ກອງປະຊຸມໃຫຍ່ຄັ້ງທີ VI ໜ່ວຍພັກຄະນະສານແພ່ງ ສານປະຊາຊົນສູງສຸດ

ກອງປະຊຸມໃຫຍ່ຄັ້ງທີ VI ໜ່ວຍພັກຄະນະສານແພ່ງ ສານປະຊາຊົນສູງສຸດ

ກອງປະຊຸມໃຫຍ່ຄັ້ງທີ VI ໜ່ວຍພັກຄະນະສານແພ່ງ ສານປະຊາຊົນສູງສຸດ

 

ກອງປະຊຸມໃຫຍ່ ຄັ້ງທີ VI ຂອງໜ່ວຍພັກຄະນະສານແພ່ງ ສານປະຊາຊົນສູງສຸດ(ສປສສ) ໄດ້ຈັດຂຶ້ນໃນວັນທີ 29 ເມສາ ຜ່ານມາ ທີ່ ສປສສ ໃຫ້ກຽດເຂົ້າຮ່ວມຂອງສະຫາຍ ນາງ ວຽງທອງ ສີພັນດອນ ເລຂາຄະນະບໍລິຫານງານພັກ ປະທານສານປະຊາຊົນສູງສຸດ ພາຍໃຕ້ການເປັນປະທານກ່າວເປີດ ກອງປະຊຸມຂອງ ສະຫາຍ ແສງສຸວັນ ຈັນທະລຸນນະວົງ ເລຂາໜ່ວຍພັກຄະນະສານແພ່ງ ສານປະຊາຊົນສູງສຸດ ຊຶ່ງມີຮອງເລຂາ ຄະນະພັກ ສະມາຊິກພັກ ແລະ ແຂກຖືກເຊີນເຂົ້າຮ່ວມ.

ສະຫາຍ ແສງສຸວັນ ຈັນທະລຸນນະວົງ ໄດ້ກ່າວບົດລາຍງານການເມືອງ ການເຄື່ອນໄຫວວຽກງານ ໃນໄລຍະ 5 (2020-2025) ປີຜ່ານມາ ແລະ ທິດທາງແຜນການ 5 ປີ ຕໍ່ໜ້າ ວ່າ: ໜ່ວຍພັກຄະນະສານແພ່ງ ເປັນໜ່ວຍພັກໜຶ່ງທີ່ຂຶ້ນກັບອົງຄະນະພັກສານປະຊາຊົນສູງສຸດ ມີພາລະບົດບາດ, ເປັນເສນາທິການໃຫ້ແກ່ ຄະນະບໍລິຫານງານພັກສານປະຊາຊົນສູງສຸດ ໃນການເຜີຍແຜ່, ເຊື່ອມຊຶມ ແລະ ຈັດຕັ້ງຜັນຂະຫຍາຍມະຕິ, ຄໍາສັ່ງ ແລະ ແຈ້ງການຂອງຄະນະພັກຂັ້ນເທິງ, ນຳພາ-ຊີ້ນຳຄະນະສານແພ່ງໃນການດຳເນີນຄະດີແພ່ງເປັນຂັ້ນລົບລ້າງ, ຂັ້ນຮື້ຟື້ນ ແລະ ນໍາພາ-ຊີ້ນໍາຄະນະສານແພ່ງໃນການຊຸກຍູ້, ຕິດຕາມການດຳເນີນຄະດີແພ່ງ ຂອງສານປະຊາຊົນທ້ອງຖິ່ນໃນຂອບເຂດທົ່ວປະເທດ.ໜ່ວຍພັກຄະນະສານແພ່ງ ມີສະມາຊິກພັກທັງໝົດ 13 ສະຫາຍຍິງ 4 ສະຫາຍ, ໜ່ວຍພັກຄະນະສານແພ່ງ ໄດ້ເອົາໃຈໃສ່ສຶກສາອົບຮົມ ທາງດ້ານການເມືອງ-ແນວຄິດໃຫ້ແກ່ ສະມາຊິກພັກ-ພະນັກງານ ພາຍໃນໜ່ວຍພັກຄະນະສານແພ່ງ ຢ່າງເປັນປົກກະຕິ ແລະ ຕໍ່ເນື່ອງ, ໂດຍໄດ້ຖືເອົາວຽກງານດັ່ງກ່າວສອດຫ້ອຍເຂົ້າໃນທຸກຂົງເຂດວຽກງານ, ນໍາພາສະມາຊິກພັກ-ພະນັກງານ ຄົ້ນຄວ້າເຊື່ອມຊຶມແນວທາງນະໂຍບາຍຂອງພັກ, ຄໍາສັ່ງ, ຄໍາແນະນໍາ, ມະຕິກອງປະຊຸມໃຫຍ່ຄັ້ງທີ XIຂອງພັກ, ມະຕິກອງປະຊຸມໃຫຍ່ຄັ້ງທີ IVຂອງອົງຄະນະພັກສານປະຊາຊົນສູງສຸດ ແລະ ມະຕິກອງປະຊຸມໃຫຍ່ຄັ້ງທີ Vຂອງໜ່ວຍພັກຕົນ.

ດ້ານວຽກງານວິຊາສະເພາະໃນໄລຍະ 5 ປີຜ່ານມາ ໜ່ວຍພັກຄະນະສານແພ່ງ ໄດ້ເອົາໃຈໃສ່ນໍາພາ-ຊີ້ນໍາ ໃນການປັບປຸງແບບແຜນວິທີເຮັດວຽກ ເວົ້າສະເພາະ ແມ່ນແບບແຜນໃນການດໍາເນີນຄະດີ ດ້ວຍຫຼາຍຮູບແບບ, ຫຼາຍວິທີ ຢ່າງຕໍ່ເນື່ອງລຽນຕິດ ໂດຍແຕ່ລະເດືອນແມ່ນໄດ້ມີການຕິດຕາມ, ຊຸກຍູ້, ກວດກາ, ສະຫຼຸບ, ຕີລາຄາ ແລະ ຖອດຖອນບົດຮຽນ ໃນການຈັດຕັ້ງປະຕິບັດ ເພື່ອຊອກຫາສາເຫດທີ່ພາໃຫ້ມີຈຸດດີ, ຈຸດອ່ອນ ແລະ ຂໍ້ຄົງຄ້າງ ເຮັດໃຫ້ການດໍາເນີນຄະດີຮັບປະກັນໄດ້ຄວາມຖືກຕ້ອງທາງດ້ານກົດໝາຍ ແລະ ຄວາມເປັນຈິງ,ແນໃສ່ຮັບປະກັນການແກ້ໄຂຄະດີໃຫ້ໄດ້ 75% ຂຶ້ນໄປ ຊຶ່ງສະແດງອອກໃນ 5 ປີ (2020-2024) ຜ່ານມາ ມີຄະດີແພ່ງ ທັງໝົດ 512 ເລື່ອງ (ໃນນີ້ມີຄະດີແພ່ງຂັ້ນລົບລ້າງ 368 ເລື່ອງ, ຄະດີສະເໜີຮື້ຟື້ນ 111 ເລື່ອງ, ຄໍາສັ່ງ 28 ເລື່ອງ ແລະ ຄໍາຊີ້ຂາດ 5 ເລື່ອງ),ແກ້ໄຂໄດ້ 462 ເລື່ອງ (ໃນນີ້ຄະດີແພ່ງຂັ້ນລົບລ້າງ 326 ເລື່ອງ, ຄະດີສະເໜີຮື້ຟື້ນ 104 ເລື່ອງ, ຄໍາສັ່ງ 27 ເລື່ອງ ແລະ ຄໍາຊີ້ຂາດ 5 ເລື່ອງ), ຍັງພວມຄົ້ນຄວ້າ ຈໍານວນ50 ເລື່ອງ ຖ້າທຽບໃສ່ຄະດີທັງໝົດສາມາດແກ້ໄຂໄດ້ 90.2%.ຄຽງຄູ່ກັບການແກ້ໄຂຄະດີ ໜ່ວຍພັກຄະນະສານແພ່ງ ຍັງໄດ້ເອົາໃຈໃສ່ໃນການຕິດຕາມ, ຊຸກຍູ້ການດໍາເນີນຄະດີແພ່ງຂອງສານປະຊາຊົນທ້ອງຖິ່ນໃນຂອບເຂດທົ່ວປະເທດແນໃສ່ເຮັດໃຫ້ການດໍາເນີນຄະດີມີຄວາມໂປ່ງໃສ, ວ່ອງໄວ, ຖືກຕ້ອງ ແລະ ຮັບປະກັນຄວາມຍຸຕິທໍາໃນສັງຄົມ ຊຶ່ງໃນໄລຍະ 5 ປີ ຜ່ານມາ ໄດ້ລົງຕິດຕາມ, ຊຸກຍູ້ການດໍາເນີນຄະດີແພ່ງ ຂອງສານປະຊາຊົນທ້ອງຖິ່ນ ທັງໝົດ ຈໍານວນ 19 ຄັ້ງ ຄື: ສານປະຊາຊົນ ພາກກາງ 2 ຄັ້ງ, ສານປະຊາຊົນ ນະຄອນຫຼວງວຽງຈັນ 10 ຄັ້ງ, ສານປະຊາຊົນ ເຂດ 1,2,3,4 ນະຄອນຫຼວງວຽຈັນ 5 ຄັ້ງ, ສານປະຊາຊົນ ແຂວງວຽງຈັນ 1 ຄັ້ງ ແລະ ສານປະຊາຊົນ ເຂດ 1 ແຂວງວຽງຈັນ 1 ຄັ້ງ; ເອົາໃຈໃສ່ໃນການແກ້ໄຂຄໍາຮ້ອງຂໍຄວາມເປັນທໍາທີ່ຕິດພັນກັບການດໍາເນີນຄະດີແພ່ງ ຂອງສານປະຊາຊົນ ທ້ອງຖິ່ນ ໄດ້ທັງໝົດ ຈໍານວນ20ສະບັບ; ໜ່ວຍພັກໄດ້ຮຽນສະໜັບສະໜູນ, ຮຽນກົດລະບຽບພັກ ໃຫ້ມະຫາຊົນກ້າວໜ້າ ເພື່ອເຂົ້າເປັນສະມາຊິກພັກສໍາຮອງ ແລະ ເລື່ອນຂຶ້ນເປັນສະມາຊິກພັກສົມບູນ ໄດ້ຈໍານວນ 5 ສະຫາຍ ແລະ ປັດຈຸບັນກໍາລັງຕິດຕາມ, ກໍ່ສ້າງມະຫາຊົນກ້າວໜ້າ ຈໍານວນ 2 ສະຫາຍ.ພ້ອມນັ້ນຜູ້ແທນເຂົ້າຮ່ວມກອງປະຊຸມໄດ້ໃຊ້ສິດປະຊາທິປະໄຕຂອງຕົນ ປ່ອນບັດຄັດເລືອກເອົາ ເລຂາ ປະທານກວດກາ ແລະຄະນະ. ກອງປະຊຸມຄັ້ງປະຖົມມລືກ ໄດ້ເປັນເອກະສັນເລືອກເອົາ ສະຫາຍຂຸນສຸວັນ ສຸທຳມະວົງ ເປັນເລຂາໜ່ວຍພັກ, ສະຫາຍ ສາກົນ ໄຊຍະລາດ ຮອງເລຂາໜ່ວຍພັກ ແລະ ເປັນປະທານກວດກາ ແລະ ສະຫາຍ ນາງ ວິໄລວັນ ຈັນທະມາລີ ເປັນຄະນະ.

ໃນໂອກາດດັ່ງກ່າວ, ສະຫາຍ ນາງ ວຽງທອງ ສີພັນດອນ ໄດ້ໃຫ້ກຽດໂອ້ລົມ ຊຶ່ງກ່ອນອື່ນ ສະຫາຍ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານຂອງໜ່ວຍພັກ,ສໍາລັບທິດທາງ, ແຜນການນໍາພາ-ຊີ້ນຳຂອງຄະນະໜ່ວຍພັກໃນຊຸມປີຕໍ່ໜ້ານັ້ນ, ເພື່ອຍົກສູງບົດບາດແລະຄວາມສາມາດຂອງຕົນເຂົ້າໃນການແກ້ໄຂບັນຫາຕາມຂະບວນການຍຸຕິທຳ, ສ້າງພື້ນຖານຄວາມອາດສາມາດຕ່າງໆໃນການປັບປຸງຍົກສູງຄຸນນະພາບວຽກງານການພິຈາລະນາຕັດສິນຄະດີໃຫ້ມີປະສິດທິພາບແລະໄດ້ຮັບປະສິດທິຜົນສູງ. ຂ້າພະເຈົ້າຂໍມີບາງຄໍາເຫັນເນັ້ນໜັກເພີ່ມຕື່ມໃຫ້ໜ່ວຍພັກຄະນະສານແພ່ງສືບຕໍ່ເອົາໃຈໃສ່ບາງບັນຫາດັ່ງນີ້:ໜຶ່ງຄະນະໜ່ວຍພັກຄະນະສານແພ່ງສານປະຊາຊົນສູງສຸດຊຸດໃໝ່ຈົ່ງສືບຕໍ່ເອົາໃຈໃສ່ສຶກສາອົບຮົມການເມືອງແນວຄິດໃຫ້ສະມາຊິກພັກ-ພະນັກງານທີ່ຢູ່ໃນຄວາມຮັບຜິດຊອບຂອງຕົນ,ຮັກສາໄດ້ຄຸນທາດການເມືອງໜັກແໜ້ນ, ມີຄຸນສົມບັດສິນທຳປະຕິວັດ, ມີຄວາມດຸໝັ່ນ,ມີຄວາມຊື່ສັດຕໍ່ໜ້າທີ່ການເມືອງທີ່ໄດ້ຮັບການມອບໝາຍ, ມີຄວາມບໍລິສຸດ, ໄປຄຽງຄູ່ກັບການຍົກສູງຄວາມຮູ້ຄວາມສາມາດທາງດ້ານວິຊາສະເພາະວິຊາການແລະມີຄວາມຊໍານານກາຍເປັນມືອາຊີບໃນການຄົ້ນຄວ້າພິຈາລະນາຄະດີ; ສອງ. ເຊີດຊູບົດບາດການນໍາພາຂອງພັກ ສ້າງໃຫ້ໜ່ວຍພັກຄະນະສານແພ່ງ ເປັນອົງການຫຼັກແຫຼ່ງໃນການປົກປ້ອງກົດໝາຍໃຫ້ສັກສິດ, ເພີ່ມທະວີນິຕິທໍາ, ກໍາຈັດ ແລະ ສະກັດກັ້ນການລະເມີດກົດໝາຍ ເພື່ອປົກປັກຮັກສາສິດຜົນປະໂຫຍດອັນຊອບທໍາຂອງພົນລະເມືອງ, ຂອງລັດ ແລະ ຂອງລວມໝູ່; ຮັບປະກັນຄວາມຍຸຕິທໍາ, ຄວາມສະຫງົບ ແລະ ຄວາມເປັນລະບຽບຮຽບຮ້ອຍຂອງສັງຄົມ;ສາມ. ຍົກສູງຄວາມເປັນແບບຢ່າງນໍາໜ້າ ແລະ ເພີ່ມທະວີຄວາມສາມັກຄີເປັນເອກະພາບ, ສ້າງຄວາມເຂັ້ມແຂງໃຫ້ແກ່ອົງການຕຸລາການ ເຮັດໜ້າທີ່ພິພາກສາ ແລະ ຕັດສິນຄະດີ ຕາມພາລະບົດບາດ, ໂດຍສະເພາະແມ່ນ (1) ການຄົ້ນຄວ້າພິຈາລະນາຄະດີຄະດີແພ່ງ ຂັ້ນລົບລ້າງ ແລະ ຂັ້ນຮື້ຟື້ນ, ໂດຍມີການກວດກາ, ເກັບກໍາຂໍ້ມູນຫຼັກຖານຂອງຂໍ້ຂັດແຍ່ງ ກໍຄືຄູ່ຄວາມໃຫ້ລະອຽດຈະແຈ້ງ, ມີການຄົ້ນຄວ້າວິເຄາະວິໃຈໃຫ້ເລິກເຊິ່ງຮອບຄອບ, ພາວະວິໄສ, ສອດຄ່ອງກັບກົດໝາຍ, ຮັບປະກັນຄວາມຍຸຕິທຳ, ໂປ່ງໃສ ໃນທຸກຂັ້ນຕອນຂອງການດໍາເນີນຄະດີຢູ່ຄະນະສານແພ່ງ, (2) ສ້າງແຜນໃນການຄົ້ນຄວ້າຄະດີແພ່ງ ພ້ອມທັງຕິດຕາມຊຸກຍູ້ການດໍາເນີນຄະດີແພ່ງຢູ່ທ້ອງຖິ່ນ ຢູ່ສານປະຊາຊົນ 3 ຂັ້ນ ຄື: ຂັ້ນຕົ້ນ, ຂັ້ນອຸທອນ ແລະ ຂັ້ນລົບລ້າງ, (3) ໂຄສະນາເຜີຍແຜ່ກົດໝາຍແພ່ງ ໃຫ້ສັງຄົມ ແລະ ພາກສ່ວນຕ່າງໆ ມີຄວາມເຂົ້າໃຈ, ຮັບຮູ້ເຖິງສິດ ແລະ ພັນທະໃນສາຍພົວພັນທາງແພ່ງ, (4) ສ້າງນິຕິກໍາໃຕ້ກົດໝາຍ ທີ່ກ່ຽວຂ້ອງກັບການດໍາເນີນຄະດີແພ່ງ ໃຫ້ມີຄວາມຄົບຖ້ວນ, ຮັດກຸມ ເພື່ອເປັນບ່ອນອີງໃຫ້ການດໍາເນີນຄະດີແພ່ງ ມີຄວາມຖືກຕ້ອງ ແລະ ເປັນເອກະພາບ; (4). ເອົາໃຈໃສ່ຕິດຕາມ, ກວດກາ ການປະຕິບັດໜ້າທີ່ຂອງການຈັດຕັ້ງພັກ, ການກໍ່ສ້າງ ແລະ ຂະຫຍາຍພັກ ກໍຄືການປະຕິບັດໜ້າທີ່ຂອງສະມາຊິກພັກ, ພະນັກງານ ໂດຍສະເພາະຜູ້ທີ່ມີສ່ວນກ່ຽວຂ້ອງກັບການດຳເນີນຄະດີເຊັ່ນ: ຈ່າສານ, ຜູ້ຊ່ວຍຜູ້ພິພາກສາ ແລະ ຜູ້ພິພາກສາ ຢູ່ຄະນະສານແພ່ງ ຢ່າງເຂັ້ມງວດ;(5).ເອົາໃຈໃສ່ນໍາພາ-ຊີ້ນຳ ສ້າງໜ່ວຍພັກ ໃຫ້ເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ ຢ່າງຕໍ່ເນື່ອງ,ນໍາພາ ຕາມຫຼັກການລວມສູນປະຊາທິປະໄຕ, ມີການແບ່ງຄວາມຮັບຜິດຊອບໃຫ້ກັນຢ່າງລະອຽດ, ຍົກສູງບົດບາດການນຳພາຂອງພັກ ເພື່ອເຮັດໃຫ້ພະນັກງານສະມາຊິກພັກພາຍໃຕ້ການນໍາພາ-ຊີ້ນຳຂອງຕົນ ມີຄວາມເຊື່ອໝັ້ນຕໍ່ການນຳພາຂອງໜ່ວຍພັກ, ຖືເອົາ 5 ຫຼັກການຂອງພັກ ແລະ 3 ທິດນໍາ ໃນການປະຕິບັດໜ້າທີ່ຂອງຕົນ;(6). ນຳພາ-ຊີ້ນຳ ການເພີ່ມທະວີກົນໄກການປະສານສົບທົບໃນການແກ້ໄຂຄະດີ, ການເກັບກໍາຂໍ້ມູນຫຼັກຖານຂໍ້ເທັດຈິງ ມາຄົ້ນຄວ້າພິຈາລະນາ ປະສານສົມທົບກັບພາກສ່ວນທີ່ກ່ຽວຂ້ອງ ແລະ ອົງການປົກຄອງທ້ອງຖິ່ນ ເພື່ອປຶກສາຫາລືແລະ ສ້າງຄວາມເປັນເອກະພາບໃນການຕົກລົງແກ້ໄຂບັນຫາຄະດີແພ່ງ;ແລະ (7). ເອົາໃຈໃສ່ນໍາພາ-ຊີ້ນໍາວຽກງານການຮ່ວມມືກັບຕ່າງປະເທດ ຕາມນະໂຍບາຍຂອງພັກ-ລັດ ໂດຍສະເພາະບັນດາປະເທດເພື່ອນມິດ, ພາກພື້ນ ແລະ ສາກົນ ເພື່ອຍາດແຍ່ງເອົາທຶນຮອນ, ການຊ່ວຍເຫຼືອດ້ານຕ່າງໆ ໂດຍສະເພາະໃຫ້ໄດ້ເຂົ້າຮ່ວມຝຶກອົບຮົມ, ສໍາມະນາ, ປະຊຸມແລກປ່ຽນບົດຮຽນດ້ານວິຊາການ ເພື່ອເປັນການຍົກລະດັບຄວາມຮູ້, ຄວາມສາມາດ ຂອງພະນັກງານຄະນະສານແພ່ງ ແລະ ນໍາເອົາບົດຮຽນທີ່ດີ ທີ່ຕິດພັນກັບວຽກງານວິຊາສະເພາະ ໝູນໃຊ້ ແລະ ພັດທະນາວຽກງານຂອງຕົນໃຫ້ດີຂຶ້ນ.

ຂ່າວ-ພາບ: ຍຸພິນທອງ

ຄໍາເຫັນ

ຂ່າວການເມືອງ

ກອງປະຊຸມໃຫ່ຍຄັ້ງທີ VIII ຜູ້ເເທນເເນວລາວສ້າງຊາດ ເມືອງນາເເລ

ກອງປະຊຸມໃຫ່ຍຄັ້ງທີ VIII ຜູ້ເເທນເເນວລາວສ້າງຊາດ ເມືອງນາເເລ

ກອງປະຊຸມຄັ້ງທີ VIII ຜູ້ເເທນເເນວລາວສ້າງຊາດ ເມືອງນາເເລ ແຂວງຫຼວງນໍ້າທາ ໄດ້ຈັດຂຶ້ນໃນວັນທີ 20 ພຶດສະພາຜ່ານມາ ທີ່ສະໂມສອນຂອງເມືອງ ໂດຍການເປັນປະທານຂອງທ່ານ ສຸລິຕານ ຈອມສະຫັວນ ຮອງເລຂາພັກເມືອງ ປະທານກວດກາພັກ ຫົວໜ້າອົງການກວດກາລັດເມືອງ ປະທານເເນວລາວສ້າງຊາດເມືອງ.
ປະກາດການຈັດຕັ້ງສານປະຊາຊົນເຂດ II ແຂວງຜົ້ງສາລີ

ປະກາດການຈັດຕັ້ງສານປະຊາຊົນເຂດ II ແຂວງຜົ້ງສາລີ

ພິທີປະກາດ ການຈັດຕັ້ງສານປະຊາຊົນເຂດ II ແຂວງຜົ້ງສາລີ ແລະ ເລື່ອນຊັ້ນຜູ້ພິພາກສາສານປະຊາຊົນໄດ້ຈັດຂຶ້ນໃນວັນທີ 20 ພຶດສະພາຜ່ານມາ ທີ່ຫ້ອງການ ການເງິນ ເມືອງຂວາ ແຂວງຜົ້ງສາລີ ໂດຍການເປັນປະທານຂອງ ທ່ານ ຄູນ ຜາສຸກ ຮອງປະທານສານປະຊາຊົນສູງສຸດ.
ຫາລືວຽກງານການສ້າງ, ປັບປຸງນິຕິກໍາ ແລະ ປະເມີນຂໍ້ຕົກລົງຂອງເຈົ້າແຂວງ 4 ສະບັບ

ຫາລືວຽກງານການສ້າງ, ປັບປຸງນິຕິກໍາ ແລະ ປະເມີນຂໍ້ຕົກລົງຂອງເຈົ້າແຂວງ 4 ສະບັບ

ໃນວັນທີ 20 ພຶດສະພາຜ່ານມາ ທີ່ສະພາປະຊາຊົນແຂວງສາລະວັນ ໄດ້ຈັດກອງປະຊຸມປຶກສາຫາລືວຽກງານການສ້າງ ແລະ ປັບປຸງນິຕິກໍາໃຕ້ກົດໝາຍ ແລະ ວຽກງານການຕິດຕາມກວດກາ ການປະເມີນການຈັດຕັ້ງປະຕິບັດຂໍ້ຕົກລົງຂອງເຈົ້າແຂວງ ຈໍານວນ 4 ສະບັບ ໂດຍການເປັນປະທານຂອງທ່ານ ສີເຮັງ ຫອມສົມບັດ ຮອງເລຂາພັກແຂວງ ປະທານສະພາປະຊາຊົນແຂວງ.
ຫຼວງນ້າທາ ປະກາດການແຕ່ງຕັ້ງການນໍາເມືອງ

ຫຼວງນ້າທາ ປະກາດການແຕ່ງຕັ້ງການນໍາເມືອງ

ເມື່ອບໍ່ດົນມານີ້, ຢູ່ທີ່ສະໂມສອນ ເມືອງຫຼວງນໍ້າທາ ແຂວງຫຼວງນໍ້າທາໄດ້ຈັດພິທີປະກາດແຕ່ງຕັ້ງ ແລະ ມອບຮັບໜ້າທີການນຳ ເມືອງຫຼວງນ້ຳທາ ລະຫວ່າງຜູ້ເກົ່າ ແລະ ຜູ້ໃໝ່, ໂດຍການເປັນປະທານຂອງ ທ່ານ ຄຳຟອງ ອິນມະນີ ຮອງເລຂາພັກແຂວງ ປະທານສະພາປະຊາຊົນແຂວງ.
ກອງປະຊຸມໃຫຍ່ສະມາຊິກພັກຄັ້ງທີ II ໜ່ວຍພັກສະຖາບັນຄົ້ນຄວ້ານະໂຍບາຍເສດຖະກິດ-ສັງຄົມ

ກອງປະຊຸມໃຫຍ່ສະມາຊິກພັກຄັ້ງທີ II ໜ່ວຍພັກສະຖາບັນຄົ້ນຄວ້ານະໂຍບາຍເສດຖະກິດ-ສັງຄົມ

ໃນວັນທີ 12 ພຶດສະພາ ຜ່ານມາ ທີ່ຫ້ອງປະຊຸມສະຖາບັນວິທະຍາສາດເສດຖະກິດ ແລະ ສັງຄົມແຫ່ງຊາດ (ສວສສຊ), ໜ່ວຍພັກສະຖາບັນຄົ້ນຄວ້ານະໂຍບາຍເສດຖະກິດ-ສັງຄົມ ໄດ້ເປີດກອງປະຊຸມໃຫຍ່ສະມາຊິກພັກ ຄັ້ງທີ II ຂຶ້ນໂດຍການເປັນປະທານຂອງສະຫາຍ ອູສະຫວັນ ທ່ຽງເທບວົງສາ ກຳມະການຄະນະພັກເລຂາໜ່ວຍພັກ ສວສສຊ; ໃຫ້ກຽດເຂົ້າຮ່ວມກອງປະຊຸມມີສະຫາຍ ກອງແກ້ວ ໄຊສົງຄາມ ກໍາມະການສູນກາງພັກ ເລຂາຄະນະພັກ ສວສສຊ,
ໄຂກອງປະຊຸມໃຫຍ່ຜູ້ແທນສະຫະພັນແມ່ຍິງແຂວງຫຼວງນ້ຳທາ ຄັ້ງທີ X

ໄຂກອງປະຊຸມໃຫຍ່ຜູ້ແທນສະຫະພັນແມ່ຍິງແຂວງຫຼວງນ້ຳທາ ຄັ້ງທີ X

ກອງປະຊຸມໃຫຍ່ຜູ້ແທນສະຫະພັນແມ່ຍິງ ແຂວງຫຼວງນ້ຳທາຄັ້ງທີ X ໄດ້ໄຂຂຶ້ນ ແລະ ສຳເລັດລົງ ໃນວັນທີ 13 ພຶດສະພາຜ່ານມາ ຢູ່ທີ່ສະໂມສອນແຂວງ ໂດຍການເປັນປະທານຂອງສະຫາຍ ນາງ ບົວວັນ ພົມມະລິດ ກຳມະການພັກແຂວງ ປະທານສະຫະພັນແມ່ຍິງແຂວງ, ເປັນກຽດເຂົ້າຮ່ວມຂອງສະຫາຍ ນາງ ອາລີ ວົງໜໍ່ບຸນທຳ ກຳມະການສູນກາງພັກ ປະທານຄະນະບໍລິຫານງານສູນກາງສະຫະພັນແມ່ຍິງລາວ, ມີແຂກຖືກເຊີນ ເຂົ້າຮ່ວມ.
ສະມາຊິກສະພາປະຊາຊົນແຂວງສະຫວັນນເຂດ ເຜີຍແຜ່ກົດໝາຍ ຢູ່ເມືອງໄຊພູທອງ

ສະມາຊິກສະພາປະຊາຊົນແຂວງສະຫວັນນເຂດ ເຜີຍແຜ່ກົດໝາຍ ຢູ່ເມືອງໄຊພູທອງ

ວັນທີ 13 ພຶດສະພານີ້, ທ່ານ ກົງແກ້ວ ມີວໍລະຈັກ ຄະນະປະຈໍາສະພາປະຊາຊົນແຂວງ ປະທານສະພາປະຊາຊົນແຂວງສະຫວັນນະເຂດ ພ້ອມຄະນະ ໄດ້ລົງເຄື່ອນໄຫວຕິດຕາມ, ກວດກາການຈັດຕັ້ງປະຕິບັດ ແລະ ເຜີຍແຜ່ກົດໝາຍໃນຂົງເຂດເສດຖະກິດ ຢູ່ເມືອງໄຊພູທອງ.
ກະຊວງການຕ່າງປະເທດ ເຜີຍແຜ່ເອກະສານສໍາຄັນຂອງພັກ ແລະ ມອບໃບຢັ້ງຢືນໜ່ວຍພັກ

ກະຊວງການຕ່າງປະເທດ ເຜີຍແຜ່ເອກະສານສໍາຄັນຂອງພັກ ແລະ ມອບໃບຢັ້ງຢືນໜ່ວຍພັກ

ໃນວັນທີ 13 ພຶດສະພານີ້, ກະຊວງການຕ່າງປະເທດ ໄດ້ຈັດເຜີຍແຜ່ຜົນສຳເລັດກອງປະຊຸມວຽກ​ງານ​ກໍ່ສ້າງ​ພັກ-ພະນັກງານ ​ແລະ ປັບປຸງ​ກົງຈັກ​ການຈັດ​ຕັ້ງທົ່ວ​ປະ​ເທດປະ​ຈໍາປີ 2024 ແລະ ຈັດພິທີມອບ-ຮັບໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2024 ຂຶ້ນທີ່ຫ້ອງປະຊຸມໃຫຍ່ຂອງກະຊວງໂດຍໃຫ້ກຽດເປັນປະທານ ແລະ ເຜີຍແຜ່ເອກະສານ ໂດຍສະຫາຍ ທອງສະຫວັນ ພົມວິຫານ ກໍາມະການສູນກາງພັກ ເລຂາຄະນະບໍລິຫານງານພັກກະຊວງ ລັດຖະມົນຕີກະຊວງການຕ່າງປະເທດ; ມີຄະນະພັກ, ຄະນະນຳ, ຄະນະໜ່ວຍ ພັກ, ຄະນະກົມ, ຄະນະພະແນກ ແລະ ພະນັກງານ-ລັດຖະກອນ ຂອງກະຊວງການຕ່າງປະເທດ ເຂົ້າຮ່ວມຮັບຟັງຢ່າງພ້ອມພຽງ.
ກອງປະຊຸມໃຫຍ່ສະມາຊິກພັກ ຄະນະພັກຮາກຖານຫ້ອງການ ຄບຕ ຄັ້ງທີ IV

ກອງປະຊຸມໃຫຍ່ສະມາຊິກພັກ ຄະນະພັກຮາກຖານຫ້ອງການ ຄບຕ ຄັ້ງທີ IV

ກອງປະຊຸມໃຫຍ່ສະມາຊິກພັກ ຄະນະພັກຮາກຖານຫ້ອງການຄຸ້ມຄອງ ແລະ ບໍລິການຕົົວເມືອງວຽງຈັນ (ຄບຕ) ຄັ້ງທີ IV ໄດ້ຈັດຂຶ້ນໃນວັນທີ 9 ພຶດສະພາ ຜ່ານມາ ໂດຍການເຂົ້າຮ່ວມຂອງ ສະຫາຍ ອາດສະພັງທອງ ສີພັນດອນ ກໍາມະການສູນກາງພັກ ຮອງເລຂາຄະນະພັກ ເຈົ້າຄອງນະຄອນຫຼວງວຽງຈັນ (ນວ), ມີສະມາຊິກພັກ ແລະ ແຂກຖືກເຊີນເຂົ້າຮ່ວມ.
ໄຂກອງປະຊຸມໃຫຍ່ຄັ້ງທີ VI ຄະນະບໍລິຫານງານພັກກອງບັນຊາການທະຫານແຂວງສະຫວັນນະເຂດ

ໄຂກອງປະຊຸມໃຫຍ່ຄັ້ງທີ VI ຄະນະບໍລິຫານງານພັກກອງບັນຊາການທະຫານແຂວງສະຫວັນນະເຂດ

ກອງປະຊຸມໃຫຍ່ຜູ້ແທນສະມາຊິກພັກ ຄັ້ງທີ VI ຂອງຄະນະບໍລິຫານງານພັກກອງບັນຊາການທະຫານແຂວງສະຫວັນນະເຂດ ໄດ້ໄຂຂຶ້ນໃນວັນທີ 12 ພຶດສະພານີ້, ທີ່ສະໂມສອນຫ້ອງວ່າການແຂວງ,ໂດຍການເປັນປະທານກິດມະສັກຂອງສະຫາຍ ບຸນໂຈມ ອຸບົນປະເສີດ ກໍາມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງສະຫວັນນະເຂດ, ມີຄະນະພັກກອງບັນຊາການ, ສະມາຊິກພັກ ແລະ ແຂກຖືກເຊີນຈາກພະແນກການ, ກົມກອງຕ່າງໆອ້ອມຂ້າງແຂວງເຂົ້າຮ່ວມ.
ເພີ່ມເຕີມ