ເທດສະການວັດທະນະທຳການທ່ອງທ່ຽວພາຍໃຕ້ຫົວຂໍ້ການສະແດງງີ້ວພື້ນເມືອງທີ່ເມືອງຈິນເຊີງ ພາກເໜືອຂອງ ສປ ຈີນໄດ້ເລີ່ມຕົ້ນຢ່າງເປັນທາງການ

ເທດສະການວັດທະນະທຳການທ່ອງທ່ຽວພາຍໃຕ້ຫົວຂໍ້ການສະແດງງີ້ວພື້ນເມືອງທີ່ເມືອງຈິນເຊີງ ພາກເໜືອຂອງ ສປ ຈີນໄດ້ເລີ່ມຕົ້ນຢ່າງເປັນທາງການ

13:49 09/05/2026

ເມື່ອບໍ່ດົນມານີ້ທີ່ເມືອງຈິນເຊີງ ທາງພາກເໜືອຂອງຈີນໄດ້ຈັດເທດສະການທ່ອງທ່ຽວດ້ານວັດທະນະທຳຂຶ້ນ ຊຶ່ງດຳເນີນເປັນເວລາເກືອບໜຶ່ງເດືອນ. ໂດຍກຳນົດໄວ້ວ່າຈະຈັດການສະແດງລະຄອນງີ້ວພື້ນເມືອງທີ່ເປັນເອກະລັກຈົນຮອດທ້າຍເດືອນພຶດສະພາ.

ໃນບັນດາກິດຈະກຳຍ່ອຍຫຼາຍກິດຈະກໍາ, ລະຄອນງິ້ວຊາງດັງປາງຈື(ShangdangBangzi)ໄດ້ຮັບຄວາມສົນໃຈຫຼາຍທີ່ສຸດຈາກຄົນໃນທ້ອງຖິ່ນແລະນັກທ່ອງທ່ຽວ, ຊຶ່ງເອີ້ນງານທີ່ຈັດຂື້ນຕັ້ງແຕ່ວັນທີ 30 ເມສາຫາວັນທີ 5 ພຶດສະພາວ່າ "Opra Super League".

ງານດັ່ງກ່າວຈະຈັດຂື້ນເປັນເວລາ 6 ມື້ ຊຶ່ງເປັນຈຸດເດັ່ນຂອງເທດສະການວັດທະນະທຳການທ່ອງທ່ຽວພູໄທຫັງຊານຊີ(ຈິນເຊີງ) ຄັ້ງທີ 7ໄດ້ເພີ່ມກິ່ນອາຍວັດທະນະທຳພື້ນເມືອງທີ່ເປັນເອກະລັກໃຫ້ກັບວັນພັກແຮງງານເມື່ອນັກທ່ອງທ່ຽວຈາກທັງໃກ້ ແລະໄກໄດ້ມາທ່ຽວຊົມເມືອງນີ້.

ເມືອງຈິນເຊີງຕັ້ງຢູ່ເນີນພູໄທຫັງທາງທິດໃຕ້, ເປັນໜຶ່ງໃນທ້ອງຖິ່ນຫຼັກທີ່ມີລະຄອນງິ້ວຊາງດັງປາງຈື(ShangdangBangzi)ຊຶ່ງເປັນໜຶ່ງໃນ 4 ປະເພດຂອງລະຄອນງິ້ວພື້ນເມືອງແບບດັ່ງເດີມທີ່ມີຖິ່ນກຳເນີດຢູ່ໃນແຂວງຊານຊີ.

ຫຼັງຈາກໄດ້ລວມເຂົ້າໃນບັນຊີລາຍຊື່ໂຄງການຕົວແທນມໍລະດົກທາງວັດທະນະທໍາທີ່ບໍ່ມີວັດຖຸລະດັບຊາດ (ICH) ໃນປີ 2006, ລະຄອນງິ້ວຊາງດັງປາງຈື(ShangdangBangzi)ໄດ້ຮັບຄວາມນິຍົມຫຼາຍຂຶ້ນໃນບັນດາຜູ້ທີ່ຮັກລະຄອນຂັບງີ້ວພື້ນເມືອງດ້ວຍການຮ້ອງເພງທີ່ມີສຽງສູງ, ມີພະລັງແລະປະຫວັດສາດທ້ອງຖິ່ນທີ່ຍາວນານເກືອບ 400 ປີ.

ຫຼັງຈາກສິລະປິນທ້ອງຖິ່ນຫ້າຄົນລວມທັງ Zhang Aizhen, Wu Guohua, Zhang Baoping, Chen Suqin ແລະ Du Jianping ໄດ້ຮັບລາງວັນChina Theatre Plum Blossom Award ຊຶ່ງເປັນລາງວັນສູງສຸດດ້ານການສະແດງລະຄອນໃນປະເທດຈີນ, ລະຄອນງິ້ວຊາງດັງປາງຈື(ShangdangBangzi)ໄດ້ສ້າງຄວາມປະທັບໃຈໃຫ້ແກ່ຜູ້ຊົມຢ່າງກວ້າງຂວາງ.

ໃນລະຫວ່າງພິທີເປີດງານບຸນທ່ອງທ່ຽວທາງວັດທະນະທຳ, ມີການສະແດງລະຄອນງິ້ວພື້ນເມືອງອື່ນໆ ເຊັ່ນ: ລະຄອນງິ້ວປູ່, ລະຄອນງິ້ວຈິນແລະລະຄອນງິ້ວເປີຍລູປາງຈືກໍໄດ້ຖືກສະແດງຂຶ້ນ, ໂດຍໄດ້ລວບລວມສິລະປິນຈາກທົ່ວປະເທດຈີນເພື່ອມອບຄວາມບັນເທີງທາງພາບແລະສຽງຢ່າງເຕັມຮູບແບບ.

ສິ່ງທີ່ໜ້າສັງເກດອີກຢ່າງໜຶ່ງຄືເວທີສະແດງລະຄອນງິ້ວຊາງດັງປາງຈື(ShangdangBangzi) ຫຼື"ລະບຽງນົກຟີນິກ" ທີ່ອອກແບບໂດຍ ທ່ານ Ma Yansongສະຖາປະນິກທີ່ມີຊື່ສຽງລະດັບສາກົນແລະຜູ້ກຳກັບທ່ານ Liu Chang. ໄດ້ຮັບແຮງບັນດານໃຈຈາກນິທານພື້ນເມືອງຂອງຈີນກ່ຽວກັບ "ການເປົ່າຂຸ່ຍເພື່ອດຶງດູດນົກຟີນິກ", ເວທີດັ່ງກ່າວໄດ້ລວມເອົາອົງປະກອບຂອງເວທີງິ້ວພື້ນເມືອງຈິນເຊີງຢ່າງປານິດ ເຊັ່ນ: ຊາຍຄາແລະອົງປະກອບເພດານຂອງເວທີງິ້ວ ຈິນເຊີງແບບດັ່ງເດີມເມື່ອເບິ່ງຈາກໄລຍະໄກແລ້ວຄ້າຍຄືກັບມົງກຸດນົກຟີນິກ.

ໃນທ້າຍເດືອນພຶດສະພາ, ເທດສະການວັດທະນະທຳການທ່ອງທ່ຽວພູໄທຫັງຊານຊີ(ຈິນເຊີງ) ຄັ້ງທີ 7 ຈະຈັດການສະແດງງິ້ວພື້ນເມືອງຂອງແຕ່ລະພາກພື້ນໃຫ້ຫຼາຍຂຶ້ນເພື່ອເຜີຍແຜ່ສະເໜ່ຂອງງິ້ວທ້ອງຖິ່ນແລະເສີມສ້າງແບຣນການທ່ອງທ່ຽວດ້ານວັດທະນະທຳ "Opera Super League" ໃຫ້ດີຍິ່ງຂື້ນ.

(ແກ້ໄຂໂດຍ Duan Jing with Xinhua Silk Road, duanjing@xinhua.org)

ຄໍາເຫັນ

ຂ່າວຕ່າງປະເທດ

ອັງກໍວັດ ສະຖານທີ່ທ່ອງທ່ຽວທີ່ໜ້າສົນໃຈທີ່ສຸດ ອັນດັບ 2 ຂອງອາຊີ

07/05/2026 13:18

ຂ່າວຕ່າງປະເທດລາຍງານ ວ່າ: ທ່ານ ຮວດ ຮັກ ລັດຖະມົນຕີກະຊວງທ່ອງທ່ຽວກຳປູເຈຍ ໄດ້ເປີດເຜີຍຫວ່າງບໍ່ດົນມານີ້ວ່າ: ອັງກໍວັດ ຖືກຈັດອັນດັບໃຫ້ເປັນສະຖານທີ່ທ່ອງທ່ຽວທີ່ໜ້າສົນໃຈທີ່ສຸດ ອັນດັບ 2 ຂອງອາຊີ ປະຈຳປີ 2026 ໃນການຈັດອັນດັບຂອງ TripAdvisor. ການປະກາດດັ່ງກ່າວລວມມີລາຍຊື່ 25 ສະຖານທີ່ທ່ອງທ່ຽວອັນດັບຕົ້ນໆຂອງອາຊີຈາກ TripAdvisor, ໂດຍມີສວນ Gardens by the Bay ຂອງສິງກະໂປຢູ່ໃນອັນດັບ 1 ແລະ ທັດມາຮາລ ຂອງອິນເດຍຢູ່ໃນອັນດັບທີ 3.

GDP ຂອງຮົງກົງໃນໄຕມາດທຳອິດປີນີ້ເຕີບໂຕ 5.9%

07/05/2026 13:17

ຂ່າວສານຊີອາໄອລາຍງານ ໃນວັນທີ 6 ພຶດສະພາ ຜ່ານມາວ່າ: ອົງການສະຖິຕິຂອງອົງການປົກຄອງເຂດບໍລິຫານພິເສດຮົງກົງຂອງຈີນ ໄດ້ປະກາດໂຕເລກການປະເມີນລ່ວງໜ້າສະແດງໃຫ້ເຫັນວ່າ: ໃນໄຕມາດທຳອິດປີ 2026 ລວມຍອດຜະລິດຕະພັນພາຍໃນ ຫຼື GDP ຂອງເຂດຮົງກົງເຕີບໂຕ 5.9% ເມື່ອທຽບໃສ່ໄລຍະດຽວກັນຂອງປີກາຍນີ້ ຊຶ່ງເປັນຈັງຫວະການເຕີບໂຕໃນໄຕມາດທີ່ສ້າງສະຖິຕິສູງສຸດເທື່ອໃໝ່ໃນຮອບ 5 ປີຜ່ານມາ.

ປະຊາກອນເດັກນ້ອຍຂອງຍີ່ປຸ່ນຫຼຸດລົງຢ່າງຕໍ່ເນື່ອງເປັນເວລາ 45 ປີ

07/05/2026 13:11

ຂ່າວຕ່າງປະເທດລາຍງານ ໃນວັນທີ 5 ພຶດສະພາ ຜ່ານມາວ່າ: ລັດຖະບານຍີ່ປຸ່ນໄດ້ເປີດເຜີຍຈຳນວນປະຊາກອນເດັກນ້ອຍທີ່ມີອາຍຸຕ່ຳກວ່າ 15 ປີໃນປະເທດຍີ່ປຸ່ນໄດ້ຫຼຸດລົງສູ່ລະດັບຕໍ່າສຸດແບບບໍ່ເຄີຍມີມາກ່ອນ ທີ່ປະມານ 13.29 ລ້ານຄົນ ເມື່ອນັບມາຮອດວັນທີ 1 ເມສາ 2026 ຊຶ່ງຫຼຸດລົງ 350,000 ຄົນ ຈາກປີ 2025 ແລະ ຫຼຸດລົງຕິດຕໍ່ກັນເປັນປີທີ 45, ເຖິງວ່າລັດຖະບານຍີ່ປຸ່ນຈະພະຍາຍາມແກ້ໄຂບັນຫາອັດຕາການເກີດທີ່ຫຼຸດລົງກໍຕາມ.

ຫວຽດນາມ - ອິນເດຍ ຍົກລະດັບການພົວພັນຂຶ້ນເປັນຄູ່ຮ່ວມມືຍຸດທະສາດຮອບດ້ານແບບເພີ່ມທະວີ

07/05/2026 13:10

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 6 ພຶດສະພາ ຜ່ານມາ ຢູ່ນະຄອນຫຼວງນິວເດລີ ໄດ້ດຳເນີນພິທີຕ້ອນຮັບ ທ່ານ ໂຕເລິມ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ປະທານປະເທດ ຫວຽດນາມ ທີ່ຢ້ຽມຢາມທາງລັດຖະກິດຢູ່ອິນເດຍ ຕາມຄຳເຊື້ອເຊີນຂອງ ທ່ານ ນາເຣນດາ ໂມດີ ນາຍົກລັດຖະມົນຕີ ສ ອິນເດຍ. ທ່ານນາງ ດູປາດີ ມູມູ ປະທານາທິບໍດີອິນເດຍ ແລະ ທ່ານ ນາເຣນດາ ໂມດີ ນາຍົກລັດຖະມົນຕີຮ່ວມກັນເປັນປະທານພິທີຕ້ອນຮັບ.

ສິງກະໂປ ຮ່ວມມືກັບອຸດສາຫະກຳທະນາຄານ ນຳໃຊ້ AI ຕ້ານອາຊະຍາກຳດ້ານການເງິນ

06/05/2026 14:15

ຂ່າວຕ່າງປະເທດລາຍງານ ໃນວັນທີ 4 ພຶດສະພາ ຜ່ານມາວ່າ: ອົງການການເງິນສິງກະໂປ ຫຼື ທະນາຄານກາງຂອງສິງກະໂປ ໄດ້ລາຍງານກ່ຽວກັບການຮ່ວມມືກັບອຸດສາຫະກຳທະນາຄານ, ອົງການເຕັກໂນໂລຊີແຫ່ງລັດສິງກະໂປ ແລະ ກອງກຳລັງຕຳຫຼວດ ເພື່ອເສີມຂະຫຍາຍຄວາມສາມາດໃນການກວດຫາອາຊະຍາກຳທາງການເງິນໂດຍ ໃຊ້ປັນຍາປະດິດ ແລະ ການຮຽນຮູ້ຂອງເຄື່ອງຈັກ (AI/ML).

ທະນາຄານພັດທະນາແຫ່ງຊາດຈີນ ປ່ອຍເງິນກູ້ພິເສດ 28.54 ຕື້ຢວນ

06/05/2026 14:14

ຂ່າວສານຊີອາໄອລາຍງານ ໃນວັນທີ 5 ພຶດສະພາ ຜ່ານມາວ່າ: ແຫຼ່ງຂ່າວຈາກທະນາຄານພັດທະນາແຫ່ງຊາດຈີນ ໃຫ້ຮູ້ວ່າ, ໄຕມາດທຳອິດປີນີ້ ທະນາຄານພັດທະນາແຫ່ງຊາດຈີນໄດ້ປ່ອຍເງິນກູ້ພິເສດ ເພື່ອຮັບປະກັນຄວາມໝັ້ນຄົງດ້ານການຄ້າກັບຕ່າງປະເທດ 28.54 ຕື້ຢວນ ຊຶ່ງໄດ້ສະໜັບສະໜູນວິສາຫະກິດຂະໜາດນ້ອຍ ແລະ ຂະໜາດຍ່ອຍຫຼາຍກວ່າ 6,500 ແຫ່ງ, ອັດຕາດອກເບ້ຍສະເລ່ຍຖ່ວງນ້ຳໜັກແມ່ນຕ່ຳກວ່າອັດຕາດອກເບ້ຍສະເລ່ຍຖ່ວງນ້ຳໜັກສຳລັບວິສາຫະກິດຂະໜາດນ້ອຍ ແລະ ຂະໜາດຍ່ອຍໃນໄລຍະດຽວກັນໃນທົ່ວປະເທດຈີນ ເພື່ອຊ່ວຍວິສາຫະກິດທີ່ກ່ຽວຂ້ອງຫຼຸດຜ່ອນຄວາມກົດດັນດ້ານເງິນທຶນ.

ADB ຈະສະໜັບສະໜູນ 70 ຕື້ໂດລາ ແກ່ 2 ຂໍ້ລິເລີ່ມໃໝ່ຂອງອາຊີ - ປາຊີຟິກ

06/05/2026 11:03

ຂ່າວຊີອາໄອລາຍງານວ່າ: ຫວ່າງມໍ່ໆມານີ້, ທະນາຄານພັດທະນາອາຊີ ຫຼື ADB ເປີດເຜີຍວ່າ: ເມື່ອຮອດປີ 2035, ADB ຈະໃຫ້ການສະໜັບສະໜູນ 70 ຕື້ໂດລາ ແກ່ 2 ຂໍ້ລິເລີ່ມໃໝ່ ຄື: “ຂໍ້ລິເລີ່ມຕາຂ່າຍໄຟຟ້າທົ່ວອາຊີ” ແລະ “ທາງດ່ວນດີຈີຕອນພາກພື້ນອາຊີ-ປາຊີຟິກ”.

IMF ເຕືອນ ເສດຖະກິດໂລກຈະປະເຊີນກັບຜົນສະທ້ອນທີ່ຮ້າຍແຮງກວ່າເກົ່າ

06/05/2026 10:57

ຂ່າວຕ່າງປະເທດລາຍງານໃນວັນທີ 5 ພຶດສະພາ ຜ່ານມາວ່າ: ທ່ານນາງ ຄຣິສຕາລີນາ ຈໍເຈຍວາ ຜູ້ອຳນວຍການກອງທຶນການເງິນສາກົນ (IMF) ໄດ້ເຕືອນວ່າ, ເສດຖະກິດໂລກອາດຈະປະເຊີນກັບ “ຜົນສະທ້ອນທີ່ຮ້າຍແຮງກວ່າເກົ່າ” ຖ້າຫາກສົງຄາມໃນຕາເວັນອອກກາງຍັງສືບຕໍ່ຈົນຮອດປີ 2027, ໂດຍລາຄານ້ຳມັນຈະເພີ່ມຂຶ້ນປະມານ 125 ໂດລາຕໍ່ບາເຣວ ແລະ ອັດຕາເງິນເຟີ້ຈະເພີ່ມຂຶ້ນຈົນເກີນເປົ້າໝາຍຢ່າງຫຼີກລ່ຽງບໍ່ໄດ້.

Moody’s ຈັດອັນດັບຄວາມໄວ້ວາງໃຈແຫ່ງຊາດຂອງ ຫວຽດນາມ ຢູ່ລະດັບ “ຕັ້ງໜ້າ”

06/05/2026 10:56

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 4 ພຶດສະພາ ຜ່ານມາ, ອົງການຈັດອັນດັບຄວາມໄວ້ວາງໃຈສາກົນ (Moody’s), ໄດ້ຍົກລະດັບ ຫວຽດນາມ ຈາກລະດັບ “ປົກກະຕິ” ຂຶ້ນເປັນ “ຕັ້ງໜ້າ”, ຢັ້ງຢືນການຈັດອັນດັບຄວາມໄວ້ວາງໃຈແຫ່ງຊາດຂອງ ຫວຽດນາມ ຢູ່ລະດັບ Ba2. Moody’s ຕີລາຄາຄຸນນະພາບລະບອບລະບຽບການ ແລະ ການຄຸ້ມຄອງຂອງ ຫວຽດນາມ ພວມໄດ້ຮັບການປັບປຸງຢ່າງຈະແຈ້ງຜ່ານການປະຕິຮູບລະບຽບການບໍລິຫານ, ກົດໝາຍ ແລະ ພາກລັດ ທີ່ເລີ່ມປະຕິບັດແຕ່ທ້າຍປີ 2024.

OPEC+ ຈະເພີ່ມການຜະລິດນ້ຳມັນໃນເດືອນມິຖຸນາ

05/05/2026 14:22

ຂ່າວຕ່າງປະເທດລາຍງານ ໃນວັນທີ 4 ພຶດສະພາ ຜ່ານມາວ່າ: ອົງການບັນດາປະເທດຜູ້ສົ່ງອອກນ້ຳມັນ ແລະ ພັນທະມິດ ຫຼື OPEC+ ໄດ້ຕົກລົງກັນໃນວັນ 3 ພຶດສະພາ ຜ່ານມາ ເພື່ອເພີ່ມການຜະລິດນໍ້າມັນດິບຂຶ້ນ 188,000 ບາເຣວຕໍ່ມື້ໃນເດືອນມິຖຸນາ ຊຶ່ງເປັນເດືອນທີສາມຕິດຕໍ່ກັນຂອງການເພີ່ມຂຶ້ນ, ເຖິງແມ່ນວ່າການສົ່ງອອກນໍ້າມັນຕົວຈິງຍັງປະເຊີນກັບຂໍ້ຈຳກັດຈາກຄວາມສ່ຽງໃນເສັ້ນທາງຊ່ອງແຄບຮໍມຸສ.

ເພີ່ມເຕີມ