ກອງປະຊຸມຄົບຄະນະບໍລິຫານງານສູນກາງພັກ

ກອງປະຊຸມຄົບຄະນະບໍລິຫານງານສູນກາງພັກຄັ້ງທີ 9 ສະໄໝທີ XI

ກອງປະຊຸມຄົບຄະນະບໍລິຫານງານສູນກາງພັກຄັ້ງທີ 9 ສະໄໝທີ XI
ກອງປະຊຸມຄົບຄະນະ ຂອງຄະນະບໍລິຫານງານສູນກາງພັກ ຄັ້ງທີ 9 ສະໄໝທີ XI ໄດ້ເປີດຂຶ້ນຢ່າງເປັນທາງການ ໃນວັນທີ 28 ຕຸລາ ນີ້ ທີ່ຫ້ອງວ່າການສູນກາງພັກ.



ໂດຍພາຍໃຕ້ການເປັນປະທານກ່າວເປີດກອງປະຊຸມ, ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ ປະທານປະເທດ ໄດ້ມີຄຳເຫັນວ່າ: ກອງປະຊຸມຄັ້ງນີ້ ເປີດຂຶ້ນໃນຈຸດເວລາທີ່ສະພາບແວດລ້ອມສາກົນ ແລະ ພາກພື້ນຍັງສືບຕໍ່ມີຄວາມບໍ່ແນ່ນອນ,ບັນຫາເສດຖະກິດຖົດຖອຍ, ໄພທໍາມະຊາດ, ການແຂ່ງຂັນດ້ານພູມີລັດຖະສາດ, ສະພາບຄວາມເຄັ່ງຮ້ອນ-ເຄັ່ງຕຶງ ດ້ານການເມືອງ, ການປະທະກັນດ້ານກໍາລັງເກີດຂຶ້ນຢູ່ຫຼາຍພາກພື້ນຂອງໂລກ, ບັນດາຈຸດຮ້ອນຍັງບໍ່ທັນໄດ້ຮັບການແກ້ໄຂ ແລະ ສືບຕໍ່ເປັນສິ່ງທ້າທາຍ, ກະທົບຕໍ່ສັນຕິພາບ, ສະຖຽນລະພາບ ແລະ ຄວາມໝັ້ນຄົງຂອງໂລກ. ຢູ່ພາຍໃນເຮົາໃນປີ 2024 ນີ້, ເຖິງວ່າພວກເຮົາມີຄວາມພະຍາຍາມໃນການນໍາພາຊີ້ນໍາ ແລະ ການບໍລິຫານ-ຄຸ້ມຄອງຂອງພັກ-ລັດເຮົາ ເລັ່ງໃສ່ແກ້ໄຂບັນຫາຄວາມຫຍຸ້ງຍາກດ້ານເສດຖະກິດ-ການເງິນທີ່ປະເຊີນມາຫຼາຍປີນັ້ນ ດ້ວຍຫຼາຍມາດຕະການກໍຕາມ, ແຕ່ກໍຕ້ອງຍອມຮັບນໍາກັນວ່າ ຍັງເຕັມໄປດ້ວຍຄວາມສ່ຽງ ແລະ ສິ່ງທ້າທາຍ ບໍ່ນ້ອຍ ທີ່ຈະຕ້ອງໄດ້ແກ້ໄຂ, ບວກໃສ່ຜົນກະທົບຈາກໄພພິບັດທໍາມະຊາດທີ່ຮ້າຍແຮງ ຊຶ່ງໄດ້ສ້າງຄວາມເສຍຫາຍໃນຫຼາຍແຂວງຂອງປະເທດເຮົາຢ່າງໜັກໜ່ວງ ແລະ ກວ້າງຂວາງພໍສົມຄວນ,ແຕ່ດ້ວຍຄວາມຮັບຜິດຊອບການເມືອງ ທົ່ວພັກ-ທົ່ວລັດ ແລະ ດ້ວຍຄວາມສາມັກຄີເປັນຈິດໜຶ່ງໃຈດຽວຂອງທົ່ວປວງຊົນລາວທັງຊາດ, ພວກເຮົາສາມາດແກ້ໄຂບັນຫາຫຍຸ້ງຍາກດ້ານຕ່າງໆໄດ້, ທັງແກ້ໄຂບັນຫາຫຍຸ້ງຍາກທີ່ມີມາກ່ອນ, ທັງແກ້ໄຂຜົນກະທົບທີ່ມາຈາກຄວາມບັງເອີນ, ທັງເຮັດໜ້າທີ່ເປັນປະທານອາຊຽນ ມາແຕ່ວັນທີ 1 ມັງກອນ 2024 ເຖິງປັດຈຸບັນນີ້, ພວກເຮົາ ກໍສາມາດຮັບປະກັນຜົນສໍາເລັດຂອງການຈັດກອງປະຊຸມສຸດຍອດອາຊຽນ ແລະ ກອງປະຊຸມສຸດຍອດອື່ນໆ, ກອງປະຊຸມ AIPA ກໍສໍາເລັດຜົນ ເປັນຢ່າງດີ.
ສະຫາຍ ເລຂາທິການໃຫຍ່ ເນັ້ນ ຕື່ມວ່າ : ກອງປະຊຸມສູນກາງຄັ້ງທີ 9 ນີ້ ຈະໄດ້ໄຂຂຶ້ນ ແລະ ດໍາເນີນໄປໃນຈຸດເວລາ ທີ່ມີຄວາມໝາຍສະເພາະຕົວ ຂອງມັນ, ຍ້ອນວ່າ: ພວກເຮົາຕີລາຄາວຽກງານ ປີ 2024 ນີ້ ເປັນປີທີ່ພວກເຮົາໄດ້ເຮັດວຽກຫຼາຍທີ່ສຸດ ທັງວຽກພາຍໃນ ແລະ ວຽກຕ່າງປະເທດ, ເປັນປີທີ່ເລີ່ມກະກຽມໃສ່ກອງປະຊຸມໃຫຍ່ ຄັ້ງທີ XII ຂອງພັກ, ທັງເປັນປີມ້ວນທ້າຍ ຂອງສະໄໝທີ XI ຂອງພັກເຮົາ, ທັງເປັນປີທີ່ສ້າງທ່ວງທ່າໃຫ້ແກ່ປີມ້ວນທ້າຍ ຄືປີ 2025 ທີ່ຈະມາເຖິງ. ສ່ວນການປຶກສາຫາລືວຽກງານ ປີ 2025 ທີ່ເປັນປີມ້ວນທ້າຍນັ້ນ ຍິ່ງມີຄວາມສໍາຄັນເປັນພິເສດ ເພາະເປັນປີຕັດສິນຊີ້ຂາດ ຂອງການສ້າງຂະບວນການທົ່ວພັກ, ທົ່ວລັດ, ທົ່ວປວງຊົນ ເພື່ອກ້າວສູ່ກອງປະຊຸມໃຫຍ່ຄັ້ງທີ XII ຂອງພັກ.
ກອງປະຊຸມສູນກາງຄັ້ງນີ້, ໄດ້ບັນຈຸບັນດາຫົວຂໍ້ ແລະ ເນື້ອໃນສໍາຄັນ ຄື: ວາລະເປີດກວ້າງ ແລະ ວາລະພາຍໃນສູນກາງ.
1). ການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ, ແຜນງົບປະມານ,ແຜນເງິນຕາ ປະຈໍາປີ 2024 ແລະ ທິດທາງ ປີ 2025 ຕິດພັນກັບການປະຕິບັດ2 ວາລະແຫ່ງຊາດ;
2). ສະພາບ ແລະການຈັດຕັ້ງປະຕິບັດວຽກງານປ້ອງກັນຊາດ-ປ້ອງກັນຄວາມສະຫງົບ(ວຽກງານຄວາມໝັ້ນຄົງ) ປະຈໍາປີ 2024 ແລະ ທິດທາງ ປີ 2025;
3). ການດໍາເນີນກອງປະຊຸມໃຫຍ່ຂັ້ນຮາກຖານພັກອ້ອມຂ້າງເມືອງ-ນະຄອນ ແລະ ຮາກຖານບ້ານແລະ ກະກຽມດຳເນີນກອງປະຊຸມໃຫຍ່ອົງຄະນະພັກເມືອງ-ນະຄອນ ແລະ ຮາກຖານ ອ້ອມຂ້າງແຂວງ-ນະຄອນຫຼວງ ແລະ ຮາກຖານພັກອ້ອມຂ້າງກະຊວງ ແລະ ອົງການ.
4). ສ່ວນເອກະສານສໍາຄັນ ເພື່ອກະກຽມໃຫ້ແກ່ກອງປະຊຸມໃຫຍ່ຂອງພັກ ຄັ້ງທີ XII ໄດ້ແກ່:
(1). ໂຄງການການເມືອງ ຂອງພັກສະບັບທີ III;
(2). ລາຍງານການເມືອງ ຂອງກອງປະຊຸມໃຫຍ່ ຄັ້ງທີ XII;
(3). ແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ X;
(4). ການປັບປຸງກົດລະບຽບຂອງພັກ;
(5). ການປັບປຸງລັດຖະທໍາມະນູນ ປີ 2015 ບາງມາດຕາ ເພື່ອໃຫ້ສອດຄ່ອງກັບບັນດານະໂຍບາຍໃໝ່ ທີ່ໄດ້ຮັບຮອງໃນມະຕິ ຂອງຄະນະບໍລິຫານງານສູນກາງພັກທີ່ຜ່ານມາ.
5). ດຳເນີນຊີວິດການເມືອງ ປະຈໍາປີ2024ເພື່ອສຳຫຼວດກວດກາການນຳພາລວມຂອງໝູ່ຄະນະແລະຄວາມຮັບຜິດຊອບການເມືອງ ຂອງບັນດາສະຫາຍສູນກາງ.
ເນື້ອໃນຂອງກອງປະຊຸມຄັ້ງນີ້ແມ່ນມີຫຼາຍຫົວຂໍ້ ແລະລ້ວນແຕ່ເປັນບັນຫາສໍາຄັນ, ແຕ່ດ້ານເວລາພັດຈໍາກັດ, ຈຶ່ງສະເໜີໃຫ້ບັນດາສະຫາຍສູນກາງພວກເຮົາ ຕ້ອງໄດ້ສຸມໃສ່ຄົ້ນຄວ້າ, ໃຫ້ຄໍາເຫັນ, ໃຫ້ທິດຕໍ່ແຕ່ລະວຽກໃຫ້ເລິກເຊິ່ງ, ພາວະວິໄສ ແລະ ເຈາະຈົງໃສ່ບັນຫາທີ່ຕັ້ງຂຶ້ນ ແລະ ບັນດາສະຫາຍ ຄວນໃຊ້ເວລາທີ່ຈໍາກັດນີ້ ອອກຄໍາເຫັນໃຫ້ເລິກເຊິ່ງ ແລະ ຖືກຈຸດ.
ການລາຍງານ ຂອງພາກສ່ວນຕ່າງໆ ຕ້ອງໃຫ້ກະທັດຮັດ, ມີຈຸດສຸມ, ເນັ້ນຫຼັກການ, ຈຸດໃຫຍ່ໆ, ເນື້ອໃນທີ່ຈຳເປັນ, ບັນຫາທີ່ຕ້ອງການຂໍທິດຊີ້ນໍາຈາກສູນກາງ ເປັນຕົ້ນຕໍ, ສ່ວນບັນຫາລະອຽດ ແມ່ນໄດ້ບັນຈຸໃນເອກະສານແລ້ວນັ້ນ ກໍແນະນໍາໃຫ້ມີການເອົາໃຈໃສ່ເນັ້ນໜັກໃນການຄົ້ນຄວ້າໃຫ້ເຂົ້າໃຈຈຸດປະສົງ ຂອງເນື້ອໃນທີ່ໄດ້ຂຽນໄວ້.
ສະເໜີບັນດາສະຫາຍສູນກາງພວກເຮົາ ເພີ່ມທະວີຄວາມຮັບຜິດຊອບ,ສຸມສະຕິປັນຍາ ເຂົ້າໃນການເຮັດວຽກບ້ານ, ຄົ້ນຄວ້າ, ວິເຄາະ, ວິໄຈ ເພື່ອກະກຽມປະກອບຄໍາເຫັນ ແລະ ໃຫ້ທິດຊີ້ນໍາ ແຕ່ລະບັນຫາ ໃຫ້ເລິກເຊິ່ງ, ພາວະວິໄສ ແລະ ຖືກເປົ້າ, ສະເໜີວິທີການ, ມາດຕະການແກ້ໄຂບັນຫາ ໃຫ້ຖືກຕ້ອງ ເພື່ອງ່າຍໃຫ້ແກ່ການສະຫຼຸບສັງລວມ, ງ່າຍໃຫ້ແກ່ການປັບປຸງເອກະສານ ແລະ ຖືກກັບຈຸດທີ່ຢາກໄດ້, ຢາກແກ້ໄຂແທ້ໆ, ຕ້ອງຫຼີກລ່ຽງ ການລາຍງານຄືນວຽກຂອງຕົນ ແບບເລົ່າເລື່ອງ, ຍືດຍາວ, ເກີນເວລາ ທີ່ກໍານົດໄວ້ໃຫ້. ພວກເຮົາ ຕ້ອງຢືນຢູ່ບົນຈິດໃຈປະຕິວັດບຸກ, ມີແບບແຜນລາຍງານ, ປະກອບຄວາມເຫັນແບບວິທະຍາສາດ, ກ້າຄິດ, ກ້າສະເໜີບັນຫາ ເພື່ອເຮັດໃຫ້ທຸກບັນຫາທີ່ນຳມາຄົ້ນຄວ້າ, ປຶກສາຫາລືໃນກອງປະຊຸມຄັ້ງນີ້ ມີຄວາມຈະແຈ້ງ, ຊັດເຈນ ແລະ ມີຄວາມເປັນເອກະພາບກັນສູງ, ເມື່ອຮັບຮອງເອົາເປັນມະຕິແລ້ວ ກໍສາມາດຈັດຕັ້ງປະຕິບັດໄດ້ງ່າຍ, ໄດ້ດີ ແລະ ມີປະສິດທິຜົນສູງ. ສ່ວນເອກະສານສໍາຄັນ ທີ່ຈະນໍາເຂົ້າຜ່ານກອງປະຊຸມໃຫຍ່ຄັ້ງທີ XII ຂອງພັກ ຕ້ອງຄໍານຶງເຖິງທັດສະນະການເມືອງ, ມີລັກສະນະປະຕິວັດບຸກ, ແທດກັບຄວາມເປັນຈິງ ຂອງ ພັກ ແລະ ຂອງປະເທດເຮົາ ແລະ ໃຫ້ເປັນເອກະສານທີ່ມີຫຼັກທິດສະດີ, ວິທະຍາສາດ, ແທດຕົວຈິງ ກັບຄວາມສາມາດ ໃນການປະຕິບັດຂອງປະເທດຊາດເຮົາ.
ກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 9ສະໄໝທີ XIຈະໄດ້ດຳເນີນໄປຈົນຮອດວັນທີ 6 ພະຈິກ 2024.
ຂ່າວ:ຫສພ,ພາບ:ພູວຽງຄຳ

ຄໍາເຫັນ

ຂ່າວເດັ່ນ

ມອບ-ຮັບໜ້າທີ່ ລັດຖະມົນຕີ ກະຊວງໂຍທາທິການ ແລະ ຂົນສົ່ງ  ຜູ້ເກົ່າ-ຜູ້ໃໝ່

ມອບ-ຮັບໜ້າທີ່ ລັດຖະມົນຕີ ກະຊວງໂຍທາທິການ ແລະ ຂົນສົ່ງ ຜູ້ເກົ່າ-ຜູ້ໃໝ່

ພິທີມອບ-ຮັບໜ້າທີ່ ເລຂາຄະນະບໍລິຫານງານພັກ ລັດຖະມົນຕີກະຊວງໂຍທາທິການ ແລະ ຂົນສົ່ງລະຫວ່າງຜູ້ເກົ່າ ແລະ ຜູ້ໃໝ່ ໄດ້ຈັດຂຶ້ນໃນວັນທີ 8 ກໍລະກົດ ນີ້ ທີ່ຫ້ອງປະຊຸມໃຫຍ່ ກະຊວງໂຍທາທິການ ແລະ ຂົນສົ່ງ (ຍທຂ) ໂດຍການເປັນກຽດເຂົ້າຮ່ວມຂອງ ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ ນາຍົກລັດຖະມົນຕີແຫ່ງ ສປປ ລາວ, ມີສະຫາຍລັດຖະມົນຕີ, ຫົວໜ້າຫ້ອງວ່າການສໍານັກງານນາຍົກລັດຖະມົນຕີ, ຜູ້ຕາງໜ້າຄະນະຈັດຕັ້ງສູນກາງພັກ, ມີບັນດາສະຫາຍຄະນະປະຈຳພັກ, ກຳມະການພັກ, ຄະນະນໍາກະຊວງ, ຫ້ອງການ, ກົມ, ສະຖາບັນ, ກອງວິຊາການ, ລັດວິສາຫະກິດ, ພະນັກງານຫຼັກແຫຼ່ງ ແລະ ພາກສ່ວນກ່ຽວຂ້ອງເຂົ້າຮ່ວມ.
ປະດັບຫຼຽນກຽດຕິຄຸນ ອາທິດອຸໄທ (ຊັ້ນ 1) ໃຫ້ນາຍົກລັດຖະມົນຕີແຫ່ງ ສປປ ລາວ

ປະດັບຫຼຽນກຽດຕິຄຸນ ອາທິດອຸໄທ (ຊັ້ນ 1) ໃຫ້ນາຍົກລັດຖະມົນຕີແຫ່ງ ສປປ ລາວ

ທ່ານ ສອນໄຊ ສີພັນດອນ ນາຍົກລັດຖະມົນຕີແຫ່ງ ສປປ ລາວ ໄດ້ຮັບຫຼຽນກຽດຕິຄຸນ ອາທິດອຸໄທ (ຊັ້ນ 1), ເປັນກຽດປະດັບຫຼຽນ ໂດຍ ທ່ານ ໂຄອິຊຶມີ ຊິໂຕມຸ ເອກອັກຄະຣາຊະທູດຍີ່ປຸ່ນປະຈຳ ສປປ ລາວ, ຫຼຽນກຽດຕິຍົດອັນສູງສົ່ງ ຊຶ່ງປະທານໂດຍສົມເດັດພະເຈົ້າຈັກກະພັດແຫ່ງຍີ່ປຸ່ນ, ພິທີດັ່ງກ່າວໄດ້ຈັດຂຶ້ນໃນວັນທີ 3 ກໍລະກົດ ຜ່ານມານີ້ ທີ່ເຮືອນພັກເອກອັກຄະຣາຊະທູດຍີ່ປຸ່ນ ທີ່ນະຄອນຫຼວງວຽງຈັນ. ເຂົ້າຮ່ວມໃນພິທີມີ ທ່ານ ທອງສະຫວັນ ພົມວິຫານ ລັດຖະມົນຕີກະຊວງການຕ່າງປະເທດ, ບັນດາການນໍາຂັ້ນສູງ, ແຂກຖືກເຊີນ ພ້ອມດ້ວຍ ຄອບຄົວຂອງ ທ່ານ ສອນໄຊ ສີພັນດອນ.
ທ່ານນາຍົກລັດຖະມົນຕີ ພົບປະໂອ້ລົມ ພະນັກງານການນໍາຫຼັກແຫຼ່ງ ຂອງແຂວງອັດຕະປື

ທ່ານນາຍົກລັດຖະມົນຕີ ພົບປະໂອ້ລົມ ພະນັກງານການນໍາຫຼັກແຫຼ່ງ ຂອງແຂວງອັດຕະປື

ໃນຕອນເຊົ້າວັນທີ 2 ກໍລະກົດ ຜ່ານມາ ທີ່ຫ້ອງວ່າການແຂວງອັດຕະປື, ທ່ານ ສອນໄຊ ສີພັນດອນ ນາຍົກລັດຖະມົນຕີ ໄດ້ພົບປະໂອ້ລົມຕໍ່ພະນັກງານການນຳຫຼັກແຫຼ່ງ ແລະ ຕິດຕາມຊຸກຍູ້ການຈັດຕັ້ງປະຕິບັດວຽກງານຮອບດ້ານຂອງແຂວງ; ມີທ່ານຮອງລັດຖະມົນຕີ, ຮອງຫົວໜ້າຫ້ອງວ່າການສຳນັກງານນາຍົກລັດຖະມົນຕີ, ບັນດາຄະນະນຳຂອງແຂວງ ພ້ອມດ້ວຍສະມາຊິກພັກ-ພະນັກງານຫຼັກແຫຼ່ງ ແລະ ພາກສ່ວນກ່ຽວຂ້ອງຂອງແຂວງ ເຂົ້າຮ່ວມ.
ປະທານປະເທດ ຮັບສານຕາຕັ້ງ ຈາກ ທູດຕ່າງປະເທດ ແລະ ມອບສານຕາຕັ້ງໃຫ້ທູດລາວໄປປະຈຳຢູ່ຕ່າງປະເທດ

ປະທານປະເທດ ຮັບສານຕາຕັ້ງ ຈາກ ທູດຕ່າງປະເທດ ແລະ ມອບສານຕາຕັ້ງໃຫ້ທູດລາວໄປປະຈຳຢູ່ຕ່າງປະເທດ

ໃນວັນທີ 2 ກໍລະກົດ ນີ້ ທີ່ ທໍານຽບປະທານປະເທດ, ທ່ານ ທອງລຸນ ສີສຸລິດ ປະທານປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຍື່ນສານຕາຕັ້ງຂອງບັນດາທູດແຕ່ງຕັ້ງຕ່າງປະເທດ ຈໍານວນ 4 ທ່ານ ເພື່ອດໍາລົງຕໍາແໜ່ງເປັນ ເອກອັກຄະລັດຖະທູດວິສາມັນຜູ້ມີອໍານາດເຕັມ ປະຈໍາ ສປປ ລາວ ຊຶ່ງມີລາຍລະອຽດດັ່ງນີ້:
ນາຍົກລັດຖະມົນຕີ ພົບປະໂອ້ລົມ ການນໍາແຂວງເຊກອງ

ນາຍົກລັດຖະມົນຕີ ພົບປະໂອ້ລົມ ການນໍາແຂວງເຊກອງ

ໃນວັນທີ 1 ກໍລະກົດຜ່ານມາ, ທ່ານ ສອນໄຊ ສີພັນດອນ ນາຍົກລັດຖະມົນຕີ ໄດ້ພົບປະໂອ້ລົມພະນັກງານຫຼັກແຫຼ່ງແຂວງເຊກອງ ແລະ ຊຸກຍູ້ການກະກຽມດຳເນີນກອງປະຊຸມໃຫຍ່ຂອງອົງຄະນະພັກແຂວງ ຢູ່ທີ່ສະໂມສອນໃຫຍ່ຫ້ອງວ່າການແຂວງ.
6 ເດືອນຕົ້ນປີນີ້ ສາມາດສ້າງຄອບຄົວພົ້ນທຸກໄດ້ 31,232 ຄອບຄົວ ໃນທົ່ວປະເທດ

6 ເດືອນຕົ້ນປີນີ້ ສາມາດສ້າງຄອບຄົວພົ້ນທຸກໄດ້ 31,232 ຄອບຄົວ ໃນທົ່ວປະເທດ

6 ເດືອນຕົ້ນປີ 2025 ຜ່ານມາ ລັດຖະບານ ໄດ້ເອົາໃຈໃສ່ແກ້ໄຂສະພາບຂາດແຄນແຮງງານ ໂດຍສາມາດພັດທະນາສີມືແຮງງານເພື່ອນໍາເຂົ້າສູ່ຕຳແໜ່ງງານ, ຈັດຫາວຽກເຮັດງານທໍາຢູ່ພາຍໃນ ແລະ ຕ່າງປະເທດ ໄດ້ລື່ນແຜນການປີ 80.15%. ໃນນັ້ນ, ຍັງສາມາດສ້າງຄອບຄົວພົ້ນທຸກໄດ້ 31,232 ຄອບຄົວ ກວມ 89.23% ໃນທົ່ວປະເທດ.
ກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ ຊຸດທີ IX ປິດ​ລົງ​ດ້ວຍສໍາເລັດຜົນຢ່າງຈົບງາມ

ກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ ຊຸດທີ IX ປິດ​ລົງ​ດ້ວຍສໍາເລັດຜົນຢ່າງຈົບງາມ

ກອງປະຊຸມສະໄໝສາມັນ ເທື່ອທີ 9 ຂອງສະພາແຫ່ງຊາດ (ສພຊ) ຊຸດທີ IX ໄດ້​ປິດ​ລົງ​ດ້ວຍຜົນສຳເລັດຢ່າງຈົບງາມ ໃນ​ວັນ​ທີ 26 ມິ​ຖຸ​ນາ​ນີ້, ທີ່ ສະພາແຫ່ງຊາດ ໂດຍການເປັນປະທານ ຂອງທ່ານ ໄຊສົມພອນ ພົມວິຫານ ປະທານສະພາແຫ່ງຊາດ, ໃຫ້ກຽດເຂົ້າຮ່ວມຂອງທ່ານ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກ ປະທານປະເທດແຫ່ງ ສປປ ລາວ, ທ່ານ ສອນໄຊ ສີພັນດອນ ນາຍົກລັດຖະມົນຕີ, ມີບັນດາການນໍາຂັ້ນສູງ, ອະດີດການນໍາຂັ້ນສູງຂອງພັກ-ລັດ, ບັນດາສະມາຊິກສະພາແຫ່ງຊາດ ເຂົ້າຮ່ວມ.
ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ

ພີ່ນ້ອງຮ່ວມຊາດ ທີ່ຮັກແພງ ທັງຫຼາຍ, ເນື່ອງໃນໂອກາດ ວັນສາກົນຕ້ານຢາເສບຕິດ ຄົບຮອບ 38 ປີ (26 ມິຖຸນາ 1987 - 26 ມິຖຸນາ 2025) ນີີ້, ໃນນາມຕາງໜ້າໃຫ້ພັກ ແລະ ລັດຖະບານ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ໃນນາມສ່ວນຕົວ, ຂ້າພະເຈົ້າ ຂໍນໍາເອົາຄວາມຢ້ຽມຢາມຖາມຂ່າວອັນອົບອຸ່ນ, ຄວາມສາມັກຄີຮັກແພງອັນສະໜິດສະໜົມ ມາຍັງປະຊາຊົນ, ເພື່ອນມິດສະຫາຍ, ນາຍ ແລະ ພົນທະຫານ, ນາຍ ແລະ ພົນຕໍາຫຼວດ ແລະ ພະນັກງານລັດ-ຖະກອນ ໃນຂອບເຂດທົ່ວປະເທດ, ຖືໂອກາດນີີ້ ເປັນການຢືນຢັນຄືນເຖິງມານະຈິດທາງການເມືອງ ແລະ ຄວາມໝາຍໝັ້ນອັນແຮງກ້າ ຂອງວົງຄະນາຍາດສາກົນ ການຮ່ວມມືກັນໃນຂະບວນການຕ້ານຢາເສບຕິດແລ້ວ ຍັງເປັນໂອກາດອັນດີ ທີ່ພວກເຮົາຈະໄດ້ພ້ອມກັນທົບທວນ ແລະ ສັງເກດຕີລາຄາຄືນກ່ຽວກັບຜົນສໍາເລັດ ແລະ ບັນຫາຂໍ້ຄົງຄ້າງ ໂດຍສະເພາະໃນການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ (2021-2025) ໃນ 1 ປີ ຜ່ານມາ.
ຜົນກອງປະຊຸມສະໄໝສາມັນຂອງລັດຖະບານ ປະຈຳເດືອນມິຖຸນາ 2025

ຜົນກອງປະຊຸມສະໄໝສາມັນຂອງລັດຖະບານ ປະຈຳເດືອນມິຖຸນາ 2025

ກອງປະຊຸມສະໄໝສາມັນຂອງລັດຖະບານປະຈຳເດືອນມິຖຸນາໄດ້ປິດລົງໃນຕອນແລງວັນທີ 25 ມິຖຸນານີ້ ພາຍຫຼັງດຳເນີນມາເປັນເວລາສອງວັນ ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ ສີພັນດອນ ນາຍົກລັດຖະມົນຕີ; ມີບັນດາທ່ານ ຮອງນາຍົກລັດຖະມົນຕີ, ສະມາຊິກລັດຖະບານ ແລະ ຜູ້ຕາງໜ້າກະຊວງ-ອົງການ ເຂົ້າຮ່ວມ.
ນາຍົກລັດຖະມົນຕີ ເຄື່ອນໄຫວຢ້ຽມຢາມ ແລະ ຊຸກຍູ້ວຽກງານຢູ່ແຂວງບໍລິຄຳໄຊ

ນາຍົກລັດຖະມົນຕີ ເຄື່ອນໄຫວຢ້ຽມຢາມ ແລະ ຊຸກຍູ້ວຽກງານຢູ່ແຂວງບໍລິຄຳໄຊ

ໃນຕອນເຊົ້າວັນທີ 20 ມິຖຸນານີ້, ທ່ານ ສອນໄຊ ສີພັນດອນ ນາຍົກລັດຖະມົນຕີ ພ້ອມດ້ວຍຄະນະ ໄດ້ມາຢ້ຽມຢາມ ແລະ ຊຸກຍູ້ວຽກງານຢູ່ແຂວງບໍລິຄຳໄຊ, ໃຫ້ການຕ້ອນຮັບໂດຍທ່ານ ສອນທະນູ ທຳມະວົງ ເຈົ້າແຂວງບໍລິຄຳໄຊ ພ້ອມດ້ວຍຄະນະນຳຂອງແຂວງ.
ເພີ່ມເຕີມ