ເຊິ່ງກອງປະຊຸມຄັ້ງນີ້ເປັນຄັ້ງທີ 7 ຈັດໂດຍອົງການຮ່ວມມືພັດທະນາການເຊື່ອມໂຍງພະລັງງານລະດັບໂລກ ຮ່ວມກັບ ອົງການພັດທະນາແຫ່ງສະຫະປະຊາຊາດ, ຄະນະກຳມະການເສດຖະກິດ ແລະ ສັງຄົມສຳລັບອາເມຣິກາ ແລະ ຄາລີບຽນ, ຄະນະກຳມະການເສດຖະກິດ ແລະ ສັງຄົມສຳລັບອາຊີ-ປາຊີຟິກ,ອົງການອຸດສະຫະກຳສະຫະປະຊາຊາດ,ອົງການເຄືອຂ່າຍແນວທາງແກ້ໄຂການພັດທະນາແບບຍືນຍົງຂອງສະຫະປະຊາຊາດ ແລະ ອົງການພະລັງງານລາຕິນອາເມລິກາ.
ໂດຍໃຫ້ກຽດເຂົ້າຮ່ວມຂອງ ທ່ານ ຫານ ເຈິ້ງ (Han Zheng)ຮອງປະທານປະເທດແຫ່ງ ສປຈີນ ແລະ ທ່ານ ຊິ່ນ ປ້າວອັນ(Xin Baoan) ປະທານອົງກອນພັດທະນາ ແລະ ການຮ່ວມມືລະຫວ່າງການເຊື່ອມຕໍ່ພະລັງງານທົ່ວໂລກ ປະທານສະພາໄຟຟ້າ ແຫ່ງ ສປຈີນ, ພາຍໃຕ້ຫົວຂໍ້ “ເຊື່ອມໂຍງພະລັງງານໂລກ ເພື່ອຕອບສະໜອງໄຟຟ້າທົ່ວໂລກດ້ວຍພະລັງງານສະອາດ” ມີແຂກພາຍໃນແລະ ຕ່າງປະເທດເຂົ້າຮ່ວມຫຼາຍກວ່າ 100 ປະເທດ ຫຼາຍກວ່າ 1,000ຄົນ ໃນນັ້ນມີຕາງໜ້າຈາກກະຊວງອຸດສາຫະກຳແລະການຄ້າຂອງ ສປປ ລາວເຂົ້າຮ່ວມອີກດ້ວຍ. ຈຸດປະສົງຂອງກອງປະຊຸມດັ່ງກ່າວແມ່ນ ເພື່ອເພີ່ມການຮ່ວມມືໃນການຜະລິດພະລັງງານໝູນວຽນ ການເຊື່ອມໂຍງຕາຂ່າຍໄຟຟ້າ ແລະ ພະລັງງານອັດສະລິຍະລວມເຖິງການສົ່ງເສີມການດຳເນີນການຕາມອະນຸສັນຍາສະຫະປະຊາຊາດວ່າດ້ວຍວ່າດ້ວຍການປ່ຽນແປງສະພາບອາກາດ ແລະ ການພັດທະນາເທັກໂນໂລຊີສຳລັບການໃຊ້ພະລັງງານສະອາດ ສົ່ງເສີມຄວາມຮ່ວມມືດ້ານການເຂົ້າເຖິງພະລັງງານເພື່ອຊ່ວຍໃຫ້ປະເທດກຳລັງພັດທະນາເພິ່ມຂີດຄວາມສາມາດໃນການຮັບປະກັນຄວາໝັ້ນຄົງດ້ານພະລັງງານ.
ທ່ານ ຫານເຈີ້ງ ໄດ້ສະເໜີໃນກອງປະຊຸມ ກ່ຽວກັບການພັດທະນາພະລັງງານໂລກ ເຊັ່ນ; ການສົ່ງເສີມການປ່ຽນແປງສູ່ສີຂຽວ ແລະ ຄາບອນຕ່ຳ,ນະວັດຕະກຳທາງເຕັກໂນໂລຊີ, ການຂັບເຄື່ອນການພັດທະນາທີ່ຍືນຍົງ,ການເສີມສ້າງການຮ່ວມມືດ້ານສັບພະຍາກອນ ແລະ ສັກກະຍະພາບທາງອຸດສາຫະກຳ. ນອກນີ້ທ່ານຫານເຈີ້ງ ກ່າວວ່າ; ໃຫ້ສົ່ງເສີມໂຄງການໂຄງສ້າງພື້ນຖານດ້ານພະລັງງານເຂດຊາຍແດນ ທັງພາກພື້ນ ແລະ ສາກົນ ເພື່ອສົ່ງເສີມຄວາມຮ່ວມມືເຊິ່ງກັນແລະກັນເພື່ອໃຫ້ມີຜົນປະໂຫຍດຮ່ວມກັນ.
ຂ່າວ: ໄມຕຣີ
 |
ທ່ານ ຫານເຈີ້ງ ໄດ້ສະເໜີໃນກອງປະຊຸມ ກ່ຽວກັບການພັດທະນາພະລັງງານໂລກ ເຊັ່ນ; ການສົ່ງເສີມການປ່ຽນແປງສູ່ສີຂຽວ ແລະ ຄາບອນຕ່ຳ,ນະວັດຕະກຳທາງເຕັກໂນໂລຊີ, ການຂັບເຄື່ອນການພັດທະນາທີ່ຍືນຍົງ,ການເສີມສ້າງການຮ່ວມມືດ້ານສັບພະຍາກອນ ແລະ ສັກກະຍະພາບທາງອຸດສາຫະກຳ. ນອກນີ້ທ່ານຫານເຈີ້ງ ກ່າວວ່າ; ໃຫ້ສົ່ງເສີມໂຄງການໂຄງສ້າງພື້ນຖານດ້ານພະລັງງານເຂດຊາຍແດນ ທັງພາກພື້ນ ແລະ ສາກົນ ເພື່ອສົ່ງເສີມຄວາມຮ່ວມມືເຊິ່ງກັນແລະກັນເພື່ອໃຫ້ມີຜົນປະໂຫຍດຮ່ວມກັນ.
ຂ່າວ: ໄມຕຣີ
ຄໍາເຫັນ