 |
ໃນກອງປະຊຸມ, ທ່ານ ຄໍາລາວັນ ຈັນທະລາວັນ ໄດ້ເຊື່ອມຊຶມ ເນື້ອໃນເອກກະສານທີ່ສໍາຄັນ ບາງຕອນ ຊຶ່ງໄດ້ຍົກໃຫ້ຮູ້ເຖິງບົດຮຽນຕົ້ນຕໍ ໃນໄລຍະຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ XI ຂອງພັກ ແມ່ນການຍົກສູງຄວາມເປັນແບບຢ່າງນໍາໜ້າ ໃນການນໍາພາ-ຊີ້ນໍາ ຢ່າງເຂັ້ມແຂງ ແລະ ທັນການ ຂອງຄະນະບໍລິຫານງານສູນກາງພັກ ແມ່ນປັດໄຈຕັດສິນການແກ້ໄຂບັນຫາ ທີ່ເກີດຂຶ້ນແຕ່ລະໄລຍະ, ເພີ່ມທະວີວຽກງານປ້ອງກັນຊາດ-ປ້ອງກັນຄວາມສະຫງົບ ທົ່ວປວງຊົນຮອບດ້ານ, ການນໍາພາພັດທະນາເສດຖະກິດ ແມ່ນໜ້າທີ່ໃຈກາງ ແລະ ຮີບດ່ວນຂອງພັກ, ພັດທະນາເສດຖະກິດ ຕ້ອງຕິດແໜ້ນກັບການພັດທະນາວັດທະນະທຳ, ຂຸດຄົ້ນກໍາລັງແຮງດ້ານວັດທະນະທໍາ ເຂົ້າໃນການພັດທະນາເສດຖະກິດ ແລະ ວຽກງານອື່ນໆ.
ໂຄງການການເມືອງ ສະບັບທີ 3 ໄດ້ວາງ 11 ແຜນນະໂຍບາຍໃຫຍ່ ຂອງການບູລະນະລະບອບປະຊາທິປະໄຕປະຊາຊົນ ກ້າວຂຶ້ນສູ່ສັງຄົມນິຍົມ ຄື: 1. ພັດທະນາເສດຖະກິດຕະຫຼາດ ຕາມທິດສັງຄົມນິຍົມ ໃຫ້ເປັນລະບົບ, ທັນສະໄໝ, 2. ຫັນເປັນອຸດສາຫະກຳ, ຫັນເປັນທັນສະໄໝ, ຫັນເປັນດີຈີຕອນ, 3. ການປົກປັກຮັກສາ ແລະ ຟື້ນຟູສິ່ງແວດລ້ອມ, ຮັບມືກັບການປ່ຽນແປງດິນຟ້າອາກາດ, 4. ພັດທະນາວັດທະນະທໍາ-ສັງຄົມ, ປະຕິບັດຢ່າງສະເໝີຕົ້ນສະເໝີປາຍ ແນວທາງປົກປັກຮັກສາ ແລະ ເສີມຂະຫຍາຍມູນເຊື້ອວັດທະນະທຳ ແລະ ຮີດຄອງປະເພນີອັນດີງາມຂອງຊາດ, 5. ພັດທະນາຄົນລາວຢ່າງຮອບດ້ານ, ຕອບສະໜອງໄດ້ຄວາມຮຽກຮ້ອງຕ້ອງການ ຂອງການພັດທະນາປະເທດຊາດ ໃນໄລຍະໃໝ່, 6. ສ້າງເຫງົ້າພະລັງປ້ອງກັນຊາດ-ປ້ອງກັນຄວາມສະຫງົບ ທົ່ວປວງຊົນຮອບດ້ານ ທີ່ມີຄວາມໜັກແໜ້ນ, ເຂັ້ມແຂງ ແລະ ມີແບບແຜນທັນສະໄໝ, 7. ຢຶດໝັ້ນແນວທາງການຕ່າງປະເທດຂອງພັກ, ສ້າງເງື່ອນໄຂອຳນວຍໃຫ້ແກ່ພາລະກິດປົກປັກຮັກສາ ແລະ ສ້າງສາປະເທດຊາດ, 8. ສ້າງພັກໃຫ້ປອດໃສ, ເຂັ້ມແຂງ, ໜັກແໜ້ນ ຮັບປະກັນການກຳອຳນາດ ຂອງພັກ ໃຫ້ມີຄວາມໝັ້ນຄົງ, 9. ສ້າງລັດປະຊາທິປະໄຕປະຊາຊົນ ທີ່ປົກຄອງດ້ວຍກົດໝາຍ, 10. ເສີມຂະຫຍາຍມະຫາສາມັກຄີທົ່ວປວງຊົນ, ປະຕິບັດແນວທາງມະຫາສາມັກຄີທົ່ວປວງ ຊົນຢ່າງໜັກແໜ້ນ, 11. ເສີມຂະຫຍາຍ ສິດເປັນເຈົ້າ ຂອງປະຊາຊົນຢ່າງບໍ່ຢຸດຢັ້ງ.
ຮອດປີ 2035 ແມ່ນສືບຕໍ່ດໍາເນີນການສ້າງ, ປັບປຸງ ແລະ ຍົກລະດັບ ບັນດາປະຖົມປັດໄຈຕົ້ນຕໍ ໃຫ້ແກ່ການບູລະນະລະບອບປະຊາທິປະໄຕປະຊາຊົນ ໃຫ້ໜັກແໜ້ນ, ຍົກສູງຄວາມເປັນເຈົ້າຕົນເອງ ສືບຕໍ່ສ້າງພື້ນຖານ ໃນການພັດທະນາ, ສູ້ຊົນເປັນປະເທດທີ່ມີລາຍຮັບປານກາງ ແລະ ຄ່ອຍໆຫຍັບເຂົ້າສູ່ການມີລາຍຮັບປານກາງສູງ ໃນລະດັບໜຶ່ງ, ລວມຍອດຜະລິດຕະພັນພາຍໃນ GDP ໄລຍະ ປີ 2031-2035 ໃຫ້ບັນລຸ 7% ຕໍ່ປີຂຶ້ນໄປ, ເກັບລາຍຮັບໃຫ້ບັນລຸ 23-24% ຂອງ GDP ໄລຍະ ປີ 2031-2035 ແລະ ໃນ 5 ປີຕໍ່ໜ້າ (2026-2030) ສືບຕໍ່ຮັບປະກັນສະຖຽນລະພາບດ້ານການເມືອງຢ່າງໜັກແໜ້ນ, ສັງຄົມມີຄວາມສະຫງົບ, ມີຄວາມສາມັກຄີເປັນປຶກແຜ່ນ ໃນທົ່ວປວງຊົນ, ເອກະລາດ, ອຳນາດອະທິປະໄຕ ໄດ້ຮັບການປົກປັກຮັກສາໄວ້ໄດ້ຢ່າງໝັ້ນຄົງ, ປະເທດຊາດຫຼຸດພົ້ນອອກຈາກສະຖານະພາບປະເທດດ້ອຍພັດທະນາ, ສູ້ຊົນໃຫ້ອັດຕາຄວາມທຸກຍາກຫຼຸດລົງຍັງເຫຼືອໜຶ່ງໂຕເລກ, ຍົກລະດັບການແກ້ໄຂບັນຫາຄວາມທຸກຍາກ ຂອງປະຊາຊົນ ເປັນວາລະແຫ່ງຊາດ, ສູ້ຊົນໃຫ້ອັດຕາການເຕີບໂຕ ຂອງລວມຍອດຜະລິດຕະພັນພາຍໃນ (GDP) ເພີ່ມຂຶ້ນສະເລ່ຍ 6% ຕໍ່ປີ ຂຶ້ນໄປ ແລະ ວຽກງານອື່ນ.
 |
ໃນພິທີຍັງໄດ້ປະກາດການຈັດຕັ້ງ ຂອງອົງການກາແດງແຫ່ງຊາດລາວ, ທ່ານຜູ້ຕາງໜ້າຄະນະຈັດຕັ້ງສູນກາງພັກ ຂຶ້ນຜ່ານ ດໍາລັດ ເລກທີ 34/ນຍ, ລົງວັນທີ 4/3/2026 ວ່າດ້ວຍການແຕ່ງຕັ້ງ ຮອງປະທານອົງການກາແດງແຫ່ງຊາດລາວ, ນາຍົກລັດຖະມົນຕີ ອອກດໍາລັດ ແຕ່ງຕັ້ງ ທ່ານ ຈັນທະລາ ສຸກສາຄອນ ເປັນຮອງ ປະທານອົງການກາແດງແຫ່ງຊາດລາວ, ດໍາລັດ ວ່າດ້ວຍ ການແຕ່ງຕັ້ງຫົວໜ້າ ຫ້ອງການຂົນຂວາຍແຫຼ່ງທຶນ ແລະ ຊ່ວຍເຫຼືອບັນເທົາທຸກ ອົງການກາແດງແຫ່ງຊາດລາວ ເລກທີ 35/ນຍ, ລົງວັນທີ 4 /3 /2026, ນາຍົກລັດຖະມົນຕີ ອອກດໍາລັດ ແຕ່ງຕັ້ງ ທ່ານນາງ ໄອ່ຄໍາ ສໍອິນໄຊ ເປັນຫົວໜ້າ ຫ້ອງການຂົນຂວາຍແຫຼ່ງທຶນ ແລະ ຊ່ວຍເຫຼືອບັນເທົາທຸກ ອົງການກາແດງແຫ່ງຊາດລາວ.
(ຂ່າວ: ແສງຈັນ)
ຄໍາເຫັນ