວ: ວັນເພັງ-ພາບ: ສໍານານ)
ຄໍາເຫັນ