ກອງປະຊຸມພົບປະ ຮ່ວມກັບ ກອງເລຂາແຫ່ງຊາດ ຂອງລັດຖະສະພາສະມາຊິກ ໄອປາ ກ່ຽວກັບ ການກະກຽມກອງປະຊຸມສະມັດຊາໃຫຍ່ ໄອປາ ຄັ້ງທີ 45 ໄດ້ຈັດຂຶ້ນໃນວັນທີ 18 ຕຸລາ 2024 ທີ່ ຫໍປະຊຸມແຫ່ງຊາດ ໂດຍການເປັນປະທານຂອງ ທ່ານ ອາຄົມ ປຣະເສີດ, ຮອງເລຂາທິການສະພາແຫ່ງຊາດ; ທ່ານ ນາງ ຊິຕີ ໂຣໄຊເມຣີຢັນຕີ ດາໂຕະ ຫາຈິ ອັບດຸນ ຣາມັນ, ເລຂາທິການໃຫຍ່ ໄອປາ; ມີບັນດາທ່ານ ທີ່ປຶກສາ ແລະ ເລຂາຄະນະຜູ້ແທນ ລັດຖະສະພາສະມາຊິກໄອປາ ເຂົ້າຮ່ວມ.
ທ່ານ ອາຄົມ ປຣະເສີດ ໄດ້ກ່າວວ່າ: ຈຸດປະສົງກອງປະຊຸມຄັ້ງນີ້ ເພື່ອຮັບຟັງການແນະນໍາກ່ຽວກັບການເຂົ້າຮ່ວມກອງປະຊຸມ ໂດຍສະເພາະ ລາຍລະອຽດດ້ານບໍລິຫານ, ພິທີການ, ພາຫະນະ, ຄວາມປອດໄພ, ສິ່ງອໍານວຍຄວາມສະດວກ ແລະ ອື່ນໆ. ຫຼັງຈາກນັ້ນ, ບັນດາຜູ້ແທນທີ່ເຂົ້າຮ່ວມໄດ້ປະກອບຄໍາເຫັນ ປຶກສາຫາລືແລກປ່ຽນ ຊຶ່ງກອງປະຊຸມສະມັດຊາໃຫຍ່ ລັັດຖະສະພາລະຫວ່າງຊາດອາຊຽນ ຄັ້ງທີ 45 ຈະໄດ້ຈັດຂຶ້ນໃນລະຫວ່າງວັນ ທີ 17-23 ຕຸລາ 2024 ທີ່ ນະຄອນຫຼວງວຽງຈັນ.
ຄໍາເຫັນ