ກອງປະຊຸມຂະແໜງການແກ້ໄຂບັນຫາລະເບີດບໍ່ທັນແຕກ ທີ່ຕົກຄ້າງຢູ່ ສປປລາວ ໄດ້ຈັດຂຶ້ນໃນວັນທີ 7 ທັນວາ ນີ້ ທີ່ນະຄອນຫຼວງວຽງຈັນ,ພາຍໃຕ້ການເປັນປະທານຂອງທ່ານ ໂພໄຊ ໄຂຄຳພິທູນ ຮອງລັດຖະມົນຕີ ກະຊວງການຕ່າງປະເທດ,ທ່ານ ນາງ Martine Thererຜູ້ຕາງໜ້າອົງການສະຫະປະຊາຊາດ (ສປຊ) ເພື່ອການພັດທະນາ ປະຈຳ ສປປ ລາວ,ອຸປະທູດຊົ່ວຄາວ ສະຖານທູດສະຫະລັດອາເມຣິກາ ປະຈຳລາວ,ທູຕານຸທູດ ຕາງໜ້າປະເທດທີ່ໃຫ້ທຶນ,ຄະນະກຳມະການຄຸ້ມຄອງແຫ່ງຊາດ ເພື່ອແກ້ໄຂບັນຫາລະເບີດບໍ່ທັນແຕກ ທີ່ຕົກຄ້າງຢູ່ ສປປ ລາວ(ຄຊກລ)ແລະ ພາກສ່ວນກ່ຽວຂ້ອງເຂົ້າຮ່ວມ.
ທ່ານ ໂພໄຊ ໄຂຄຳພິທູນ ກ່າວວ່າ: ໃນໄລຍະຜ່ານມາ ດ້ວຍຄວາມເອົາໃຈໃສ່ ແລະ ເປັນຫວ່ງເປັນໃຍ ຂອງລັດຖະບານ ສປປ ລາວ ຄະນະກຳມະການຄຸ້ມຄອງແຫ່ງຊາດ ເພື່ອແກ້ໄຂບັນຫາລະເບີດບໍ່ທັນແຕກທີ່ຕົກຄ້າງ ຢູ່ ສປປ ລາວ ໄດ້ຕິດຕາມຊຸກຍູ້ຈັດຕັ້ງປະຕິບັດແຜນການປະຈຳປີໃຫ້ມີຜົນສຳເລັດ ແລະ ມີປະສິດທິພາບ ໂດຍໃຫ້ສອດຄ່ອງກັບແຜນພັດທະນາ ເສດຖະກິດ-ສັງຄົມ ແຫ່ງຊາດ ຄັ້ງທີ 9. ໃນນີ້ ລັດຖະບານ ສປປ ລາວ ໄດ້ມີການທົບທວນການຈັດຕັ້ງແຜນພັດທະນາເສດຖະກິດ-ສັງຄົມ ແຫ່ງຊາດ ຄັ້ງທີ 9 ກາງ ສະໄໝ ໃນນັ້ນ ວຽກງານແກ້ໄຂບັນຫາ ລບຕ ໄດ້ຖືເປັນບັນຫາສຳຄັນໃນການປະກອບສ່ວນຕໍ່ການພັດທະນາເສດຖະກິດ-ສັງຄົມ ແລະ ການຫຼຸດຜ່ອນຄວາມທຸກຍາກຂອງປະຊາຊົນບັນດາເຜົ່າໃນຂອບເຂດທົ່ວປະເທດ ຊຶ່ງໃນປັດຈຸບັນ ລັດຖະບານ ແຫ່ງ ສປປ ລາວ ກຳລັງສຸມໃສ່ການຈັດຕັ້ງປະຕິບັດແຜນ ພັດທະນາ ເສດຖະກິດ-ສັງຄົມ ຄັ້ງທີ 9 ທ້າຍສະໄໝ ໂດຍສະເພາະແຜນຍຸດທະສາດແຫ່ງຊາດ ເພື່ອແກ້ໄຂບັນຫາ ລບຕ ເສັ້ນທາງສູ່ຄວາມປອດໄພ III ແລະ ເປົ້າໝາຍການພັດທະນາແບບຍືນຍົງທີ 18.
ວຽກງານແກ້ໄຂບັນຫາ ລບຕ ເປັນບຸລິມະສິດ ຂອງລັດຖະບານ ສປປ ລາວ ແລະ ໄດ້ກຳນົດເຂົ້າໃນວາລະແຫ່ງຊາດຕະຫຼອດມາ. ໃນປີ 2024 ໄດ້ສ້າງຫ້ອງການ ຄຊກລ ຂຶ້ນມາເພື່ອຄຸ້ມຄອງວຽກງານແກ້ໄຂບັນຫາ ລບຕ ໃນ ສປປ ລາວ,ຜ່ານມາແມ່ນຂຶ້ນກັບກະຊວງ ແຮງງານ ແລະ ສະຫວັດດີການສັງຄົມ(ຮສສ),ຫ້ອງວ່າການສຳນັກງານນາຍົກ ແລະ ໃນວັນທີ 1 ກັນຍາ 2023 ໄດ້ມອບໂອນວຽກຂອງຄະນະກຳມະການຄຸ້ມຄອງແຫ່ງຊາດ ເພື່ອແກ້ໄຂບັນຫາ ລບຕ ຈາກກະຊວງ ຮສສ ມາຂຶ້ນກັບ ກະຊວງການຕ່າງປະເທດ ແລະ ກະຊວງການຕ່າງປະເທດ ຈະສືບຕໍ່ພາລະກິດອັນສຳຄັນນີ້ຮ່ວມກັບ ອົງການ UNDP ແລະ ບັນດາປະເທດໃຫ້ທຶນແກ່ໂຄງການຄື: ປະເທດການາດາ, ອຽກລັງ, ລຸກຊຳບວກ, ສ ເກົາຫຼີ ແລະ ນິວຊີແລນ ໃນການສານຕໍ່ໃຫ້ບັນລຸເປົ້າໝາຍການພັດທະນາແບບຍືນຍົງທີ 18 ຕາມທີ່ວາງໄວ້.
ກອງປະຊຸມຍັງໄດ້ມີການຄົ້ນຄວ້າ ແລະ ປະກອບຄຳຄິດເຫັນ ໃສ່ຜົນສຳເລັດການຈັດຕັ້ງປະຕິບັດວຽກງານ ລບຕ ປະຈຳປີ 2023 ແລະ ທິດທາງແຜນການປີ 2024 ຂອງ
ຫ້ອງການ ຄຊກລ, ຄກລ ແລະ ກອງກວດກູ້ ເພື່ອມະນຸດສະທຳກອງທັບ (ກອງ 58), ສະເໜີພາບລວມຂອງໂຄງການ ແລະ ທົບທວນງົບປະມານ ແລະ ການຮັບປະກັນຄຸນນະພາບ ແລະ ໄດ້ມີການລົງນາມເອກະສານໂຄງການສະບັບປັບປຸງຕື່ມອີກ.
(ຂ່າວ-ພາບ:ຕຸໄລເພັດ)
ທ່ານ ໂພໄຊ ໄຂຄຳພິທູນ ກ່າວວ່າ: ໃນໄລຍະຜ່ານມາ ດ້ວຍຄວາມເອົາໃຈໃສ່ ແລະ ເປັນຫວ່ງເປັນໃຍ ຂອງລັດຖະບານ ສປປ ລາວ ຄະນະກຳມະການຄຸ້ມຄອງແຫ່ງຊາດ ເພື່ອແກ້ໄຂບັນຫາລະເບີດບໍ່ທັນແຕກທີ່ຕົກຄ້າງ ຢູ່ ສປປ ລາວ ໄດ້ຕິດຕາມຊຸກຍູ້ຈັດຕັ້ງປະຕິບັດແຜນການປະຈຳປີໃຫ້ມີຜົນສຳເລັດ ແລະ ມີປະສິດທິພາບ ໂດຍໃຫ້ສອດຄ່ອງກັບແຜນພັດທະນາ ເສດຖະກິດ-ສັງຄົມ ແຫ່ງຊາດ ຄັ້ງທີ 9. ໃນນີ້ ລັດຖະບານ ສປປ ລາວ ໄດ້ມີການທົບທວນການຈັດຕັ້ງແຜນພັດທະນາເສດຖະກິດ-ສັງຄົມ ແຫ່ງຊາດ ຄັ້ງທີ 9 ກາງ ສະໄໝ ໃນນັ້ນ ວຽກງານແກ້ໄຂບັນຫາ ລບຕ ໄດ້ຖືເປັນບັນຫາສຳຄັນໃນການປະກອບສ່ວນຕໍ່ການພັດທະນາເສດຖະກິດ-ສັງຄົມ ແລະ ການຫຼຸດຜ່ອນຄວາມທຸກຍາກຂອງປະຊາຊົນບັນດາເຜົ່າໃນຂອບເຂດທົ່ວປະເທດ ຊຶ່ງໃນປັດຈຸບັນ ລັດຖະບານ ແຫ່ງ ສປປ ລາວ ກຳລັງສຸມໃສ່ການຈັດຕັ້ງປະຕິບັດແຜນ ພັດທະນາ ເສດຖະກິດ-ສັງຄົມ ຄັ້ງທີ 9 ທ້າຍສະໄໝ ໂດຍສະເພາະແຜນຍຸດທະສາດແຫ່ງຊາດ ເພື່ອແກ້ໄຂບັນຫາ ລບຕ ເສັ້ນທາງສູ່ຄວາມປອດໄພ III ແລະ ເປົ້າໝາຍການພັດທະນາແບບຍືນຍົງທີ 18.
ວຽກງານແກ້ໄຂບັນຫາ ລບຕ ເປັນບຸລິມະສິດ ຂອງລັດຖະບານ ສປປ ລາວ ແລະ ໄດ້ກຳນົດເຂົ້າໃນວາລະແຫ່ງຊາດຕະຫຼອດມາ. ໃນປີ 2024 ໄດ້ສ້າງຫ້ອງການ ຄຊກລ ຂຶ້ນມາເພື່ອຄຸ້ມຄອງວຽກງານແກ້ໄຂບັນຫາ ລບຕ ໃນ ສປປ ລາວ,ຜ່ານມາແມ່ນຂຶ້ນກັບກະຊວງ ແຮງງານ ແລະ ສະຫວັດດີການສັງຄົມ(ຮສສ),ຫ້ອງວ່າການສຳນັກງານນາຍົກ ແລະ ໃນວັນທີ 1 ກັນຍາ 2023 ໄດ້ມອບໂອນວຽກຂອງຄະນະກຳມະການຄຸ້ມຄອງແຫ່ງຊາດ ເພື່ອແກ້ໄຂບັນຫາ ລບຕ ຈາກກະຊວງ ຮສສ ມາຂຶ້ນກັບ ກະຊວງການຕ່າງປະເທດ ແລະ ກະຊວງການຕ່າງປະເທດ ຈະສືບຕໍ່ພາລະກິດອັນສຳຄັນນີ້ຮ່ວມກັບ ອົງການ UNDP ແລະ ບັນດາປະເທດໃຫ້ທຶນແກ່ໂຄງການຄື: ປະເທດການາດາ, ອຽກລັງ, ລຸກຊຳບວກ, ສ ເກົາຫຼີ ແລະ ນິວຊີແລນ ໃນການສານຕໍ່ໃຫ້ບັນລຸເປົ້າໝາຍການພັດທະນາແບບຍືນຍົງທີ 18 ຕາມທີ່ວາງໄວ້.
ກອງປະຊຸມຍັງໄດ້ມີການຄົ້ນຄວ້າ ແລະ ປະກອບຄຳຄິດເຫັນ ໃສ່ຜົນສຳເລັດການຈັດຕັ້ງປະຕິບັດວຽກງານ ລບຕ ປະຈຳປີ 2023 ແລະ ທິດທາງແຜນການປີ 2024 ຂອງ
ຫ້ອງການ ຄຊກລ, ຄກລ ແລະ ກອງກວດກູ້ ເພື່ອມະນຸດສະທຳກອງທັບ (ກອງ 58), ສະເໜີພາບລວມຂອງໂຄງການ ແລະ ທົບທວນງົບປະມານ ແລະ ການຮັບປະກັນຄຸນນະພາບ ແລະ ໄດ້ມີການລົງນາມເອກະສານໂຄງການສະບັບປັບປຸງຕື່ມອີກ.
(ຂ່າວ-ພາບ:ຕຸໄລເພັດ)
ຄໍາເຫັນ