 |
ຈຸດປະສົດຂອງກອງປະຊຸມແມ່ນຮັບຟັງການເຜີຍແຜ່ນິຕິກໍາ ກ່ຽວກັບ ວຽກງານກໍານົດຕໍາແໜ່ງງານ ໂດຍສະເພາະດຳລັດ ວ່າດ້ວຍການກຳນົດຕຳແໜ່ງງານ ສະບັບເລກທີ 734/ລບ, ລົງວັນທີ 31 ທັນວາ 2021 ຊຶ່ງວິທະຍາກອນຈາກກົມພັດທະນາບໍລິຫານລັດ ຄະນະຈັດຕັ້ງສູນກາງພັກ ໄດ້ນຳສະເໜີນິຕິກຳດັ່ງກ່າວ ການປັບປຸງກົງຈັກການຈັດຕັ້ງ ແລະ ການສັບຊ້ອນຈັດວາງພະນັກງານ-ລັດຖະກອນ ຕ້ອງອີງໃສ່ພື້ນຖານການກຳນົດຕໍາແໜ່ງງານຈຶ່ງມີຄວາມຈຳເປັນໃຫ້ທຸກພາກສ່ວນມີຄວາມເອກະພາບທາງດ້ານຫຼັກ ການຮັບປະກັນໃຫ້ແກ່ການກຳນົດຕຳແໜ່ງງານມີຄວາມຖືກຕ້ອງໃນພາກປະຕິບັດຕົວຈິງ, ບົນພື້ນຖານພາ ລະບົດບາດ, ໜ້າທີ່ ຂອບເຂດສິດຂອງແຕ່ລະພາກສ່ວນ ທີ່ໄດ້ຮັບການອະນຸມັດເພື່ອໃຫ້ພະນັກງານ-ລັດ ຖະກອນ ນໍາໄປຈັດຕັ້ງປະຕິບັດ.
ກອງປະຊຸມ ຍັງຈະມີການແລກປ່ຽນປະກອບຄໍາຄິດຄໍາເຫັນ, ແນະນໍາການຂຽນຕໍາແໜ່ງງານ ເພື່ອເປັນແນວທາງໃຫ້ແຕ່ລະພາກສ່ວນ ນໍາໄປຜັນຂະຫຍາຍເຂົ້າໃສ່ການກໍານົດຕໍາແໜ່ງງານຂອງຕົນສັບຊ້ອນ-ຈັດວາງ ບຸກຄະລາກອນ ເຂົ້າໃສ່ໜ້າວຽກງານຕ່າງໆຢ່າງເໝາະສົມ.
ໃນຕອນທ້າຍຂອງກອງປະຊຸມທ່ານປະທານໄດ້ສະເໜີໃຫ້ທຸກພາກສ່ວນທີ່ເຂົ້າຮ່ວມເອົາໃຈໃສ່ ດັ່ງນີ້: 1. ສະເໜີໃຫ້ແຕ່ລະພາກສ່ວນນໍາເອົາບົດຮຽນທີ່ໄດ້ຮັບຟັງການເຜີຍແຜ່ໃນຄັ້ງນີ້ ໄປຈັດຕັ້ງຜັນຂະຫຍາຍເຂົ້າໃສ່ການກຳນົດຕຳແໜ່ງງານຂອງຕົນ ໃຫ້ມີຜົນສໍາເລັດ ບົນພື້ນຖານສອດຄ່ອງກັບຂັ້ນຕອນ, ວິທີການ ທີ່ໄດ້ກໍານົດໃນດໍາລັດ ແລະ ຄໍາແນະນໍາ ທີ່ກ່ຽວຂ້ອງ; 2. ການກຳນົດໜ້າວຽກ ຄວນໃຫ້ມີເນື້ອໃນລະອຽດ, ຈະແຈ້ງ, ໃຫ້ເຫັນໄດ້ວ່າແຕ່ລະໜ້າວຽກ ໄດ້ປະສານສົມທົບກັບພາກສ່ວນໃດແດ່ ແລະ ຕ້ອງຄໍານຶງເຖິງຈຸດປະສົງຂອງໜ້າວຽກດັ່ງກ່າວ ຈະມີຜົນໄດ້ຮັບຫຍັງແດ່ ແລະ ສາມາດວັດແທກຜົນສຳເລັດຂອງວຽກນັ້ນໄດ້ຄືແນວໃດ; ຫຼີກລ່ຽງການກຳນົດຕຳແໜ່ງງານ ທີ່ອີງໃສ່ຈຳນວນພະນັກງານທີ່ມີໃນປະຈຸບັນ ແຕ່ໃຫ້ຄຳນຶງເຖິງພາລະບົດບາດ ແລະ ໜ້າວຽກຕົວຈິງທີ່ໄດ້ຮັບຜິດຊອບເປັນຫຼັກ; 3)ສະເໜີໃຫ້ການນໍາແຕ່ລະຂັ້ນເອົາໃຈໃສ່ໃນການຊຸກຍູ້, ຕິດຕາມ ການຈັດຕັ້ງປະຕິບັດວຽກງານກຳນົດຕຳແໜ່ງງານ ຂອງພາກສ່ວນຂອງຕົນ. ຖ້າຫາກພົບຄວາມຫຍຸ້ງຍາກ ກໍສາມາດປະສານສົມທົບແລກປ່ຽນຄຳຄິດເຫັນກັບກົມຈັດຕັ້ງຢ່າງເປັນປົກກະຕິ ເພື່ອເຮັດໃຫ້ການກໍານົດຕໍາແໜ່ງງານຂອງແຕ່ລະພາກສ່ວນສາມາດນໍາສະເໜີຂັ້ນເທິງ ແລະ ພາກສ່ວນທີ່ກ່ຽວຂ້ອງ ພິຈາລະນາ ໃນເວລາອັນຄວນ.
(ຂ່າວ-ພາບ: ອາມຸດ ແສນທອນ)
ຄໍາເຫັນ