ກອງປະຊຸມໃຫຍ່ຜູ້ແທນຊາວໝຸ່ມທົ່ວເມືອງວຽງພູຄາ ຄັ້ງ IX

ກອງປະຊຸມໃຫຍ່ຜູ້ແທນຊາວໝຸ່ມທົ່ວເມືອງວຽງພູຄາ ແຂວງຫຼວງນໍ້າທາ ຄັ້ງ IX ໄດ້ຈັດຂຶ້ນເມື່ອບໍ່ດົນມານີ້ ທີ່ສະໂມສອນເມືອງ ໂດຍການເປັນປະທານຂອງທ່ານ ໜານ ຄໍາແພງ ຄະນະບໍລິຫານງານຊາວໝຸ່ມແຂວງ ເລຂາຄະນະບໍລິຫານງານຊາວໝຸ່ມເມືອງ ໂດຍການເຂົ້າຮ່ວມຂອງທ່ານ ບຸນຊົງ ວາໄຊຢີ ເຈົ້າເມືອງໆວຽງພູຄາ, ມີທ່ານນາງ ປານີ ຈິດດາລາ ເລຂາຄະນະບໍລິຫານງານຊາວໝຸ່ມແຂວງ ພ້ອມດ້ວຍພາກສ່ວນກ່ຽວ ຂ້ອງເຂົ້າຮ່ວມ.
     ທ່ານ ໜານ ຄໍາແພງ ໄດ້ໃຫ້ກຽດກ່າວເປີດກອງປະຊຸມ, ຈາກນັ້ນທ່ານ ວິໄລເພັດ ລຽນສະຫວັດ ຮອງເລຂາຄະນະບໍລິຫານງານຊາວໜຸ່ມເມືອງ ໄດ້ຂຶ້ນຜ່ານຮ່າງບົດລາຍງານການເມືອງ ແລະ ທິດທາງແຜນການ 5 ປີຕໍ່ໜ້າວ່າ: ປັດຈຸບັນມີຄະນະບໍລິຫານງານຊາວໜຸ່ມເມືອງທັງໝົດ 20 ສະຫາຍ, ຍິງ 3 ສະຫາຍ, ມີຊາວໜຸ່ມອາຊີບທັງໝົດ 10 ສະຫາຍ, ຍິງ 2 ສະຫາຍ, ຄະນະຮັບຜິດຊອບ 4 ບຸກຂັ້ນເມືອງ 17 ສະຫາຍ, ຍິງ 3 ສະຫາຍ, ມີຮາກຖານຊາວໜຸ່ມ 6 ຮາກຖານ, ໜ່ວຍຊາວໜຸ່ມຮາກຖານ 77 ໜ່ວຍ, ມີໄວໜຸ່ມທັງໝົດ 4.846 ສະຫາຍ, ຍິງ 1.759 ສະຫາຍ, ມີສະມາຊິກຊາວໜຸ່ມ ປະຊາຊົນ ປະຕິວັດລາວ 2.455 ສະຫາຍ, ຍິງ 878 ສະຫາຍ, ເປັນສະມາຊິກພັກ 825 ສະຫາຍ, ຍິງ 294 ສະຫາຍ, ເປັນສະມາຊິກກຳມະບານ 524 ສະຫາຍ, ຍິງ 235 ສະຫາຍ, ເປັນສະຫະພັນແມ່ຍິງ 598 ສະຫາຍ, ມີກອງຊາວໜຸ່ມອາສາສະໝັກ 2 ກອງ, ມີສະມາ ຊິກ 126 ຄົນ, ຍິງ 48 ຄົນ; ມີອະນຸຊົນ 966 ຄົນ; ຍິງ 432 ຄົນ, ເຍົາວະຊົນ 2.953 ຄົນ; ຍິງ 1.438 ຄົນ, ມີສະມາຊິກເຍົາວະຊົນ 1.512 ຄົນ; ຍິງ 754 ຄົນ, ມີກອງເຍົາວະຊົນທັງໜົດ 22 ກອງ, 60 ໝວດ 160 ໜູ່, ມີໝວດອະນຸຊົນ 17 ໝວດ 49 ໜູ່, ມີຄະນະຮັບຜິດຊອບວຽກງານເຍົາວະຊົນ-ອະນຸຊົນທັນວາທັງໜົດ 45 ສະຫາຍ; ຄະນະຊາວໜຸ່ມເມືອງຊີ້ນຳຊາວໜຸ່ມຮາກຖານ 7 ກຸ່ມບ້ານ, ປະກອບມີ 46 ບ້ານ, 46 ໜ່ວຍ, ໜ່ວຍສຳນັກງານຫ້ອງການ 11 ໜ່ວຍ, ໂຮງຮຽນ 20 ໜ່ວຍ.
    ຜ່ານມາຖືເອົາການສຶກສາອົບຮົມການເມືອງ-ແນວຄິດເປັນປົກກະຕິ ໄດ້ປະຕິບັດວຽກງານນີ້ສອດຫ້ອຍໄປທຸກຂົງເຂດວຽກງານຂອງຊາວໜຸ່ມ-ເຍົາວະຊົນ ໂດຍສະເພາະໄດ້ນໍາເອົາບັນດາມະຕິຄໍາສັ່ງ, ລະບຽບ-ກົດ ໝາຍຂອງ ຄຊປປລ ແລະ ເອກະສານມູນເຊື້ອຂອງຊາດ, ຂອງພັກມາເຜີຍແຜ່ເຊື່ອມຊຶມໃຫ້ສະມາຊິກຊາວໜຸ່ມບັນດາເຜົ່າຮັບຮູ້ເຂົ້າໃຈຕໍ່ແນວທາງນະໂຍບາຍຂອງພັກ-ລັດ, ຕັ້ງໜ້າປະຕິບັດແຜນພັດທະນາເສດຖະກິດ-ສັງຄົມຂອງເມືອງໄດ້ສໍາເລັດເປັນກ້າວໆ. ຜົນງານພົ້ນເດັ່ນແມ່ນການຈັດຕັ້ງປະຕິບັດເນື້ອໃນຂໍ້ແຂ່ງຂັນ 3 ດີ 4 ຮູ້ຂອງເຍົາວະຊົນທັນວາ ແລະ ຂໍ້ແຂ່ງຂັນ 4 ບຸກຂອງຊາວໜຸ່ມລາວໄດ້ສໍາເລັດ, ສໍາເລັດການດໍາເນີນກອງປະຊຸມໃຫຍ່ຂັ້ນໜ່ວຍອ້ອມຂ້າງ ແລະ ຂັ້ນບ້ານໄດ້ 77 ໜ່ວຍ ເທົ່າກັບ 100%, ໃນ 5 ປີຜ່ານມາມີບຸກຄົນດີເດັ່ນໄດ້ຮັບໃບຍ້ອງຍໍຂັ້ນສູນກາງ, ຂັ້ນແຂວງ, ຂັ້ນເມືອງ ແລະ ຂັ້ນຕ່າງໆຈຳນວນຫຼາຍ.
     ກອງປະຊຸມຄັ້ງນີ້ ໄດ້ປ່ອນບັດຄັດເລືອກເອົາຄະນະບໍລິຫານງານຊາວໜຸ່ມເມືອງ ຊຸດທີ IX ຊຶ່ງມີຜູ້ສະໝັກ 25 ສະຫາຍ, ເລືອກເອົາ 21 ສະຫາຍ, ຍິງ 3 ສະຫາຍ, ກອງປະຊຸມຄັ້ງປະຖົມມະລຶກໄດ້ເປັນເອກະສັນ ເລືອກເອົາຄະນະປະຈໍາຊາວໜຸ່ມເມືອງ 7 ສະຫາຍ, ເລືອກເອົາຜູ້ແທນສົມບູນເຂົ້າຮ່ວມກອງປະຊຸມໃຫຍ່ຊາວໜຸ່ມແຂວງຄັ້ງທີ IX ຈຳນວນ 7 ສະຫາຍ, ຜູ້ແທນສໍາຮອງ 3 ສະຫາຍ. ຂ່າວ: ຄໍາປິງ