ກອງປະຊຸມລັດຖະບານຫວຽດນາມ ປະຈຳເດືອນພຶດສະພາ

11:53 05/06/2025

ວິທະຍຸກະຈາຍສຽງຫວຽດນາມລາຍງານວ່າ: ເມື່ອບໍ່ດົນມານີ້ ຢູ່ນະຄອນຫຼວງຮ່າໂນ້ຍ, ທ່ານ ຟ້າມມິງຈິງ ນາຍົກລັດຖະມົນຕີຫວຽດນາມ ໄດ້ເປັນປະທານກອງປະຊຸມລັດຖະບານ ປະຈຳເດືອນພຶດສະພາ.

ຂ່າວລະບຸວ່າ: ໃນກອງປະຊຸມ, ທ່ານ ຟ້າມມິງຈິງ ໄດ້ລາຍງານໂດຍສັງເຂບສະພາບການເດືອນ ພຶດສະພາ ແລະ ສະພາບການໂລກທີ່ສືບຕໍ່ມີການຜັນແປຢ່າງສັບສົນ, ຍາກທີ່ຈະຄາດຄະເນໄດ້. ນະໂຍບາຍພາສີໂຕ້ຕອບຂອງ ສະຫະລັດ ອາເມຣິກາ, ການປະທະກັນ, ບັນຫາຄວາມໝັ້ນຄົງແບບໃໝ່ທີ່ນັບມື້ນັບຍາກທີ່ຈະຄາດຄະເນໄດ້. ຢູ່ພາຍໃນປະເທດ, ລັດຖະບານ, ນາຍົກລັດຖະມົນຕີ ໄດ້ຍູ້ແຮງການສັບຊ້ອນກົງຈັກຕາມມະຕິເລກທີ 18 ຂອງສູນກາງ; ເດັດດ່ຽວຜັນຂະຫຍາຍບັນດາມະຕິຂອງກົມການເມືອງ, ກະກຽມ ແລະ ຍືນສະເໜີຕໍ່ສະພາແຫ່ງຊາດ 44 ຮ່າງກົດໝາຍ, ມະຕິກອງປະຊຸມສະໄໝສາມັນເທື່ອທີ 9 ສະພາແຫ່ງຊາດ ຫວຽດນາມ ຊຸດທີ 15.

ເມື່ອກ່າວຄຳເຫັນສະຫຼຸບກອງປະຊຸມ, ທ່ານ ຟ້າມມິງຈິງ ຕີລາຄາວ່າ: ສະພາບການເສດຖະກິດ, ສັງຄົມສືບຕໍ່ມີທ່າອ່ຽງທີ່ຕັ້ງໜ້າ, ເດືອນນີ້ດີກວ່າເດືອນກ່ອນ, ໂດຍລວມແມ່ນ 5 ເດືອນປີ 2025 ດີກວ່າໄລຍະດຽວກັນຂອງປີ 2024 ໃນເກືອບທຸກຂົງເຂດ. ໃນໄລຍະຈະມາເຖິງ, ທ່ານນາຍົກລັດຖະມົນຕີ ສະເໜີໃຫ້ບັນດາກະຊວງ, ຂະແໜງການ ສຸມໃສ່ 11 ກຸ່ມໜ້າທີ່ຈຸດສຸມ, ໃນນັ້ນ ແກ້ໄຂຄວາມຫຍຸ້ງຍາກກ່ຽວກັບລະບອບລະບຽບການ: ບົນເນື້ອໃນຈິດໃຈ ຕ້ອງແກ້ໄຂຄວາມຫຍຸ້ງຍາກ, ຍາກແນວໃດກໍຕ້ອງເຮັດ. ຫັນຈຸດອຸດຕັນກາຍເປັນທ່າໄດ້ປຽບແກ້ງແຍ້ງ. ບໍ່ມີທ່າໄດ້ປຽບແກ້ງແຍ້ງໃດເທົ່າກັບທ່າໄດ້ປຽບແກ້ງແຍ້ງກ່ຽວກັບລະບອບລະບຽບການ. ເດັດດ່ຽວແກ້ໄຂ, ສິ່ງໃດຍັງຄົງຄ້າງຕ້ອງປະສານສົມທົບກັບສະພາແຫ່ງຊາດເພື່ອແກ້ໄຂ ບັນຫານີ້ແມ່ນເຮັດເພື່ອປະຊາຊົນ ແລະ ເພື່ອປະເທດຊາດ.

ທ່ານນາຍົກລັດຖະມົນຕີ ຫວຽດນາມ ຍັງເນັ້ນໜັກວ່າ: ໃນເດືອນກໍລະກົດ, ຮັກສາເສດຖະກິດມະຫາພາກຂອງ ຫວຽດນາມ ເປັນປົກກະຕິ, ໄພເງິນເຟີ້ໄດ້ຮັບການຄວບຄຸມ, ບັນດາຄວາມດຸ່ນດ່ຽງໃຫຍ່ໄດ້ຮັບປະກັນ ແລະ ດຸນການຄ້າຢູ່ລະດັບສູງ; ລັດຖະບານໄດ້ປະກາດໂທລະເລກກ່ຽວກັບບັນດາມາດຕະການແກ້ໄຂ ຮັບປະກັບການສະໜອງໄຟຟ້າໃນຊຸມເດືອນຈຸດສຸມປີ 2025 ແລະ ໃນໄລຍະຈະມາເຖິງ. ບັນດາອົງການທີ່ມີຊື່ສຽງສາກົນ, ບັນດາປະເທດ, ຄູ່ຮ່ວມມືໄດ້ຕີລາຄາສູງໝາກຜົນການພັດທະນາເສດຖະກິດ, ສັງຄົມຂອງ ຫວຽດນາມ.

ຄໍາເຫັນ

ຂ່າວຕ່າງປະເທດ

ທະນາຄານກາງເອີຣົບອະນຸມັດບຸນກາລີ ເປັນສະມາຊິກເຂດທີ່ໃຊ້ເງິນເອີໂຣ

06/06/2025 11:59

ຂ່າວສານຊີອາໄອລາຍງານຫວ່າງມໍ່ໆມານີ້ວ່າ: ທະນາຄານກາງເອີຣົບ ໄດ້ອະນຸມັດຄຳຮ້ອງຂໍຂອງບຸນກາລີ ໃນການນຳໃຊ້ເງິນເອີໂຣ, ບຸນກາລີ ຈຶ່ງກາຍເປັນປະເທດສະມາຊິກທີ 21 ໃນເຂດທີ່ໃຊ້ເງິນເອີໂຣ.

OECD ໃຫ້ຄຳໝັ້ນສັນຍາເພີ່ມທະວີການຮ່ວມມືກັບ ສປຊ ແລະ ບັນດາອົງການອື່ນໆ

06/06/2025 11:57

ວິທະຍຸກະຈາຍສຽງຫວຽດນາມລາຍງານຫວ່າງມໍ່ໆມານີ້ວ່າ: ກອງປະຊຸມສະພາລັດຖະມົນຕີອົງການຮ່ວມມື ແລະ ພັດທະນາເສດຖະກິດ (OECD - MCM) ປີ 2025 ໄດ້ປິດລົງໃນວັນທີ 4 ມິຖຸນາ ຜ່ານມາ ພາຍຫຼັງການຈັດກອງປະຊຸມກຸ່ມຢູ່ນະຄອນຫຼວງປາຣີ ຝຣັ່ງ ເປັນເວລາ 2 ວັນ.

5 ພາກສ່ວນຂອງຈີນ ຮ່ວມມືກັນດຳເນີນກິດຈະກຳສົ່ງເສີມລົດພະລັງງານໃໝ່

06/06/2025 11:56

ກະຊວງອຸດສາຫະກຳ ແລະ ເຕັກໂນໂລຊີຂໍ້ມູນຂ່າວສານ, ຄະນະກຳມະການການພັດທະນາ ແລະ ປະຕິຮູບແຫ່ງລັດຈີນ, ກະຊວງກະສິກຳ ແລະ ຊົນນະບົດ, ກະຊວງການຄ້າຈີນ ແລະ ອົງການພະລັງງານແຫ່ງຊາດຈີນໄດ້ອອກແຈ້ງການ ໂດຍຈະຈັດຕັ້ງດຳເນີນກິດຈະກຳສົ່ງເສີມລົດພະລັງງານໃໝ່ລົງສູ່ຊົນນະບົດໃນປີ 2025.

ການປັບປຸງລະບຽບກົດໝາຍໃຫ້ສົມບູນແບບ ຕ້ອງເປີດເສັ້ນທາງໃຫ້ແກ່ຂໍ້ລິເລີ່ມການພັດທະນາ

06/06/2025 11:54

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 5 ມິຖຸນາ ຜ່ານມາ ຢູ່ນະຄອນຫຼວງຮ່າໂນ້ຍ, ຄະນະຊີ້ນຳສູນກາງກ່ຽວກັບການປັບປຸງລະບອບລະບຽບກາກົດໝາຍໃຫ້ສົມບູນແບບ (ຄະນະຊີ້ນຳ) ໄດ້ຈັດກອງປະຊຸມເພື່ອພິຈາລະນາ, ປະກອບຄຳເຫັນກ່ຽວກັບ: ຮ່າງກົດໝາຍຂໍ້ກຳນົດການເຮັດວຽກຂອງຄະນະຊີ້ນຳ; ຮ່າງບົດລາຍງານມອບໝາຍໜ້າທີ່ຂອງບັນດາສະມາຊິກຄະນະຊີ້ນຳ, ຮ່າງໂຄງການປະຕິບັດງານປີ 2025 ຂອງຄະນະຊີ້ນຳ, ບົດລາຍງານກ່ຽວກັບສະພາບການປະກອບຄຳເຫັນຂອງປະຊາຊົນກ່ຽວກັບການປັບປຸງ, ເພີ່ມເຕີມລັດຖະທຳມະນູນ 2013, ບົດລາຍງານກ່ຽວກັບສະພາບການ, ໝາກຜົນຂອງການປັບປຸງກົດໝາຍປະຕິບັດການແບ່ງຂັ້ນ, ແບ່ງອຳນາດ, ແບ່ງສິດອຳນາດໃຫ້ສົມບູນແບບ.

ກອງປະຊຸມມະຫາສະໝຸດ ສປຊ ຄັ້ງທີ 3 ຈະຈັດຂຶ້ນທີ່ນະຄອນ Nice ປະເທດຝຣັ່ງ

05/06/2025 11:57

ວິທະຍຸກະຈາຍສຽງຫວຽດນາມ ລາຍງານຫວ່າງມໍ່ໆມານີ້ວ່າ: ກອງປະຊຸມມະຫາສະໝຸດ ສປຊ ຄັ້ງທີ 3 (UNOC3) ຈະຈັດຂຶ້ນໃນລະຫວ່າງວັນທີ 9 – 13 ມິຖຸນາ ນີ້ ຢູ່ນະຄອນ Nice ພາກໃຕ້ປະເທດຝຣັ່ງ. ເປົ້າໝາຍຂອງກອງປະຊຸມແມ່ນເພື່ອບັນລຸຄວາມເປັນເອກະພາບທົ່ວໂລກ ແລະ ລະດົມແຫຼ່ງເງິນຊ່ວຍເຫຼືອໃຫ້ແກ່ວຽກງານອະນຸລັກຮັກສາທະເລ, ໃນສະພາບການຫຼາຍປະເທດຍັງຄົງມີຄວາມບໍ່ລົງລອຍກັນກ່ຽວກັບການຂຸດຄົ້ນທະເລເລິກ, ຂີ້ເຫຍື້ອພຣາສຕິກ ແລະ ການຫາສິນທະເລເກີນຂອບເຂດ.

ຍີ່ປຸ່ນ ມີລາຍຮັບຈາກການເກັບພາສີຂາອອກນັກທ່ອງທ່ຽວບັນລຸ 48.1 ຕື້ເຢນ

05/06/2025 11:56

ຂ່າວຕ່າງປະເທດລາຍງານຫວ່າງບໍ່ດົນມານີ້; ສື່ມວນຊົນຍີ່ປຸ່ນອ້າງອີງຂໍ້ມູນຈາກກະຊວງການເງິນ ລາຍງານວ່າ: ຍີ່ປຸ່ນມີລາຍຮັບຈາກການເກັບພາສີຂາອອກຈາກນັກທ່ອງທ່ຽວ ບັນລຸເຖິງ 48.1 ຕື້ເຢນ ໃນງົບປະມານປີ 2024 ທ່າມກາງຈຳນວນນັກທ່ອງທ່ຽວຕ່າງປະເທດທີ່ເພີ່ມຂຶ້ນຢ່າງວ່ອງໄວ, ໂດຍມີປັດໄຈຈາກສະກຸນເງິນເຢນອ່ອນຄ່າລົງ.

ກອງປະຊຸມລັດຖະມົນຕີການເງິນ ແລະ ຜູ້ວ່າການທະນາຄານກາງປະເທດສະມາຊິກອົງການຮ່ວມມືຊຽງໄຮ້

05/06/2025 11:54

ຂ່າວສານຊີອາໄອລາຍງານ ໃນວັນທີ 5 ມິຖຸນາ ນີ້ວ່າ: ກອງປະຊຸມລັດຖະມົນຕີການເງິນ ແລະ ຜູ້ວ່າການທະນາຄານກາງປະເທດສະມາຊິກອົງການຮ່ວມມືຊຽງໄຮ້ ປະຈຳປີ 2025 ໄດ້ຈັດຂຶ້ນຢູ່ນະຄອນຫຼວງປັກກິ່ງຂອງຈີນ ໃນວັນທີ 3 ມິຖຸນາ ຜ່ານມານີ້, ບັນດາຜູ້ແທນທີ່ເຂົ້າຮ່ວມກອງປະຊຸມໄດ້ສະໜັບສະ ໜູນລົງເລິກການຮ່ວມມືດ້ານການເງິນ ແລະ ການທະນາຄານດ້ວຍການເຄື່ອນໄຫວຕົວຈິງ, ລວມທັງຊຸກຍູ້ການສ້າງຕັ້ງທະນາຄານພັດທະນາອົງການຮ່ວມມືຊຽງໄຮ້, ສ້າງຕັ້ງເຄືອຂ່າຍຄັງສະໝອງການເງິນ ແລະ ການທະນາຄານຂອງອົງການຮ່ວມມືຊຽງໄຮ້ ແລະ ອື່ນໆ.

ທ່ານປະທານ ສີຈິ້ນຜິງໃສ່ໃຈປູກຈິດສຳນຶກໃຫ້ລູກຫຼານ

03/06/2025 10:45

ຕະຫຼອດໄລຍະຜ່ານມາ, ທ່ານສີຈິ້ນຜິງປະທານປະເທດຈີນ ໄດ້ເອົາໃຈໃສ່ຕໍ່ສຸຂະພາບແລະການເຕີບໃຫຍ່ຂອງເດັກນ້ອຍເຍົາວະຊົນມາໂດຍຕະຫຼອດເພິ່ນໄດ້ປູກຈິດສຳນຶກຕ່າງໆທີ່ປຽບເໝືອນເມັດພັນນ້ອຍໆແຕກໜໍ່ຈໍ່ແໜງຢູ່ໃນຈິດໃຈຂອງເດັກນ້ອຍທັງຫຼາຍ.

ເຮັດໃຫ້ນັກຄົ້ນຄວ້າວິທະຍາສາດສຸມໃສ່ວຽກງານຄົ້ນຄວ້າຢ່າງເຕັມທີ່

02/06/2025 09:49

ວັນທີ 30 ພຶດສະພາ ແມ່ນວັນພະນັກງານວິທະຍາສາດເຕັກໂນໂລຊີແຫ່ງຊາດຈີນຄົບຮອບ 9 ປີ. ທ່ານ ສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນໄດ້ເອົາໃຈໃສ່ຕໍ່ພະນັກງານວິທະຍາສາດເຕັກໂນໂລຊີມາໂດຍຕະຫຼາດ, ຖືພວກເຂົາເປັນ “ກຳລັງຫຼັກແຫຼ່ງແຫ່ງການຊຸກຍູ້ຂະບວນການສ້າງຄວາມທັນສະໄໝແບບຈີນ” ແລະ ເປັນ “ຜູ້ແບກ ຫາບໜ້າທີ່ສຳຄັນຂອງການສ້າງສາປະເທດຊາດໃຫ້ເຂັ້ມແຂງດ້ວຍວິທະຍາສາດເຕັກໂນໂລຊີ”.

ລາຄານໍ້າມັນແອັດຊັງ ໃນຍີ່ປຸ່ນຫຼຸດລົງຕໍ່າສຸດໃນຮອບ 5 ປີ

30/05/2025 12:18

ຂ່າວຕ່າງປະເທດລາຍງານໃນວັນທີ 29 ພຶດສະພາ ຜ່ານມາວ່າ: ກະຊວງເສດຖະກິດ, ການຄ້າ ແລະ ອຸດສາຫະກຳຍີ່ປຸ່ນ ລາຍງານວ່າ: ລາຄາຂາຍຍ່ອຍນ້ຳມັນແອັດຊັງທຳມະດາໃນຍີ່ປຸ່ນໄດ້ຫຼຸດລົງຕ່ຳກວ່າ 180 ເຢນຕໍ່ລິດ ຊຶ່ງເປັນລະດັບຕ່ຳສຸດໃນຮອບ 5 ເດືອນ, ໄດ້ສະທ້ອນເຖິງຜົນດີຂອງໂຄງການອຸດໜູນລາຄານ້ຳມັນເຊື້ອໄຟຂອງລັດຖະບານ.

ເພີ່ມເຕີມ