 |
ໃນພິທີ, ສະຫາຍ ພັອ ສະໝານ ດວງປັນຍາ ຄະນະພັກຫ້ອງວ່າການ ຫົວໜ້າຫ້ອງການເມືອງ ໄດ້ຜ່ານແຜນການເປີດບັ້ນດໍາເນີນຊີວິດການເມືອງ ໃນໂອກາດວັນສ້າງຕັ້ງກໍາລັງ ປກສ ຄົບຮອບ 65 ປີ ຈຸດປະສົງເພື່ອໃຫ້ນາຍ ແລະ ພົນຕໍາຫຼວດທົ່ວຫ້ອງວ່າການກະຊວງເຊື່ອມຊຶມ, ກຳແໜ້ນທາດແທ້ມູນເຊື້ອອັນສະຫງ່າງາມ, ຜົນ ງານໄຊຊະນະອັນໃຫຍ່ຫຼວງ ແລະ ການເຕີບໃຫຍ່ຂະຫຍາຍຕົວຂອງກໍາລັງ ປກສ ກໍຄື ກຳລັງຫ້ອງວ່າການ ຕະຫຼອດໄລຍະຜ່ານມາ, ພາຍໃຕ້ການນໍາພາເດັດຂາດໂດຍກົງ ແລະ ຮອບດ້ານຂອງກະຊວງ ປກສ ພ້ອມກັນປົກປັກຮັກສາ, ເສີມຂະຫຍາຍທາດແທ້ມູນເຊື້ອດັ່ງກ່າວ ໃຫ້ນັບມື້ຈະເລີນງອກງາມຂຶ້ນໄປເລື້ອຍໆ; ເພື່ອເປັນການສໍາຫຼວດກວດກາຄືນສະຕິຄວາມຮັບຜິດຊອບສູງ ໃນການປະຕິບັດໜ້າທີ່ການເມືອງ, ຝຶກຝົນຫຼ່ໍຫຼອມຄຸນສົມບັດສິນທຳປະຕິວັດ ແລະ ແບບແຜນວິທີເຮັດວຽກຂອງນາຍ ແລະ ພົນຕຳຫຼວດ ຢູ່ທົ່ວຫ້ອງວ່າການໃນໄລຍະ 1 ປີ ຜ່ານມາ.
 |
ເອກະສານທີ່ນຳມາເຜີຍແຜ່ໃນຄັ້ງນີ້ມີ: ເອກະສານເພີ່ມທະວີສຶກສາອົບຮົມການເມືອງ-ແນວຄິດ ໃນກຳລັງ ປກສ ແລະ ເອກະສານເສີມຂະຫຍາຍທາດແທ້-ມູນເຊື້ອປະຕິວັດອັນສະຫງ່າງາມ ຂອງກໍາລັງປ້ອງກັນຄວາມສະຫງົບປະຊາຊົນລາວ, ໃຫ້ກຽດເຜີຍແຜ່ໂດຍສະຫາຍ ພົຈວ ອານຸເດດ ຄູນຄຳ; ເອກະສານຈັນຍາບັນຂອງນາຍ ແລະ ພົນຕຳຫຼວດ; ເອກະສານຕ້ານ, ສະກັດກັ້ນ ແລະ ແກ້ໄຂປະກົດການຫຍໍ້ທໍ້ ໃນກໍາລັງ ປກສ, ເຜີຍແຜ່ໂດຍສະຫາຍ ພົຈວ ແສງທອງ ເກື້ອບຸນລໍ່າ.
ການດໍາເນີນຊີວິດການເມືອງໃນຄັ້ງນີ້, ເພື່ອເຮັດໃຫ້ນາຍ ແລະ ພົນຕຳຫຼວດທຸກສະຫາຍ ມີການຫັນປ່ຽນຢ່າງຈະແຈ້ງ, ຕັ້ງໜ້າຝຶກຝົນຫຼໍ່ຫຼອມຄຸນສົມບັດສິນທໍາປະຕິວັດ ເພື່ອເຮັດໃຫ້ຕົນເອງກາຍເປັນນາຍ ແລະ ພົນຕຳຫຼວດ ທີ່ມີຄຸນທາດການເມືອງໜັກແໜ້ນ, ມີຄວາມຮັບຜິດຊອບສູງໃນການປະຕິບັດໜ້າທີ່ຢ່າງມີຜົນສໍາເລັດ. ຂ່າວ: ສັນຕິສຸກ
ຄໍາເຫັນ