ຄົບຮອບ 105 ປີໂດຍການເປັນປະທານຂອງສະຫາຍ ພົນເອກ ຈັນສະໝອນ ຈັນຍາລາດ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງກັນປະເທດ, ມີບັນດາລັດຖະມົນຕີ, ຮອງລັດຖະມົນຕີ, ຕາງໜ້າອົງການຈັດຕັ້ງມະຫາຊົນ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ໃນກອງປະຊຸມ, ຕາງໜ້າແຕ່ລະພາກສ່ວນໄດ້ຜັດປ່ຽນກັນຂຶ້ນປະກອບຄຳຄິດເຫັນໃສ່ບັນດາແຜນການ, ໜ້າວຽກແຕ່ລະຂັ້ນຂອງອະນຸກຳມະການຕ່າງໆເພື່ອໃຫ້ສອດຄອງ, ຄົບຖ້ວນ ແລະ ແທດເໝາະກັບສະພາບເງື່ອນໄຂຕົວຈິງ ເພື່ອເຮັດໃຫ້ການກະກຽມສະເຫຼີມສະຫຼອງ 3 ວັນປະຫວັດສາດດັ່ງກ່າວມີເນື້ອໃນເລິກເຊິ່ງ, ມີຮູບການທິີ່ເໝາະສົມ ແລະ ທັນກັບກຳນົດເວລາບົນຈິດໃຈປະຢັດມັດທະຍັດໂດຍຖືເອົາເນື້ອໃນເປັນຕົ້ນຕໍ ແລະ ຕ້ອງປຸກລະດົມທຸກພາກສ່ວນໃນທົ່ວສັງຄົມເຂົ້າຮ່ວມຢ່າງເປັນຂະບວນການຟົດຟື້ນ, ແຂງແຮງໃນຂອບເຂດທົ່ວປະເທດ. ສະນັ້ນ, ຈຶ່ງມີຄວາມຈໍາເປັນຕ້ອງມີການຊີ້ນໍາ-ນໍາພາຢ່າງໃກ້ຊິດແທດເຖິງ, ຕ້ອງກະກຽມແຕ່ລະດ້ານໃຫ້ລະອຽດ, ທັງປຸກລະດົມຂະບວນການແຂ່ງຂັນຮັກຊາດພັດທະນາໃນທົ່ວປະເທດໃຫ້ຟົດຟື້ນ, ແຂງແຮງ.
ໂອກາດນີ້, ສະຫາຍ ພົນເອກ ຈັນສະໝອນ ຈັນຍາລາດ ໄດ້ເນັ້ນໜັກໃຫ້ພາກສ່ວນທີ່ກ່ຽວຂ້ອງ ຈົ່ງນໍາເອົາເນື້ອໃນກິດຈະກຳໃນການສະເຫຼີມສະຫຼອງ 3 ວັນປະຫວັດສາດດັ່ງກ່າວໄປເຜີຍແຜ່ເຊື່ອມຊຶມ ແລະ ພ້ອມກັນຈັດຕັ້ງປະຕິບັດໃຫ້ເປັນຂະບວນການຟົດຟື້ນໃນທົ່ວປະເທດ ເຮັດໃຫ້ການກະກຽມສະເຫຼີມສະຫຼອງດັ່ງກ່າວມີເນື້ອໃນເລິກເຊິ່ງ, ທັນກັບກຳນົດເວລາ, ຕ້ອງຊີ້ນໍາ-ນໍາພາຢ່າງແທດເຖິງ, ເລິກເຊິ່ງ, ກະກຽມແຕ່ລະດ້ານໃຫ້ລະອຽດ, ທັງປຸກລະດົມຂະບວນການແຂ່ງຂັນຮັກຊາດພັດທະນາໃນທົ່ວປະເທດໃຫ້ຟົດຟື້ນ, ແຂງແຮງ ສ້າງທ່ວງທ່າໃໝ່ໃຫ້ແກ່ການກະກຽມຄວາມພ້ອມດຳເນີນກອງປະຊຸມໃຫຍ່ຂັ້ນຂອງຕົນ ແລະ ກ້າວເຂົ້າສູ່ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກ ດ້ວຍຜົນສໍາເລັດອັນໃໝ່ໃຫຍ່ຫຼວງກວ່າເກົ່າ ແລະ ຕ້ອງປຸກລະດົມທຸກພາກສ່ວນໃນທົ່ວສັງຄົມເຂົ້າຮ່ວມຢ່າງເປັນຂະບວນການຟົດຟື້ນມ່ວນຊື່ນ.
ຂ່າວ-ພາບ: ໄພນາລິນ
ຄໍາເຫັນ