ພິທີເປີດກອງປະຊຸມປະຈຳປີ ການຈັດຕັ້ງພາຄີຕ້ານການສໍ້ລາດບັງຫຼວງອາຊຽນ ຄັ້ງທີ 19 (ອາຊຽນ-ແພັກ) ພາຍໃຕ້ຫົວຂໍ້ທີ່ສໍາຄັນຄື: “ສືບຕໍ່ການຮ່ວມມືຍົກສູງຂີດຄວາມສາມາດຂອງອົງການ ແລະ ການຮ່ວມມືໃນການຕ້ານການສໍ້ລາດບັງຫຼວງລະຫວ່າງ ອາຊຽນ-ແພັກ ເພື່ອປະກອບສ່ວນເຂົ້າໃນການບັນລຸເປົ້າໝາຍການພັດທະນາແບບຍືນຍົງ ໃນປີ 2030” ໄດ້ຈັດຂຶ້ນໃນວັນທີ 29 ພະຈິກນີ້ ທີ່ ໂຮງແຮມແລນມາກແມ່ຂອງ ຣີເວີໄຊນະຄອນຫຼວງວຽງຈັນສປປ ລາວ. ມີບັນດາຄະນະຜູ້ແທນຈາກອົງການຕ້ານການສໍ້ລາດບັງຫຼວງຂອງ 10 ປະເທດ ຫຼື ອາຊຽນແພັກ, ຄະນະຜູ້ແທນຈາກອົງການ UNODC ພ້ອມດ້ວຍແຂກທີ່ຖືກເຊີນເຂົ້າຮ່ວມ.
ໃນກອງປະຊຸມແມ່ນໄດ້ມີການມອບໜ້າທີ່ເຈົ້າພາບກອງປະຊຸມອາຊຽນ-ແພັກ ໂດຍ ທ່ານ ຢົນ ສີນາດ(H.E. YONN SINAT)ຮອງປະທານອົງການຕ້ານການສໍ້ລາດບັງຫຼວງ ຣາຊະອານາຈັກກຳປູເຈຍ; ຮັບໜ້າທີ່ເປັນປະທານອາຊຽນ-ແພັກ ແລະ ກ່າວເປີດພິທີໂດຍ ທ່ານ ຄຳພັນ ພົມມະທັດປະທານອົງການກວດກາແຫ່ງລັດ ສປປ ລາວຊຶ່ງທ່ານໄດ້ກ່າວສະແດງຄວາມຕ້ອນຮັບບັນດາທ່ານຫົວໜ້າ, ພ້ອມດ້ວຍຄະນະຜູ້ແທນອາຊຽນ-ແພັກ ແລະ ບັນດາແຂກທີ່ມີກຽດທີ່ໄດ້ເຂົ້າຮ່ວມກອງປະຊຸມໃນຄັ້ງນີ້ ດ້ວຍຄວາມຈິງໃຈ ແລະ ສຸດອົກສຸດໃຈ,ອົງການກວດກາແຫ່ງລັດ ສປປ ລາວ, ຮູ້ສຶກພາກພູມໃຈ ທີ່ໄດ້ຮັບໜ້າທີ່ ເປັນເຈົ້າພາບຈັດກອງປະຊຸມປະຈຳປີ ອາຊຽນ-ແພັກ (ASEAN-PAC) ຄັ້ງທີ 19 ຊຶ່ງຈະດໍາເນີນແຕ່ວັນທີ 29 -30 ພະຈິກ 2023 ແລະ ໄດ້ຮັບກຽດເປັນປະທານກອງປະຊຸມ ອາຊຽນ-ແພັກ ເປັນຄັ້ງທີ 2. ຈິດໃຈໃຫຍ່ຂອງກອງປະຊຸມໃນຄັ້ງນີ້, ແມ່ນເພື່ອມຸ່ງເນັ້ນການຜັນຂະຫຍາຍ ແລະ ຈັດຕັ້ງປະຕິບັດບົດບັນທຶກການຮ່ວມມື ຂອງອົງການຕ້ານການສໍ້ລາດບັງຫຼວງຂົງເຂດອາຊີຕາເວັນອອກສ່ຽງໃຕ້ (ອາຊຽນ-ແພັກ) ໂດຍສະແດງຜ່ານຫົວຂໍ້ທີ່ສໍາຄັນ ຄື: ສືບຕໍ່ການຮ່ວມມືຍົກສູງຂີດຄວາມສາມາດຂອງອົງການ ແລະ ການຮ່ວມມືໃນການຕ້ານການສໍ້ລາດບັງຫຼວງ ລະຫວ່າງ ອາຊຽນ-ແພັກ ເພື່ອປະກອບສ່ວນເຂົ້າໃນການບັນລຸເປົ້າໝາຍການພັດທະນາແບບຍືນຍົງ ໃນປີ 2030.
ຫຼັງຈາກນັ້ນ, ໃນກອງປະຊຸມ ຝ່າຍລາວກໍໄດ້ຮັບຟັງການສະເໜີບົດສູນທອນພົດຂອງພະນະທ່ານ ທອງລຸນ ສີສຸລິດປະທານປະເທດແຫ່ງ ສປປ ລາວ; ພ້ອມກັນຮັບຟັງການລາຍງານຂອງປະເທດສະມາຊິກ ແລະ ສົນທະນາແລກປ່ຽນບົດຮຽນປະສົບການກ່ຽວກັບການຕ້ານການສໍ້ລາດບັງຫຼວງຂອງແຕ່ລະປະເທດ,ຮ່ວມມືກັນສ້າງຊ່ອງທາງ, ວິທີການ, ມາດຕະການຕ່າງໆ ໃນການສະກັດກັ້ນ ແລະ ຕ້ານການສໍ້ລາດບັງຫຼວງທຸກຮູບແບບໃຫ້ເຂັ້ມແຂງຂຶ້ນ,ຮັບຟັງການນຳສະເໜີບົດ ຂອງຜູ້ຕາງໜ້າ ອົງການສະຫະປະຊາຊາດເພື່ອຕ້ານຢາເສບຕິດ ແລະ ອາຊະຍາກຳ UNODC.ນອກນີ້, ຍັງຈະໄດ້ເປັນສັກຂີພິຍານການເຊັນບົດບັນທຶກການຮ່ວມມມືສອງຝ່າຍ ລະຫວ່າງ ອົງການກວດກາແຫ່ງລັດ ສປປ ລາວ ກັບ ຄະນະກຳມະການລຶບລ້າງການສໍ້ລາດບັງຫຼວງ ອິນໂດເນເຊຍ; ອົງການຕ້ານການສໍ້ລາດບັງຫຼວງ ສປປ ລາວ ກັບ ຄະນະກຳມະການຕ້ານການສໍ້ລາດບັງຫຼວງ ສາທາລະນະລັດ ສະຫະພາບ ມຽນມາອີກດ້ວຍ.
(ຂ່າວ: ສະໝິງທອງ, ພາບ: ສຸກສະຫວັນ)
ໃນກອງປະຊຸມແມ່ນໄດ້ມີການມອບໜ້າທີ່ເຈົ້າພາບກອງປະຊຸມອາຊຽນ-ແພັກ ໂດຍ ທ່ານ ຢົນ ສີນາດ(H.E. YONN SINAT)ຮອງປະທານອົງການຕ້ານການສໍ້ລາດບັງຫຼວງ ຣາຊະອານາຈັກກຳປູເຈຍ; ຮັບໜ້າທີ່ເປັນປະທານອາຊຽນ-ແພັກ ແລະ ກ່າວເປີດພິທີໂດຍ ທ່ານ ຄຳພັນ ພົມມະທັດປະທານອົງການກວດກາແຫ່ງລັດ ສປປ ລາວຊຶ່ງທ່ານໄດ້ກ່າວສະແດງຄວາມຕ້ອນຮັບບັນດາທ່ານຫົວໜ້າ, ພ້ອມດ້ວຍຄະນະຜູ້ແທນອາຊຽນ-ແພັກ ແລະ ບັນດາແຂກທີ່ມີກຽດທີ່ໄດ້ເຂົ້າຮ່ວມກອງປະຊຸມໃນຄັ້ງນີ້ ດ້ວຍຄວາມຈິງໃຈ ແລະ ສຸດອົກສຸດໃຈ,ອົງການກວດກາແຫ່ງລັດ ສປປ ລາວ, ຮູ້ສຶກພາກພູມໃຈ ທີ່ໄດ້ຮັບໜ້າທີ່ ເປັນເຈົ້າພາບຈັດກອງປະຊຸມປະຈຳປີ ອາຊຽນ-ແພັກ (ASEAN-PAC) ຄັ້ງທີ 19 ຊຶ່ງຈະດໍາເນີນແຕ່ວັນທີ 29 -30 ພະຈິກ 2023 ແລະ ໄດ້ຮັບກຽດເປັນປະທານກອງປະຊຸມ ອາຊຽນ-ແພັກ ເປັນຄັ້ງທີ 2. ຈິດໃຈໃຫຍ່ຂອງກອງປະຊຸມໃນຄັ້ງນີ້, ແມ່ນເພື່ອມຸ່ງເນັ້ນການຜັນຂະຫຍາຍ ແລະ ຈັດຕັ້ງປະຕິບັດບົດບັນທຶກການຮ່ວມມື ຂອງອົງການຕ້ານການສໍ້ລາດບັງຫຼວງຂົງເຂດອາຊີຕາເວັນອອກສ່ຽງໃຕ້ (ອາຊຽນ-ແພັກ) ໂດຍສະແດງຜ່ານຫົວຂໍ້ທີ່ສໍາຄັນ ຄື: ສືບຕໍ່ການຮ່ວມມືຍົກສູງຂີດຄວາມສາມາດຂອງອົງການ ແລະ ການຮ່ວມມືໃນການຕ້ານການສໍ້ລາດບັງຫຼວງ ລະຫວ່າງ ອາຊຽນ-ແພັກ ເພື່ອປະກອບສ່ວນເຂົ້າໃນການບັນລຸເປົ້າໝາຍການພັດທະນາແບບຍືນຍົງ ໃນປີ 2030.
ຫຼັງຈາກນັ້ນ, ໃນກອງປະຊຸມ ຝ່າຍລາວກໍໄດ້ຮັບຟັງການສະເໜີບົດສູນທອນພົດຂອງພະນະທ່ານ ທອງລຸນ ສີສຸລິດປະທານປະເທດແຫ່ງ ສປປ ລາວ; ພ້ອມກັນຮັບຟັງການລາຍງານຂອງປະເທດສະມາຊິກ ແລະ ສົນທະນາແລກປ່ຽນບົດຮຽນປະສົບການກ່ຽວກັບການຕ້ານການສໍ້ລາດບັງຫຼວງຂອງແຕ່ລະປະເທດ,ຮ່ວມມືກັນສ້າງຊ່ອງທາງ, ວິທີການ, ມາດຕະການຕ່າງໆ ໃນການສະກັດກັ້ນ ແລະ ຕ້ານການສໍ້ລາດບັງຫຼວງທຸກຮູບແບບໃຫ້ເຂັ້ມແຂງຂຶ້ນ,ຮັບຟັງການນຳສະເໜີບົດ ຂອງຜູ້ຕາງໜ້າ ອົງການສະຫະປະຊາຊາດເພື່ອຕ້ານຢາເສບຕິດ ແລະ ອາຊະຍາກຳ UNODC.ນອກນີ້, ຍັງຈະໄດ້ເປັນສັກຂີພິຍານການເຊັນບົດບັນທຶກການຮ່ວມມມືສອງຝ່າຍ ລະຫວ່າງ ອົງການກວດກາແຫ່ງລັດ ສປປ ລາວ ກັບ ຄະນະກຳມະການລຶບລ້າງການສໍ້ລາດບັງຫຼວງ ອິນໂດເນເຊຍ; ອົງການຕ້ານການສໍ້ລາດບັງຫຼວງ ສປປ ລາວ ກັບ ຄະນະກຳມະການຕ້ານການສໍ້ລາດບັງຫຼວງ ສາທາລະນະລັດ ສະຫະພາບ ມຽນມາອີກດ້ວຍ.
(ຂ່າວ: ສະໝິງທອງ, ພາບ: ສຸກສະຫວັນ)
ຄໍາເຫັນ