 |
ໃນກອງປະຊຸມໄດ້ມີການຜ່ານບົດລາຍງານການເມືອງທັງສອງພາກ. ໃນໄລຍະ 5 ປີຜ່ານມາ ຄະນະກຳມະການແນວລາວສ້າງຊາດແຕ່ລະຂັ້ນ ໄດ້ເປັນຫຼັກແຫຼ່ງປະຕິບັດພາລະບົດບາດ ໃນການເຕົ້າໂຮມຄວາມສາມັກຄີປະຊາຊົນບັນດາເຜົ່າ, ບັນດາຊັ້ນຄົນ ແລະ ອົງການຈັດຕັ້ງສັງຄົມ, ປັດຈຸບັນມີວັດທັງໝົດ 113 ແຫ່ງ, ພະສົງ-ສາມະເນຣ 1,183 ອົງ, ມີຊາວ ຄຼິດສຕຽນ ທັງໝົດ 1,260 ຄົນ ຍິງ 614 ຄົນ, ມີ 4 ນິກາຍຄື: ຂາວປະເສີດ, ຄະນະວັນເສົາ, ນິກາຍກາໂຕລິກ ແລະ ນິກາຍພະຄິດ. ຜ່ານມາໄດ້ຈັດຕັ້ງງານບຸນປະເພນີ ຕາມຮີດ 12, ຄອງ 14 ໄດ້ເປັນຢ່າງດີ, ສາມາດສ້າງຄອບຄົວ ແລະ ບ້ານສາມັກຄີປອງດອງໄດ້ 103 ບ້ານ, ເທົ່າກັບ 89.56% ຂອງຈໍານວນບ້ານທັງໝົດ, ມີຄອບຄົວສາມັກຄີປອງດອງ 12,491 ຄອບຄົວ ກວມ 78% ຂອງຄອບຄົວທັງໝົດ. ຈາກນັ້ນ, ກໍໄດ້ຜ່ານບົດສຳຫຼວດ ແລະກ່າວລາໜ້າທີ່ ການນຳພາຊີ້ນຳລວມຂອງຄະນະແນວລາວສ້າງຊາດຊຸດທີ 4, ທັງໄດ້ເປັນເອກະສັນ ຮັບຮອງເອົາການແຕ່ງຕັ້ງຄະນະກຳມະການແນວລາວສ້າງຊາດ ນະຄອນ ຫຼວງພະບາງ ຊຸດທີ V ຈຳນວນ 58 ທ່ານ ຍິງ 7 ທ່ານ, ພະສົງ 3 ອົງ. ໃນນັ້ນ, ໄດ້ຮັບຮອງເອົາ ທ່ານ ຄໍາຜຸຍ ສີຫານາດ ເປັນປະທານແນວລາວສ້າງຊາດນະຄອນ ຫຼວງພະບາງ ຊຸດທີ V, ທ່ານ ຈອມ ຈິນດາ ແລະ ທ່ານ ອຸລາ ສີລິສັກ ເປັນຮອງປະທານ, ຮັບຮອງເອົາຄະນະປະຈຳແນວລາວສ້າງຊາດຈຳນວນ 5 ທ່ານ ຍິງ 2 ທ່ານ ແລະ ຮັບຮອງເອົາຄະນະກວດກາວຽກງານແນວລາວສ້າງຊາດ ຈຳນວນ 2 ທ່ານ ຍິງ 1 ທ່ານ, ຮັບຮອງເອົາຄະນະທີ່ປຶກສາແນວລາວສ້າງຊາດຈຳນວນ 4 ທ່ານ.
(ພາບ-ຂ່າວ: ທອງດາ ທີບພະວົງ)
ຄໍາເຫັນ