ກົມໃຫຍ່ເສນາທິການກອງທັບປະຊາຊົນລາວ, ມີບັນດາຫົວໜ້າສູ້ຮົບຂອງກອງທັບ,ບັນດາປະເທດສະມາຊິກອາຊຽນພ້ອມຄະນະ ແລະ ຕີມໍແລັດສະເຕ ໃນນາມປະເທດສັງເກດການເຂົ້າຮ່ວມ.
ກອງປະຊຸມຄັ້ງນີ້, ເປັນການສືບຕໍ່ເສີມສ້າງການພົວພັນຮ່ວມມືວຽກງານດ້ານປ້ອງກັນຊາດ ແລະ ຄວາມໝັ້ນຄົງຂອງອາຊຽນ ເພື່ອສັນຕິພາບ, ຄວາມໝັ້ນຄົງ ແລະ ການພັດທະນາຂອງພາກພື້ນຊຶ່ງສອດຄ່ອງກັບເນື້ອໃນຈິດໃຈລວມຂອງຄໍາຂວັນກອງປະຊຸມລັດຖະມົນຕີປ້ອງກັນປະເທດອາຊຽນໃນປີນີ້ທີ່ວ່າ: “ຮ່ວມມືກັນ ເພື່ອສັນຕິພາບ, ຄວາມໝັ້ນຄົງ ແລະ ຄວາມເຂັ້ມແຂງອາຊຽນ”.
ປັດຈຸບັນ, ສະພາບການຂອງພາກພື້ນ ແລະ ໃນໂລກຍັງສືບຕໍ່ຜັນແປໄປຢ່າງສັບສົນ ແລະ ຄາດຄະເນໄດ້ຍາກ ໂດຍສະເພາະສິ່ງທ້າທາຍ ແລະ ໄພຂົ່ມຂູ່ຕໍ່ຄວາມໝັ້ນຄົງແບບເກົ່າ ແລະ ໃໝ່. ບັນຫາການປ່ຽນແປ່ງທາງດ້ານພູມສາດການເມືອງ, ການແຂ່ງຂັນຂອງປະເທດມະຫາອຳນາດ, ການປ່ຽນແປງສະພາບດິນຟ້າອາກາດໄພພິບັດທາງທຳມະຊາດ ແລະ ອື່ນໆ ໄດ້ສົ່ງຜົນກະທົບທັງທາງກົງ ແລະ ທາງອ້ອມຕໍ່ສັນຕິພາບ, ສະຖຽນລະພາບທາງດ້ານການເມືອງ, ຄວາມໝັ້ນຄົງ ແລະ ການພັດທະນາຂອງພາກພື້ນ. ຕໍ່ກັບບັນຫາດັ່ງກ່າວ, ອາຊຽນຈະຕ້ອງໄດ້ສືບຕໍ່ເພີ່ມທະວີການຮ່ວມມື ບົນຈິດໃຈແຫ່ງຄວາມສາມັກຄີ, ຄວາມກົມກຽວ, ຄວາມເປັນແກນກາງ ແລະ ລະບຽບຫຼັກການຂອງອາຊຽນເພື່ອເປັນພື້ນຖານອັນສໍາຄັນໃຫ້ແກ່ອາຊຽນໃນການຮັບມືກັບບັນດາໄພຂົ່ມຂູ່ ແລະ ສິ່ງທ້າທາຍຕໍ່ຄວາມໝັ້ນຄົງໃນພາກພື້ນ.
ກອງປະຊຸມຄັ້ງນີ້ ເປັນການແລກປ່ຽນທັດສະນະກ່ຽວກັບ ການເພີ່ມທະວີການຮ່ວມມືດ້ານວຽກງານປ້ອງກັນຊາດ ແລະ ການທະຫານເພື່ອສັນຕິພາບ, ຄວາມໝັ້ນຄົງ ແລະ ຄວາມເຂັ້ມແຂງຂອງອາຊຽນ ລວມທັງການປຶກສາຫາລືກ່ຽວກັບຮ່າງແຜນການ 2 ປີຂອງທະຫານອາຊຽນ 2024-2026 ແລະ ບັນຫາອື່ນໆທີ່ກ່ຽວຂ້ອງ.
ພ້ອມນີ້,ກອງປະຊຸມຍັງໄດ້ມອບໂອນການເປັນປະທານກອງປະຊຸມຫົວໜ້າສູ້ຮົບອາຊຽນຄັ້ງທີ 15 ໃຫ້ ກອງທັບປະເທດມາເລເຊຍສືບຕໍ່ເປັນປະທານໃນປີ 2025.
ຂ່າວ-ພາບ: ໄພນາລິນ
ຄໍາເຫັນ